ولسي جرګه:د عامه شتمنیو د چوراجازه هیڅ چا ته نه ورکوو

ولسي جرګه:د عامه شتمنیو د چوراجازه هیڅ چا ته نه ورکوو له هغه وروسته چې د بودیجې د رد له امله ولسمشر اشرف غني په ولسي جرګه نیوکې وکړې او د بودیجې چمتو کول يې د حکومت صلاحیت وباله د ولسي جرګې مشررحماني يې په ځواب کې ویلي، چې  حکومت ته د عامه شتمنیو د اختلاس اجازه نه ورکوو.

ولسمشر غني څو ورځې مښکې د پارلمان لخوا د ۱۴۰۰م مالي کال د بودیجې د رد کېدو په غبرګون کې ویلي وو، چې د بودیجې چمتو کول د اجرائیه قوې صلاحیت دی او حکومت «سلیقوې پروژې» په بودیجه کې ځایولای نشي.د غني له قوله، د ولسي جرګې دنده داده چې بودیجه په بشپړ ډول رد او یا هم په بشپړ ډول ومني.د ولسي جرګې غړو په ناسته کې د اشرف غني څرګندونو ته توند غبرګون ښودلی

دوی ولسمشر غني تورن کړی چې تیاره ذهنه» او له قوانینو ناخبره دی؛ خو ددوی له قوله، ولسي جرګه به اجازه ورنکړي چې یو څوک له اساسي قانون څخه خپل شخصي تعبیر وکړي او د عامه شتمنۍ اختلاس کړي.د ولسي جرګې د مشر «میر رحمان رحماني» په خبره، د اساسي قانون په اساس د بودیجي چمتو کول د حکومت دنده ده؛  خو د تصویب او تعدیل واک یې له ولسي جرګې سره دی.رحماني ددې تر څنګ ټینکار کړی، چې بودیجه باید په متوازن ډول چمتو شي او د کم معاش لرونکو مامورینو ته لوړ معاشونه وټاکل شي.

د غني او پارلمان تر منځ جنجال وروسته له هغه دی، چې کابو یوه اوونۍ وړاندې ولسي جرګې د حکومت له لوري ور وړاندې شوې بودیجه غیرمتوازنه وبلله او رد یې کړه.د ولسي جرګې مالي او بودیجوي کمېسیون وویل ،چې پارلمان ته وړاندې شوې بودیجه اوولس جدي مشکلات لري، چې له امله یې پارلمان نشي کولای یاده بودیجه قبوله کړي.

ولسي جرګه:د عامه شتمنیو د چوراجازه هیڅ چا ته نه ورکوو
ولسي جرګه:د عامه شتمنیو د چوراجازه هیڅ چا ته نه ورکوو

د بودیجې کمېسیون په وینا د ۱۱۳۱ ولایتي پروژو لیري کول، ۹۱ او ۹۲ کوډونو ته د میلیارډونو افغانیو ځانګړي کول او له بودیجی څخه یوه برخه د ولسمشرۍ ماڼۍ د عملیاتي واحد په واک کې ورکول د بودیجې له ستونزو څخه دي.دوی وای چې هیڅ کله به دا اجازه ورنکړي چې چارواکی دا ډول کړنې تر سره کړي.

ولسي جرګې د ١٤٠٠ مالي کال بودیجه رد کړه

ولسي جرګې د ١٤٠٠ مالي کال بودیجه رد کړه د ولسي جرګې غړیو په خپلې عمومي غونډه کې د رایو په اکثریت د ۱۴۰۰ مالي کال بودجه د رایو په اکثریت رد کړه او ویلي یې دي چې دغه بودجه عادلانه نه وه ترتیب شوې.دوي ویلی باید د ولایاتو لپاره مناسب بودیجه ترتیب شي

دپارلمان غړي ویلي چې د ۱۴۰۰ مالي کال بودجه کې د امتیازي معاشونو او اضافي لګښتونو لپاره ملیاردونه افغانۍ ځانګړې شوې دي چې دوی ته د منلو وړ نه دي دوی ویلی دغه بودیجه کې هیڅ عدالت ندی تامین شوی باید بودیجه ملی اووسیږي.دوی ویلي چې حکومت د دې پر ځای چې د ښوونکو او ټیټ پوړو مامورینو معاشات لوړ کړي، د لوړ پوړو چارواکو معاشات یې لوړ کړي او داسې یو سیستم یې جوړ کړی چې د سیاسي اړیکو له مخې د لوړ پوړو چارواکو نږدې کسان لوړ او غیر عادلانه معاشونه اخلي.

د پارلمان غړي ټینګار کوي چې باید د مامورینو په معاشونو کې عدالت رامنځته شي او په ځانګړې توګه د ښوونکو معاشونه باید لوړ کړل شي ځکه په دې سختو شرایطو کې دوی په کمو معاشونو کار کوي.ولسي جرګې په داسې حال کې د نوي مالي کال بودجه رد کړه چې لا هم په دولتي ادارو کې پراخ فساد روان دی او نه یوازې مفسدین محاکمه شوي نه دي، بلکې د فساد کچه ورځ تر بلې په زیاتېدو ده.

د۹۱ کوډ میلیونونه ناقانونه پیسې ایستل، د کرونا پیسو کې میلیوني فساد، د ملي امنیت ادارې میلیونه اوپراتیفي پیسې تالا کېدل، ګمرکونو کې فساد او یو شمېر نور غیرقانوني لګښتونه د مالي فساد عمده بېلګې دي.دوی وای باید بودیجه غیر ضروري سکتورونو ته کمه کړل شي

ولسي جرګې د ١٤٠٠ مالي کال بودیجه رد کړه
ولسي جرګې د ١٤٠٠ مالي کال بودیجه رد کړه

ولسي جرګې د ۱۴۰۰ کال بودجې په رد کېدو ولس ته یو څه ژمنیتا وښوده او هیله دا ده چې د تېرو فسادونو په اړه هم څېړنې وکړي، تر څو په راتلونکي کې چارواکو ته یو سبق شي او د فساد مخه ونیول شي.دوی وای دولت باید خپل ټول لګښتونه راکم کړي تر څو د دغه سکتورونو بودیجه په ملت ولګول شي. او عام وګړو ته کومک وشي

ولسي جرګه: دامنیت سکتور وزیران امنیت لپاره کار نکوي

ولسي جرګه: دامنیت سکتور وزیران امنیت لپاره کار نکوي وروسته له هغه چې د پلازمېنې په ګډون د افغانستان په یو شمېر ولایتونو کې هدفي وژنو بمي چاودنو او جګړې زیاتې شوي له ځانه سره یې یو شمېر غبرګونونه هم لري اوسمهال ولسي جرګه امنیتي ادارې ناکامه بللي.

هغوی وایي امنیتي وزیرانو ته يې له دې امله چې حالت ژر تر ژره کابو کړي رایه ورکړه او هیله يې وه چې امنیت سم سي خو له دوی څخه امنیتي مسایل پاتي او په شخصي ګمارنو  او چارو لګیادي په کابل کې هر سهار په چادونو پیلیږي او د ورځې په اوږدو کې نوري پیښي هم رامنځ ته کیږي چې د خلکو اندېښنې يې راپارولې د افغانستان ولسي جرګې امنیتي ادارې د کابل د امنیت په تامین کې ناکامې بللې ولسي جرګې ویلي په کابل کې وروستي بریدونه او هدفي وژنې د اندېښنې وړ دي.

ولسي جرګه: دامنیت سکتور وزیران امنیت لپاره کار نکوي
ولسي جرګه: دامنیت سکتور وزیران امنیت لپاره کار نکوي

اوس په دې سره د امنیتي ځواکونوکمزوري په ګوته کیږي.هغوی وايي دا ډول پيښي اوس تر بل هر وخت زیاتي شوي چې د اندېښنې وړ دي، پرون او نن سهار هم  د کابل په څلورمه ناحیه کې  د پولیسو پر یو رنجر چاودنه ترسره شوه.او هره ورځ کابل کې یو نه یو چاودنه کیږي او عام وګړي پکې شهیدانیږي. چې دا هیچا ته دا د منلو وړ ندی.

اوس تازه د ولسمشر لومړي مرستیال ویلي چې د کابل پولیسو شمېر دوه برابره کوي ترڅو د کابل امنیت مدیریت کړي خو، پوښتنه داده چې یوازي که کابل امن شي ښايي د نا امنیو او هدفي وژنو دا لړۍ نورو ولایتونو ته وغځيږي نو بیا به دولت هلته څه چاره کوي.ځکه دول دومره امکانات او بودیجه هم نه لري چې ټول ولایاتو امن په سمه توګه وساتل شي.

د افغانستان په ټولو ولایتونو کې نا امنۍ زور اخیستی او تراوسه يې د کابو کولو لپاره کوم اقدام نه دی سوی خو دا حل لاره نسي کیدلای چې په هر ولایت او سیمه کې دي د پولیسو شمېر زیات سي خلک غوښتنه لري چې په امنیتي سکتور کې دي  د اصلاحاتو په راوستلو سره امنیت تامین

د پوهنې وزیره:مشاورينو پر ځاۍمعاش باید ښوونکو ته ډېرورکړل شي

د پوهنې وزیره:مشاورينو پر ځاۍمعاش باید ښوونکو ته ډېرورکړل شي د پوهنې وزرات چې څه موده وړاندې يې نومانده وزيره د ولسي‌ جرګې له لوري رد شوه او نوموړي د رد کېدو نه وروسته یو بیان کې ویلي دمشاورینو پر ځاۍ باید استاذانو ته ډبل معاش ورکړل شي.

د دغه وزارت رد شوې نوماندې اغلې حميدي د افغانستان د پوهنې د وزارت د وضعيت په هکله تازه څرګندونې کړې دي چې د پوهنې په وزرات کې د روان ناورين په هکله روښانه کوونکې دي.داسې ښکاري چې د مېرمن حمیدي څخه وړاندې د پوهنې د وزرات ټول کار ۷ زره مشاورینو په مخ وړ او وزير اصلا په افغانستان کې موجود نه و، ځکه د ۷ زره مشاورینو تعداد ته وګورو نو وزير ته د کار کولو فرصت نه پیدا کیږي. اغلې رنګینې حمیدې په خپلو تازه څرګندونو کې د پوهنې د وزرات له ناوړه حالت څخه پرده پورته کړې،

نوموړې ویلي چې په دې وزرات کې اوه زره مشاورين مودو و چې اوس صرف ۱۲۰ دانې پاتې دي.مېرمن حمیدي وايي دا ۱۲۰ مشاورين ددې مشاورين دي هره مياشت په لکونو پيسې اخلي خو دې يې تراوسه مخ هم‌ نه دی ليدلی، د مېرمن حميدي په وينا چې د پوهنې په وزرات کې داسې يو حالت حاکم دی چې که يو څوک له دندې لرې شي نو سبا يې کسان راغلي وي او چيغې يې جوړې کړې وي چې په پلانکي دې ولې کار درلود، هغه ته ولې لاس اچوې.

د دغه وزارت سرپرسته وزيره همداراز وايي چې دا مشاورين په بنسټ کې هېڅ کار نلري او دې ليدلي هم نه دي خو هره مياشت ددوی په نامه لکونه افغانۍ شادرېږي، مېرمن حميدي وايي دا پيسې بايد په ښوونکو وویشل شي د هغوي امتيازات زيات شي ځکه چې هغوي د لويو اقتصادي ستونزو سره مخ دي خو مشاورين چې هېڅ کار نلري په لکونو افغانۍ مصرفوي.

اغلې حميدي په داسې حال کې دا څرګندونې کوي چې ډېری وزیرانو ددې ولسي جرګې څخه د تاييد د رایې د ترلاسه کولو لپاره پیسې ورکړې دي.د هغې پر وینا ما چې کومې رایې راخیستې او ټولې پاکې رایې دي نوموړی یلي دي چې هيڅ ډول معامله ېې نده کړې.