ټوله نړی کې د کروناوېروس تازه حال

د سرچینیو معلوماتو له مخې لاهم کرونا ویروس په ټوله نړۍ کې خورا خطري ده او هره ورځ نژدې زرګونه انسانان په ټوله نړۍ کې مړه کوي.تر دې دمه له ۹۷ میلیونه زیات انسانان په ټوله نړۍ کې په کرونا اخته شوي.او لا هم دغه وبا خپریږي او خلک پرې اخته کیږي.

هر وخت د دې امکان شته چې دا شمېره لاهم لوړه سي راپورونه وايي چې د تازه شمېرو له مخې دې ناروغي په ټوله نړۍ کې ۲ میلیونه ۸۳ زره کسان وژلي.د ۹۷ میلیونه انسانانو له جملې څخه څه کم ۷۰ میلیونه انسان روغ سوي هم دي د روغیا نړیوال سازمان سره د امریکا بیرته یوځای کیدلو سره د ملګرو ملتونو منشي انتونیو ګوتریش هر کلی کړی او ویلي يې دي چې د کرونا په وړاندې باید یوالی رامنځ ته کړو.

دهېطوادونو په کچه امریکا هغه هېواد دی چې د کرونا ناروغي پکښي زیات خلک مبتلا شوي په دې هېواد کې نژدې ۲۵ میلیونه کسان په کرونا اخته سوي چې له جملې څخه يې ۴لکه ۱۵ زره کسان وژلي دي.امریکا له کرونا  سره د مبارزې خبره کوي خوتراوسه پوري دا هېواد نه دی توانیدلی چې مبارزه بریالۍ او تلفات کابو کړي له امریکا وروسته هند او برازیل هغه هېوادونه دي چې په دویم او دریم مقام کې دي.او لا هم په دغه ملکونو کې دا وبا روانه ده

په افغانستان کې که څه هم  د کرونا ناروغي پیښې تر پخوا لږ سوې خو اوس هم هره ورځ په یو شمېر ولایتون کې د دې ناروغي مثبتې پیښي رامنځ ته کیږي په افغانستان کې د کرونا مثبتو پیښو شمېر تر ۵۴ زره اوښتی او تراوسه يې ۲۳۶۳ کسان وژلي هم دي

ټوله نړی کې د کروناوېروس تازه حال
ټوله نړی کې د کروناوېروس تازه حال

افغانستان کې ډاکټران وايي ن وايي چې خلک باید روغتیايي سپارښتنو ته پاملرنه وکړي ترڅو د کرونا د راتلوونکو خطرونو څخه ځان خوندي کړي خو داسې مالومیږي چې په عامه توګه لاهم افغانان له دې ناروغي سره بې پروا چلند کوي۔ عام وګړي په بازارونو کې ګرزي را ګرزي ماسکونه نه استفاده کوي همداراز یو بل سره نږدې پاتې کیږي.

د افغانستان په اړه دنوي ولسمشربايډن ممکنه تګلاره به څه وي؟

د افغانستان په اړه دنوي ولسمشربايډن ممکنه تګلاره به څه وي؟ټاکل شوې، چې ۷۸ کاله عمرذلرونکی جو بايډن د امريکا د ۴۶م ولسمشر په توګه لوړه وکړي او په اولو ورځو کې د افغانستان په شمول د يو شمېر مهمو موضوعاتو په اړه خپل پلاونونه اعلان کړي.

ښاغلی بايډن، چې د پخواني ولسمشر بارک اوباما د واکمنۍ پر مهال له ۲۰۰۹ تر ۲۰۱۲ پورې مرستيال ولسمشر وو د افغانستان جګړې مخالفت يې کاو او دلته يې د ځواکونو د زياتېدو په اړه نظر هم همداسې د کمېدو ډېر وو. اوس، چې بایډن په رسمي ډول د امريکا ولسمشر ټاکل شوی او نن يې د لوړې مراسم دي، د نورو قضيو سربېره د افغانستان موضوع د هغه لپاره مهم لومړيتوب دی، چې بايد په اړه يې خپله تګلاره روښانه کړي.

د دوه لسیزو راپدیخوابوش، بارک اوباما او ډونلډ ټرمپ وروسته جو بايډن څلورم ولسمشر دی، چې د افغانستان جګړه په ميراث ور پاتې کيږي.که څه هم جو بايډن د امريکا له تلونکي ولسمشر ډونلډ ټرمپ سره د کورني سياست سربېره په يو شمېر مهمو موضوعاتو سخت اختلافات لري، خو له افغانستانه د خپلو پوځيانو د ويستلو په اړه يې تر اوسه له هغه سره مخالفت نه دی کړی.

ښاغلی ټرمپ د اقليم بدلون په اړه د پاريس له تړونه وتلی، همداراز له ایران سره له شوي اټومي تړونه هم په يو اړخيزه توګه وتلی، د خپلې واکمنۍ په لومړيو ورځو کې يې د يو شمېر مسلمانو هېوادونو پر اتباعو سفري بنديزونه لګولي، خو ويل کيږي، چې جو بايډن به د واک له تر لاسه کولو سمدستي وروسته په دې اړه خپله پرېکړه اعلان کړي او د ټرمپ د دريځ پر خلاف تګلاره به خپله کړي.

بلخواد افغانستان سولې او د امريکايي پوځيانو وتلو په اړه يې تر اوسه د ټرمپ د دريځ مخالفت نه دی کړی او لامل يې هم شايد دا وي، چې جو بايډن په خپله د افغانستان د جګړې مخالف دی.ډېر خلک وايي چې هغه غواړي چې روانه جګړه نوره پای ته ورسیږي او دا سیمه یوذپر امنه سیمې باندې بدله شي.

جو بايډن چې د بارک اوباما د واکمنۍ پر وخت د هغه مرستيال و، په خپلوڅرګندونو کې يې افغانستان ته د اضافي پوځيانو د لېږلو مخالفت کاو او يو ځل يې ويلي و، چې د افغانستان د ښځو د حقونو لپاره دی خپل زوی «عسکر» نه شي قربانولی.هغه ویليوو باید نور جګړه ختمه شي او یوه نوې فضاء رامنځته شي.

د افغانستان په اړه دنوي ولسمشربايډن ممکنه تګلاره به څه وي؟
د افغانستان په اړه دنوي ولسمشربايډن ممکنه تګلاره به څه وي؟

داسې ویل کیږي، چې امريکا لپاره خپلې ګټې مهمې دي او ښايي دافغان حکومت د چارواکو ته اهميت ور نه کړي او د پوځيانو ویستلو او د افغانستان راتلونکي په اړه د دوحې تړون ته ژمن پاتې شي او عملي يې کړي.ځکه د دوحې د تړون په اساس به ټول خارجي امریکايي عسکر به افغانستان ترک کوي.او طالبان او امریکا به سولې ته سره رسیږي.

استاذسیاف:د سولې خبرو لپاره باید سیاسی اجماع رامنځته شي

استاذسیاف:د سولې خبرو لپاره باید سیاسی اجماع رامنځته شي پخواني جهادي مشر او د حراست او ثبات شورا ریس عبدالرب رسول سیاف وایي، د سولې فردي هڅې د مذاکراتي ټیم د کمزورۍ لامل ګرځېدلې او باید ودرول شي.هغه وای باید سولې لپاره سیاسی اجاع رامنځته شي.

ښاغلی استاذ عبدالرب رسول سیاف چې نن یې په کابل کې د پخلاینې عالي شورا دویمې ناستې ته خبرې کولې وویل، چې مذاکراتي ټیم د بشپړ ولس استازی دی او د ولس ښه استازیتوب یې کړی، چې اوس پر ولس حق لري قاطع ملاتړ یې وکړي او داسې هڅې ونشي چې د مذاکراتي ټيم د ضعف لامل وګرځي.نوموړي وړاندې زیاته کړه، هغه کسان چې د جوړجاړي لپاره فردي هڅې کوي، باید ودرول شي؛ځکه دده په خبره، مذاکراتي ټيم یو چینل دی او هر څوک چې کومه خبره لري،

کولای شي چې له مذاکراتي ټیم سره یې شریکه کړي او هغوی به بیا له مقابل خوا سره ورباندې وغږېږي.سیاف ددې تر څنګ طالبان تورن کړل چې د مذهب د موضوع په مطرح کولو سره یې د کابل د مذاکراتي ټيم د ویشلو هڅه کړې؛ خو په خبره یې،

دافغان سولې مذاکراتي ټيم خپل وحدت په ښه توګه وساته او د ولس ښه استازولي یې وکړه.د سیاف له قوله، د سولې لپاره اړینه ده چې دواړې غاړې اراده ولري او تر هغو پورې سوله شونې نه ده، تر څو د دواړو اړخونو اراده مشخصه شوې نه وي.

استاذ سیاف داسې مهال د سولې د فردي هڅو د درېدو غږ کوي، چې په کابل کې دننه یو شمېر جهتونه د سولې په پروسه کې ځان شریک نه ګڼي او هڅه کوي له طالبانو سره له خپل ادرسه خبرې وکړي.هغه ویلی باید اوس سولې ته اجماع رامنځته شي.اوپه یو اتفاق شو سره. تر څو مو هېواد مو دایمی سولې تا ورسیږي

ولسمشر  غني د اندونیزیا د محمدیه علماو سازمان مشر او مل پلاوي سره وکتل

د افغانستان اسلامي جمهوریت جمهوررئیس محمد اشرف غني بېګا ماښام د اندونیزیا د محمدیه علماو سازمان رئیس او د یاد هیواد د جمهورئیس پخواني مرستیال ډاکټر یوسف کلا او مل پلاوي، سره لیدل کتل وشو په دغه لیدنې کې د کابینې او د حکومت مزاکراتي ټیم غړي هم موجود وو.

دغه کتنه کې چې په ارګ کې وشوه ډاکټر یوسف کلا د اندونیزیا د جمهوررئیس سلامونه او نېکې هیلې جمهوررئیس غني او د افغانستان خلکو ته وړاندې کړې وې ویل، موږ په تېرو دوه ورځو کې د ارشاد، حج او اوقافو او د صنعت او سوداګرۍ وزارتونو رهبري پلاوي، د ملي امنیت سلاکار، د سولې مذاکره کوونکي پلاوي او د افغانستان علماو شورا یو شمېر غړو سره وکتل.هغه زیاته کړه، زموږ د سفر موخه داده چې اندونیزیا د ستر اسلامي هیواد په توګه د افغانستان په سولې پروسه کې څنکه مرسته او همکاري کولای شي.

ډښاغلي یوسف کلا په افغانستان کې د تاوتریخوالي پر زیاتوالي د انديښنې څرګندولو پر مهال له طالبانو وغوښتل چې تاوتریخوالي پایته ورسوي.یاد پلاوي څرګنده کړه، اندونیزیا د معتدل اسلامي هیواد په توګه د سولې په برخه کې ښې تجربې لري او چمتو ده چې یادې تجربې د افغانستان دولت سره شریکې کړي.

دويي په اندونیزیا کې د اسلامي نړۍ علماو په ګډون د یوه کنفرانس جوړېدو په خاطر چې د افغانستان د سولې په اړه بحث او خبرې وکړي،دويي چمتووالی هم وښوده ښاغلي یوسف وویل اندونیزیا د سولې مذاکراتو د یو پړاو کوربه توب ته تیار دي.بلخوا بیا ولسمشر غني ډاکټر یوسف کلا او مل پلاوي ته د ښه راغلاست پر مهال وویل، د ده سلامونه او نېکې هیلې هم د اندونیزیا جمهوررئیس او خلکو ته ورسوئ

ولسمشر زیاته کړه، اندونیزیا له یوې خوا په نړۍ کې پرنفوسه اسلامي هیواد دی او له بلې خوا د سولې په برخه کې ښې تجربې لري چې کولای شي د افغانستان د سولې په پروسه کې اغېزناکه همکاري وکړي.د هیواد جمهوررئیس وویل، ستاسې تجربې نه یواځې د افغانستان اسلامي جمهوري دولت ته ممدې واقع کېږي، بلکې د طالبانو ډلې ته هم موثرې دي، ترڅو د اعتدال لار غوره او له تاوتریخوالي لاس واخلي.اوسوله وکړي.

ښاغلي غني د خپلو خبرو اخیر کې د علماو کنفرانس د کوربه توب د چمتووالي مننه وکړه وې ویل، د اسلامي نړۍ ټول علما په افغانستان کې د روانې جګړې پر نامشروع بللو اجماع لري او دغه تاوتریخوالی چې له امله یې بې ګناه افغانانو ته زیان رسېږي، نور موږ ته د زغملو وړ نه دی ښاغلي غني ویل ټول اسلامي هېوادونهباید د افغان سولې ملاتړ وکړي.تر څو سولې لپاره منتقوي اجماع هم جوړه شي او دسولې خبرې کامیابه شي .

د مصالحې عالي شورا: جمهوریت باندې هیڅ ډول معامله نه کوو

د مصالحې عالي شورا: جمهوریت باندې هیڅ ډول معامله نه کوود پخلاینې عالي شورا دوهم مرستیال اسدالله سعادتي وایي، په هیواد کې د جمهوري نظام بقا او د رایو له لارې د ولسمشر ټاکل کېدل هغه څه دي، چې، معامله ورباندې کېدلای نشي کیدی هغه وايي جمهوریت موږ ته سره کرښه ده.

د ښاغلي سعادتي پر وینا د جمهوري نظام بقا او دا چې د نظام لومړی کس به د رایو له لارې ټاکل کېږي، هغه څه دي چې زموږ لپاره سره کرښه ده او هیڅ بدیل نه لري.نوموړي وړاندې زیاته کړې، چې طالبانو تر دې دمه د خپل خوښې وړ «اسلامي نظام» په اړه توضیحات نه دي ورکړي؛ خو له خبرو یې داسې ښکاري، چې له اسلامي نظام څخه یې مراد هماغه پخوانی اسلامي امارت دید سعادتي په خبره، «اوربند» او تر سولې وروسته د نظام بڼه هغه څه دي، چې ښايي په راتلونکو مذاکراتو کې سخت وي.

ځکه دده له قوله، اوربند د حکومت د مذاکراتي ټيم د اجنډا په لومړنیو موضوعاتو او د طالبانو د خوښې وړ موضوعاتو په وروستۍ برخه کې قرار لري.نوموړي ددې تر څنګ د دواړو مذاکراتي ټیمونو تر منځ د نظر ستر توپير ته په اشارې ویلي، چې ښايي له همدې امله په افغانستان کې د سولې تامین ستونزمن وي.

د مصالحې عالي شورا: جمهوریت باندې هیڅ ډول معامله نه کوو
د مصالحې عالي شورا: جمهوریت باندې هیڅ ډول معامله نه کوو

دهغه له قوله، سوله یوازې هغه وخت تامین کېږي، چې عدالت تامین شي او د ټولنې د ټولو وګړو حقونه ورکړل شي.سعادتي داسې مهال جمهوري نظام خپله کرښه بولي؛ چې د طالبانو او کابل مذاکراتي ټیم تر منځ لا تر دې دمه ددې موضوعاتو په اړه خبرې نه دي پیل شوې.

هېره دې نه وي یوه اوونۍ مښکې دواړو لورو د اجنډا د موضوعاتو لستونه تبادله کړل او د نوي کال د جنوري میاشتې پر پنځمه یې د مذاکراتو د بیا ځلې پيلېدو په اړه هوکړه وکړه. دويي توافق وکړ چې دواړه لورې به د سلا مشورو نه وروسته بیا ځلې سره یو ځای شي او مزاکرات به پیل کړي.

تاجکستان عبدالله عبدالله ته دافغان سولې ملاتړ ډاډ ورکړی

 تاجکستان عبدالله عبدالله ته دافغان سولې ملاتړ ډاډ ورکړی دافغانستان په ګاونډ کې د تاجکستان هیواد چارواکو د مصالحې عالي شورا له رییس «عبدالله عبدالله» سره د لیدنو په مهال  د افغانستان له سولې پروسې ملاتړ اعلان کړی او د نوموړي په مشرۍ یې د سولې د روانې پروسې نتیجې ته د رسېدو هیله هم څرګنده کړې ده.

د دغه هېواد د ولسي جرګې رییس محمد طاهر ذاکرزاده ویلي، چې د تاجکستان ولسي جرګه د افغانستان له سولې ملاتړ کوي او تل یې هڅه دا وي چې د دواړو هیوادونو تر منځ شته نیکې اړیکې لا پراخې شي.ورته مهال د تاجکستان لومړي وزیر «قاهر رسول زاده» او بهرنیو چارو وزیر «سراج الدین مهرالدین هم د افغانستان د سولې له پروسې ملاتړ اعلان کړی۔هیره دې نه وي چې د تاجکستان نه علاوه نورو ملکونو هم د سولې ملاتړ اعلان کړی.

لومړي وزیر همدارازهیله ښودلې چې د عبدالله په مشرۍ به د افغان سولې پروسه بریا ته ورسېږي.تاجکستاني چارواکو د خپل هیواد او سیمې ثبات د افغانستان په سوله کې نغښتی دی او هیله يې ښودلې چې د سولې په تامین سره به سیمه اقتصادي وده وکړي.دويي همداراز ویلي چې باید ټول هېوادونه په سیمه سم زغنده رول ولوبوي.

د مصالحې عالي شورا وایي، عبدالله د تاجکستان له چارواکو سره په لیدنو کې په دوحه کې د طالبانو او کابل د مذاکراتي ټیمونو تر منځ د خبرو وروستی حالت شریک کړی او له افغان سولې پروسې د تاجکستان د ملاتړ له امله یې مننه کړې.

د مصالحې شورا مشر عبدالله عبدالله داسې مهال سیمې ته سفر کوي، چې په دوحه کې د افغان سولې د خبرو بهیر پيل شوی او دواړو لورو د اجنډا د موضوعاتو له تبادله کولو وروسته د راتلونکي پړاو مذاکراتو لپاره د لا ډېرو مشورو په هدف درې اوونۍ وقفه اخیستې.دويي په دې توافق ته سره رسېدلي دي چې د مشورو نه وروسته به یو وار بیا سره مزاکرات پیلوي.

نړی کې د کرونا تازه حال

نړی کې د کرونا تازه حال نړۍ تراوسه د کرونا له بیسیاري خطر سره مخ ده او هره شېبه د دې ناروغۍ زرګونه پیښي ثبتیږي ډيری هېوادونو د دې ناروغي د کابو کولو لپاره اقدامات کړي خو کابو شوې نه ده افغانستان کې هم دا ناروغي په خپرېدو ده.

د نوي معلوماتوله مخې په ټوله نړۍ کې د کرونا د مبتلایانو شمېر تر ۷۷ میلیونه زیات سوی او لاهم ویره موجوده ده چې دا شمېره به نوره هم لوړه سي تراوسه پوري له دې ناروغي څخه څه کم ۱۷ لکه انسانان مړه سوي خو بیا تر ۵۴ میلیونه زیات ترې جوړ سوي هم ديد تازه راپورونو له مخې په بریتانیا کې د کرونا یو نوی ډول ویرویس هم کشف سوی چې په ډیره چټکۍ سره خپریږي له همدې امله دې هېواد سره یو شمېر هېوادونو الوتنې او سفرونه ځنډولي.ویل کیږي دغه هېواد کې یو وار بیا کرونا په تېزی سره روانه ده.

متحده ایالات د هغه لیست په سر کې لاهم قرار لري چې په کرونا د  مبتلایانو شمېر پکښي خورا زیات سوی تازه شمېرې ښيې چې په دې هېواد کې په کرونا د مبتلایانو شمېر تر ۱۸ میلیونه اوښتی چې ۳لکه ۲۴زره کسان يې وژلي دي.له امریکا وروسته هند او برازیل هغه هېوادونه دي چې پکښي د کرونا د مثتبو پیښو او وژنو شمېر زیات دی تراوسه دا هېوادونه نه دي توانیدلي چې دا ناروغي کابو کړي

افغانستان کې تراوسه پوري ۵۰ زره ۶۷۷ کسان په کرونا ویرویس مبتلا سوي چې له جملې څخه يې ۲۱۱۰ کسان وژلي او تر ۳۹ زره زیات ترې جوړ سوي دي.افغانستان کې هم ورځ تربلې د کرونا ویرویس پیښي د ډيریدولو په حال کې دي د افغانستان روغتیاپالان اندېښنه لري.

چې که چیري د د کویډ١٩ناروغي همداسې خلک ورسره بې پروايي وکړي نو لیري نه ده چې یوه فاجعه به رامنځ ته کړي .هغوی له خلکو څخه د روغتیايي کارکوونکو، د سپارښتنو د عملي کولو غوښتنه کړې چې هم خپل ځان او هم کورنۍ وکولای شي وساتي.او په کورونو کې پاتې شي.

راشد خان  ٢٠٢٠ کې په ټي ټونټي لوبو کې د ويکټو پنځوسيزه پوره کړه

راشد خان ٢٠٢٠ کې په ټي ټونټي لوبو کې د ويکټو پنځوسيزه پوره کړه د هېواد کرکټ ملي ټيم مشهور سپن بالر په روان کال کې په ټونټي لوبو کې د ويکټو پنځوسيزو پوره کړه، خو نوموړى دويم توپ اچونکى دى چې په ٢٠٢٠ کال کې يې زياتې ویکټې ترلاسه کړي دي.

ارمان خان چې په بيګ باش ليګ کې د اډلايډ سټرايکرز لپاره لوبېږي، نن يې د هوبارټ هوريکنز پر وړاندې په لوبه کې په لوبه کې ١ ويکټ واخيسته، چې له دې سره يې په روان کال کې ٥٠ ويکټې پوره کړې.هغه په نننۍ لوبه کې د ٤ اورونو په ترسره کولو سره ٢٧ منډې ورکړې او ١ لوبغاړى يې وسوځاوه.راشد خان په ٢٠٢٠ کال کې تراوسه پورې ٤١ شل اوريزې لوبې ترسره کړې دي، چې پکې يې ٥٠ ويکټې اخيستي دي.

همدا راز په يوه لوبه کې يې د ٢٢ منډو په ورکولو سره ٤ لوبغاړي هم سوځولي دي.هغه ١٥٩.٢ اورونه ترسره کړي دي، چې ٩٩٨ منډې يې ورکړې دي او اوسط يې ١٩.٩٦ دى، اکانومي يې بيا ٦.٢٦ ده.په ٢٠٢٠ کال کې تر ټولو زياتې ويکټې د پاکستان حارث روف اخيستي دي، نوموړي په ٣٢ لوبو کې ٥٢ لوبغاړي سوځولي دي، چې په يوه لوبه کې يې د ٢٣ منډو په بدل کې ٤ لوبغاړي هم سوځولي دي.

هغه ١٢٠.٥ اورونه ترسره کړي دي او ١٠٠٤ منډې يې ورکړې دي.که څه هم سږکال د افغانستان نړيوالې لوبې په نه شتون حساب دي، خو راشد خان بيا د نړۍ په سترو تجارتي ليګونو کې لوبېږي. او هره لوبه کې لاسته راوړنې لري.

راشد خان چې په دې نږديو کې په کارابين پريمئير ليګ او اى پي ايل کې ولوبېده، اوس په بيګ باش ليګ کې هم لوبېږي.په هند تجارتي ليګ (اى پي ايل) کې نوموړي د روان کال تر ټولو اقتصادي توپ اچونه هم ترسره کړه.هغه هره لوبې نه لاسته راوړنو سره رازي او هره لوبه کې وېکټې اخلي.

طالبان د پاکستان په رسمي بلنه اسلاماباد ته لاړل

طالبان د پاکستان په رسمي بلنه اسلاماباد ته لاړل د طالبانو د سياسي دفتر وياند ډاکټر نعيم وردګ خبر ورکړی دی چې د طالبانو مرستيال مشر ملا غني برادر په مشری د دویي هیت پاکستان ته په سفر روان شوی دی.

د دغه ډلې وياند په‌ دې هکله زيات څه نه دي ويلي خو دومره معلومات تاييد شوي دي چې برادر به د پاکستان د صدراعظم عمران خان سره هم وګوري.د طالبانو مرستيال مشر په داسې حال کې اسلام اباد ته سفر کوي چې بين الافغاني خبرو ته ددريو اونيو لپاره وقفه ورکړل شوې ده.په خپل منځي خبرو کې وقفه ددې لپاره وه چې دواړه ډلې د مذاکراتو لپاره خپل اجنډا ګانې د خپلو مشرانو سره شريکې کړي.

بلخوا بیا افغان هيئت د خپلې اجنډا په هکله د سلا مشورو لپاره کابل ته راغی او تمه ده دلته د ولسمشر غني او نورو افغان چارواکو سره په هغه موضوعاتو سلا مشورې وکړي چې د طالبانو سره به ورباندې جدي بحثونه او خبرې پيل کېږي.د طالبانو مرستيال مشر ملا برادر بيا په داسې حال کې چې افغان هيئت کابل ته راغی.

طالبان د پاکستان په رسمي بلنه اسلاماباد ته لاړل
طالبان د پاکستان په رسمي بلنه اسلاماباد ته لاړل

د طالبانو لخوا هم ويلي و چې دوی به هم پدې وقفه کې په هغه څه سلا مشورې وکړي چې وروسته به ورباندې د افغان حکومت د هيئت د غړو سره بحثونه وشي د طالبانو مرستيال مشر د وقفې سره سم ځان نن پاکستان ته ورساوه او تمه ده هلته د پاکستان د دصدراعظم عمران خان او نورو پاکستاني چارواکو سره وګوري.راپورونه وايي دویی به هلته د چارواکو سره په سوداګری . بارډر مدیریت او د مهاجرینو ستونزو باندې خبرې وکړي

افغانستان کې د کرونا تازه حال

افغانستان کې د کرونا تازه حال دصحت عامې وزارت پرون پنجشنبه د ليندۍ ٢٠ نيټه چې د روان زیږدیز کال د ډسمبر له ١٠ نيټې سره برابره ده خوري په هيواد کې د کرونا ويروس ١٤٠١ مشکوکې پيښي آزمايل شوي چې له جملې يې ٢١٣ مثبتي پېښې رامنځته شوي دي.

د عامې روغتیا وزارت په وينا، په تيرو ٢٤ ساعتونو کې ١٨ تنو د کرونا ويروس له امله خپل ژوند دلاسه ورکړى او ٧١ نور ترې رغيدلې.د تازه پيښو سره په هيواد کې د کويډ-١٩ ناروغانو شمير ٤٨ زره او ٧٥٣ ته رسيږي.په تيره يوه شپه او ورځ کې د تازه پيښو له جملې ٣٤ په کابل، ٣٠ په هرات، ٥ په کندهار، ١٤ پېښې ثبت شوي.همداراز په بلخ، ٤ په ننګرهار، ١٠ په پکتيا، ٧ په باميان، ٢٢ په بغلان، ١٦ په پروان، ١ په نيمروز، ١٢ په دايکندي، ١٢ په لوګر، ٨ په هلمند، ٧

ددې نه پرته په لغمان، ١ په غور، ٨ په کنړ، ٢١ په کاپيسا، او ٢ په زابل ولايتونو کې ثبت شوي.د یادولو وړ ده چې لا هم احتمال شته چې یو ځل بیا په افغانستان کې مثبتې پېښې نتېزې شي او ډېر خلک به د دې له امله نور هم مړه شي.

په افغانستان کې د کوېډ ١٩.ناروغی څخه د مړو شويو کسانو شمير ١٩٣٩ تنه او هغه چې بيرته ترى رغيدلې شمير يې ٣٨ زره او ٢٢١ تنو ته رسيږي.د هېواد روغتیا وزارت په دې اړه نوې غونډه نیولې او د دویمې چپې لپاره چمتووالی د نیولو په اړه پلانونه ارزیابي کړي .د دغه وزارت چارواکي وايي چې هڅه کوي چې د کرونا مخنیوی لپاره تول اقدامات وخت د سره وکړي.

افغانستان کې د کرونا تازه حال
افغانستان کې د کرونا تازه حال

د یادولووړ ده چې په ټوله نړۍ کې پر کرونا ويروس د اخته کسانو شمير تر ٦٨ ميليونو او ٩٥٦ تنو ته رسيږى چې له جملي يې يو ميليون او ٥٧٠ زرو خپل ژوند دلاسه ورکړي او ټوله نړی کې تر ټولوزیات شمیر ېې لا هم په امریکا کې دی. او وخت سره سره نور هم زیاتیږي او له امله ېې هیواد په زرګونو کسانژوند د لاسه ورکوي.