نن په نیمه اسلامي نړۍ کې اختر ښه زور او جوش سره لمانځل کيږي

نن په نیمه اسلامي نړۍ کې اختر دۍ.نن د جمعې ورځ په ۳۱ جولاي په نيمې اسلامي نړۍ کې اختر دۍ مسلمانان ښه په جوش او جزبې سره اختر لمانځي ټولو مسلمانانو ، هيوادوالو او خصوصاً زموږ مينوالو ته د زړه له تله دې عید قربان مبارک وي

مسلمانانو ستاسو د ښه ژوند او خوښيو په هيله يو ، د الله تغالۍ مو قربانۍ او عبادتونه قبول کړه
آمين دهرحمن څښتن جل جلاله نه دعا کوو چې دا اختر موږ دهیواد او ولس د ارامۍ ، سوکالۍ او تلپاتي سولي اختر وګرځوې، الله تعالۍ دې زمونږ هېواد کې تلپاتې سوله راولي د نن ټکي اسيا ويب پاڼي ټول همکاران په امريکايي بمباریو کې د اولسي قربانيانو دردېدلو کورنيو ته د تعذيت او تسليت مراتب وړاندي کوي او دعاء کوي چې نور دي الله جل جلاله زموږ د اولس له سره د ظالمانو لاسونه لنډ کړي

د افغان ناو ویبپاڼه لوستوالو او ګډونوالو سره ژمنه کوي چي تل به د هیواد او هېوادوالو لپاره تازه او وروستي معلومات شریکوي دغه وېبپاڼه به تل د هېوادوالو په ګټه خپل فرهنګي رسالت په پوره بې پرې توګه پر مخ وړي ، او ستاسو د ملتیا په برکت به دهیواد او دین د دښمنانو پر وړاندي تل یو پیاوړې ميډیا وي،

مسملمانان لوي اختر ښه په جوش اوجزبې سره لمانځي دوي غویان او نور مالونه هم قرباني کوي او یو برخه غریبو او مسکینانو تهورکوي دې نه علاوه یو برخه په خپلو خپلوانو ویشي او یوه هم په خپله زان لپاره بیلوي په لوي اختر کې یو داسې ملمان کورنې نه وي چې غوښه رکره نه وي نو دا اختر د برکتونو اختر وي، نو دا اختر دې ټولو اسلامي نړۍ ته یو ځل بیا هم مبارک وي

په سوشل ميډيا کې هم افغانان او ټول مسلمانان یو بل ته مبارکي ورکۍ د دې نا علاوه د هېواد سیاسیون او اعلۍ چارواکي هم مبارکي ورکوي یو ادارې اختریز پیغام کې لیکلي افغانــستان مسلمان او سرلوړي ولس ته دزړه له کومې مبارکي وايي او د لوی خدای “ج” له دربارڅخه  تاسو ته د ژوند په ټولو چارو کې د بریالیتوب  او په هیواد کی دسراسری سولې هیله کوي.

نن په نیمه اسلامي نړۍ کې اختر ښه زور او جوش سره لمانځل کيږي
نن په نیمه اسلامي نړۍ کې اختر ښه زور او جوش سره لمانځل کيږي

افغان ناو ټولو هغو مینوالو او لوستونکو څخه د زړه له کومي مننه کوي، تل مونږ سره مل دي او لا هم زمونږ لیکنې لولي تاسو نه یو ځل بیا هم مننه کو و مونږ به کوشش کوو چې که اختر وي او یا هم نورې خوشالۍ وي تاسو ته به وروستي معلومات درکوو تاسو هم مونږ سره مل اووسۍ را سره شریک کړي.ستاسو دخوشالي او بریالیتوب په هیله .اختر مو نېکمرغه شه !

هندي فلم کې د احمد شاه بابا رول لوبونکۍ نوموتی هندۍ هنرمند سنجې دت ٦١ کلن شو

هندي فلم کې د احمد شاه بابا رول لوبونکۍ مشهور هندی هنرمند سنجي دت ٦١ کلن شوسنجى دت چې پوره او رسمي نوم يې سنجى بلراج دت دی ، د انډیا فلمونو مخکښ هنرمند دى او په ١٨٧ فلمونو کې يې مختلف رولونه لوبولي ، نوموړی په کومېډي او د مينې فلمونو کې هم ډېر پاتې شوۍ

هغه د هندي فلمونومکښ هنرمندانو سنيل دت او نرګس فرزند دی ، چې د هند په ممبۍ کې په يوې پنجابۍ کورنۍ کې پیدا شوی، هغه په ١٩٥٩ کې د جولاى په ٢٩مه نېټه زېږېدلى و او دوه خويندې پريا دت او نمرتا دت هم لري.نوموړي د فلمي هنرمند تر څنګ فلم جوړونکى يا پروډيوسر هم دى او همدا راز ليکوال هم دى.ښاغلي سنجې دت په اول ځل په ١٩٨١ کال کې په روکي فلم کې کار نه پیل وکړ ، چې ډېر کامياب فلم و، همدا رنګه دويم فلم يې ويداتا و، چې د ١٩٨٢ کال تر ټولو زياتې پېسې جوړولو مستند هم وو،

نوموړي په مختلفو تورونو زندان هم تېر کړۍ، ، همدا رنګه هغه باندې په ځينو چاودنو کې د لاس لرلو تورونه هم شوي وو نوموړي د نشو له امله هم يو وخت ډېر خراب شوى و، هغه د هندي فلمونو يو لانجمن هنرمند و، چې د ترهګرۍ تورونه پرې لګېدلي و.هغه په ١٩٨٧ کال کې د ريچا شرما سره واده وکړ، چې په ١٩٩٦ کې ريچا شرما ومړه او دا واده يې پاى ته ورسېده. وروسته يې په ١٩٩٨ کال کې له ريا پيلايي سره واده وکړ، چې په ٢٠٠٨ کال کې د دواړو واده په طلاق پاى ته ورسېده، همدا راز په ٢٠٠٨ کال کې يې بيا له منياتا دت سره واده وکړ، چې اوس هم دواړه ګډ ژوند تېروي. سنجى دت درې ماشومان هم لري.

سنجي دت په فلمونو کې د کار کولو له امله لسګونه سترې جايزې هم ترلاسه کړې دي.نوموړي په دې وروستيو کې په (پاني پت) فلم کې د ستر امپراتور او د افغانستان بنسټګر احمد شاه بابا رول هم لوبولى و. همدا راز د هغه راروان فلم (تورباز) بيا د افغانستان په اړه جوړ شوى دى.

د نوموړي په مخکښو فلمونو کې ساجن، سړک، ګمراه، کلنايک، اندولن، صنم، حسينه مان جايګي، واستاو، خوف، باغي، مشن کشمير، جوړي نمبر ١، کانټى، ايک اور ايک ګياره، منا بهايي اېم بي بي ايس، شادي نمبر ١، ټېکسي نمبر ٩٢١١، لګى رهو منا بهايي، شوټ اوټ اټ لوکنډوالا، دهمال، ال دي بيسټ، نو پرابلم، ډبل دهمال، اګنيپت، سن اف سردار، پي کى، بهومي او پاني پت په شمول نور فلمونه شامل دي

هندي فلم کې د احمد شاه بابا رول لوبونکۍ نوموتی هندۍ هنرمند سنجې دت ٦١ کلن شو
هندي فلم کې د احمد شاه بابا رول لوبونکۍ نوموتی هندۍ هنرمند سنجې دت ٦١ کلن شو

په افغانستان کې هم د نوموړي فلمونه زیات کتل کيږي او عام وګړي ېې خوښه وي دويي یا په کورونه کې ګوري او یا هم په سینما ګانو ته زي او له خپل ملګرو سره ېې ګوري، افغانان که څه هم اردو او هندي دومره زیات نه پوهيږي خو بیا هم بازې ځوانان له دغه خندي فلمونو نه ردکړې او اوس ېې ګوري او خوند ترینه اخلي،دا هم بایذد یاده کړو چې افغانستان کې هم اوس یو اداره شتون لري چې د افغان فلم ادارې په ایجاد شوې او دويي د افغاني فلمونو جوړولو نه نظارت کوي او فلم جوړولو کې له هنرمندانو سره مرسته هم کوي،

کويډ۱۹ ناروغۍ له امله١٣ سلنه فاميلونه له غریبۍ سره مخ دي

کويډ۱۹ ناروغۍ له امله١٣ سلنه فاميلونه له غریبۍ سره مخ دي د ملګرو ملتونو یا د پراختیا ادارې دهېواد د اقتصاد په اړه راپورخپور کړي او په دغه راپور کې ذکر کړۍ چې افغانستان کې اوسمهال د کرونا له امله ۱۳ فیصده خلک فقر سره لاس او ګریوان دي،

د یو این د پراختیابرنامې په راپور کې زیاته کړې چې د افغانستان اقتصادي وده هم ٩ سلنه را ټیټه شوې او په هېواد دننه یې غیر خالص تولیدات هم را کم شوي دي، د یادې ادارې د راپور پر بنیاد تر دې مخکې په افغانستان کې ٥٥ سلنه بې وزلي وه، چې د کرونا یا کووېډ ١٩ ناروغۍ پر خپرېدو دا کچه تر ٧٠ سلنې رسېدلې.یو این برنامه وایي، افغان حکومت عواید نه لري او د دې کړکېچ پر وړاندې یې مبارزه هم ممکن ندۍ،

دا داسې وخت کې چې افغانستان اقتصاد مخ په خرابېدوشو، نړیوالې ټولنې کومک هم پر خپل ځای ونه مصرف نشوې او د څو اشخاصو ترمابین حبف ووېشل وشې .د کرونا ناروغۍ د خپرېدو د مخنیوي او خوندیتوب له امله وضعه شوي قرنطین او محودودیتونو د خلکو کاروبارونه هم خراب کړل او هغه فامیلونه چې د سبا بېګا لپاره یې خواړه د ورځني کار پر مټ پیدا کول د قرنطین له وجې په کور شول او ډېر شمېر یې د مجبوریتونو او کورنۍ اقتصادي ستونزو له امله نورو خلکو ته محتاج شول داسې وخت کې چې دولت د میلیونونو ډالرو په کومک کې هم له بې وزلو سره لازمې کومکونه ونکړل،

د کوېډ۱۹ زیات شمېر افغان فامیلونه ځپلي د غټ اختر د را رسېدو په مناسبت د متوسط اقتصاد فامیلونه هم له قربانۍ کولو ته هم ندي چمتو، چې روان کال به په افغانستان کې غټ اختر چې د قربانۍ اختر دی، له دې پلوه به ډېر کم راشي، دې ته باید خاص اقدامات کړي وۍ ترڅو دغه کورنۍ هم د قربان کولو ثواب نه برخمن شي،

دولت او د افغانستان عوام اوس مهال تر ډېره د نورو هېوادونوپه کومکونو روان دي ، له افغان دولت سره د بهرنیو سازمانونو او نړیوالو ټولنو له لوري د مرستو ژمنه شوې، خو کهدا مرستې هم پر سم ځای مصرف نه شي او بیا د ګوتو په شمېر اشخاص پرې خپل جېبونه ډک کړي نو د کرونا ویروس فقر او بې وزلې پر وړاندې به د افغان حکومت مبارزه نوره هم اوږده او ټکنی شي.

هېواد کې د کرونا وبا د روغتیایي توکو او خدماتو د کمښت له کبله لا هم دا ناروغي په بشپړه توګه نه ده له منځه تللې شوې خو په هغو سیمو کې چې هوا یې ګرمه شوې د دې ناروغۍ نښې نښانې په کې په کمېدو دي، افغانستان کې دا مهال د کرونا وېروس له امله ۳۵ زره نه زیات کسان په کرونا اخته دي او ډېر شمېر خلک ترینه جوړ شوي دي، اوسمهال په هرات ولایت کې هم کرونا لا هم شتون لري،

دولت باید داسې اقدامات وکړي ترڅو کرونا دې سخت وخت کې د بودیجې مصرف سم وکړي اووهاغه خلک باید ځارنوالۍ تع معریفي کړي او حساب ورسره وشي ترڅو دغه چارواکي دغسې کار ونکړي بلخوا بیا نړیوالې ټولنې هم په افغانانو باندې باور کم شوۍ دويي وايي چې د افغانستان دولت باید مونږته د شفافیت ډاډ راکړي ځکه مونړ چې کومې مرستې کوو دا اکثره د چارواکو جېبونو ته زي،

تاجکستان ټول افغانستان تیاره تیاره کړ

تاجکستان افغانستان لپاره د برېښنا واردول کموي د هېواد د برېښنا شرکت ویلي پرون سهار ٧:٣٠ بجې هېواد ته له ګاونډي مملکت تاجکستان نه وارداتي برېښنا له ٣ سوه ٥٠ مېګاواټو نه ٤٠ مېګاواټو ته راکمه شوه.او د همدې له امله په بازې منتقو کې برق هم کم شوۍ ،

د هېواد د برېښنا شرکت یې لامل په تاجکستان کې د اوبو کمښت بولي.دغه اداره / شرکت وایي، کوشش کوي د برېښنا انرژۍ د کمښت ستونزه د ازبکستان نه د برېښنا پر پېرلو حل کړي او پلازمېنې کابل او ولایتونو ته د اړتیا وړ برېښنا چمتو کړي، دغه شرکت د یوې اعلامیې پر خپرولو له خلکو غوښتنه کوي چې د برېښنا سپما ته ځانګړې توجه وکړي او د ستونزې تر حل پورې به له کورنیو سرچینو په نوبتي ډول ګټه اخیستل کیږي.

دهېواد د برېښنا شرکت همدا رنګه د تاجکستان نه قرض هم کړۍ او ویل کېدل که برېښنا شرکت د تاجکستان پیسې اداء نه کړي تاجکستان به خپله وارداتي برېښنا پر افغانستان قطع کړي د تاجکستان برېښنا چې د افغانستان په یو شمېر نا امنو ولایتونو هم را تېره شوې، وخت نا وخت دبازې ډلو له خوا یې پایې ویشتل کیږي او بریدون پرې کيږي او لاینونه یې هم پرې کیږي.

رمونږ هېواد چې خپله پرېمانه اوبه لري او کولی شي چې له اوبو برېښنا تولید کړي خو دولت لا هم کوشش ندۍ کړۍ چې داسې اقدامات وکړي چې خپله زیات برق تولید کړي،.د افغانستان په سلو کې ٧٥ سلنه اوبه ګاونډیو هېوادونو ایران او پاکستان ته روانې دي او د افغانستان اوبه په هېواد دننه پرته له ګټې اخیستنې ګاونډیو هېوادونو ته روانې دي.

هېواد وال په حکومت نیوکه کوي، چې له خپلو اوبو ولې ګټه نه اخلي او نه پرې د برېښنا ډیمونه جوړوي، برېښنا له نورو هېوادونو پلوري او د هېواد په اوبه دښمن هېوادونو پاکستان او ایران مزې وکړې.چې کوم زمونږ د هېواد لپاره د شرم خبره هم ده باید اوس په نورو هېوادونو باندې باور کم کړو او خپله خپل هېواد برېښنا تولید کړو تر څو افغانستان یو پرمختللي هېواد اووسې ځکه دا ډېر د شرم ځاۍ دۍ چې مونږ بیخي خپل تولید نه لرو او اکثر مو په نورو هې،ادونو تمرکز دۍ،

تاجکستان افغانستان لپاره د برېښنا واردول کموي
تاجکستان افغانستان لپاره د برېښنا واردول کموي

زمونږ هې،اد کې چې ایران او پاکستان ته د روانو اوبو د بندولو پر سر خبرې را پورته شي،دواړه هېوادونه سیاسي اړیکې خرابوي، افغان کډوال ځوروي او په افغانستان دننه د جګړې لپاره پر ترهګروملاتړ کوي باید د دې هم مخه ونیسو او داسې یو نظام په هېواد کې ولرو چې ټول افغانان پکې د یو ازاد هېوادوال په څېر ژوند وکړي او داسې ژوند نه وي چې هېوادوال مو پکې غلام په څېر وي او تل د بل لاس ته ناست وي

نن د بیرغ ملي ورځ ده

نن د بیرغ ملي ورځ ده د هېواد د بېرغ ملي ورځ نن د زمري يا اسد ٧مه، د جولاى ٢٨مه په ټول افغانستان کې په دولتي او قومي کچه ښه زور او جوش سره لمانځل کيږي،په دې اړه عام وګړي سوشل ميډیا کې هم ګرم پوسټونه کوي او دغه ورځ لمانځي،

نه يوازې پهسوشل ميډیا کې هېواد وال له خپل ملي بېرغ سره د وياړ څرګندولو په تړاو عکسونه شیر کوي ، بلکې په دې ورځ په ولايتونو او مرکز کې ځانګړې غونډې هم جوړې شوي، د دې ترڅنګ هېواد نه بهر هم افغانان دغه ورځ ښه په زور او جوش سره لمانڅي او ځانګړي غونډو کې د ملي بېرغ ورڅ په اړه ترانې او سندرې هم ویل کيږي، د هېواد درې رنګه بېرغ يو وياړلى بېرغ دى، چې غازي امان الله خان په وخت کې جوړ شو،

په هغه وخت کې چې کله دا درې رنګه بېرغ جوړېده، نو تور رنګ ورته د افغانستان د ښکېلاک د وختونو د سمبول په توګه خوښ شو ، سور رنګ ورته د هېواد د ازادۍ د مجاهدو شهيدانو د نښې په توګه خوښ شو او زرغون رنګ ورته د هېواد د ازادۍ د ترلاسه کولو او همدا رنګه د ازادۍ د ترلاسه کولونه بعد د پرمختګ او د زرغونېدو د نښې په توګه ورته خوښ شو، که داسې ووايي، چې د ښکېلاک په تورتم کې د هېواد د ازادۍ لپاره مجاهدينو په خپل شهادت هېواد ته ازادي وګټله او اوس د هېواد د زرغونېدو او پرمختګ وخت دى، نو همدا د درې رنګ بېرغ پېغام او معنا ده.

دامان الله خان وروسته په ملي بېرغ کې يو شمېر بدلونونه رامنځته شو ، خو د خلقيانو د واکمنۍ پر مهال، د مجاهدينو د واکمنۍ پر مهال او د طالبانو د واکمنۍ پر مهال بيا بېرغ په بشپړ ډول بدل شوى و.او بیزته تور سو ر او زرغون رنګ رته غوره شو ، په نورو وختونو کې که په بېرغ کې بدلون راغلى هم دى، خو دومره ډېر نه، بلکې همدا درې رنګونه د بېرغ و.اوسمهال باید د ملي بیرغ ښه وساتل شي او نور بدلون ته پرېنښودل شي تر څو د افغانستان کې نظام ته خلک ژمن ياتې شي اوبیرغ او نورې پالیسیانې هم بدلې نشي،

اوس وخت د دې رارسېدلۍ چې باید افغانستان کې امنیت قایم شي ترڅو زمونږ د هېواد بیرغ په فحر سره ټول عمر اوچت پاتې وي ، باید دا هم یاده کړو چې افغانستان کې اوسمهال د سولې خبرې روانې دي باید دا فرصت ضایع نه کړو او طالبان او دولت داړه داسې یو مېکانېرم له لارې سولې خبرو ته ورسېږو چې افغانستان پکې تل پاتې سولې ته ورسيږي، د بازې سیاسي شنونکو په وینا اوس ډېر برځاي فرصت دۍ باید ټولې خواوې دې فرصت نه ګټه واخلو او یو با ثباته افغانستان شاهدلنواووسو ،

نن د بیرغ ملي ورځ ده
نن د بیرغ ملي ورځ ده

د یادونې وړ ده چې د افغانستان د نوې ادارې د رامنځته کېدو سره سم په ٢٠٠٤ کال کې د هېواد رسمي بېرغ ومنل شو، چې په منځ کې يې ملي نښان او همدا راز کليمه پرې ليکل شوې ده.د افغا ناو له خوا دې ټولو هېوادوالو ته د بېرغ د ملي ورځې په وياړ مبارکي وي او مونږ دعا کوو چې الله تعالي مو بیرغ همداسې سر لوړۍ لري،

طالبانود مزاکراتو پيل کې د اوربند هیله مندي ښودلې

طالبان:د هوکړې پر بنسټ باید ټول امریکايي فوځییان باید افغانستان پرېږدي قطر کې د طالبانو د سیاسي دفتر مرستیال غني برادر وایي، د دوحې د هوکړې پر بنیاد باید بهرني ځواکونه له افغانستان څخه ژر بهر شي کنه طالبان بیا لازمې تصمیم له ځانه سره ولري.

د دغه ډلې سیاسي دفتر مرستیال عبدالغني برادر په یوه مرکه کې ویلي دي، که چیرې بهرني ځواکونه په ټاکل شوې نېټې د افغانستان څخه بهر نه شي په دې وخت کې بیا د دې ډلې مشرتابه به نوې پریکړې ونیسي.د متحده ایالت او طالبانو د اتلسو میاشتو نه وروسته تېر کال په دوحه کې هوکړه لیک لاسلیک کړه چې په څلور ټکو باندې متمرکزه ده او په دې کې طالبان او امریکا ژمنه دي د امریکا د د دوحې توافق لیک په بنسټ ټول پوځیان چې ملاتړې یې هم دې هغه که ښوونکي او یا سلاکاران دي باید په ١٤ میاشتو کې د افغانستان څخهاووځي،

ملا برارد ویلي دي چې د بهرنیو ځواکونو وتلو مهال وېش ټولو خواو ته معلوم دۍ او په بنسټ یې باید افغانستان پریږدي، بلخوا بیا د متحده ایالاتودفاع وزیر مخکې هم ویلي چې امریکا د دوحې توافق لیک اول پړاو پلی کړی دی او خپل پوځیان یې د افغانستان څخه ویستلي اوله اوو اډو څخه یې اته زره امریکايي سرتیري ویستلي دي.خو مل برادر خبرداری ورکوي چې که چېرې امریکايي ځواکونه ټاکل شوې نیټې باندې بهر نه شي طالبان بیا په دې اړه نوې لازمې پریکړېله زانه سره ولري

نوموړي دا هم ویلي دي چې د امریکا او طالبانو تر منځ د پردې ترشا هېڅ ډول پریکړې شتون نه لري او بین الافغاني خبرو پيلېدلو لپاره باید پنځه طالب زندانیانو خوشې کیدل شي چې د نوملړ په بنسټ ووسي.اوس مهال افغان دولت د طالبانو سلګونه بندیان ازاد کړي دي ، خو د درنو جرمونو د طالب بندیانو په اړه چې تر دې مخکې افغان دولت او نړیوالې ټولنې مخالفت درلود، د هغوی له ډلې یې هم ٥٠ تنه بندیان خوشې کړي دي

دغه ډلې په مشروط ډول له لوی اختر وروسته د پنځه زره بندیانو د خوشې کېدو لړۍ په بشپړېدو سره د بین خپلمنځي مزاکرات د شروع کېدو خبر ورکړۍ .د دواړو خواوو له لوري د بندیانو په خوشې کولو کې پرمختګونه شوي، خو د طالب بندیانو له خوشې کولو جګړه ورځ تر بلې نور هم زیاتيږي،

د مریلنډ پوهنتون په خپله یو تازه مقاله کې ذکر کړي چې په ټوله نړۍ کې یوې ترهګرې ډلې هم د طالبانو هومره حملې کړي نه دي.د مریلنډ پوهنتون د ترهګرۍ د مطالباتو څانګې معلومات ښیي چې وسله والو طالبانو د نړۍ تر بلې هرې ترهګرې ډلې زیات تاوتریخوالی او بریدونه کړي دي.

دغه پوهنتون داسې مهال د ترهګرۍ د مطالعاتو د څانګې له ډیټابیس څخه د وسله والو طالبانو افراطیتونه افشا کوي چې له امریکا سره د سولې له توافق را په دې خوا یې د افغان دولت او په ټوله کې د افغان وژنې پر وړاندې تاوتریخوالی په بې سارې توګه ډېرې کړي، اوس وخت ددې رارسېدلۍ دۍ چې باید دواړه لورې په یو میز کیني او ژر تر ژره دغه توافق عملي شي او افغانستان کې سوله شوني هم شي،

عوامي نېشنل پارټۍ۳۴ کلنه شوه

عوامي نېشنل پارټۍ۳۴ کلنه شوه د پښتونخوا عوامي نېشنل ګوند د جوړېدو ٣٤ کاله وشو ، دا پارټي٣٤ کاله وړاندې ستر پښتون سياستوال خان عبدالولي خان جوړ کړى وه،او نن دیاد ګوند ليډرانو کلیزه ښه جوش او جزبې سره ولمانځله،

د ای این پي ګوند مشران وايي، چې عوامي نېشنل ګوند د خدايي خدمتګار باچا خان د مبارزې يو تسلسل دى، باچا خان په ١٩١٠ کال کې د ازادې مدرسې له جوړولو سره خپله مبارزه سروع کړه، اول باچا خان د اصلاح افاغنه ټولنه، چې وروسته په ١٩٢٨ کال کې په خدايي خدمتګار غورځنګ بدله شوه. د پاکستان له منځ ته راتګ وروسته په ١٩٥٦ کال کې د نېشنل عوامي ګوند په نوم ګوندبنیاد کېښود چې په اويايمه لسيزه کې پاکستان په دغه ګوند پابندي ولګوله او د هغې نه بعد بيا په ١٩٨٦ کې خان عبدالولي خان عوامي نېشنل ګوند په نووم پیل کړ

پرون د جولاى په ٢٦مه نېټه د عوامي نېشنل ګوند ٣٤ کلن شو ، چې د عوامي نېشنل ګوند پلويانو نه يوازې دا چې دا ورځ په سوشل ميډيا کې ولمانځله بلکې، د پښتونخوا په هر کونج کې د دې ورځې په اړه غونډې هم وشوې.د عوامي نېشنل ګوند د پښتونخوا ايالت جنرل سکرتر سردار حسېن بابک په خپله يوه ويډيو کې ويلي دي، چې عوامي نېشنل ګوند د ټولو پښتنو دى او دا سور بېرغ د ټولو پښتنو دى. نوموړي زیاته کړه چې هر چا دا بېرغ نن لګولى دى، هغوى د هغه غورځنګ او مبارزې برخه دي، چې باچا خان په ١٩١٠ کال کې پيل کړى و او تر اوسه پورې دغه غورځنګ لا هم روان دۍ،

د دغه ګوندجنرل سکرتر ميا افتخار حسېن په خپل پېغام کې ويلي دي، چې د دوى ګوند مهم ګوند دۍ او په هر حالت کې يې مبارزه کړې ده او په مېدان کې ولاړ دي. هغه وويل چې يو وخت دوى ان په کوم ځاى کې خپل بېرغ هم نه شو لګولى او په ډېر سخت حالت کې و، خو د باچا خان پلويانو دا کاروان روان ساتلى دى او نن په هر ځاى کې سور بېرغ رپېږي.

دې نه علاوه د عوامي نېشنل ګوند د پښتونخوا مشر اېمل ولي خان وايي هم د عوامي نېشنل ګوند د ٣٤ کلونو پوره کېدو باندې خپلو پلويانو ته مبارکي ورکړې ده. نوموړي وویل چې دا ګوند په کراچۍ کې جوړ شوى و، چې بېلا بېل ګوندونه يو ځاى شوي و او دا ګوند جوړ شوى و.نوموړي وویل چې اوس وخت کې د پښتنو ټولو نه نږدې ګوند د عوامي نېشنل ګوند دۍ، باید او دا ځل انشالله اینده خکومت بیا د اي این پي دۍ،

هغه له خپلو پلويانو څخه غوښتنه کړې ده، چې نن ورځ دې داسې ولمانځي، چې په خپل کور، حجره، پلورنځي، موټر او هر ځاى چې ممکنه وي، دا سور بېرغ دې ولګوي. هغه وويل چې ټول پښتون وطن بايد په دې ورځ باندې سور شي. هغه همدا رنګه دا هم وويل، چې همداسې به د خلکو خدمت ته دوام ورکړي، لکه څنګه چې د دوى مشرانو د نورو عوامو خدمت کړۍ دۍ،

د یادونې وړ ده چې عامي نیشنل ګوند یو ډېر پیاوړۍ او د پښتنو لپاره مهم ګوند دۍ او په پښتونخوا کې دا واحد ګوند دۍ چې د پښتنو لپاره دولت کې اواز اوچتۍ نوباید پښتانه هم باید دويي ته ووټ یا رایه ورکړي ترڅو په پښتونخوا کې د دوي اواز نور هم په ښه توګه اوچت کړي ځکه دا یو داسې ګوند دۍ چې د پښتونخوا نه علاوه په مرکز کې هم پښتنو لپاره اواز اوچت کړۍ د کوم چې د پښټنو لپاره د فخر خبره ده،


نن د پښتو ژبې نوموتي سندرغاړي هارون باچا کلیزه ده

نن د پښتو ژبې نوموتي سندرغاړي هارون باچا کلیزه ده د پښتونخوا مخکښ سندرغاړی هارون باچا چې تل يې د لر و بر پښتنو او لوى افغانستان لپاره سندرې ويلي دي، نن د ٤٨ کلونو شو. هغه په ١٩٧٢ کال کې د جولاى په ٢٧مه نېټه د پښتونخوا د صوابۍ په پنجپير کې نړۍ ته سترګې وغړولې

ښاغلي هارون باچا په پنجپير ښوونځي او د پېښور نمبر ١ ښوونځي کې زده کړې ترلاسه کړې، همدا رنګه اېډورډز کالج کې له بیچلر نه فارغه شو او د پېښور پوهنتون کې يې بيا په سوشل ورک کې د ماسټرۍ سند ترلاسه کړ ترلاسه کړه،هارون باچا په ١٩٩٢ کال کې د موسيقۍ نپیل کړه او کله چې بيا هغه د (اول به کله کله غم و) ټپې وويلې نو هغه ته يې ډېر شهرت پیدا کړ ،او دغه ټپې ېې ډېر وایرل شوې په دغه وخت کې دغه ټپې ډېرې خلکو اورېدلې.

تر دې دمه پورې هغه شاوخوا پنځوس د سندرو البمونه ريکارډ جوړ کړي دي هر يو البم يې تر بل خلکو ډېر خوښ کړى دى.هارون باچا اوس په پراګ کې ژوند کوي او هلته د مشال راډيو سره هم کار کوي. نوموړى په مشال راډيو کې د (هارون باچا هنري ګړۍ) په نوم يوه هنري خپرونه هم چلوي، چې له هنرمندانو سره پکې مرکې کوي.په اوسنيو وختونو کې هارون باچا يو د غزل ښه سندرغاړى دى، د هغه اوسنۍ سندرې هم خلک ډېر په مينه اوري له يو بل څخه يې سندرې د پېغام له لحاظه هم ډېرې په زړه پورې وي.

ښاغلي باچا بې شمېره ژوندي کنسرټونه هم ورکړي دي، چې خلکو يې له موسيقۍ څخه مزه اخېستې ده . د هغه په وروستيو سندرو کې (داستان، ټپې او ژوند کشالې کشالې هم شاملې دي چې ټپې يې د کوچني اختر نه څو ورځې وړاندې خپرې شوې وې او ژوند کشالې کشالې يې اوس اوس تازه په سوشل ميډیا کې خپره شوې چې نوموړي تازه ویلې وه

هاروباچا هنرمند په افغان وطن مين دى او تل يې د لوى افغانستان د جوړولو فکر له ځان سره لرلى. نوموړۍ په پښتو ژبه لیکل هم کولۍ شي او خپل فیسبوک باندې کله کله په پښتو ژبه لیکنې کوي چې کوم د دې نښه ده چې نوموړۍ په پښتو ژبه او افغانستان مین شخص دۍ، او هغه افغانستان سره ځانګړې مینه لري نوموړي څو څو وارې ویلي چې ډېر ژر به افغانستان ته سفر وکړي او دا به نوموړي تر ټولونه زیات خوږ سفر وي هغه وايي چې زیات ارمان لري چې افغانستان کې سوله راشي او افغانان په سوله او ارامۍ کې ژوند وکړي

نن د پښتو ژبې نوموتي سندرغاړي هارون باچا کلیزه ده
نن د پښتو ژبې نوموتي سندرغاړي هارون باچا کلیزه ده

هارون با چا اوس د هېواد نه بیرون مېشت دۍ او نوموړۍ د مسافرۍ ژوند کوي نوموړي سره هملته فامیل هم دۍ او خپل ژوند د هېواد نه بهر پر مخ وړړي د نوموړي یو ځويي اوسمهال د مکتب یا هايي سکول نه فارغ شو نوموړي د خپل ري د فراغت عکسونه هم په خپأ فیسبوک پاڼه باندې شیر کړي وو، نوموړۍ د زوي ترڅنګ نوړې لورانې هم لري چې د هغه په وینا غواړي په اینده کې د پښتنو د خدمت لپاره ترینه کار اخلي او یورپ کې په اعلۍ تعلیم هم کوي،

سېکان په تدریجي ډول افغانستان پرېږدي

سېکان په تدریجي ډول افغانستان پرېږدي ه افغانستان څخه هره میاشت لسګونه سېکان د هند او ځینو نورو هېوادونو پاسپورټونه أباره نورو ملکونو ته سفرونه کوي او هلته بیا د دغه ملکونو پاسپورټونه هم اخلي او همدغه هېواد کې مېشت هم شو،

دهېواد ملي ارزښتونو ته تر بل هر چا زیاته ژمنه سېک لږکۍ طبقه چې له پېړیو یې په افغانستان کې تېر کړی دی، اوسمهال له هېواد نه د خپل ټبر وروستۍ جوپې هم وباسي.سېک لږکیو په افغانستان کې په کلونو او پېړیو ښه وخت تېر کړۍ، خو په دې وروستیو کې د پاکستان او سیمې د هېوادونو په نیابتي جګړه کې دغه په نشت حساب قبیله تر بل هر چا زیاته وځپل شوه او ډېرخلک ېې وژلي خو په بیا بیا به یې هم د ملي ارزښتونو ناره اوچتوله.

افغانستان کې د هند سفارت تازه په یوه اعلامیه کې ویلي چې لسو افغان سېکانو ته یې وېزې ورکړې او په هند کې یې د ژوند کولو ټولو آسانتیاوې ورته هم ورکړي دي . اعلامیه زیاتوي چې دا بهیر به روان وي او شاوخوا ۷۰۰ اهل هنود به له دط هېواد څخه وباسي افغان دولت تر اوسه دغې بهیر ته کوم غبرګون نه دی ښودلی.څو میاشتې وړاندې په کابل کې د اهل هنود په یوه درمسال باندې ترهګریز برید وشو او ۲۵ کسانو چې ماشومان او ښځې هم په کې شاملې وې، مړړه شول،

یاده پېښه که څه هم په کور د ننه او بهر په کلکو ټکو وغندل شوه، خو دغې محرومې قبیلې بیا هم د افغانستان نارې وهلې. د رنجیت سېنګ په نوم یوه مشهور افغان سېک چې په ټولنیزو رسنیو کې زیات فعال هم دی، لیکلي وو چې موږ له افغان سرتېرو زیات نه یو او په وینا یې که دوښمن هره ورځ هغوی شهیدانوي، زموږ سینې او سرونه هم تر دې وطن ځار شه.دغې حماسوي وینا د ډېرو افغانانو جذبه په څپو را وستله او په دولت باندې یې د دوی د امنیت نیولو په برخه سخت شکایت وکړ،

تفریبا دوه کاله مخکې په ننګرهار کې هم یوه ځانمرګي برید د دغې لږکۍ قبیلې ګڼ شمېر وتلو څېرو او نورو غړو ته د سر زیان ورساوه چې یو یې د خالصه په نوم د ولسي جرګې ټاکنو ته هم نوماند ؤ.که څه هم په ظاهره داعش ډلې د دغې بریدونو مسؤلیتونه منلي وو، خو افغان چارواکو د دغو بیا پړه پر وسله والو طالبانو اچوله او ویل یې چې په افغانستان کې د ټولو بریدونو مسؤل طالبان دي ځکه په وینا یې دغه اورپکې ډله د ټولو ترهګرو ډلو لپاره یو ده،

په هېواد کې اوس ټول ۶۰۰ سېک فامیلونه اوسېږي چې ټول شمېر یې شاوخوا ۱۵۰۰ کسانو ته رسېږي. دا شمېره کلونه وړاندې تر ۳۰۰ زرو هم زیاته وه چې د وروستیو جګړو او بدمرغیو له امله له هېواد څخه د تل لپارهلاړل او نورو هېوادونو کې مېشت شو،

انډیا ته تازه رسېدلو افغان سېکانو ویلي چې دوی دغه هېواد ته د تګ اراده نه لرله خو په وینا یې وروستیو وحشتونو اړ کړل چې هند ته لاړل اوس باید دولت په دې اړه چپ پاتې نشي او خپل دریز زوښانه کړي ترڅو د افغانستان نوم نور بدنامه نشي او افغانستان په نړۍ کې د یو مشول هېواد په توګه وپېژندل شي،

د افغانستان بانک برېښنا ٤ ساعته بندول خلک په شک کې کړي

د افغانستان بانک برېښنا ٤ ساعته بندول خلک په شک کې کړي ، د افغانستان بانک له نوي سرپرست اجمل احمدي ګمارنې وروسته په اول ځل د دغه بانک برق د څلور ساعتونو لپاره تلۍ وو او همدا راز امنيتي کمرې هم نه وې فعلې چې دې چارو د خلکو غبرګونونه راپارولي،

له رسنیو سره په خپلو خبرو کې د باور غورځنګ رييس نجيب ازاد، چې مخکې د جمهور ریس غني د کمپاين عضو هم وو، په خپلو خبرو کې ويلي دي، چې شاوخوا دوه نيمې هفتې وړاندې د افغانستان بانک برېښنا د ٤ ساعتونو او څو دقيقې لپاره بنده پاتې وه او امنیتي کمرې هم بندې پاتې وې، نوموړۍ وايي ، چې د مرکزي بانک د افغانستان خزانه ده، دغلته ٢٤ ساعته برق وي او همدا راز ٤ جنراتورونه هم موجود وي ، که چېرته برق کې څه مشکل راشي چې په افغانستان بانک کې د برق ستونزه د يوې ثانيې لپاره هم نه وي او برق چې لاړ هم شي زر بیرته رازي،

دغې رسنۍ په دغه راپور کې دا هم ذکر کړي دي ، چې د افغانستان بانک سرپرست اجمل احمدي باندې نه يوازې چې دا تور دى چې هغه له هېواده غېر قانوني پېسې لېګلي دي ، بلکې د هغه په هويت باندې هم تراوسه پورې شکونه دي.چې ابا هغه افغان دۍ هم که نه ځکه په سوشل ميډیا کې د هغه په اړه ویل شوي چې ښايي نوموړۍ د لبنان وي ا د بي بي ګل خپلوان وي د نوموړي پاسپورټ په اړه هم خلک غوښتنه وکړه چې باید خلکو سره شریک شي او عامووګړو ته پکې وضاحت ورکړل شي،

اوسمهال هېواد له يوه بد وضعيت سره مخ دى، د سولې خبرې روانې دي، په دولت کې فساد اوج ته رسېدلى دى، د افغانستان بانک د برېښنا قطع کېدل، په هېڅ ډول د منلو وړ خبره نه ده او بايد د دې چارې په جدي ډول څېړنه وشي.او عامو وګړو ته دې وضاحت ورکړل شي، ځکه د افغانستان بانک د ټول ملت خزانه ده باید پټه نشي او عام وګړي باید په دې پوه شي چې دولت د بانک څنګه چلوي اوس وخت کې چې د بانک د برق په اړه اندېښنو کې اچولي باید ملت په دې اړه وضاحت ضرور ورکړل شي،

په سوشل ميډیا کې ورځ تر بلې د دولت پر ضد د خلکو کرکه زياتېږي او که ورته کړنې دوام وکړي، ښايي د حکومت لپاره دا کارونه ډېرزیانمن تمام شي، دا هم باید یاده کړو چې د انتخاباتو نه وړاندې جمهور ریس غني دا وعده کړې وه چې فساد به له منځه وړي او حیساب ورکونې او غوښتل ېې خپل شعار بللي وو خو اوس بر عکس فساد نور هم زیات شوۍ او دې سره په ولسمشر باندې د خلکو باور هم کم شوۍ دۍ،

د ا هم یاده کړو چې د اجمل احمدي د افغانستان بانک سرپرست ټاکلو سره سم يو شمېر لوړپوړي کسان له دندو ليرې کړل او څارنوالۍ ته يې معرفي کړل، همدا رنګه د بانک لومړى مرستيال واحد نوشېر هم د نوموړي د دې کړنې پر ضد ودرېد او دا يې غېر قانوني وبلله، چې وروسته هغه هم دې ته مجبوره شو چې له خپلې دندې استعفا وکړي او د لومړي مرستیال په صفت خپله دنده پاۍ ته ورسوي،

اوس وخت باید حکومت داسې هېواد کې داسې اقدامات وکړي چې د عامو وګړو باور ورباندې زیات شي او بهرنۍ لاسوهنې نه وژغورل شي که داسې ونکړي نو ۍايي اوسنۍ دولت خپل وخت پوره نکړي او شاید دوخت نه مخکې ېې دولت له منځه لاړشي نوښه به داوي چې دولت د وختنه مخکې ادارو کې اصلاحات راولي او داسې ګمارنې وکړي چې د افغانستان خلکو ته د منلو وړ وي،