محمد شهزاد عربي اماراتو ته ورسېد

محمد شهزاد عربي امارات ته ورسېددافغانستان کرکټ ملي ټیم چټک بیټسمین او ویکټ ساتونکی محمد شهزاد په ابوظهبي ټي ۱۰ لیګ کې د ګډون په موخه ابوظهبي ته لاړ.نوموړی به هلته د سټې نه وروسته په دغه ټورنمنټونو کې برخه واخلي.

ښاغلی شهزاد په ابوظهبي ټي ۱۰ لیګ کې د دکن ګلیډیټرز لوبډلې لپاره لوبېږي، چې دا سیالۍ به د روانې جنورۍ میاشتې په ۲۸مه نېټه پیل شي.هېره دې نه وي چې محمد شهزاد د ایرلېنډ پر وړاندې درې نړیوالو یو ورځنیو لوبو ته نه دی اخیستل شوی او لامل یې دا ښودل شوی، چې هغه له یو کلن بندېز وروسته راستون شوی دی، چې داسې سترو لوبو ته اخیستل ښه نه و.ښای په دغسې لوبو کې ښه پرفامنس شو نکړي. او لوبډله د ستونزو سره مخ نکړي.

خو محمد شهزاد بیا تر دې لوبو مخکې په شپږیزه کرکټ لیګ کې لوبېدلی و او له هغه مخکې يې په کابل کې تمریناتي کمپ کې هم ګډون کړی و.ویل کیږي نوموړي همداراز په نورو لوکل ټورنمنټونو کې هم ګډون کړی دی. او دغه لوبو کې هم ښه پر فامنس شو کړی وو.هغه د دې نه وړاندې هم په ډېرو لوبو کې ښه کارکردګي ښودلې وه.

محمد شهزاد عربي اماراتو ته ورسېد
محمد شهزاد عربي اماراتو ته ورسېد

د ابوظهبي ټي ۱۰ لیګ چې په متحده عربي اماراتو کې ترسره کېږي، د محمد شهزاد په شمول ۱۳ افغان لوبغاړي ورته د بېلا بېلو لوبډلو له لوري اخیستل شوي دي.او په دغه لوبو کې ګډون کوي د دې نه علاوه په دغه لوبو کې اکثره لوبغاړي داسې اخیستل شوي دي چې دويي د دې نه وړاندې هم ښه پرفامنس شو کړی وو.ښايي دويي په ټي ١٠لیګ کې هم ښه پر فامنس شو کړي.

بلخوا بیا ډېر افغان لوبغاړي د ایرلینډ سره سیریز کې لوبیږي.په دغه لوبو کې په لومړۍ نړيواله يو ورځنۍ لوبه کې د ايرلېنډ لوبډلې د ١٦ منډو په توپير ماتې ورکړه او د لوبلړۍ پيل يې په بريا سره وکړ.په دې لوبه کې په توپوهنه کې رحمان الله ګربز او راشد خان او په توپ اچونه کې بيا نوين الحق تر نورو ښه وځلېدل، او رحمان الله پکې مین اف دي میچ شو.

دنبي ښه توپوهنه، ټیم يې بریالۍ او مین اف دي میچ شو

دنبي ښه توپوهنه، ټیم يې بریالۍ او مین اف دي میچ شومحمد نبي نن په بیګ باش لیګ کې زبردست بېټنګ ترسره کړه چې ډېر وروسته يې خپلې ټيم ته بریا ورپه برخه کړه او همدا رنګه د لوبې د غوره لوبغاړي یا مین اف دی میچ جایزه يې هم خپله کړه.

د BigBashلیګ ۳۳مه لوبه د اډیلیډ سټرایکرز او میلبورن رینیګاډز لوبډلو ترمنځ ترسره شوه. د لوبې په پیل کې سټرایکرز پچه وګټله او توپوهنه يې غوره کړه.اډیلیډ سټرایکرز په ټاکلو ۲۰ اورونو کې د ۷ لوبغاړو په سوځېدو ۱۷۷ منډې وکړې، چې له ډلې یې پیل سالټ ۵۹، الیکس کیري ۴۲ او مټ رینشا ۳۰ منډې وکړې.راشد خان بیا په صفر وسوځېده.د میلبورن رینیګاډز له لوري پیټر هیتزګلو ۳ او جېک پریستویج ۲ لوبغاړي وسوځول.

نور احمد ۴ اورونو کې ۳۵ او محمد نبي ۱ اور کې ۹ منډې ورکړې، خو ویکټ يې وانخیسته.د ۱۷۸ منډو هدف د میلبورن رینیګاډز لوبډلې په ۱۹.۵ اورونو کې د ۴ لوبغاړو په سوځېدو پوره کړ او د ۶ ویکټو په توپیر يې بریا خپله کړه. محمد نبي نن په زړه پورې لوبه ترسره او لوبډله يې بریالۍ کړه، هغه د ۲ شپږیزو او ۹ څلوریزو په مټ په ۴۱ توپونو ۷۱ ناسوځېدلې منډې وکړې.

د اډیلیډ سټرایکرز له لوري راشد خان دوه لوبغاړي وسوځول.د لوبې د غوره لوبغاړي جایزه محمد نبي ته ورکړل شوه.هېره دې نه وي چې دا د میلبورن رینیګاډز ۹مه لوبه وه چې دویمه بریا يې خپله کړه.دوی ښهلوبه وکړه اوله همدې لامل داشو چې دوی لوبه هم وګټله.

دنبي ښه توپوهنه، ټیم يې بریالۍ او مین اف دي میچ شو
دنبي ښه توپوهنه، ټیم يې بریالۍ او مین اف دي میچ شو

محمد نبي یو له ښه لوبغاړو دی او دی کولی شي په ملي کچه لوبو کې هم ښه پرفامنس وښای خو شرت ب ېې دا وي چې په هره لوبه کې ېې ولوبوي او په اولو نمبرو کې ېې بیټنګ ته راوباسي تر څو د لوبې د ملت تیر جوړ شي هېره دې نه وي چې محمد نبي د ښهلوبغاړي ترڅنګ یو ښه انسان هم دی.

تاج ملوک عالم: هر وګړی بید خپلې مېرمن سره کومک شي د افغانستان ملي ټیم پخوانی ټرینر او د کرکټ بورډ اوسني تخنيکي سمشاور تاج ملک عالم د ډوډۍ پخولو ته هم مخه کړه او د تناره په سر يې تازه اخيستل شوي عکسونه خپاره کړي دي.نوموړی ویلس باید په تیاره ډوډی ونه خورو.

ښاغلی عالم چې په فیسبوک کې ډېر فعال دى او همدا راز ډېرى خلکو ته د هغوى په پوسټونو تبصرې هم کوي، تازه يې خپل نوي عکسونه خپاره کړي دي.په دې عکسونو کې ورکړل شوی ، چې تاج ملک عالم د تناره په سر ناست دى او ډوډۍ چمتو کوي. په يو عکس کې هغه په تناره کې ډوډۍ پورې کوي، په بل عکس کې بيا ډوډۍ راوباسي او په يو عکس کې يې پخه ډوډۍ له تناره راويستې او ورته ګوري.نوموړي له دې عکسونو سره ليکلي دي:کله کله کور مېرمنو سره هم مرسته پکار وي، هر وخت تيار خوري هم خوند نه کوي.

د نوموړي دې عکسونو ډېرې جالبې تبصرې هم شوې دي او دا عکسونه يې څه کم درې زره کسانو تراوسه پورې خوښ کړي هم دي.ځينو کسانو بيا په تناره کې هغه ډوډۍ هم ليدلې ده، چې څڅېدلې ده او خلکو ورته د همدغه ډوډۍ په اړه تبصرې کړې دي.ځينو ویلي چې باید د تاج ملوک څخه باید چل زده کړو او خپلو مېرمنو سره مرسته وکړو تر څو مو میرمنې هم راحته وي. او نور ژوند ته وخت ولري.

هېره دې نه وي چې تاج ملک عالم څو ورځې وړاندې د کوزې پښتونخوا مشهورې سندرغاړې ګل پاڼې ته هم يو کمنټ کړى و او هغه ته يې په کمنټ کې مشوره ورکړې وه، چې نور دې يو شريف سړى وګوري او واده دې ورسره وکړي.په دغه پوسټ باندې هم خلکو مختلف قسمه تبصرې کړې وې.

دښاغلي عالم د ګل پاڼې په عکسونه دغه تبصره په ټولنيزو رسنيو کې هم ډېره لاس په لاس شوې وه.او خلکو کوټ کړې وه ځينو بیا په فیسبوک کې هم دغه پوسټ نشر کړی وو او لیکلي ېې وو چې باید ګل پاڼړه د تاج ملوک په وینا عمل وکړي ځینو خلکو بیا ویلی وو چې باید شخصي ژوند کې څوک کار ونلري او خپل ژوند ته ېې پرېږدي.

جمهور ریس غني: راشد ارمان د نوي افغانستان استازى دى

جمهور ریس غني: راشد ارمان د نوي افغانستان استازى دى ولسمشر محمد اشرف غني هم د افغانستان ملي ټیم مشهور سپېنر بالر راشد خان ته د(ICC) لخوا د شل اوريزو لوبو د لسيزې د غوره لوبغاړي جايزې ګټلو مبارکي ویلې او نوموړی ېې د نوي افغانستان نماینده بللی.

د ولسمشری ماڼړی له طرفه په خپره شوې خبرپاڼه کې ويل شوي دي، چې ولسمشر غني وويل:په ډېر وياړ خبر شوم چې د افغانستان د کرکټ ملي لوبډلې ځوان لوبغاړى او د نړۍ په کچه د کرکټ منل شوى ستورى راشد خان د کرکټ د نړيوالې شورا له خوا د لسيزې غوره لوبغاړى ټاکل شوى دى.او هغه ته دې دا ستر ویاړ مبارک وي. هغه ویلی راشد په څېر دې نور ځوانان هم په اینده کې دا ډول ویاړونو ته هڅې وکړي تر څو د افغانانو سر فخر سره بلند شي. او د لوبو په نړی کې نوز هم ښه وځلیږي.

په خبرپاڼه کې د ولسمشر غني له لوري زياته شوې: ((راشد خان او په بېلابېلو برخو کې ده ته ورته اتلې پېغلې او ځوانان د نوي افغانستان استازي دي. دوی د افغانستان د ځوان نسل سرلاري او د تېرو شلو کلونو د لاس ته راوړنو، نویو ارزښتونو، پرمختګونو او غږ پورته کولو ساتونکي اتلان دي.

جمهور ریس غني: راشد ارمان د نوي افغانستان استازى دى
جمهور ریس غني: راشد ارمان د نوي افغانستان استازى دى

همداراز په خبرپاڼه کې راغلي دا ځوانان پېغلې د اوسني آزاد او پرمختللي افغانستان هغه رسا غږ او واضح تصویر دی چې په بېلابېلو نړیوالو سټېجونو د خپل ملت استازولي کوي او د ولس رښتینی غږ، قوي اراده، لوړ ارزښتونه او لوی ارمانونه له نړۍ سره شریکوي.ولسمشر غني همدا راز وايي:زه باور لرم چې د افغانستان ځوان نسل به د ټولنې په هره برخه کې همداسې په مسوولیت مخ ته ځي او په خپلو لاس ته راوړنو او اتلولیو به د خپل ملت سترګې روښانوي.

خبر پاڼه کې همداراز پای کې ليکي:د افغانستان اسلامي جمهوري دولت په استازیتوب راشد خان ته ددې ستر ویاړ مبارکي وایم او د لا ډېرو بریاوو هیله ورته کوم. تر څنګ يې یو ځل بیا ژمنه کوم چې ځوانان به د افغانستان د اوسنۍ او راتلونکې سترې سرمایې په توګه زموږ په لومړیتوبونو کې ځای ولري

د مصالحې شورا مشر عبدالله عبدالله ملي لوبغاړی راشد خان ستایلی

د مصالحې شورا مشر عبدالله عبدالله ملي لوبغاړی راشد خان ستایلی دافغانستان د ملي مصالحې عالي شورا مشر ډاکټر عبدالله عبدالله د افغان لوبډلې لوبغاړی راشد خان د (ICC) د لسیزې غوره لوبډله کې په راتلو ستایلی دی.

پرون (ICC) د لسیزې غوره لوبډلې اعلان کړې، چې راشد خان هم د شل اوریزو لوبو د لسیزې غوره لوبډله کې ځای موندلی دی.د ملي مصالحې عالي شورا مشر ډاکټر عبدالله عبدالله د خپلې رسمي فېسبوکپاڼې نه د راشد خان په اړه يو پوسټ کړی دی او د هغه عکس يې هم خپور کړی.نوموړي لیکلي:” د کرکټ ملي لوبغاړي راشد خان بریا دې ټولو ته مبارک بادوي.

د مصالحې شورا مشر عبدالله عبدالله ملي لوبغاړی راشد خان ستایلی
د مصالحې شورا مشر عبدالله عبدالله ملي لوبغاړی راشد خان ستایلی

دافغانستان ملي لوبډلې مشهور لوبغاړي ښاغلی راشد خان د خپلو اتلولیو په لړ کې د کرکټ نړیوالې شورا د شل اوریزو سیالیو د وروستۍ لسیزې د ځانګړې لوبۀلې په نوملړ کې ځای خپل کړی. د کرکټ ملي لوبډلې په ځانګړي راشد خان تل هېوادوالو ته خوښۍ او ویاړونه ډالۍ کړي دي. د سولې دا سفیران دې ژوندۍ او ګړندۍ وي.”

دډاکټر عبدالله عبدالله پرته هېوادوالو او د ملي لوبډلې لوبغاړو هم راشد خان ته د شل اوریزو لوبو د لسیزې په غوره لوبډله کې په راتګ مبارکۍ ورکړي دي.او نوموړی ېې هڅولی چې پا اینده کې همباید راشد همداسې د افغانستان د کرګټ نوم مشهور او بلند کړي.او د هیوادوالو زړونه خوشاله کړي.

د افغان لوبډلې پخواني کپتان او الراونډر لوبغاړي ګلبدین نایب هم د راشد خان په اړه یو ټویټ کړی دی او هغه ته يې مبارکي ورکړې ده. نوموړي راشد خان ته لیکلي دي چې ته د افغانستان رښتینی اتل یې، زه درباندې ویاړم.هغه ویلی دا یوه غټه د فخر خبره ده.چې ستاسو په شان روښانه او پرفامر پلیر لرو.

د روڼتيا څار سازمان ریس دافغانستان دکرکټ بورډ ادارې نه شکايت کړى

د روڼتيا څار سازمان ریس دافغانستان دکرکټ بورډ ادارې نه شکايت کړى. د هېوادکرکټ بورډ اداره د معلوماتو ته نه ورکولو په برخه کې تورن شوى دى او د افغانستان د روڼتيا څار سازمان مشر له کرکټ بورډ څخه په رسمي توګه هم شکايت کړى.

ښاغلی اکرام افضلي، چې د افغانستان د روڼتيا څار سازمان ریس دى، په ټويټر کې په يو ټويټ کې ذکر کړي دي، چې کرکټ معلومات ته لاسرسى نه ورکوي. هغه وايي، چې د هرې ادارې لپاره د داخلي څار يا د پلټنې څانګه ضروري برخه ده او که رښتيا هم کرکټ بورډ دغه څانګه له منځه وړي وي، نو بايد چې په اړه يې وضاحت ورکړل شي.ځکه چېکرکټ بورډ یوه ملی اداره ده باید ولس د دويي د کړنو نه خبر وي.نوموړي په خپل ټويټ کې زیاته کړې، چې د کرکټ بورډ څخه د معلوماتو ترلاسه کولو لپاره يې اطلاعاتو ته د لاسرسي فورمه هم ډکه کړې ده،

د روڼتيا څار سازمان ریس دافغانستان دکرکټ بورډ ادارې نه شکايت کړى
د روڼتيا څار سازمان ریس دافغانستان دکرکټ بورډ ادارې نه شکايت کړى

هغه وايي بیا هم کرکټ بورډ مثبت ځواب نه دى ورکړى.د سيد اکرام افضلي په وېنا، چې اوس يې اطلاعاتو ته د لاسرسي کميسيون ته د افغانستان کرکټ بورډ څخه په رسمي ډول شکايت کړى دى.د يادولو وړ ده چې د افغانستان کرکټ بورډ باندې تل دا نيوکې کېږي، چې معلومات له خلکو پټ ساتي او هغه ضروري معلومات، چې بايد له ولس سره شريک شي، نه شريکېږي.

په دې برخه کې د افغانستان کرکټ بورډ رسمي وېبپاڼه هم له ډېرو معلوماتو څخه نيمګړې ده او يوازې تر خبري راپورونو پورې محدوده ده.د افغانستان کرکټ بورډ د رسنيو څانګه هم په وخت معلومات له رسنيو سره نه شريکوي.او کوښښ کوي چې په څه نا څه ډول ترینه ځان پټ کړي.

په دې اړوند نوی مثال يې دا دى، چې په ننګرهار کې د ملي لوبغاړو تمريناتي کمپ پيلېږي، چې ډول لوبغاړي جلال اباد ته رسېدلي هم دي، خو د کرکټ بورډ له لوري يې تراوسه پورې معلومات نه دي خپاره شوي.

دويراټ د واده کليزه

دويراټ کو د واده کليزه د انډیاکرکټ ملي کرکټ ټیم کپتان ويراټ کوهلي او د هندي فلمونو د مشهورې هنرمندې انوشکا شرما د واده دريمه کليزه ده.کوهلي د خپلې کلیزې په اړه سوشل میډیا کې لیکلي چې درې کاله مو تېر شو او غواړو چې ټول عمر يو ځاى تېر کړو.

ښاغلی کوهلي اوسمهال په اسټراليا کې دى، چېرته چې د هند او اسټراليا ترمنځ نن د ټېسټ لوبو لړۍ پيل شوه، خو مېرمن يې انوشکا شرما بيا په هند کې ده.ويراټ کوهلي په ٢٠١٧ کال کې د دسمبر په ١١مه نېټه له مشهورې هنرمندې انوشکا شرما سره واده کړى و، د دوى واده په ايټاليه کې شوى و، چې وروسته يې بيا په هند کې هم د واده لپاره يو پروګرام نيولى و، ځکه ايټاليا کې د دوى په واده کې يوازې د کورنيو غړو او نږدې ملګرو ګډون کړى و.

نوموړي انسټاګرام کې د واده په اړه يو پوسټ کړى دى او همدا راز د خپل واده يو عکس يې هم خپور کړى دى. هغه ته په ټولنيزو رسنيو کې ډېرو خلکو د واده د دريمې کليزې مبارکي هم ورکړې ده.بل لوري ته انوشکا شرما هم په انسټاګرام کې د ويراټ کوهلي سره يو عکس خپور کړى دى او د واده د دريمې کليزې په ورځ يې ليکلي دي، چې د دوى د واده درې کاله پوره شو او ډېر ژر به دوى هم درې شي.

دويراټ د واده کليزه
دويراټ د واده کليزه


د اګست په مياشت کې ويراټ کوهلي په ټولنيزو رسنيو کې خبر ورکړى و، چې مېرمن يې حامله ده او د ٢٠٢١ کال د جنورۍ په مياشت کې به دوى له ٢ څخه ٣ شي.ويراټ کوهلي چې اوسمهال په اسټراليا کې دى،

ښاغلی کوهلی د اسټراليا پر وړاندې د لومړۍ ټېسټ لوبې چې نن پيل شوه ترسره کولو وروسته به بېرته هند ته راستون شي. هغه اسټراليا ته له تګ مخکې د هند کرکټ بورډ ته ويلي و، چې غواړي په دې وخت کې له خپلې مېرمنې سره يو ځاى وي،کوهلي د ښه پلیر سره سره د ښه اخلاقو خاوند هم دی.

ګلبدين نايب هم الکترونیکي تزکیره واخیسته

ګلبدين نايب هم الکترونیکي تزکیره واخیسته دکرکټ ملي لوبډلې پخواني کپتان او الراونډر لوبغاړي ښالي ګلبدین نايب هم اليکترونيکي يا برېښنايي تذکره ترلاسه کړه، هغه وايي يوه بله دنده يې هم ترسره کړه.نوموړی وايي ویلي باید هر افغان دا دنده ترسره کړي

ښاغلي نايب په خپل ټويټر کې يو عکس خپور کړى دى، چې خپله اليکترونيکي تذکره ترلاسه کوي، نوموړې له دې عکس سره ليکلي دي. نن مې خپله يوه بله افغاني دنده هم ترسره کړه او خپله برېښنايي تذکره مې واخيسته. زموږ هويت زموږ وياړد يادولو وړ ده چې د اليکترونيکي يا برېښنايي تذکرو د پيلېدو څخه څه وخت وروسته په کرکټ بورډ کې هم يوه څانګه جوړه کړې وه، تر څو د ملي لوبډلې ټولو لوبغاړو او د کرکټ بورډ کارکوونکو ته اليکترونيکي تذکرې ورکړي.

دغه وخت ډېرو لوبغاړو او د کرکټ بورډ ډېرى کارکوونکو اليکترونيکي تذکرې ترلاسه کړې، خو ګلبدين نايب اليکترونيکي تذکره اوس ترلاسه کړه، همدا راز يو شمېر نورو لوبغاړو هم برېښنايي تذکرې نه دي اخيستي.هیره دې نه وي چې د اليکترونيکي تذکرو د وېش لړۍ د کابل پرته په يو شمېر ولايتونو کې هم پيل شوې ده او ډېرى هېوادوالو ورته نومليکنه کړې او ډېرو يادې تذکرې ترلاسه کړې هم دي.

ګلبدين نايب هم الکترونیکي تزکیره ترلاسه کړه
ګلبدين نايب هم الکترونیکي تزکیره ترلاسه کړه

د يادولو وړ ده چې ګلبدين نايب د ٢٠١٩ کال نړيوال جام پر مهال د افغانستان کرکټ ملي لوبډلې د يو ورځنيو لوبو لوبډلمشر و، چې بدبختانه افغانستان په نړيوال جام کې هېڅ بريا ترلاسه نه کړه او تش لاس بېرته هېواد ته راستنه شوه.نوموړی د خو اخلاقو خاوند دی او اوسمهال خپل فامیل سره کابل کې ژوند کوي.

نن دهندي لوبغاړي شيکر دهون کليزه ده

نن دهند مشهور لوبغاړي شيکر دهون کليزه ده د هند کرکټ ملي لوبډلې شيکر دهون چې يو چټک بیټسمین دى، نن ٣٥مه کليزه لمانځي. نوموړى په ١٩٨٥ کال کې د دسمبر په پنځمه نېټه په ډيلي کې زېږېدلى و.ښاغلي دهون چې په ٢٠١٠ کال کې يې د هند کرکټ ملي لوبډلې لپاره لوبې پیل کړې.

نوموړي د کرکټ په نړۍ کې ډېر ريکارډونه هم جوړ کړي دي.هغه د هند پيليز توپوهونکى دى او چټکه توپوهنه ترسره کوي،. دا چپ لاسى توپوهونکى په اى پي ايل کې هم يو مخکښ توپوهونکى دى چې ډيلي کاپيټلز سره لوبېږي او په لومړي ځل يې په ٢٠٢٠ اى پي ايل کې دوه لوبو کې پرلپسې سليزې هم ووهلې.شيکر دهون چې اوسمهال د اسټراليا پر وړاندې د هند لوبډله کې شامل دى، په درې نړيوالو يو ورځنيو لوبو کې يې (٧٤، ٣٠، ١٦) منډې وکړې، خو په لومړۍ نړيواله شل اوريزه لوبه کې نوموړى يوازې په ١ منډه وسوځېده.ض

هغه د انډیا لپاره ٣٤ ټېسټ، ١٣٩ نړيوالې يو ورځنۍ او ٦٢ نړيوالې شل اوريزې لوبې ترسره کړې دي.نوموړي په ټېسټ لوبو کې د ٤٠.٦١ په اوسط ٢٣١٥ منډې ترلاسه کړې دي، چې په يوه لوبه کې يې ١٩٠ منډې هم کړې دي. هغه ٧ سليزې او ٥ پنځوسيزې وهلي دي.

په نړيوالو ونډې لوبو کې نوموړي د ٤٥.٠٢ په اوسط ٥٨٠٨ منډې ترلاسه کړې دي، چې په يوه لوبه کې يې ١٤٣ زياتې منډې کړې دي، ١٧ سليزې او ٣٠ پنځوسيزې يې وهلي دي.نوموړی هر وخت په ښه پرفامنس باندې مشهور وو.

په ورلډ T20 لوبو کې هغه د ٢٧.٨٧ په اوسط ١٥٨٩ منډې کړې دي، چې ٩٢ منډې يې په يوه لوبه کې زياتې منډې دي او ١٠ پنځوسيزې يې هم وهلي دي او ١٢٧.٧٣ يې سټرايک رېټ دى.نوموړي په لومړۍ ټېسټ لوبه کې چټکه سليزه وهلې وه، چې په ١٧٤ توپونو يې ١٨٧ منډې کړې وې.

نن دهندي لوبغاړي شيکر دهون کليزه ده
نن دهندي لوبغاړي شيکر دهون کليزه ده

په ٢٠١٥ ورلډ کپ کې يې د هند له لوري تر ټولو زياتې منډې ترلاسه کړې وې.په ٢٠١٣ کال کې لومړنى هندى توپوهونکى دى چې زياتې منډې يې ترلاسه کړې دي.په ٢٠١٤ کال کې ويسډن د کال غوره لوبغاړى ونوماوه.نوموړی د ښه پلیر سره د ښه اخلاقو خاوند هم دی.

محمد نبی لا هم خپلې کورنی سره دی

محمد نبی لا هم خپلې کورنی سره دی دافغانستان کرکټ ملي ټيم تجربه کاره الراونډر پلیر محمد نبي چې له اى پي ايل څخه هېواد ته راستون شوى، خپل ټول وخت يې خپلې فامیل ته ځانګړى کړى دى او تراوسه پورې اسټراليا ته سفر ندی کړی.

ښاغلی نبي چې په نړيوالو ټي ټونټي لوبو کې د نړۍ لومړى غوره الراونډر دى او په نړيوالو يو ورځنيو لوبو کې بيا دويم غوره الراونډر مقام خپل کړی .هغه د اسټراليا په بيګ باش سياليو کې د ميلبورن رينيګاډز لوبډلې لپاره لوبېږي، چې سږکال ورسره يادې لوبډلې يو ځل بيا هم تړون کړى دى.محمد نبي چې په اى پي ايل کې د سنرايزرز حېدراباد لوبډلې لپاره لوبېده، سږکال نوموړي ته په ډېرو لوبو کې د لوبېدو چانس ور نه کړل شو او يوازې يوه لوبه کې ولوبېد .

محمد نبی لا هم خپلې کورنی سره دی
محمد نبی لا هم خپلې کورنی سره دی

د IPL له ختمېدو وروسته هغه بېرته افغانستان ته راستون شو او خپل ټول وخت يې خپلې کورنۍ ته ځانګړى کړى دى. د هغه عکس چې په ټولنيزو رسنيو کې خپور شوى دى، پکې ليدل کېږي چې د خپلو ماشومانو سره يو ځاى دى.د محمد نبي له خپلو ماشومانو سره دا عکس د سنرايزرز حېدراباد لوبډلې هم خپور کړى دى او ورته يې ليکلي دي.


د يادولو وړ ده چې بيګ باش سياليو کې چې کوم لوبغاړي لوبېږي، هغه به اسټراليا ته له رسېدو وروسته د ١٤ ورځو لپاره کرنټين کېږي، چې د افغانستان مخکښ ورو توپ اچونکى راشد خان څو ورځې وړاندې اسټراليا ته تللى دى او اوس هلته کرنټين دى.

همدا رنګه محمد نبي هم ښايي په راتلونکو دوه ورځو کې اسټراليا ته لاړ شي، ځکه چې د بيګ باش سيالۍ د دسمبر په ١٠مه نېټه پيلېدونکي دي.همدا راز په دې سياليو کې مجيب الرحمان، ظاهر خان او نور احمد لکڼوال هم لوبېږي، خو د هغوى د تګ په اړه هم تراوسه پورې کوم معلومات نه دي ورکړل شوي.