د سعودي عربستان د بهرنیو چارو وزارت وايي، د فلسطین د مسلې د حل په موخه د دوو دولتونو کوربه وي

د سعودي عربستان په پلازمینه ریاض کې د “دوو دولتونو حل لارې” د پلي کولو لپاره د نړیوال ایتلاف لومړۍ غونډه پیلېږي.

د سعودي کابینې هیله څرګنده کړې، د دوه دولتي حل لارې د پلي کولو لپاره د نړیوال ایتلاف لومړۍ لوړپوړې غونډه به د یوه خپلواک فلسطیني دولت او د اشغال د پای ته رسولو لپاره د هڅو د پرمختګ زمینه برابره کړي.

دا غونډه د چا په مشرۍ جوړېږي؟

د سعودي عربستان د رسمي خبري اژانس اېس پي اې (SPA) د رپوټ له مخې دغه غونډه به په ریاض کې د ولیعهد محمد بن سلمان په مشرۍ جوړه شي.

په دې غونډه کې د عربي ټولنې او فلسطیني ادارې د استازو ترڅنګ د بحرین، اردن، قطر او مصر استازي هم ګډون کوي. په پام کې ده چې پر اروپايي ټولنې او ناروې سربیره د اسلامي همکاریو د سازمان، ترکیې او نایجریا او اندونیزیا استازي هم ګډون وکړي.

نور ولولئ: د طالبانو رئیس الوزرا په غزه کې د اسرایلو وحشتونه غندلي

نور ولولئ: طالبان: په غزه کې د اسراییلو جنګ وحشت او دوی جنګي مجرمین دي

دا لا څرګنده نه ده چې په دې غونډه کې به هغه هېوادونه هم ګډون وکړي که نه، چې په دې وروستیو کې یې فلسطیني دولت په رسمیت پېژندلی دی. په دغو هېوادونو کې اسپانیا، ایرلنډ، سلووینیا او ارمنستان شامل دي.

روسیې او چین د فلسطین په تړاو د خپلو رولونو سره سره په دې غونډه کې د ګډون اعلان نه دی کړی.

د دوو دولتونو حل به څه مرسته وکړي؟

د سعودي عربستان د بهرنیو چارو وزیر شهزاده فیصل بن فرحان د وینا له مخې، سعودي تمه لري چې “د دوه دولتونو حل” پلي کول د شخړې او لانجو د پای ته رسولو او د یوه نوي واقعیت پلي کولو لپاره غوره حل دی، چې سیمه او اسرائیل پکې شریک وي او دا امنیت او همغږي هم رامنځته کولای شي.

غونډې ته به د سعودي د بهرنیو چارو وزير فيصل بن فرحان هم وينا کوي، ورپسې به د فلسطيني کډوالو لپاره د ملګرو ملتونو د مرستې او کار ادارې (UNRWA) کمېشنر فليپ لازاريني هم وينا وکړي.

د اې اېف پي خبري اژانس د غزې جګړې له پیل شاوخوا یو کال وروسته، د اسرائیلو د ریزرفي ځواکونو د “سختې ستړیا” په اړه یو رپوټ خپور کړ. په داسې حال کې چې له لبنان سره هم یوه نوې جبهه پرانیستل شوې ده.

د اسرائیلي پوځ د اعلان له مخې، د ۲۰۲۳ کال د اکټوبر په اوومه د حماس له خوا تر برید وروسته، شاوخوا “۳۰۰۰۰۰” سرتېري خدمت ته وربلل شوي. د دوی ۱۸ سلنه تر ۴۰ کلونو پورته نارینه دي، چې باید له عسکرۍ معاف وای.