راشدارمان دوبی ته ورسېد

راشدارمان دوبی ته ورسېد د افغانستان کرکټ ملي لوبډلې مخکښ ورو توپ اچونکی راشد خان له اسټرالیا څخه متحده عربي اماراتو ته رسېدلی دی.نوموړی د ابو ظهبی ته اول راورسېد.هغه د دې نه وړاندې استرالیااو ځینې نور هېوادونو کې په ټورنمنټونو بوخت وو.

د (ACB)په رسمي فېسبوکپاڼه کې د راشد خان عکسونه خپاره کړي او ویلي يې دي، چې نوموړی ابوظهبي ته رسېدلی دی.ښاغلی راشد خان له سډني څخه ابوظهبي ته روان شوی و، چې له روانېدو مخکې یې یو عکس هم خپور کړی و.راشد خان د اسټرالیا بیګ باش تجارتي لیګ کې د اډیلیډ سټرایکرز لوبډلې سره لوبېده، چې دا ځل يې په ۱۰ لوبو کې برخه واخیسته.

نوموړي په لس لوبو کې ۱۶ لوبغاړي وسوځول او ښه وځلېده.همدا راز نوموړي په بیګ باش لیګ کې ۵۰ لوبې هم پوره کړې چې ۷۲ ویکټې يې ترلاسه کړې.د یادولو وړ ده چې افغانستان د ایرلېنډ سره د ۳ نړیوالو یو ورځنیو لوبو لړۍ ترسره کوي، چې لومړۍ لوبه يې د جنورۍ په ۲۱مه نېټه ترسره کېږي.

هېره دې نه وي چې راشد خان، محمد نبي، مجیب الرحمان او قیس احمد هم اول ځل د پاکستان سوپرلیګ کې بولېږي.راشد خان د لاهور قلندرز لوبډلې سره پلاټونیم ډلبندۍ یا کټه ګورۍ کې دی او له دې مخکې کوټه ګلایډیټرز دوه ځلې اخیستی، خو لوبېدلی نه دی او دا ځل لوبېږي.

راشدارمان دوبی ته ورسېد
راشدارمان دوبی ته ورسېد

ښاغلی خان به دا ځل هم د پاکستان سوپرلیګ کې پوره نه وي، ځکه فرورۍ او مارچ کې افغانستان له زیمبابوې سره لوبېږي، خو که د کورونا له امله دا ټېسټ او شل اوره لوبې وځنډېدې بیا به راشد ټول لیګ کې له لاهور قلندرز سره وي

دنبي ښه توپوهنه، ټیم يې بریالۍ او مین اف دي میچ شو

دنبي ښه توپوهنه، ټیم يې بریالۍ او مین اف دي میچ شومحمد نبي نن په بیګ باش لیګ کې زبردست بېټنګ ترسره کړه چې ډېر وروسته يې خپلې ټيم ته بریا ورپه برخه کړه او همدا رنګه د لوبې د غوره لوبغاړي یا مین اف دی میچ جایزه يې هم خپله کړه.

د BigBashلیګ ۳۳مه لوبه د اډیلیډ سټرایکرز او میلبورن رینیګاډز لوبډلو ترمنځ ترسره شوه. د لوبې په پیل کې سټرایکرز پچه وګټله او توپوهنه يې غوره کړه.اډیلیډ سټرایکرز په ټاکلو ۲۰ اورونو کې د ۷ لوبغاړو په سوځېدو ۱۷۷ منډې وکړې، چې له ډلې یې پیل سالټ ۵۹، الیکس کیري ۴۲ او مټ رینشا ۳۰ منډې وکړې.راشد خان بیا په صفر وسوځېده.د میلبورن رینیګاډز له لوري پیټر هیتزګلو ۳ او جېک پریستویج ۲ لوبغاړي وسوځول.

نور احمد ۴ اورونو کې ۳۵ او محمد نبي ۱ اور کې ۹ منډې ورکړې، خو ویکټ يې وانخیسته.د ۱۷۸ منډو هدف د میلبورن رینیګاډز لوبډلې په ۱۹.۵ اورونو کې د ۴ لوبغاړو په سوځېدو پوره کړ او د ۶ ویکټو په توپیر يې بریا خپله کړه. محمد نبي نن په زړه پورې لوبه ترسره او لوبډله يې بریالۍ کړه، هغه د ۲ شپږیزو او ۹ څلوریزو په مټ په ۴۱ توپونو ۷۱ ناسوځېدلې منډې وکړې.

د اډیلیډ سټرایکرز له لوري راشد خان دوه لوبغاړي وسوځول.د لوبې د غوره لوبغاړي جایزه محمد نبي ته ورکړل شوه.هېره دې نه وي چې دا د میلبورن رینیګاډز ۹مه لوبه وه چې دویمه بریا يې خپله کړه.دوی ښهلوبه وکړه اوله همدې لامل داشو چې دوی لوبه هم وګټله.

دنبي ښه توپوهنه، ټیم يې بریالۍ او مین اف دي میچ شو
دنبي ښه توپوهنه، ټیم يې بریالۍ او مین اف دي میچ شو

محمد نبي یو له ښه لوبغاړو دی او دی کولی شي په ملي کچه لوبو کې هم ښه پرفامنس وښای خو شرت ب ېې دا وي چې په هره لوبه کې ېې ولوبوي او په اولو نمبرو کې ېې بیټنګ ته راوباسي تر څو د لوبې د ملت تیر جوړ شي هېره دې نه وي چې محمد نبي د ښهلوبغاړي ترڅنګ یو ښه انسان هم دی.

د (PSL) سیالیو ته ٣٥ افغان لوبغاړو هم نومليکنه کړې

د(PSL) سیالیو ته ٣٥ افغان لوبغاړو نومليکنه کړې د پاکستان سوپر ليګ (پي ايس ايل) ٦م پړاو لپاره د راشد خان، محمد نبي او مجيب الرحمان په ګډون ٣٥ افغان لوبغاړو هم نومليکنه کړې ده.دوي غواړي چې په پي ایس ایل کې ولوبیږي.

د سرچینیو په وېنا، د پاکستان سوپر ليګ راتلونکي پړاو لپاره له ٤٠٠ څخه زياتو بهرنيو لوبغاړو نومليکنه کړې ده، چې په دې کې ٣٥ افغان لوبغاړي هم شامل دي.په دې کې تر ټولو زيات لوبغاړي د ويسټ انډيز او انګلستان دي، چې د دواړو هېوادونو څخه ٧٠-٧٠ لوبغاړو نومليکنه کړې ده، همدا راز ٣٥ افغان لوبغاړو هم ورته خپل نومونه ليکلي دي.د پاکستان کرکټ بورډ مخکې د پلاټينيم کټګوري لوبغاړو ليسټ او نومونه خپاره کړي و، چې په هغه ليسټ کې د افغانستان راشد خان، محمد نبي او مجيب الرحمان هم شامل و.

خو په نورو پلیرانو کې کوم افغان لوبغاړي شامل دي، دا ليسټ تراوسه پورې د پاکستان کرکټ بورډ نه دى نشر کړی.دوی هر کال لست نشروي. او دهغه لست پراساس لوبغاړي بیا په PSL کې لوبیږي.دغه یږسیالی چې هر کال په دوبی کې تر سره کیږي نو خلک ورته ډېر علاقه لري چې د تماشچیانو په توګه ورشي او لوبې اوګوري.

د پاکستان سوپر ليګ راتلونکي پړاو سياليو لپاره د جنورۍ په ١٠مه نېټه د پاکستان په لاهور ښار کې د ډرافټ مراسم ترسره کېږي، چې ٦ لوبډلې به پکې د خپلې خوښې لوبغاړي واخلي.د يادولو وړ ده چې د پاکستان سوپر ليګ تېر پړاو ته هم ډېر شمېر افغان لوبغاړو نومليکنه کړې وه،خو د ډرافټ په مراسمو کې هېڅ لوبډلې کوم افغان لوبغاړى نه و پېرلى.

د (PSL) سیالیو ته ٣٥ افغان لوبغاړو هم نومليکنه کړې
د (PSL) سیالیو ته ٣٥ افغان لوبغاړو هم نومليکنه کړې

خو سږ کال امید شته چې ډېر افغان لوبغاړي پکی واخلي ځکه دا ځل ډېری افغان پلېران په نورو مشهورو ټورنمنټونو کې ولوبېدل او ښه پر فامنس ېې شو کړ نو ښای دا وار په PSL کې هم خورا ښه نوم او ځای ولري. په دغه لوبغاړو کې راشد خان بیا ډېر ځلېدلی لوبغاړی دی او ښای هغه په ښه رنکنګ کې واخیستل شي دې سره به د افغان نورو پلېرانو ته فایده وشي او اینده کې ورته چانس پیدا شي.

اى پي ايل: دکلکتې ټیم د چيناى ټیم څخه د ۱۰ رنزونو په توپیر لوبه څنګه وګټله

اى پي ايل: دکلکتې ټیم د چيناى څخه لوبه وګټله د کلکته نايټ رايډرز ټبم د ټاکل شوي ١٦٨ منډو هدف څخه په بريالي توګه دفاع وکړه او د چيناى لوبډلې نه يې د ١٠ منډو په توپير لوبه وګټله.

د اى پي ايل ٢١مه لوبه د کلکته نايټ رايډرز او چيناى سوپر کنګز لوبډلو ترمنځ د ابوظهبي په شېخ زېد کرکټ لوبغالي کې ترسره شوه.د لوبې په پيل کې پچه کلکته نايټ رايډرز لوبډلې وګټله او لومړى يې توپوهنه غوره کړه.د کلکته نايټ رايډرز لوبډلې په ټاکلو ٢٠ اورونو کې د ټولو لوبغاړو په سوځېدو ١٦٧ منډې وکړې، چې راهول ټريپاټي د ٣ شپږيزو او ٨ څلوريزو په مټ په ٥١ توپونو ٨١ منډې ترلاسه کړې، خو له هغه پرته بل کوم توپوهونکى په توپوهنه کې ښه پرفامنس ونه کړ.

د سوپر کنګز لخوا ډواين براوو ښه توپ اچونه ترسره کړه او ٣ لوبغاړي يې وسوځول، همدا راز سام کران، شردل ټاکر او کرن شرما ٢-٢ ويکټې ترلاسه کړې.د ١٦٨ منډو هدف په تعقيب کې د چيناى سوپر کنګز لوبډلې ښه پيل وکړ، شين واټسن او فاف ډوپليسي ٣٠ منډې ملګرتيا وکړه، خو ډوپليسي په ١٧ منډو وسوځېده، چې له هغه وروسته امباتي رايډو له واټسن سره منډې ٩٩ ته ورسولې او د ٣٠ منډو جوړولو وروسته اوټ شو.

شين واټسن بيا تر ټولو زياتې ٥٠ منډې ترلاسه کړې، خو بل کوم توپوهونکى ونه توانېده چې ښه توپوهنه ترسره کړي او د کلکتې له لوري ورکړل شوى هدف پوره کړي.چيناى سوپر کنګز په ټاکلو ٢٠ اورونو کې د ٥ لوبغاړو په سوځېدو ١٥٧ منډې وکړې او د ١٠ منډو په توپير يې له کلکته نايټ رايډرز څخه ماتې وخوړه.د کلکته نايټ رايډرز له لوري شيوام ماوي، ورون چکرورتي، کمليش ناګارکوټي، سنيل ناراين او انډري رسل ١-١ ويکټ واخيستې.

د لوبې د غوره لوبغاړي جايزه راهول ټريپاټي ته ورکړل شوه، چې ٨١ منډې يې د کلکتې په ګټه ترلاسه کړې وې.دا د کلکته نايټ رايډرز لوبډلې پنځمه لوبه وه چې دريمه بريا يې خپله کړه او ٦ نومرې يې ترلاسه کړې چې له دې سره په جدول کې دريم مقام ته لاړه، همدا راز د چيناى سوپر کنګز لوبډلې بيا شپږمه لوبه وه چې څلورمه بريا يې خپله کړه او پنځم مقام کې قرار لري.

داکتوبر په ٨مه نېټه به د اى پي ايل په ٢٢مه لوبه کې د سنرايزرز حېدراباد او کنګز اليون پنجاب لوبډلې مېدان ته کوزې شوې. دا لوبه چې د دوبۍ کرکټ لوبغالي کې ترسره کېږي، د افغانستان په وخت ٦:٣٠ بجې به پيل شوه.د يادولو وړ ده چې له سنرايزرز حېدراباد لوبډلې سره راشد خان او محمد نبي لوبېږي او همدا راز د کنګز اليون پنجاب لوبډلې سره مجيب الرحمان هم دی.خو تراوسه پورې په کومه لوبه کې نه دى لوبېدلى.

اى پي ايل: ممبۍ ټیم نه بېنګلورپه سوپر اور کې لوبه وګټله

اى پي ايل: ممبۍ په بېنګلورپه سوپر اور کې لوبه وګټله د اى پي ايل لوبه ډېره ښه او په زړه پورې وکړه، چې دواړو ټيمونو ٢٠١ منډې وکړې او لوبه سوپر اور راونډ ته اووته چې په سوپر اور کې د رايل چېلنجرز بېنګلور ټيم د ممبۍ انډينز ټیم ته ماتې ورکړه او لوبه ېې وګټله.

د اى پي ايل ١٠مه لوبه په دوبۍ کې د رايل چېلنجرز بېنګلور او ممبۍ انډينز لوبډلو ترمنځ وشوه. په اول کې د لوبې پچه ممبۍ انډينز په خپل نوم کړه او لومړى يې د رايل چېلنجرز بېنګلور لوبډلې ته د توپوهنې بلنه ورکړه.د بېنګلور له لوري ديودت پاډيکال او ارون فنچ توپوهنې ته راووتل او دواړو د ٨١ منډو په زړه پورې ملګرتيا ترسره کړه، چې ارون فنچ د ٥٢ منډو ترلاسه کولو وروسته وسوځېده، همدا راز ويراټ کوهلي توپوهنې ته راغى خو په ١١ توپونو يې يوازې ٣ منډې وکړې او له مېدانه بهر شو.له هغه وروسته اې بي ډيويليرز توپوهنې ته راغى او له پاډيکال سره په ګډه يې د بېنګلور منډې ١٥٤ ته ورسولې، چې پاډيکال د ٥٤ منډو ترلاسه کولو وروسته اووټ شو.

ډيويليرز او شيوام ډوبى په وروستيو اورونو کې چټکه توپوهنه پیل کړه ، چې ډيويليرز په ٢٤ توپونو ٥٥ ناسوځېدلې منډې وکړې او ډوبى په ١٠ توپونو ٢٧ ناسوځېدلې منډې وکړې.رايل چېلنجرز بېنګلور په ټاکلو ٢٠ اورونو کې د ٣ لوبغاړو په سوځېدو ٢٠١ منډې وکړې او د ممبۍ انډينز لوبډلې ته يې د ٢٠٢٠ منډو ستر هدف وټاکه.د ممبۍ انډينز له لوري ټرينټ بولټ ٢ او راهول چاهار ١ ويکټ واخیسته

د ٢٠٢ منډو د هدف په تعقيب د ممبۍ انډينز لوبډلې پيل ډېر سوړ و، لومړى لوبغاړى روهيت شرما و چې د ٨ منډو ترلاسه کولو وروسته وسوځېده، ورپسې سوريا کمار يادو هم په صفر له مېدانه بهر شو او کوانټين ډي کوک بيا يوازې ١٤ منډې وکړې او وسوځېده. هارديک پانډيا هم کوم کمال ښکاره نه کړ او ١٥ منډو ترلاسه کولو وروسته له مېدانه بهر شو.ممبۍ انډينز په ١١.٢ اورونو کې د ٧٨ منډو په جوړولو سره ٤ مهم توپوهونکي اووټ شول.

کشن په ٥٨ توپونو ٩٩ منډې وکړې، چې ٩ شپږيزې يې هم وهلې وې، همدا راز کيرون پولارډ په ٢٤ توپونو ٦٠ منډې وکړې، چې ٥ شپږيزې يې هم ووهلې.ممبۍ انډينز په ټاکلو ٢٠ اورونو کې د ٥ لوبغاړو په سوځېدو ٢٠١ منډې وکړې او د دواړو لوبډلو ترمنځ لوبه مساوي شوه، چې له هغه وروسته سوپر اور ته لوبه لاړه.د رايل چېلنجرز بېنګلور له لوري ايسورو ادانا ٢، واشينګټن سندر، يوژيندرا چاهل او اډم زمپا ١-١ ويکټ واخيستې.

بلخوا بیا په سوپر اور کې د بېنګلور له لوري سنديپ سېني توپ اچونې ته راغى او د ممبۍ له لوري کيرون پولارډ او هارديک پانډيا بیټنګ ته راووتل، پولارډ په لومړي توپ ١ منډه ترلاسه کړه، پانډيا په دويم توپ ١ منډه واخيسته، دريم توپ مس شو، په څلورم توپ پولارډ څلوريزه ووهله او په پنځم توپ پولارډ کېچ شو او له مېدانه بهر شو، شپږم ليګ باى توپ ترسره شو او ممبۍ په اور کې ٧ منډې ترلاسه کړې او بېنګلور ته يې د ٨ منډو ټارګټ کېښود.

په اول بال ډيويليرز ١ منډه وکړه، په دويم توپ کوهلي ١ منډه وکړه ، دريم توپ مس شو، په څلورم توپ ډيويليرز څلوريزه ووهله، په پنځم توپ ډيويليرز ١ منډه وکړه او په شپږم توپ کوهلي څلوريزه ووهله، چې په دې سره يې په سوپر اول لوبه په خپل نوم کړه.

شپږیزه لیګ کې د کابل بازانو ټیم مس عینک سره پای لوبه لري

د شپږيزې لیګ ډېر وخت راهیسې پیل شوې او مختلف ټیمونه له یو بل سره لوبې لري خو د ځيني لوبډلو لوبې بیا ډېرې جالبې وي اوسمهال دغه لیګ کې اووم پړاو سیالیو کې مس عینک د شپږیزې پای لوبې ته ووته.او دغه ټیم به د کابل بازانو سره پاۍ لوبه کې ولوبیږي.

د مس عینک لوبډلې پرون له بند امیر سره لوبه وکړه او ویې کولی شول، چې بند امیر لوبډله د پنځو ویکټو په توپیر وروسته کړي او ځان نته تر پای لوبې پورې لاره هواره کړي .لومړی بیټنګ د بند امیرټیم لخوا ترسره شوه، چې مقابلې مس عینک ټيم ته یې ١٧٩ هدف کېښود او مس عینک لوبډلې وکولی شول چې د پنځو ویکټو په توپیر بند امیر له پای لوبې را وګرځوي او بریالۍ شي.

د بند امیر ټيم د بېټنګ په برخه کې عثمان غني ٦٤، میرویس اشرف ٢٢ ناټ اوټ، او اصغر افغان او ناصر جمال د ٢٣ منډو په جوړولو هدف تر ١٧٩ ورسولو، د مس عینک لوبډلې له منځه، بهار علي شینواري ٤٧، شاهدالله کمال ٤٢، افسر ځاځي ٣٥ او حشمت الله شهیدي ٢٢، منډې جوړې کړې چې په پنځو ویکټو یې د بند امیر لوبډلې ته ماتې ورکړه.

د دې نه مخکې پای لوبې ته د کابل بازانو لوبډله لاره پیدا کړې وه ، چې د مس عینک لوبډله به سبا د کابل بازانو سره د پای لوبې لپاره په میدان کې مخامخ کیږي.د شپږیزې لیګ اووم پړاو کرېکټ سیالۍ چې باید لا پخوا ترسره شوي وی د کرونا وبا د خپرېدو او ترې د خوندیتوب له کبله ځنډول شوې وه.دا هم باید یاده کړو چې د کرونا ویروس له امله بازې نور ټورنمنټونه هم ځنډېدلي وو.

بل خو ا بیا په ورته وخت کې په کابل کې د نجونو فوټبال لیګ پای لوبې ته د عدالت او سنګر ټیمونه بریالۍ شوي دي.تېره ورځ د استقلال او عدالت لوبډلو تر منځ نیمه پای لوبه ترسره شوه چې عدالت لوبډله وتوانېده استقلال لوبډلې ته ٢/١ ماتې ورکړي او د فوټبال پای لوبې ته ځان وباسي. او همدا راز د نجونو فوټبال لیګ وروستۍ سیالۍ یا پای لوبه به سبا د فوټبال فدراسیون په لوبغالي کې د عدالت او سنګر لوبډلو تر منځ تر منځ پیل شي.

شپږیزه لیګ کې د کابل بازانو ټیم مس عینک سره پای لوبه لري
شپږیزه لیګ کې د کابل بازانو ټیم مس عینک سره پای لوبه لري

اوس وخت کې افغان کرکټ بورډ او نورو ورزشي ادارو بازې تجارتي ټورنمنټږنږ ته ډېره پاملرنه پیل کړې. باید همداسې په اینده کې هم د ټورنمنټونو نه ملاتړ وکړي او نور انټرنيشنل پلیران هېواد ته د لوبو لپاره راولي ترڅو د اي سي سي او نورو ادارو په افغانستان باندې اعتماد نور هم یات شي او افغانستان په سيمه کې یو با اعتماده هېواد وګرزي.

د راشد منډواو ويکټو نايټ رايډرز لوبډله بریالۍ کړه

د راشد منډواو ويکټو  ټريډينټس لوبډله بریالۍ کړه د سي پي ايل ټورنمنټ د اګست په ۱۹ تاریخ پيل شو ،او په اوله لوبه کې ټرينباګو نايټ رايډرز د ګيانا امازون واريرزټيم ته ماتې ورکړه او په دويمه لوبه کې بارباډوس ټريډينټس د سينټ کيټس اېنډ نيويس پېټريوټس لوبډلې ته ماتې ورکړه،

نوين الحق چې د واريرزټيم لپاره لوبېږي، ٢ ويکټې واخیستې ، همدا رنګه راشد خان چې د ټريډينټس لپاره لوبېږي ٢٦ ناسوځېدلې رنز ېې جوړ کړل او ٢ پلیران يې اووټ کړل، او دې سره ېېلوبه وګټله، اوله لوبه کې ګيانا امازون واريرزاول بیټنګ وکړ چې په ټاکلو ١٧ اورونو کې يې د ٥ لوبغاړو په سوځېدو ١٤٤ منډې وکړې، شيمرون هيټماير ٦٣ ناسوځېدلې او راس ټېلر ٣٣ رنز وکړل

د رايډرز له خوا سنيل ناراين ٢، علي خان، جايډن سيلس او ډواين براوو ١-١ پلیران وسوځول د ١٤٥ رنزو هدف د رايډرز ټيم په ١٦.٤ اورونو کې د ٦ لوبغاړو په سوځېدو پوره کړ او په ٤ ويکټو يې بريا خپله کړه. د دوى له لوري سنيل ناراين ٥٠ او ډواين براوو ٣٠ منډې ترلاسه کړې.د واريرز له لوري نوين الحق او عمران طاهر ٢-٢ لوبغاړي وسوځول، همدا راز کيمو پاول او روماريو شيفرډ هم ١-١ ويکټ واخيسته.

د مین اف دي میچ جايزه سنيل ناراين ته ورکړل شوه.دويمه لوبه کې بارباډوس ټريډينټس لومړى توپوهنه وکړه چې په ټاکلو ٢٠ اورونو کې يې د ٩ لوبغاړو په سوځېدو ١٥٣ منډې وکړې. جېسن هولډر ٣٨، کيلي مايرز ٣٧ او راشد خان په ٢٠ توپونو ٢٦ ناسوځېدلې رنز جوړ کړل

د پېټريوټس لخوا سهېل تنوير، شيلډون کوټرېل او راياد ايمرټ ٢-٢ لوبغاړي اوټ کړل .د ١٥٤ منډو د هدف په تعقيب کې د سينټ کيټس اېنډ نيويس پېټريوټس لوبډلې په ټاکلو ٢٠ اورونو کې د ٥ لوبغاړو په سوځېدو ١٤٧ منډې وکړې، چې د ٦ منډو په توپير يې له واريرز څخه لوبه وبايلله.

د دوى له لوري جوشوا ډي سلوا ٤١ ناسوځېدلې او بين ډنک ٣٤ منډې وکړې.د ټريډينټس له لوري بيا راشد خان او مچل سانتنر ٢-٢ لوبغاړي وسوځول.د لوبې د غوره لوبغاړي جايزه مچل سانتنر واخیسته، دغه لیګ د نړۍ غورره لیګونو څخه دۍ،، د افغانستان په شمول ورته د مختلفو هېوادونو څخه خلک رابلل شوي او په مختلفو لوبډلو کې اخیستل شوي دي

راشد خان دهېواد سېلاب ځپلو لپاره کومکونه راټولوي

راشدخان د شاه مسعود ستاینه وکړه دهېواد کرکټ ملي لوبډلې سپین بالر راشد خان د پاکستان پيليز توپوهونکى شان مسعود د سليزې په وهلو ستاینه وکړه، او هغه ته ېې د نورو بریاوو هيله هم څرګنده کړه،

د پاکستان او انګلینډ ترمنځ اول ټېسټ لوبه پرون په مانچسټر کې پيل شوې ده، چې پاکستان لومړى توپوهنه کوي او نن يې هم توپوهنې ته دوام ورکړى دى.اوسه پورې پاکستان د ٨ لوبغاړو په سوځېدو ٢٩١ منډې کړې دي، چې ١٠٣ اورونه يې هم لوبولي دي.خو د پاکستان توبوهنه لا هم ښه روانه ده دويي کوشش کوي چې ډېر رنز وکړي او د ټېسټ لوبه کې ځان بریالۍ کړي،

د دغه هېواد دوه ويکټې که څه هم په پيل کې ژر ولويدې، خو پيليز توپوهونکي شان مسعود او بابر اعظم ښه توپوهنه منډې يې ١٣٩ ته ورسولې، چې بابر اعظم په ٦٩ منډو وسوځېده.خو شان مسعود لا هم توپوهنې ته ولاړ دى، نوموړي د پاکستان منډې ډېرې مخکې بوتلې او په زړه پورې توپوهنه يې ترسره کړه چې تر دې دمه يې ١٣١ منډې کړې دي او ناسوځېدلى ولاړ دى. هغه په خپله توپوهنه کې ٣٠٢ توپونه ولوبول او همدا راز ١٦ څلوريزې يې جوړې کړې،

ددغه ټيم پلیر شاه مسعودتوپوهونکي ته د نورو لوبغاړو تر څنګ د افغانستان کرکټ ملي لوبډلې ورو توپ اچونکي راشد خان هم ستايلى دى.او دويي ېې غورع لوبغاړي بللي راشد خان دواړو ته مبارکي هم ورکړې ده راشد خان په خپل يو ټويټ کې شان مسعود ټېګ کړى دى او ورته يې ليکلي دي، چې ډېره ښه لوبه دې وکړه او د سليزې په وهلو يې د هغه ستاينه کړې ده.


دا هم باید یاده کړو چې د کویډ۱۹ له املهکه څه هم په ټوله نړۍ کې د کرکټ لوبې ځنډېدلې وې، خو انګلستان د نورو هېوادونو څخه مخکې شو، چې لومړى يې د ويسټ انډيز کوربه توب وکړ او د درې ټېسټ لوبو لوبلړۍ يې ترې په ٢-١ وګټله، همدا راز ورپسې يې د ايرلېنډ کوربه توب وکړ او د ٣ نړيوالو يو ورځنيو لوبو لړۍ يې ترې په ٢-١ وګټله او اوس له پاکستان سره د ټېسټ لوبو لړۍ يې پیل ده،

راشدخان د شاه مسعود ستاینه وکړه
راشدخان د شاه مسعود ستاینه وکړه

راشد خان اوس هم د ملي کرکټ نوموتۍ لووبغاړۍ دۍ نوموړي افغانستان لپاره ویاړونه راوړي دي او غټ غټ ریکارډونه ېې جوړ کړي دي نوموړۍ سبین بالر دی او لا هم د افغانستان لپاره لووبیږي هغه د اي سي سي میجونو تر څنګ په اي پي ایل کې هم لوبیږي،

کرکټ بورډ کې فساد نور هم زیات شوۍ

کرکټ بورډ کې فساد نور هم زیات شوۍ د افغانستان په کرکټ بورډ اداره کې د فساد خبرې د ډېر وخت راهيسې پیل شوي دي کلونه کیږي کرکټ پوهان ، لوبغاړي یې په اړه چیغې وهي مګرد فساد د مخنيوي لپاره هيڅ کوشش نه کيږي،

کرکټ بورډ د فساد له امله رامنځته شویو ناندریو هم یو څه فایده کړې هغه ځکه شته فساد هغه کسان عامو وګړو ته پيژني چې په فساد ېې کړۍ .ازه  د افغانستان کرکټ بورډ هستي ګل عابد د فساد په تور له دندېوظيفې لرې کړ .د کرکټ بورډ له خوا په خپره شوې خبرپاڼه کېذکرشوي، هغه په ۲۰۱۸ میلادي کال کې د غازي امان الله خان په لېسټ ای سیالیو کې د جعلي لاسلیکونو، له لوبغاړو د مالیې ګرځولو او نورو سرغړونو له امله له دندې اخوا شوۍ دۍ،

هغه د کرکټ د ملي لوبډلې د ټرینر او د کورني کرکټ د مسول په توګه پاتې شوی او په دې اداره کې یې په ګڼو برخو کې نورې دندې اجرا کړي دي.د سرچینې په خبره د هستې ګل عابد د ګوښه کیدو پرېکړه د بشري سرچینو د ادارې د اصولو له مخې شوې ده.خو بل لورته هستي ګل عابد پرده لګول شوي تورونه ردوي.عابد وایي کرکټ بورډ کې اداره کې ګڼې ستونزې شتون لري او له همدې امله له ستونزو سره مخه ده.

په دغه ادارې له ډیروخت راهیسې د فساد تورونه پورې کیږي خو تر اوسه یادې ادارې هم په پوره توګه د شوو ادعاوو په اړه وضاحت نه دی ورکړی.د کرکټ شنونکي بیا د کرکټ بورډ اداره کې د فساد خبره یادوي او وایي له همدې امله ډیری سرغړونې په کې صورت نیسي.څه موده وړاندې د افغانستان دکرکټ د ملي لوبډلې پر تیز توپ اچوونکي دولت ځدران هم د ډسپلین د نه مراعت له امله بندیز لګیدلی دی.

د کرکټ د چارو متخصیصین په کرکټ بورډ کې لوړ رتبه چارواکي مفسد بولي او وایي، همدا لامل چې افغان کرکټ ملي لوبډله په دې وروستیو کې ښې لاسته راوړنې نه لري.دوی وايی، ډير کله په کرکټ بورډ کې فساد د ځوانو لوبغاړو استعداد وژني او د پرمختګ مخه یې نیسي.

متخصیصین وایي ډيری داسې ځوان پلیران شته چې د ملي لوبډلې وړتیا لري خو په بورډ کې فساد مخه نیسي او هغه کسان یې پرځای لوبیږي چې اړیکې او یا پیسه دار وي.که افغان کرکټ کې روانې ناندرۍ دوام ولري او په یاد بورډ کې شته فساد ته د پای ټکې کینښودل شي ویره شته چې افغانستان کرکټ ملي لوبډله به د مخکې تګ ته بلکه په شا به تګ وکړي،او د کرکټ بورډ اداره به له هم نوره خرابه شي،

د امریکايی او مسلمان روسی لوبغاړي لوبه لغوه شوه

کرونا ویروس د چین او امریکا په شمول بو شمېر هېوادونو ته خپره ده ا مریکا هېواد کې د کرونا وېروس له امله ۱ لک نه زیات وګړي متاثره شوي دی او له دوه زره نه زیات وګړي د دې امله مړه شوي دي همدا راز د امریکا تر څنګ یو شمېر نورو هېوادونو ته هم خپور شوۍ دۍ په دغه هېوادونو کې یی مرګ ژوبله اړولې ده. د کرونا ویروس د زیاتېدو له امله ژوند په ډېر اړخونو اثر کړۍ نو په دې لړ کې د لوبو میدان هم متاثره شوۍ.

 ټاکل شوې وه د روسیې هیواد تکړه مسلمان لوبغاړی حبیب نورمحمدوف په روانه اپرېل میاشت کي د سرسخت امریکايي سیال توني فرګوسن په وړاندي ولوبیږي، خو دا لوبه د کرونا ویروس له امله لغوه سوه. نورمحمدوف د یادي لوبي د لغوه کېدو په اړه وویل، چي د کرونا ویروس له امله نسي کولای امریکا هیواد ته یادي لوبي لپاره سفر وکړي، ځکه د روسیې ټول پروازونه لغوه سوي.

هغه زیاته کړه، چي د یو ایف سي سازمان مسئولینو راته څو میاشتي مخکي وویل، چي دا لوبه ممکن په امریکا او یا هم متحده عربي آماراتو کي ترسره سي.

حبیب پر خپل انسټاګرام لیکلي:

((د یو ایف سي سازمان سره تر خبرو وروسته مو پرېکړه وکړه، چي یوه میاشت مخکي تر لوبي باید آماراتو ته سفر وکړو، مګر وروسته چي مو آماراتو ته سفر وکړ، معلومه سوه، چي هغوی د کرونا ویروس له امله ټولي دروازې تړي او هیڅوک نسي کولای آماراتو ته داخل شي.))

هغه ویلي وروسته مجبوره شوو، چي د لوبي کولو پرته بیرته خپل هیواد روسیې ته سفر وکړو. حبیب نورمحمدوف، چي دې لوبي ته ئې پوره چمتوالی نیولی وو او اوس هم د قرنطین په مهال په تمرینونو بوخت دئ. حبیب نورمحمدوف وروسته له هغه نړیوال شهرت پيداکړ، چي ایرلینډ وتلي لوبغاړي مک ګرګور ته ئې ماته ورکړه.

دیادونې وړده دنورو هېوادونو په څېر په هېواد کې دننه هم ډېرې لوبۍ څنډیدلې دي.د کرکټ په شمول فټبال او داسې نورې لوبې څنډېدلي دي. دغه لوبې د ډېرې ګڼړه ګوڼړه د کمېدو لپاره څنډېدلي دي تر څو زیاتو انساني فاجغو مخنیوۍ وشي.