Uncategorized

روسیي ځواکونو پر کیېف د توغندیو نور پراخ بریدونه کړي

د اوکراین پر پلازمېنه کیېف نور هوايي بریدونه شوي. په دغو بریدونو کې توغندي او چاودېدونکي ډرون دواړه کارول شوي دي

تر اوسه د ۳ کسانو د ټپي‌ کېدو خبر ورکړل شوی دی. اوکرایني چارواکو‌ ویلي د هوايي دفاع سیستمونو یې ۱۸ توغندي هوا کې په نښه او شنډ کړي دي.

د روسیې دغو تازه بریدونو له کبله کیېف کې د سهار ۲:۳۰ بجې د خطر زنګ وکړنګول شوی او تر دوه ساعتونو یې دوام درلود.

نور ولولئ: چین کولای شي د اوکراین د جګړې په پای ته رسولو کي کومک وکړي

په دې موده دغه ښار کې د سترو چاودنو پر له پسې غږونه اورېدل شوي او ځايي چارواکو د پلازمېنې اوسېدونکو ته د انلاین پیغامونو په وسیله ویلي چې د هوایي دفاع سیستمونه فعال شوي دي.‌

د اوکراین د وسله والو ځواکونو مشر والېري زالوژني وايي: روسانو د شمال، سویل او ختیځ لخوا پر کیېف له هوا، ځمکې او سمندره ۱۸ توغندي توغولي.‌

د پلازمېنې کیېف د پوځي ادارې مشر سېرهي‌ پاپکو هم ویلي چې په لنډ وخت کې د ګڼو توغندیو برید وشو

هغه زیاته کړې:”د لومړنیو مالوماتو له مخې د دښمن ډیری اهداف د کیېف فضا کې په نښه او لمنځه وړل شوي دي.”

له دې سره د کیېف اوسېدونکو ته ویل شوي چې د خونو له کړکیو لېرې واوسي چې هوا کې د ویشتل شویو توغندیو پاتې شوني ځمکې ته راپرېوځي.

د کیېف ښاروال ویتالي کلیچکو ویلي چې د توغندیو پارچې د ژوبڼ په ګډون د ښار مرکزي برخو کې پرېوتې دي، خو مرګژوبله یې نه ده اړولې.

نور ولولئ: اوکراین او روسیې سلګونه بندیان تبادله کړي دي

د پلازمېنې سولومینسکي ناحیه چې نړیوال هوایي ډګر هم پکې دی، د راپور له مخې تر ټولو ډېر په نښه شوی دی.

ښاغلي پاپکو ويلي د دغو بریدونو له کبله په یوه غیر استوګنیزه سیمه کې اور هم لګېدلی و چې وروسته بېرته ووژل شو.

روسیې روانه میاشت له شاوخوا ۵۰ ورځنۍ وقفې وروسته پر کیېف خپل بریدونه له سره پیل کړل

اوکرایني چارواکي داسې انګیري چې مسکو دا تګلاره د دې لپاره خپله کړې چې د دوی د هوایي دفاع سیستمونه له کاره وغورځوي.

دوی وايي دغه سیستمونه د ډرون او توغندیو د بریدونو شنډولو کې خورا بریالي ثابت شوي دي.

نور ولولئ: روسیه: د اوکراین باخموت ښار مو نیولی؛ اوکراین وايي جګړه لا روانه ده

د اوکراین ولسمشر ولودمیر زېلېنسکي تېرې څو ورځې په اروپايي دوره بوخت وو او په دې لړ کې ورسره د بریتانیا، فرانسې او جرمني لخوا د میلیاردونو ډالرو په ارزښت د پوځي تجهیزاتو د مرستو ژمنه وشوه.‌

افغان سالار

افغان سالار افغان سالار د لومړي لاس او کره معلومات تر تاسو درسوي. افغان سالار به تاسو ته د سیاست، ادب او کلتور، اقتصاد، روغتیا، سپورټ او نور په زړه پورې مطالب برابر او تر نورو به یې چټک درته وړاندې کوي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button