ترکیې او پاکستان دپوهنې په برخه کې تفاهم لیک لاسلیک کړ

ترکیې او پاکستان دپوهنې په برخه کې تفاهم لیک لاسلیک کړ.دواړو هیوادونو ترمینځ همکارۍ ته وده ورکولو لپاره د تفاهم یاداشت لاسلیک کړ. د تفاهم لیک په اړه معلومات لومړی د پوهنې وزیر شفقت محمود د خپل ټویټر اکاونټ له لارې شریک کړ.

شفقت محمود په خپل ټویټر باندې د تفاهمنامې لاسلیک مراسمو انځورونه شریک کړل. دغه تړون د پاکستان په پلازمېنه اسلام اباد کې د تعلیم وزیر او د ترکیې د بهرنیو چارو وزیر میلوټ کاووسوګلو لخوا لاسلیک شو.د لاسلیک په مراسمو کې د بهرنیو چارو وزیر شاه محمود قریشي هم حضور درلود. په دې برخه کې د همکارۍ پرمختګ وروسته له هغه رامینځته شو کله چې د بهرنیو چارو وزیر شاه محمود قریشي د خپل سیال میلوټ کاووسوګلو سره غونډه وکړه چې دا مهال پاکستان ته په رسمي سفرراغلی.

د دوی دې تفاهم په اړه ویل کیږي چې ترکیه غواړي دغه محصیلین چې کوم دوی راغواړي دا دوي سریا او لیبیا ته داجیری او مزدوری لپاره لیږي. او هلته بیا ډېرو غټو سختیو سره مخ کیږي.یاده دې وي چې ترکیه د دې نه وړاندې هم تاریخ لري او ډېر محصیلین ېې د کارونو لپاره نورو ملکونو ته لېږدولي دي نو اوسمهال د دوی تفاهمشاید یوه پروپاګنډ وي او پاکستاني محصیلین د تحصیل په بهانه راوغواړي او هلته نه ېې بیا نورو هیوادونو ته ېې مزدوری لپاره ولیږي.

اوسمهال دترکیې خارجه وزیرد همدې تفاهم لپاره پاکستان کې دی او مختلفې ناستې لري دترکيې خارجه وزیر د پاکستان دبهرنیو چارو وزارت ناسته کې دوه اړخیزو اړیکو ته کتنه وکړه او د سیمه ییزو او نړیوالو مسایلو په اړه یې نظرونه تبادله کړل.میولوت کاووسوګلو ته د هلال پاکستان مډال هم ورکړل شو.دغه مډال د پاکستان د ولسمشر ډاکټر عارف علوي لخوا ډالۍ شوې وه. ډاکټر عارف علوي د بین الافغاني سولې او امنیت لپاره د هغه د خدمتونو په درناوي او د پاکستان – ترکی دوه اړخیزو اړیکو لا پیاوړتیا په خاطر هلال پاکستان تمغه ورکړه.

دتمغې دا مراسم د اسلام آباد په ایوان صدر کې ترسره شول. په غونډه کې شاه محمود قریشي ، د اطلاعاتو او نشراتو وزیر شبلي فراز او نور دولتي چارواکي شامل وو. د ترکیې د بهرنیو چارو وزیر په پاکستان کې دی چې د دوو هیوادونو ترمینځ د لوړې کچې تبادلې ترسره کړي.

ترکیې او پاکستان دپوهنې په برخه کې تفاهم لیک لاسلیک کړ
ترکیې او پاکستان دپوهنې په برخه کې تفاهم لیک لاسلیک کړ

هېره دې نه وي چې د دې نه وړاندې هم ترکیې د پاکستان سره ډېر تفاهمونه لاسلیک کړي دي خو د دواړو ملکونو اړیکې به کله ښه وې کله خرابې وي خو که اوسمهال چیرې دوی دغه تفاهم لیک لاسلیک شي او بیا دغه محصیلین نورو هېوادونو لکه لیبیا او شام ته مزدوری او اجیری ته ولیږي.نو د دوی تعلقات به پیچلې شي.

طالبان:مونږ په اینده کې سم اسلامي نظام غواړو

طالبان:مونږ په اینده کې سم اسلامي نظام غواړو.دوسله والو طالبانو دوحې د دفتر ویاند محمد نعیم وردګ وایي، چې دوی د دیموکراسۍ تر چتر لاندې موقت یا بل حکومت نه؛ بلکې بشپړ اسلامي نظام غواړي.ځکه ددوی پر وینا مونږ ټوله مبارزه همدې لپاره کړې ده چې یو اسلامي نظام قایم کړو.

ښاغلي نعیم ږردک په یوه مرکه کې ویلي، چې دیموکراسي له اسلامي نظام سره په ټکر کې ده او دوی ورسره مخالف دي.د طالب ویاند په خبره، دوی په افغانستان کې کوم موقت حکومت نه؛ بلکې بشپړ اسلامي نظام او د افغانستان خپلواکي غواړي.هغه په ورته وخت کې د پياوړي مرکزي او مسوولیت منونکي نظام رامنځته کیدل خپل اصل یاد کړی.هغه ویلي چې زمونږ اصلې موخه د مبارزې همدا ده چې په افغانستان کې یو اسلامي نظام قایم کړو.

د دې وړاندې له طالبانو سره د افغانستان اسلامي جمهوریت د مذاکراتي ټیم یو شمېر غړو طالبان تورن کړي، چې له اسلامي نظام څخه خپل واضح هدف نه ورته بیانوي او په عمومي خبرو وخت ضایع کوي.دوی ږیل چې باید ولس د سولې مزاکراتواو اجنډا څخه ولس با خبره وساتل شي تر څو اینده کې بیا هیڅوک ملامت نه وي او افغانان په ازاده فضاء کې ژوند وکړي.

د سولې مزاکراتي پلاوي یوه غړي محمد امین احمدي ویلي، چې وسله وال طالبان د افغانستان په اساسي قانون کې د بشري حقونو، ښځینه حقونو او نورو حقونو یادونه له اسلام څخه د باندې ګڼليهغه وای چې اینده کې به معلوم شي چې اساسي قانون څومره په کار اچول کیږي او څومره ګټه ترینه اخیستل کیږي.

طالبان:مونږ په اینده کې سم اسلامي نظام غواړو
طالبان:مونږ په اینده کې سم اسلامي نظام غواړو

هېره دې نه وي چې په دې اړه سوشل میډیا کې هم خبرې اترې کیږي او عام وګړي وای چې باید نور یو داسې جاممع نظام ولرو چې د ټولو خلکو حق پکې موجود وي نه داسې چې د ټولوافغانان غوښتنې پکې نهي مطرح باید ټول سیاسی جهتونه او ټولنې لاس پکار واچوي او د افغانستان سولې لپاره ځانګړی کوښښ وکړي.

ښځې د کوم ډول نارینه څخه متاثره کیږي؟

ښځې د کوم ډول نارینه څخه متاثره کیږي؟ د انسان شخصيت د هغه له عادتونږ او خوی څخه پېژندل کیږي، د انسان همدا شخصيت بيا د نورو انسانانو سره د اړيکې په جوړېدو کې بنسټيز رول لري، مونږ تاسو ته هغه څه دروخایو چې نجونې يې په يو نارينه کې غوره ګڼي او زر ترې متاثره کیږي.

هرانسان په طبعي ډول دداسې يو چا دوستي غواړي چې دی ورباندې ډاډه وي او دده مرسته وکولی شي، هېڅ وګړی هم دداسې يو چا سره دوستي نکوي چې هغه دې هېڅ ډول وړتیا او موقعيت ونلريمېرمنې هم هغه ډول نارينه خوښوي چې غښتلی شخصیت ولري او دوی یې په خوا کې ځان په امن او ډاډ کې وګڼي.په غوسه باندې کنټرول درلودل يو له نادرو پيدا کېدونکو خاصيتونو څخه دی، ډېر کله نارينه خپله غوسه نشي کابو کولي، کله چې غوسه شي بيا نو هرڅه کوي هرڅه ماتوي،

نجونې د هغه ډول سړیو څخه ژر متاثره کیږي چې پراخه صبر ولري او د پېښو په وړاندې یې غبرګون احساساتي نه عاقلانه وي.او هر څه ته سوچ ولري.مجادله او مبارزه هغه څه دي چې ډېری کسان یې پيل کوي خو ډېر ژر يې بېرته پرېږدي، په ژوند کې د بريا لپاره پرلپسې مجادله اړينه ده، د نن زمانې لوستې نجونې هم مجادله کوونکي نارينه خوښوي، داسې نارينه چې په يو کار کې ډېر زيات شکست هم وخوري بيا پاڅېږي د خپلو غلطیو درس اخلي او بيا يې پيل کوي.

ليډر انسان، د ليډر روح لرونکي کسان تل په هر ځاي کې چې وي سمدلاسه د اداري چارې په لاس کې اخلي، خلک ورباندې باور کوي، نجونې دا ډول نارينه ډېر خوښوي چې د کارونو مشري په غاړه اخلي او مسولیت مننونکي او پالونکي وي.او هغه څه کوي چې نورو خلکو ته پکې هم خیر وي.

ښځې د کوم ډول نارینه څخه متاثره کیږي؟
ښځې د کوم ډول نارینه څخه متاثره کیږي؟

د انسان ژوند روان دی تېرېږي، هر انسان به سبا د تېرې ورځې ارمان کوي او فکر به کوي چې پرون څومره ښه ورځ وه، له همدې کبله د روزګار د مصروفیت او مسولیت سره سره انسان بايد کله کله پاڅېږي او د هرڅه لرې يوه د ارام ساه واخلي، نجونې هم دا ډول نارينه خوښوي چې د ژوند په مصروفیتونو کې ورڅخه ژوند هېر نشي، بلکې د ژوند خوشحالۍ هم وپالي.او د مېرمن لپاره ښه زړه هم ولري.

راشدارمان دوبی ته ورسېد

راشدارمان دوبی ته ورسېد د افغانستان کرکټ ملي لوبډلې مخکښ ورو توپ اچونکی راشد خان له اسټرالیا څخه متحده عربي اماراتو ته رسېدلی دی.نوموړی د ابو ظهبی ته اول راورسېد.هغه د دې نه وړاندې استرالیااو ځینې نور هېوادونو کې په ټورنمنټونو بوخت وو.

د (ACB)په رسمي فېسبوکپاڼه کې د راشد خان عکسونه خپاره کړي او ویلي يې دي، چې نوموړی ابوظهبي ته رسېدلی دی.ښاغلی راشد خان له سډني څخه ابوظهبي ته روان شوی و، چې له روانېدو مخکې یې یو عکس هم خپور کړی و.راشد خان د اسټرالیا بیګ باش تجارتي لیګ کې د اډیلیډ سټرایکرز لوبډلې سره لوبېده، چې دا ځل يې په ۱۰ لوبو کې برخه واخیسته.

نوموړي په لس لوبو کې ۱۶ لوبغاړي وسوځول او ښه وځلېده.همدا راز نوموړي په بیګ باش لیګ کې ۵۰ لوبې هم پوره کړې چې ۷۲ ویکټې يې ترلاسه کړې.د یادولو وړ ده چې افغانستان د ایرلېنډ سره د ۳ نړیوالو یو ورځنیو لوبو لړۍ ترسره کوي، چې لومړۍ لوبه يې د جنورۍ په ۲۱مه نېټه ترسره کېږي.

هېره دې نه وي چې راشد خان، محمد نبي، مجیب الرحمان او قیس احمد هم اول ځل د پاکستان سوپرلیګ کې بولېږي.راشد خان د لاهور قلندرز لوبډلې سره پلاټونیم ډلبندۍ یا کټه ګورۍ کې دی او له دې مخکې کوټه ګلایډیټرز دوه ځلې اخیستی، خو لوبېدلی نه دی او دا ځل لوبېږي.

راشدارمان دوبی ته ورسېد
راشدارمان دوبی ته ورسېد

ښاغلی خان به دا ځل هم د پاکستان سوپرلیګ کې پوره نه وي، ځکه فرورۍ او مارچ کې افغانستان له زیمبابوې سره لوبېږي، خو که د کورونا له امله دا ټېسټ او شل اوره لوبې وځنډېدې بیا به راشد ټول لیګ کې له لاهور قلندرز سره وي

سامسنګ تر ټولو کم بیعه 5G موبايلونه وړاندې کړ

دسامسنګ تر ټولو کم بیعه 5G موبايلونه وړاندې کړ.د سامسنګ موبايلونو شرکت تراوسه پورې تر ټولو ازرانه 5G ګليکسي اې ٣٢ ځيرک موبايل وړاندې کړى دي.سامسنګ چې دې نه وړاندې هم ښه کوالټی نیټ لرونکی موبایلونه جوړ کړي.

دا موبايل چې په ښکلي ډيزاين کې جوړ شوى دى، مخې ته يې سيلفي کېمره او شاته يې ٤ کېمرې ورکول شوي دي. دا موبايل د ٢ رېمونو، سټوريج او په ٤ رنګونو کې وړاندې شوى دى.د دې نوي موبايل د ٦٤ جي بي حافظې سره بيه ٢٧٩ يورو ده او د ١٢٨ جي بي حافظې سره يې بيا ٢٩٩ يورو ده.دغه موبایل به ژر بازار ته وړاندې شي او د خلکو د استعمال لپاره به پلورلو ته هم وړاندې شي دغه موبایل ښای ډېر ښه بازار هم پیدا کړي.

که څه هم شرکت تراوسه پورې د دې موبايل ډېر معلومات نه دي شريک کړي، خو وايي چې ګليکسي اې ٣١ 5G په څلور بېلا بېلو رنګونو (تور، شين، وايليټ او سپين) رنګونو کې به په اروپا کې خرڅلاو ته وړاندې شي.اروپیان دې موبایل ته په ډېر تیزی سره منتظر دي او که چېرې اروپیانو خوښ شي نو ښای د دې نور شېپونه به هم بازار ته وړاندې کړي .

د دې موبايل په اړه د سامسنګ شرکت تراوسه پورې دا نه دي ويلي، چې د نورې نړۍ هېوادونو ته به تر کومې نېټې پورې دا موبايلونه وړاندې کړي.خو اروپا ته به ډېر ژر وړندې شي دا موبایل چې د ډېرو نورو کوالټیانو څښتن دی نو ښای دا به د اروپا تر څنګ نورې نړی کې هم د خلکو خوښ شي.تر اوسه په دې اړه سوشل میډیا کې څه ندی ویل شوي.

سامسنګ تر ټولو کم بیعه 5G موبايلونه وړاندې کړ
سامسنګ تر ټولو کم بیعه 5G موبايلونه وړاندې کړ

هېره دې نه وي چې د افغانستان تر څنګ نورې نړی کې د سامسنګ او نورو موبایلونو استعمال ډېر کیږي نو که چیرې دا افغانستان ته هم راشي او 5G سپورټ ورته ورکړي نو ښای دا به ډېر افغانان هم واخلي.او استعمال به ېې کړي ځکه افغانستان کې هم ډېر خلک سوشل میډیا استعمال ډېر دی.او خلک غواړي چې ښه نیټ کیفیت ولري

طالبان: د سوله مزاکرات لا هم دوام لري

طالبان: د سولې مزاکرات لا هم دوام لري.وروسته له هغه چې يو شمېر رسنیو په دوحه کې د خپلمنځي مذاکراتو د ځنډېدو خبر ورکړ؛ خو په دې اړه طالبان وایي، یاد راپورونه بې بنسټه دي او بین الافغاني مذاکرات لا هم دوام لري.

په دوحه کې د طالبانو د سیاسي دفتر وترجمان ښاغلی محمد نعیم رسنیو ته په لېږلي یوه پيغام کې لیکلي «هغه خبرونه چې وايي په دوحه کې بين الافغاني مذاکرات تر نا معلومې نېټې پورې ځنډيدلي، حقيقت نه لري، د بين الافغاني مذاکراتو دواړو ټيمونو تر منځ تماسونه جريان لري.»دهغه په خبره، هر ځای د مذاکراتو معمول داسې دی چې دوامداره مجالس نه ترسره کېږي او کله ناکله خپلمنځي مجالسو ته هم پکې اړتیا پیښېږي.

دهغه دوضاحت وروسته له هغه دی، چې یو شمېر رسنیو راپورونه ورکړل چې ګواکي په دوحه کې د افغانانو خپلمنځي خبرې تر نامعلومې مودې ځنډېدلې دي.تر دې ومښکې هم ویل کېدل چې د طالبانو د مذاکراتي ټیم غړي لا دوحې ته نه دي رسېدلي، چې له امله يې مذاکرات له خنډ او ځنډ سره مخ دي؛

خو له دوحې څخه یوه سرچینه وایي، د طالبانو د مذاکراتي ټيم ټول غړي په دوحه کې موجود دي.یاده دې وي، چې د بین الافغاني مذاکراتو دوهم پړاو د روانې میلادي میاشتې په لومړۍ اوونۍ کې پیل شو او داسې تمه کېږي، چې په دې پړاو کې به  د اجنډا پر مهمو موضوعاتو خبرې کېږي.

طالبان: د سوله مزاکرات لا هم دوام لري
طالبان: د سوله مزاکرات لا هم دوام لري

اوسمهال باید رسنی د بې بنسټه خبرونو نشرولو او منفي تبلیغاتو څخه ډډه وکړي.ترڅو دغه مزاکرات مښکې لړ شي او افغانان دې بد بختی نه الله تعالی نور په امان کې وساتي.ځکه د روان جنګ څخه ډېر افغانان قرباني شول اولا هم قربانیږي.اوسمهال په پلازمېنه کابل کې خلکو ته ځیان رسول اسانه شوي دي.او د ډېرو خلکو ژوند ېې سختی سره مخ کړی.

ولسمشر غني:دولتي اداراتو کې باید وطن ته ژمن کسان استخدام شي

ولسمشر غني:دولتي اداراتو کې باید وطن ته ژمن کسان استخدام شي او د ملکي خدمتونو ادارې باید هدف محوره او ځواب ویونکي وي.د افغانستان اسلامي جمهور محمد اشرف غني بېګا ماښام د اداري اصلاحاتو او ملکي خدمتونو خپلواک کمېسیون کمېشنرانو سره په ارګ کې وکتل.

د ارګ په کتنه کې د افغانستان ملکي خدمتونو ادارو په جوړښت کې د اصلاحاتو او تعییناتو پر طرزالعمل بحث او خبرې وشوې.جمهوررئیس غني وویل، په وزارتونو او ټولو دولتي تشکیلاتو کې د لسګونو سرپرست بستونو موجودیت موضوع د منلو نه ده او باید د افغانستان په ملکي خدمتونو ادارو کې وطن او خلکو ته ژمن او وړ کسان، استخدام شي.جمهوررئیس زیاته کړه، باید د ملکي خدمتونو د کارکوونکو کړنې او موثریت باید وارزول شي او د دوی د استخدام شېوه دې د اساسي قانون د دستوراتو مطابق عملي شي.

د افغانستان ولسمشر وویل، د ولایتي ریاستونو ارزونه دې د خدمتونو وړاندې کولو او خلکو د رضایت پر بنسټ سنجش او د لوړ پوړو چارواکو صلاحیتونه دې تفکیک شي.ولسمشر پر دې په ټینګار چې د افغانستان ملکي خدمتونو ادارې باید هدف محوره او ځواب ویونکي شي، نه بست محوره زیاته کړه، په ولایتونو او ولسوالیو کې دې د حکومتي ادارو تشکیلات تعریف، له مرکز او وزارتونو سره دې د دوی اړیکې معلومي شي. ولسمشراشرف غني د دې په بیانولو سره چې تعیینات باید بنسټ محوره وي، نه فرد محوره وویل، ټاکلو موخو ته د رسېدو لپاره د افغانستان د ملکي ادارو دیجیټلي کول زموږ اساسي لومړیتوب دی او باید په ولایتونو کې پراختیا او د منابعو ځانګړي کېدل یو ډول او له تبعیض پرته وشي.

ښاغلي غني وویل د مخفي بېکارۍ ضد مبارزه او د موازي بستونو او تشکیلاتي پړسوب پر حل ټینګار وکړ وې ویل، داسې ازموینې دې په پام کې ونیول شي چې د نوښت او مدیریت موضوع په کې وسنجول شي.هغه زیاته کړه، وزارتونه باید عواید ایجاد او برنامې سمې مدیریت کړي.

ولسمشر غني:دولتي اداراتو کې باید وطن ته ژمن کسان استخدام شي
ولسمشر غني:دولتي اداراتو کې باید وطن ته ژمن کسان استخدام شي

هغه همداراز وویل بایداستعجالیت په پام کې ونیسو او هغه موخې چې په جینوا کنفرانس کې مو ترسیم کړې، باید ترلاسه شي.ج په پای کې وویل، باید د اوبو د مدیریت، د پوهنې د ودې، کلیوپراختیا، روغتیا، کرنې، سوداګرۍ، صنعت او ښارجوړولو په برخو کې لا زیات تحرک ایجاد کړو هېره دې نه وي چې ولسمشر غني څو ورځې وړاندې هم په هکدې موضوع په اړه جلسه تر سره کړې وه.

نن ورځ افغانستان کې درې نوې پروژې پرانستل شوې

نن ورځ افغانستان کې درې نوې پروژې پرانستل شوې. دافغانستان او ترکمنستان جمهوررئیسانو د دواړو هیوادونو د هوساینې او اقتصادې ودې لپاره د درې ګډو پروژو پرانیسته مهمه وبلله. دغه پرانست غونډه د ویډیو کنفرانس له لارې وشوه.او سیاسي اعلی چارواکو تر څنګ پکې د کابینې غړو هم ګډون وکړ.

د افغانستان ولسمشر محمد اشرف غني او د ترکمنستان جمهوررئیس قربانقلي بردي محمدوف نن له غرمې مخکې د یو لړ مراسمو پر مهال د دواړو هیوادونو ترمنځ، درې مهمې اقتصادي او زېربنایي پروژې رسماً پرانیستې.دغه درې واړه پروژې چې په کې د اقینه ـ اندخوی اورګاډي پټلۍ، د کرکي ـ اندخوی ـ پلخمري 500 KV برېښنا لېږد لین پروژه او د امام نظر ـ اقینه ـ سرحد اباد ـ تورغونډۍ د نوري فایبر د وصل پروژې شاملي دي، د ویډیو کنفرانس له لارې په کابل او د ترکمنستان لباب ښار کې د دواړو هیوادونو د جمهوررئیسانو په فرمان رسماً افتتاح شوه.

د افغانستان او ترکمنستان جمهوررئیسانو په خپلو خبرو کې د یادو پروژو پر ارزښت خبرې وکړې او دغه پروژې یې د افغانستان او ترکمنستان ترمنځ د اړیکو د لازیاتې پراختیا او سیمه ییز اتصال لیدلوري د تحقق په برخه کې مهمې وبللې.هېره دې نه وي چې د اقینه ـ اندخوی اورګاډي پټلۍ په مجموعي توګه ۳۰ کلیومتره اوږده ده چې ۲۴ کیلومتره پټلۍ یې اصلي او ۶ کیلومتره یې د اندخوی په سټیشن کې فرعي کرښې دي او افغانستان له دې لارې له زیاتو هیوادونو سره وصلېږي او دا ګام د اسیا د څلور لارې په توګه د افغانستان د اقتصادي بدلون لپاره مهم دی.

دېته ورته د کرکي ـ اندخوی ـ پلخمري برېښنا لېږد پروژه کې له اقینې څخه تر شبرغان پورې د ۵۰۰ کیلو ولټ او له شبرغان څخه تر مزارشریف پورې ۲۲۰ کیلوولټ لېن غځولو کار بشپړول، شاملېږي.دواړو لوو دغه پروژه مهمه یاده کړه او د دواړو هېوادونو په فایده ېې هم وبلله.

نن ورځ افغانستان کې درې نوې پروژې پرانستل شوې
نن ورځ افغانستان کې درې نوې پروژې پرانستل شوې

همدارنګهد نوري فایبر پروژه چې د ساختماني کېبل کار یې په اقینې بندر کې بشپړ شوی، له مهمو پروژو څخه یوه ده چې د ترکمنستان هیواد له لارې د ۲۵۰۰ میګابایټ انټرنیټ په عرضه کولو سره به یې زموږ وطنوال په هرات او ګاونډیو ولایتونو کې له انټرنیټي خدمتونو برخمن شي.

امیر اسماعیل خان:د موقت حکومت نه پرته سوله نشي  بریالی کیدی

امیر اسماعیل خان:د موقت حکومت نه پرته سوله نشي بریالی کیدی د ملي مصالحې عالي شورا غړی او د هرات ولایت پخوانی جهادي قومندان محمداسماعیل خان وايي، د مؤقت حکومت له جوړېدو پرته طالبانو سره د جوړ جاړي بله حل لاره شتون نه لري.هغه وای د سولې نه وړامدې باید اول موقت حکومت راشي.

امیر اسماعیل خان دا څرګندونې نن ماسپښین په هرات ښار کې د خپل استوګنځي دننه خپلو یو شمېر پلویانو ته کړي او په حکومت یې تور پورې کړی چې د سولې خبرو د بریا لپاره هیڅ راز هلې ځلې نه کوي، بلکې ټولې هڅې یې دادي ترڅو خپله څلور کلنه دوره پوره کړي.د ملي پخلاینې عالي شورا دغه غړی طالبانو سره د جوړ جاړي لپاره د مؤقت حکومت تشکیل د یوازینۍ حل لارې په توګه پيژني او په خبره یې زلمي خلیلزاد افغانستان ته د خپل وروستي سفر جریان کې له سیاسي مشرانو او د کابل حکومت چارواکو سره د غونډو پرمهال درې حل لارې وړاندې کړې دي.

ښاغلی اسماعیل خان طالبانو په یو مخیز ډول د حکومت سپارل، اوسني حکومت سره د طالبانو یوځای کېدل» د  خلیلزاد له درې ګونو طرحو څخه دي، چې په خبره یې دده په شمول یو شمېر نورو سیاسي مشرانو او کابل حکومت طالبانو ته د واک سپارلو سره مخالفت ښودلی او طالبان هم د کابل حکومت سره یوځای کېدل نه غواړي.

نوموړي ټینګار کوي د پورته دوه طرحو د نه منلو په صورت کې مؤقت حکومت یوازینۍ حللاره ده چې د کابل حکومت یې باید ومني.د هغه په خبره د مؤقت حکومت په جوړښت کې به یوازې ولسمشر او دواړه مرستیالان یې بدلیږي، نور بدلون ښايي رانه شي.

امیر اسماعیل خان:د موقت حکومت نه پرته سوله نشي  بریالی کیدی
امیر اسماعیل خان:د موقت حکومت نه پرته سوله نشي بریالی کیدی

د ملي پخلاینې عالي شورا غړی او د هرات پخوانی والي محمداسماعیل خان په داسې مهال هېواد کې د مؤقت حکومت راتګ یوه اشد ضروررت بولي، چې کابل کې د امریکا سفارت هغه آوازې رد کړې چې ګواکې هېواد یې په افغانستان کې له مؤقت حکومت څخه ملاتړ کوي.هغه یو لله تکړوو سیاسي او جهادي رهبرانو څخه دی.

کریم خلیلي عمران خان، جنرل باجوه او قرېشي  سره ليدل کتل شوي دي

کریم خلیلي عمران خان، جنرل باجوه او قرېشي سره ليدل کتل شوي دي د پاکستان ته په سفر کې د افغانستان د حزب وحدت اسلامي مشر کريم خليلي د پاکستان د وزیراعظم عمران خان، د پوځ مشر جنرل قمر جاوېد باجوه او د بهرنيو چارو وزير شاه محمود قرېشي سره ملقاتونه شوي

دپاکستان هېود رسمي رسنیو پر وینا عمران خان د خليلي سره په ليدنه کې ژمنه څرګنده کړې چې د افغانستان سره دوه اړخيزه اړيکې، او د خلکو په کچه به تجارتي او اقتصادي اړيکې سېوا کوي.ويل کیږي عمران خان ټينګار کړی چې پاکستان به د افغان سولې د پروسې په دوامداره توګه ملاتړ کوي او زياته کړې يې ده پکار ده چې د افغانستان د سولې بېن الافغاني خبرې د زغم سره د هواري په لور لاړې شي.ښاغلي خان ويلي چې پرامنه او باثباته افغانستان به د سيمه ييزه تجارت او اړیکو دپاره لارې پرانيزي.

د پاکستان ارمي رسنیوویلي د جنرل قمر جاوېد سره په ليدنه کې هم د کريم خلیلي سره په دوه اړخیزه شريکه ګټو او افغانستان کې د سولې په اړه خبرې اترې شوي دي.د ايي اېس پي ار ترمخه جنرل باجوه ویلي، په افغانستان کې د سولې مطلب په پاکستان کې سوله ده او باثباته او خوشاله افغانستان چې په امن کې وي نه يواځې د خپل ځان بلکې د ګاونډي پاکستان هم په قامي ګټه دی.

هغه هم د افغانستان د سولې په لړ کې د پاکستان د هڅو دوام د ساتلو ويلي او زياته کړې يې ده پاکستان په قطر کې د بېن الافغاني خبرو د دوهم پړاؤ د پېل کېدو او په دغو خبرو کې د شوؤ پرېکړو هرکلی کوي.دواړو خواود افغان سولې مزاکراتو په چټکتیا ټينګار کړی او ویلي ېې دي چې باید ټولې خواوې اوسمهال سولې تخ لومړیتوب ورکړي.

کریم خلیلي عمران خان، جنرل باجوه او قرېشي  سره ليدل کتل شوي دي
کریم خلیلي عمران خان، جنرل باجوه او قرېشي سره ليدل کتل شوي دي

ښاغلي خليلي په داسې وخت کې د پاکستان سفر کړی په قطر کې د افغان حکومتي مذاکراتي ډلې او طالبانو ترمنځ د بېن الافغاني خبرو دوهم پړاؤ خبرې روانې دي.اوسمهال داسې ګونګوسی هم تر غوږونو کیږي.چې ګیني په نږدي راتلونکي کې په اینده نظام باندې خبرې وشي او ډېری رسنی وای چې شاید امریکا او طالبان په یو لنډمهاله حکومت باندې سره رضا شي.