روان کال به ٥ میلیونه الکترونیکي تزکیرې ووېشل شي

روان کال به ٥ میلیونه الکترونیکي پېژندپاڼې ووېشل شي داحصایې او معلوماتو ملي اداره وايي، د روان کال تر پایه به څه باندې پنځه میلیونه وګړو ته برېښنایي پېژندپاڼې ووېشل شي.او حلکو ته به لارښوونه وشي چې ټول وګړي دې دا تزکیري واخلي.

د احصایه ادارې مشر جاوید رسولي وایي، چې دوی دمګړی د برېښنایي پېژندپاڼو د وېش ۷۰ مرکزونه لري چې له دې ډلې شپږ یې په ایران کې دي.دده په خبره، دوی هڅه کوي چې چارې یې چټکې او شفافې کړي او په دې توګه د روان لمریز کال تر پایه څه باندې پنځو میلیونه وګړو ته برېښنایي پېژندپاڼې ووېشي.نوموړي همدا راز ویلي چې له دې وروسته د پخوانیو پېژندپاڼو د تایید خدمات هم له منځه وړي،

ځکه په خبره یې، کومې پېژندپاڼې چې ددغه ادارې له لوري صادرې شوې د باور وړ دي او ادارات یې باید قبول کړي.خو په دې اړه خلک شکایت کوي چې د برېښنايي پېژندپاڼو پروسه ځنډنۍ ده او تر دریو میاشتو پورې خلک تذکرې نه شي اخیستلای.برېښنايي تذکرې د ملي هویت سند د نړۍوال اعتبار، جرمونو مخنیوي، ټاکنو شفافیت او ګڼو نورو برخو کې ډېرې ګټې لري.

او په کومک به یې هېواد حداقل یو څه له نړۍوالو معیارونو سره برابر شي.دې نه مښکې په برېښنايي تذکرو کې د مور د نوم ذکر کول پر سر ناندرۍ وې چې د عامو خلکو ګڼ غبرګونونه یې راپارولي وو او داسې انګېرل کېدله چې پښتانه د مور د نوم له ذکر کولو سره حساسیت لري او په دې سره به له برېښنايي تذکرو ډډه وکړي.

روان کال به ٥ میلیونه الکترونیکي تزکیرې ووېشل شي
روان کال به ٥ میلیونه الکترونیکي تزکیرې ووېشل شي

نو په اقلیت به حساب شي، خو له نېکه مرغه وروسته بېرته دغه چاره اختیاري شوه او یوازې په ډېټابېس کې د مور نوم ذکر کول اړین شول.هېره دې نه وي چې د برېښنای تزکرو د ورکړی لړی د ډېر وخت راهیسې شروع شوي دي.عام وګړي په خپلو منتقو کې ورزي او اخلي ېې. په کابل کې هم دا لړی شروع ده او ډېرو اعلی چارواکو هم واخیستې.

ولسمشرغني د رحیم ګردېزي ګروپ د ځڼغوزیو فابریکه رسماً پرانیسته

د افغانستان اسلامي جمهوریت جمهوررئیس محمداشرف غني د رحیم ګردېزي د ځڼغوزیو د پروسس فابریکې د پرانیستې په مناسبت جوړه شوې غونډه کې ګډون وکړ.په ارګ کې په دې مناسبت جوړې شوې غونډې ته چې د پکتیا مرکز ګردېز څخه د پکتیا، پکتیکا، خوست او لوګر واليان او یو شمېر نور مشران د ویډیو کنفرانس له لارې وصل وو،

د پانګونې د اسانتیا واحد رئیس عطاالله نصیب وویل، د جمهوررئیس غني په وینا زموږ پټې خزانې نورې ښکاره، مشروع، رڼې او د استفادې وړ دي او د ځڼغوزیو د قاچاق مخنیوي، تولید پروسس، بسته بندۍ او خرڅلاو کې پام وړ پرمختګ راغلی.هغه له رحیم ګردېزي ګروپ څخه د دغې مهمې پانګونې مننه وکړه او وې ویل، افغانستان د کال ۲۴ زره ټنه د ځڼغوزیو حاصلات لري چې د حکومت په پاملرنه هر کال لس، دولس سلنه زیات او زرګونه خلکو ته کاري زمینې برابرېږي. له نورو پانګوالو څخه هم د پانګونې هیله کوو او ډاډ ورکوو چې ټولې لازمې اسانتیاوې به ورته برابرې کړو.

د کرنې، اوبو لګولو او مالدارۍ وزیر جمهوررئیس ته د رحیم ګردېزي د ځڼغوزیو د پروسس فابریکې د مبارکۍ پرمهال وویل، دا ستاسو په نوښت او هڅونه جوړه شوه چې د ځڼغوزیو تولید او عاید به ورسره زیات او د ارزښت زنځیرپیاوړی شي. هغه زیاته کړه، رحیم ګردېزي شرکت د پولادو په برخه کې ښه نوم لري او هیله ده چې د ځڼغوزیو په برخه کې هم ښه وځلېږي.ډاکټر انورالحق احدي څرګنده کړه، دغه ډول کرنیزې صنایع د هیواد په صنعتي کېدو کې خپل ارزښت لري. افغانستان د ځڼغوزیو تولیدونکی او صادرونکی هیواد دی او د ځڼغوزیو په ګډون د بېلابېلو ځنګلونو احیا سره به ګڼو خلکو ته کاري زمینې برابرې او ملي عواید لوړ شي.

د سوداګرۍ او پانګونې خونې د مدیره پلاوي لومړي مرستیال محمدیونس مومندجمهوررئیس څخه په مننې وویل، غواړو ستاسو په پاملرنه د افغانستان ټول کرنیز پیداوار د ځڼغوزیو غوندې د تولید، پروسس او بازارموندنې له پلوه وده وکړي. کوم پانګوال چې پانګونه او نوښتونه کوي د هڅونې په موخه دې ورته مډال ورکړل شي چې د کاروبار له لارې عواید لوړ او هیواد په پښو ودرېږي.

ورپسې د رحیم ګردېزي د ځڼغوزیو د پروسس فابریکې رئیس محبوب الله ګردېزي وویل، په پکتیا کې د دغې لویې او معیاري فابریکې په جوړولو او پرانیستلو چې ټولو ته د ښه راتلونکي هیله ورکوي خوښ دی او جمهوررئیس ته یې د هغه د پرانیستې مبارکي وویله.

ولسمشرغني  د رحیم ګردېزي ګروپ د ځڼغوزیو فابریکه رسماً پرانیسته
ولسمشرغني د رحیم ګردېزي ګروپ د ځڼغوزیو فابریکه رسماً پرانیسته

جمهوررئیس غني په ټینګار سره وویل، زموږ پانګوال د هیواد د اقتصاد د ملاتیر دي اود بازار منطق درک کوي، له ټولو نړیوالو مناسباتو څخه به دوی ته د لازمو اسانتیاوو برابرولو لپاره استفاده وشي. هغه زیاته کړه، پانګوالو ته د لازمو اسانتیاوو برابرولوکې ځنډ او خنډونه د منلو وړ نه دي.هغه وویل چې باید لا نور پانګوال هم تشویق شي تر څو هېواد مو اقتصاد برخه کې نوره هم ود وکړي.

صالح:کابل کې به د پولیسو شمېر دوه برابره شي.

صالح:کابل کې به د پولیسو شمېر دوه برابره شي.د افغان حکومت دولسمشری ماڼړی لومړی مرستیال «امرالله صالح» وایي، په ښار  کې د پولیسو شمېر کم دی او د امنیتي ناستو د طرحې په اساس به دوه برابره ته وسیږي.

امرالله صالح چې د پلازمېنې کابل امنیتي چارې هم په غاړه لري د شپږ نیمو بجو د امنیتي ناستو په راپور کې ویلي، چې ولسمشر به د یادو ناستو د طرحې او وړاندیز په اساس په کابل کې د پولیسو شمېر دوه چنده کړي.د صالح په خبره، د کابل نفوس ته په کتو که چېرې کابل د ثبات په حالت کې هم وای، د پولیسو شمېر باید دومره کم نه وای.مقایسوي ارزونې ښيي

پلازمېنه کابل حتا د ثبات او ارامۍ په حالت کې هم د نړۍ په ځانګړې توګه د دریمې نړۍ هیوادونو په سطحه، د نفوسو په تناسب کم شمیر پولیس لري.د نوموړي له قوله، د پولیسو په شمېر کې زیاتوالی په دقت سره راځي او هغه کسان چې اړینې وړتیاوې نه لري، د پولیسو لیکو ته به جذب نشي.

صالح:کابل کې به د پولیسو شمېر دوه برابره شي.
صالح:کابل کې به د پولیسو شمېر دوه برابره شي.

د کابل پولیسو د دوه برابره کولو پرېکړه داسې مهال ده، چې په دې وروستیو کې هدفي وژنو زور اخیستی او په تېره یوه میاشت کې لسګونه دولتي منسوبین ددي ډول بریدونو ښکار ګرځېدلي.لنډ ثال ېې په دې نږدې وختونو کې د مدني فعالانو او د رسنیو استارزو د وژل هم دی.

په دې وروستیو کې پر حکومت نیوکې زیاتې شوې او چارواکي تورن شوي، چې نشي کولای د دولتي کارمندانو امنیت خوندي کړي.په دې اړه څو ورځې وړاندې ولسي جرګې هم نیوکې کړی دوی ویلي چې د امنیتي سکتور مسولین د امنیت په تامین کې ناکام دي باید ځانګړې پاملرنه دې سکتور ته وشي او مسلکي خلکو ته دغه سکتور ورکړل شي

افغان پلازمینه کابل کې د ۵۰ ماډلانو ترمابین یووار بیا د موډلنګ سیالي پیلیږي

افغان پلازمینه کابل کې د ۵۰ ماډلانو ترمابین یووار بیا د موډلنګ سیالي پیلیږي د مدلستان په  نوم ادارې خبر ورکړی، چې د ۵۰ موډلانو ترمنځ د دویم  پړاو د موډلنګ سیالي یو ځل بیا په پلازمېنه کابل کې ترسره کړي.او خاصو خلکو ته به د ورتلو اجازت ورکو کیږي.

پرون په کابل کې د موډلنګ یا ښکلا سیالۍ پیل شوې  وې،  چې ویل کېږي ۴۶ موډلانو پکې برخه اول شل، بیا ۱۰ او په  اخر کې د دوه موډلانو ترمابین سیالي پیل شوه چې نګاه سادات دا سیالي وګټله او د ۲۰۲۰ کال د ښایسته مېرمن لقب يې ورکړ. د موډلنګ د دې سیالیو د عکسونو خپرېدو وروسته په ټولنیزو رسنیو کې پرې د خلکو له لوري سختې نیوکې وشوې او دا کار يې د  افغانیت او اسلامیت خلاف وباله د دوی پر وینا دا ډول شوګانې باید افغانی ټولنه کې نوی شوی.

اوسمهال د مدلستان په نوم ادارې چې دا د موډلنګ یا ښکلا سیالي يې برابره کړې وه، تازه یو ځل بیا اعلان کړی دی چې د ۲۰۲۰ کال د موډلنګ سیالیو دویمه برخه به ترسره کړي.دوی لیکلي دي، چې په دویم پړاو د موډلنګ سیالیو کې به ۵۰ موډلان برخه واخلي،

چې د موډلانو څخه يې د نوملیکنې غوښتنه هم کړې ده.دوی دا نه دي ويلي، چې د موډلنګ دا دویم پړاو سیالي به په کومه نېټه او چېرته ترسره کوي.د یادولو وړ ده چې د مدلستان له لوري ترسره شوې د موډلنګ سیالیو باندې اوس هم په ټولنیزو رسنیو کې نیوکې روانې دي.

او خلکو له دې کار سره مخالفت ښکاره کړی دی.ځکه افغانان یو اسلامي ټولنه لري باید دا ډول کړنو ډډه وشي تر څو اینده کې مو ځوانانو ته بنیاد پرېږندي او ټولنې ته مو د کفارو او یهودو اثر هم رانشي. خینو علماو لیکلی وو چې دا ډول کړنې به اعمال نورهم خراب کړي او هېواد به مو نور هم بدبختیو سره مخ شي.

د وحید عمر څرګندونوته   دبلقیس روشن عکس العمل

د بلقیس روشن عکس العمل د وحید عمر څرګندونوته د پارلمان غړې بلقیس روشن د ستراتیژیکو اړیکو په برخه کې د ولسمشر غني مشاور وحید عمر وروستیو څرګندونو ته توند غبرګون وښود هغې ویلي د نبیل پر ځای د پولیس سره د هغه ٥ %شتمني بدله کړي.

اغلې په یوه ټلویزوني مرکه کې عمر ته په خطاب کې وویل د رحمت الله نبیل د ۵ فیصده شتمنۍ پرځای د یوه افغان پولیس له شتمنۍ سره خپله شتمني بدل کړه.د روشن په وینا، رحمت الله نبیل هم د همدې نظام لوړپوړی کس او په زیاتو فسادونو کې شریک و.نوموړې تور پورې کوي، چې وحید عمر او نبیل ته د یو بل حیف و میلونه او غلاوې معلومې دي، ځکه عمر د نبیل د شتمنۍ له ۵ فیصدو سره د خپلې شتمنۍ تبادلې ته تیاری ښيي.

دپارلمان دغې غړې همداراز ویلي چې د حکومت ترڅنګ پارلمان او قضایي قوه هم په فساد کې ښکیل دي، ځکه خو د فساد او حیف و میل د هڅو پر وړاندې نه دریږي او د ۹۱ کوډ د لګښتونو په اړه بې تفاوته دي.ښاغلي عمر پرون د ملي امنیت پخواني رئیس رحمت الله نبیل ته د ۹۱ کوډ له پیسو د حیف و میل ادعاوو ته په غبرګون کې وویل، چې د ده له ټولې شتمنۍ سره دې خپله ۵ سلنه شتمني تبادله کړي.

څه وخت وړاندې اطلاعات روز ورځپاڼې د ۹۱ کوډ د لګښتونو په اړه یو راپور خپور کړ، چې له مخې یې ولسمشر د وحید عمر تر مشرۍ لاندې د جمهوري ریاست د عامه او ستراتیژیکو اړیکو ادارې ته تېرکال ۳۰ میلیونه افغانۍ ورکړي.

د وحید عمر څرګندونوته   دبلقیس روشن غبرګون
د وحید عمر څرګندونوته دبلقیس روشن غبرګون

یاد راپور کې ویل شوي و، چې له دغو پیسو د یادې ادارې د کارکوونکو معاشونه او د وحید عمر د کور او دسترخوان لګښتونه ورکړل شوي.په یوه راپور کې راغلي، چې له یادو پیسو ۲ میلیونه افغانۍ د وحید عمر د دسترخوان د خرڅ او نیږدې ۲ نیم میلیونه نور د هغه د کور او مرمۍ ضد موټر د کرایې لپاره لګول شوي

ولسمشری ماڼړی: د ٧زره بندیانو د خلاصون په اړه د مرکچي ټیم خبرو ته منتظر یو

ولسمشری ماڼړی: د ٧زره بندیانو د خلاصون په اړه د مرکچي ټیم خبرو ته منتظر د ولسمشرۍ ماڼۍ ویاند صدیق صدیقي وایي، د اووه زره طالب بندیانو د ازادېدو په اړه د حکومت د مرکچي پلاوي خبرو ته په تمه پاتې کيږي.چې هغويي څیشی له ځانه سره لري.

ښاغلي صدیقي چې پرون يې په کابل کې یوې خبري ناستې ته خبرې کولې وویل، چې د اووه زره طالب بندیانو د خلاصون په تړاو باید د کابل د مرکچي پلاوي خبرو ته په تمه پاتې شو او په خبره یې، په دې تړاو څه ویل او یا جزئيات ورکول تر وخت وړاندې خبره ده.د نوموړي په خبره،داسې مهال چې د طرزالعمل په اړه پرېکړه شوې اوس باید د اجنډا  په اړه بحث وشي او هغه څه چې تر ټولو مهم دی د اوربند مسئله ده چې خبرې ورباندې وشي.

نوموړي ددې تر څنګ طالبان تورن کړل، چې جګړه یې زیاته کړې او د «افغانستان د خلګو غوښتنې» اوربند او اورکم ته یې هیڅ اعتنا نه ده کړې.هغه وویل چې که دا ډول جګړې ته دوام ورکول شي نو دا به د سولې خبرو ته زیان ورسوي.او د افغانانو ارمان به پوره نشي هغه وویل چې طالبان باید اوربند باندې ډېر ټينګار وکړي.

ولسمشری ماڼړی: د ٧زره بندیانو د خلاصون په اړه د مرکچي ټیم خبرو ته منتظر یو
ولسمشری ماڼړی: د ٧زره بندیانو د خلاصون په اړه د مرکچي ټیم خبرو ته منتظر یو

د ولسمشری ماڼړی لخوا پورته څرګندونې وروسته له هغه دي، چې وړمه ورځ د افغانستان د سولې لپاره د امریکا ځانګړي استازي «زلمي خلیلزاد» او ورسره پلاوي په دوحه کې د طالبانو له سیاسي مرستیال او د سیاسي دفتر له مشر «ملا برادر اخند» او ورسره پلاوي ورسره ولیدل او د نورو موضوعاتو تر څنګ یې د پاتې طالب بندیانو د خلاصون په اړه هم خبرې ورسره وکړې.

که څه هم په د پاتې طالب بندیانو د خلاصون په اړه د طالب او امریکایي پلاوو د ناستو جزئيات نه دي رسنیز شوي؛ خو د طالبانو او امریکا تر منځ د شوي توافق په اساس باید د بین الافغاني مذاکراتو له پيلېدو سره په یو وخت د پاتې طالب بندیانو د خلاصون لړۍ هم پیل شي.او پاتې ٧زره بندیان راخلاص شي.

ولسمشری ماڼړی د ملي مصاحې له شورا څلور کسان و ایستل

ولسمشری ماڼړی د ملي مصاحې له شورا څلور کسان و ایستل ارګ د ملي پخلاینې د عالي شورا له لومړۍ ناستې چې نن په ارګ کې ترسره کېږي څلور مهم کسان ایستلي او له هغوی سره یې مخالفت هم ښودلی

رسنیو په ځينې راپورونو کې ویلي، ولسمشرۍ ماڼۍ د ملي پخلاینې د عالي شورا په لومړۍ غونډه کې د هېواد د څلورو مهمو شخصیتونو له شتون سره مخالفت ښودلی او هغه یې له لېست ایستلي دي.سرچینې زیاته کړه، د ملي امنیت پخوانی رییس رحمت الله نبیل، د ملي پخلاینې عالي شورا سلاکاره فرخنده زهرا نادري، سید اسحاق ګیلاني او شهزاده شاهد هغه کسان دې چې ولسمشرۍ ماڼۍ ورسره مخالفت ښکاره کړی او د ملي پخلاینې د عالي شورا د غونډې له لېست یې ایستلي دي.

دغه کسانو ته نژدې سرچینې وایي، لومړی د دوی نومونه په یاد لېست کې و او دوی ته بلنه هم لېږل شوې خو وروسته ورسره ولسمشر مخالفت ښکاره کړی دی.سرچینه وایي، دغه لېست ته په نویو کسانو کې یوازې د احمدشاه مسعود زوی احمد مسعود ور اضافه شوی دی.
دا په داسې حال کې ده چې ټاکل شوې نن په ولسمشرۍ ماڼۍ کې د ملي پخلاینې د عالي شورا لومړۍ ناسته را وبلل شي.

هیره دې نه وي چې ښاغلی نبیل د ولسمشر غني سره جوړ ندی راغلی او په تېرو انتخاباتو کې د هغه سیاسي هریف هم وو هغه په دې وروستیو کې په ولسمشرغني تور پورې کړی وو چې ښاغلي غني د عمران خان نه د موقت حکومت مشري غوښتې وه هغه همداراز ویلی وو که چیرې غني ته د موقت حکومت مشری ورکړي نو غني به هیڅ کله د سولې مخالفت ونکړي.

ولسمشری ماڼړی د ملي مصاحې له شورا څلور کسان و ایستل
ولسمشری ماڼړی د ملي مصاحې له شورا څلور کسان و ایستل

بلخوا بیا اغلې نادري هم دولسمشرسره جوړه نه وه نوموړې تیرو انتخاباتو کې د ښاغلی عبدالله نه ملاتړ اعلان کړی وو.هغه د ولسمشر غني سلاکاره وه خو د اختلاف نه وروسته ېې استفعا ورکړه نوموړې اوسمهال د مصالحې شورا سلاکاره ده د یادولو وړ ده چې چې د ورستیو اختلافاتو په اړه ارګ لا څه نه دې ویلي.

د امریکا نوي ولسمشر جوبایډن په ولسمشرۍ کې به هم خلیلزاد خپل ماموریت مخته ویسي

د امریکا نوي ولسمشر جوبایډن په ولسمشرۍ کې به هم خلیلزاد خپل ماموریت مخته ویسي داسې مهال چې د امریکا ولسمشریزې ټاکنې د ډیموکراټانو نوماند جوبایډن ګټلې او د نوي کال له پیلېدو سره سم له پخواني ولسمشر ښاغلي ټرمپ څخه واک انتقالېږي؛ امریکايي رسنۍ وایي، د بایډن په راتګ که څه هم ښایي له ډېرو برخو څخه د ټرمپ له لوري ټاکل شوي کسان له دندو لرې کړی شي.

بلخوا بیا د ځينو سرچینی له مخې شاید زلمی خلیلزاد بیا هم په خپل ځای پاتې شي او د افغانستان د سولې پروسه وړاندې یوسي.له امریکا څخه خپرېدونکې ورځپاڼې «فارن پالیسي» د امریکا نوي ولسمشر ته د نږدې سرچینو له قوله لیکلي، چې د بایډن په ټیم کې د خلیلزاد په اړه زیاتره نظرونه مثبت دي او داسې انګېرل کېږي، چې بایډن به نوموړي ته د وړاندې تګ اجازه ورکړي.رځپاڼې د اوباما او بایډن د دورې د یوه چارواکي له قوله لیکلي، چې که په راتلونکو څو میاشتو کې د افغان سولې په پروسه کې پرمختګ رامنځته شي؛ بایډن به خلیلزاد ته اجازه ورکړي چې خپل ماموریت وکړي اود سولې چارې پر مخ ویسي.

یو بل چارواکي په خبره، د بایډن په ټیم کې د خلیلزاد پر ځای د ساتلو «منطق» د نوموړي د لیري کولو تر غږ زورور دی او د بایډن د بهرنۍ پالیسي ملګري تر ډېره د زلمي خلیلزاد د پاتې کېدو پلوي دي.دده په خبره، له هر چا سره چې غږېدلی دا یې ترې حس کړې چې د خلیلزاد د لیري کولو په اړه د بایډن په ټیم کې ډېر ټینګار نشته؛ نو «دی پرېږدئ چې خپل پيل کړی کار پای ته ورسوي.

ښاغلی زلمی خلیلزاد چې په کابل کې لوی شوی او د اوسني ولسمشر «اشرف غنی ټولګیوال پاتې شوی؛ نږدې درې کلونه کېږي چې د افغانستان لپاره د امریکا د ځانګړي استازي په حیث ټاکل شوی او له طالبانو سره د مذاکره کوونکي امریکایي ټيم مشري ور له غاړې شوې.حکومت له طالبانو سره د امریکا د مذاکراتو له پیله تر دې دمه د نوموړي له پرېکړو ناخوښ ښکاري او هغه تورنوي چې د حکومت د بهرنۍ پالیسي واګې يې په لاس کې اخیستي او له طالبانو سره د مذاکراتو په مهال یې حکومت په حاشیه کې ساتلی.

د متحده ایالاتود ولسمشریزو ټاکنو په ترڅ کې د بایډن تر ټاکل کېدو وروسته حکومت تمه درلوده، چې د ټرمپ له لوري ټاکل شوی خلیلزاد به له دندې لیري شي او بایډن به د افغان سولې په پروسه له سره غور وکړي؛ خو امریکا کې حالات بیا داسې دي چې د حکومت تمه ختموي او د ولس هیلې پوره کیږي او سولې ته به کار کیږي.

ولسمشری ماڼړی:افغانستان لا هم د امریکا او ناټو مرستو ته اړتیا لري

ولسمشری ماڼړی:افغانستان لا هم د امریکا او ناټو مرستو ته اړتیا لري داسې مهال چې د امریکا دفاع وزارت له افغانستانه د زرګونو امریکایي عسکرو د را ایستلو اعلان کړی او تمه کېږي، چې په راتلونکو میاشتو کې د بهرنیو ځواکونو حضور ډېر راکم شي افغان دولت وايي، د جګړې په ډګر کې لا هم د امریکا او ناټو مرستو ته ضرورت لري.

د ولسمشری ماڼړی ویاند «صدیق صدیقي» د پنټاګان لخوا د امریکایي ځواکونو د شمېر کمولو له اعلان وروسته ویلي، ددې لپاره چې «ترهګرې ډلې» بیا ځلې په افغانستان کې غښتلې نشي او هیواد د هغوی لپاره یو امن ځای ونه ګرځي؛ لا هم د جګړې په ډګر کې د ناټو او امریکایي ځواکونو مرستو ته اړتیا لري. ښاغلي صدیقی زیاته کړې « په بشپړ ډول د ترهګرو ډلو د محوه کولو او دا چې افغانستان بیا ځلې د ترورستانو په ځاله بدل نشي؛ د مخنیوي لپاره یې لا هم د ناټو او امریکایي ځواکونو مرستو ته اړتیا ډېره ده.

د هغه په خبره، په افغانستان کې د امریکایي ځواکونو د کمیت په کمېدلو سره له دولتي ځواکونو د هغوی د ملاتړ کیفیت نه بدلېږي او د پخوا په څېر خپل نظامي ملاتړ ته دوام ورکوي.د نوموړي له قوله، د امریکا او دولتي ځواکونو تر منځ همکاري د ګډو ګټو او ستراتیژیکو اهدافو په بنسټ ده او په هیواد کې د تلپاتې سولې د تامین تر مهاله به دوام کوي.

د ولسمشرۍ ماڼړی لخوا پورته څرګندونې وروسته له هغه خپرېږي، چې د امریکا دفاع وزارت وایي د راتلونکي کال د لومړۍ میاشتې تر نیمایي پورې خپل زرګونه عسکر له افغانستانه وباسي او په دې هیواد کې د شته امریکایي عسکرو شمېر دوه زره پنځه سوه ته راټيټوي.د متحده ایالاتو د امنیت شورا سلاکار «رابرټ اوبراین» د پنټاګان د اعلان په تعقیب وویل چې په افغانستان کې پاتې امریکایي عسکر به هلته شته امریکایي سفارت او ادارې ساتي او ولسمشر ټرمپ تمه لري، چې د راتلونکي کال تر می میاشتې پورې په بشپړ ډول ټول عسکر کور ته راستانه شي.

ولسمشری ماڼړی:افغانستان لا هم د امریکا او ناټو مرستو ته اړتیا لري
ولسمشری ماڼړی:افغانستان لا هم د امریکا او ناټو مرستو ته اړتیا لري

ورته مهال امریکایي نظامي چارواکي وایي، که چېرې بهرني ځواکونه له افغانستانه ووځي، حکومت به د طالبانو په وړاندې سقوط وکړي.او داخلي جنګونو امکان به نور هم زیات شي. ځکه افغان عسکر لاهم پخپلو پخو ندي ولاړ او به دې ونه توانیګي چې د هیوادامنیت ټینګ کړي.دويي ته لا هم ټریننګ او تجهیزاتو ته اړتیا شته. او باید بهرني هېوادونه ورسره مرسته جاري وساتي.

ولسمشرغني:حکومت کې به بنیادي بدلونونه رامنځته شي

ولسمشر غني: د شانګهای سازمان غړي هېوادونو دې افعانستان سره همکاري وکړي پرون ورځ د شانګهای سازمان شلمه غونډه ترسره شوه چې  پکښي د افغانستان پر بیلابیلو موضوعاتو مهم بحثونه و شول او افغان ولسمشر محمد اشرف غني دې غونډې ته د ویډیو کنفرانس له لارې خبرې وکړې

د افغانستان جمهور ریس غني د سولې ترڅنګ د افغانستان، د اقتصاد مهم موقعیت او یو لړ نورو مهمو مسایلو په هکله خبرې وکړې او ټول هېوادونه يې را وبلل تر څو له افغانستان سره هر اړخیزه مرسته وکړي ولسمشر وویل افغانستان کې د اقتصادي، سیاسي او امنیتي همکاریو له لارې په یو اقتصادي براعظم د اروپا ـ اسیا د بدلېدو بهیر د چټکتیا لپاره د شانګهای همکاریو سازمان بېساری فرصت لري. دغه فرصت، پر ګواښونو د بریالي کېدو او عادي بهیر ته د ګرځېدو او پایداره ودې د تحرک رامنځته کولو لپاره اساسي او کلیدي دي اوس باید د شانګهابږی هېوادونه مونږ سره په سوله کې ځانګړی کومک هم وکړي ترڅو مونږ منتقوي اجماع له ځانه سره ولرو.

ولسمشر غني د دې سازمان غړو هېوادونو ته ډاډ ورکړ  چې افغان دولت او افغان پوځیان له نشه يي توکو او تروریزم سره مبارزه کوي او هیچاته په دې برخه کې فعالیت اجازه نه ورکوي هغه وویل افغان ځواکونه ډیر پیاوړي سوي دي.افغان ولسمشر په داسې حال کې دا څرګندونې کوي چې افغانستان د اقتصاد، جګړې او پوځي برخه کې تر اوسه کومه لاس ته راوړنه او څه نلري.

تراوسه د افغانستان تر نیمايي زیات خلک د فقر تر کرښې لاندې ژوند کوي او د افغانستان په یو زیات شمېر ولایتونو کې جګړو زور اخیستی چې ورسره سم تراوسه د سولې برخې څخه هم هیڅ خبره نشته اوس باید منثقوي هیوادون په خاص ډول سره همکاري وکړي ترڅو مونږ یو باثباته او پایداره سولې ته لار پیدا کړو افغانان په افغانستان کې باعزته ژوند ولري. او په ارامه فضا کې ژوند وکړي

ولسمشر غني: د شانګهای سازمان غړي هېوادونو دې افعانستان سره همکاري وکړي
ولسمشر غني: د شانګهای سازمان غړي هېوادونو دې افعانستان سره همکاري وکړي

د افغان سولې د خبرو د پیل لپاره څو اونۍ وړاندې د سولې مرکچي پلاوی تللی او یوازي  هلته میشت دی تر اوسه يې په دې برخه کې کو پرمختګ نه دی رامنځ ته کړی او نه هم د بین الافغاني خبرو د پیلیدو لپاره هڅې ترسره شوې دیادولو ده چې د افغان حکومت دوه غړي فوزیه کوفی او منصور نادري د شخصی مشکلاتو او کارنو په خاطر کابل ته راغلي وو او فوزیه کوفی بیرته قطر ته د خبرو دوام لپاره قطر ته لاړه خو منصور نادري لا هم کابل کی دی چې ډېر ژر به قطر ته ستون شي.