ولسمشر غني: مونږ یو با ثباته نظام غواړو

ولسمشر غني: مونږ یو با ثباته نظام غواړو. داسې وخت کې چې په قطر کې د افغان سولې خبرې پیل شوي دي او د مؤقت حکومت خبره د رسنیو سرلیک ګرځېدلې ولسمشر غني وايي، د اوسني نظام د ثبات لپاره کوشش کوو.

ولسمشر غني چې ننګرهار ته د سفر په مهال یې یوې ناستې ته خبرې کولې وویل، چې جمهوریت یوه ګډه پانګه ده چې ګیلې او غوښتنې پکې مطرح کېدای شي او د همدې جمهوري نظام د ثبات لپاره باید کار وکړو. زما ټوله دنده دا ده چې د ولس په اراده دولت خپل ځایناستي ته واک په قانوني توګه انتقال کړو. دلته جمهوریت زموږ او ستاسې مشترکه پانګه ده، چې پر یو او بل نیوکې او ګیلې کولی شو. غواړو نظام ثبات ومومي.

ښاغلي غني وړاندې پر طالبانو غږ وکړ چې د ولس غېږې ته راشي او په خبره یې، که چېرې ولس هغوی ومني؛ دوی به هم غېږ ترې تاو کړي « طالبان دې د ولس غېږې ته راشي، که ولس لاس پرې کېښود، زر وارې رادې شي، له جګړې د وتلو لپاره موږ حاضر یو په خپله غېږ کې یې ونیسو، دوی دې هم واقعیت ومني، چې اوسنی افغانستان د ۱۹۰۰ پخوا افغانستان نه دی.»

ولسمشر غني ددې تر څنګ د ننګرهار لپاره د کار کولو ژمنه وکړه او د ښوونې وزیرې ته یې امر وکړ، چې ددې ولایت لپاره د ښوونکو څلو زره بستونه منظور کړي.د نوموړي له قوله، د ننګرهار د ښار لپاره یې هم طرحه جوړه کړې او که چېرې په ښه او منظمه توګه عملي شي ننګرهار به د سیمې له غوره ښارونو وشمېرل شي.

ولسمشر غني: مونږ یو با ثباته نظام غواړو
ولسمشر غني: مونږ یو با ثباته نظام غواړو

ورته مهال د نوموړي لومړي مرستیال ښاغلی صالح بیا د سولې روان بهیر ته په اشارې وویل، چې طالبان د قدرت او واک لپاره جنګېږي او د دین لپاره جګړه نه کوي.دده په خبره، هغوی له دیني نصوصو ځان باسي او د کابل د مذاکراتي ټيم له غړو سره په دیني برخه کې استدلال نشي کولای « طالبان هڅه کوي، چې له دیني مباحثو خپله پښه وباسي، موږ غواړو چې د شریعت په اساس مذاکره ورسره وکړو، خو دوی یې نه مني او نه غواړي چې مزاکرات وشي.

ولسمشر غني د ملالې میوند له کورنۍ سره غمشریکي وکړه

ولسمشر غني د ملالې میوند له کورنۍ سره غمشریکي وکړه د افغانستان د اسلامي جمهوریت جمهوررئيس محمداشرف غني چې د لوړپوړي دولتي پلاوي په مشرۍ د ننګرهار د عمومي وضعیت د ارزونې په موخه یې دغه ولایت ته سفر کړی وو، پرون ماښام بېرته کابل ته راستون شو.

ولسمشر غني کابل ته له روانېدو مخکې په جلال اباد ښار کې د ملالې میوند کورنۍ سره وکتل او یو ځل بیا یې د خپلې خواخوږۍ او همدردۍ مراتب څرګند کړل.په پیل کې د ملالې میوند ورور په خپلو خبرو کې ملاله د هیواد او ولس شهیده او د سولې ارمانجنه وبلله، وې ویل دا زموږ د کور ګټیالۍ وه چې په شهادت سره یې موږ له ګڼو اقتصادي ستونزو سره مخ شو. نوموړي د ننګرهار والي څخه په مننې وویل،

هیله ده دولت له موږ سره د سرپنا په برخه کې لازمه همکاري وکړي.د هغې نه وروسته د جمهوررئیس لومړي مرستیال امراالله صالح د ملالې میوند کورنۍ ته تسلیت ووایه، زیاته یې کړه اقتصادي ستونزې به مو حل او د زعفران ښارګوټي د استوګنې نمرو وېش لیست کې به مو په پام کې ونیسو.تو تر اخره به مو کلاړ وکړو.ځکه ملاله یوه تکړه ځوانه مبارزه وه او موږ غواړو چې د هغې یاد تازه وساتل شي

د صالح د خبرو نه وروسته د ننګرهار والي ضیاء الحق امرخېل په خپلو خبرو کې وویل، تر کومه چې ما ملاله میوند پېژندله هغه یوه باجرئته او سپیڅلې پېغله وه او د ننګرهار ولایت د شهیدانو او معلولینو ریاست ته مې دنده سپارلې چې کورنۍ سره یې اوږدمهاله مرسته وکړي.هغه وویل چې زه خپله د دوی کور ته ورغلی وم او د دوی عمومي وضعیت مو ولید چې اقتصادي ستونزې ډېرې دي او مونږ په دې حقله هڅه کوو چې د دوي اقتصادي ستونزې حل کړو.

ولسمشر غني د ملالې میوند له کورنۍ سره غمشریکي وکړه
ولسمشر غني د ملالې میوند له کورنۍ سره غمشریکي وکړه

جمهور ریس غني د یادو ویناوالو د خبرو وروسته د ملالی میوند فامیل سره غمشریکي پر مهال د نوموړې کورنی سره پنځه لکه افغانی نغدې مرسته وکړه او وی ویل تاسې ته به د کار کولو زمینه برابره او د پیاوړې ملالی یاد به تازه وساتل شي. نوموړي د دوي سره د کتنې وروسته خپل سفر پای ته ورسو او بېګا ما ښام کابل ته راستون شو.

عمران خان د ننګرهار پېښې په اړه ټویټ کړی او خواشیني ېې ښودلې

عمران خان د ننګرهار پېښې په اړه ټویټ کړی او خواشیني ېې ښودلې د پاکستانوزيراعظم عمران خان تېره ورځ دجلال اباد ولايت ښار کې د پاکستان قونسلګرۍ سره د ویزو اخيستو پر مهال د ګڼې ګوڼې له امله د ۱۲ ښځو په مړينه خواشيني ښودلې

د هغه نه علاوه د پاکستان د بهرنيو چارو وزارت او په کابل کې د پاکستان سفارت هم په دې پېښه خواشينې ښودلې او د ويزو د ويش په اړه يې د سم مديريت غوښتنه کړې ده.د ننګرهار والي ضیاءالحق امرخيل او ګڼو نورو چارواکو هم په دې پېښه خواشيني ښودلې ده.د ننګرهار ولايت د رسنيو دفتر وايي، والي امرخېل په ننګرهار کې د پاکستان قونسل عابد الله خپل دفتر ته ورغوښتی و او د ویزو د ويش د سم مديريت په لارو چارو ويې ورسره خبرې کړي دي.

عمران خان د ننګرهار پېښې په اړه ټویټ کړی او خواشیني ېې ښودلې
عمران خان د ننګرهار پېښې په اړه ټویټ کړی او خواشیني ېې ښودلې

د سرچینیو په وینا د پاکستان قونسلګري هره ورځ زرو کسانو ته ويزې ورکوي، خو د ویزو غوښتونکي کسان زرګونه وي؛ ځکه د ننګرهار سربېره د لغمان، نورستان، کونړ او يو شمېر نورو ولايتونو خلک هم جلال اباد ته د ویزو اخيستو لپاره ورځي، چې مديريت کول يې مشکلاتو سره مخ دی او هره ورڅ پکې جنجال وي او حلک پکې ټپیان کیږي.

اړونده خبرونه: د افغان عسکرو او نظامي سکتور سره د امریکا ملاتړ دوام کوي

ځينې راپورونه وايي، ولايتي چارواکي، مافيايي کړۍ، کمېشنکاران او د قونسلګرۍ ځينې مسؤولين د ویزو په ورکړه کې خپلې مالي ګټي لري او کوم خلک، چې په دې فساد کې ښکېل دي، هره ورځ زرګونو ډالر له دې لارې ترلاسه کوي.او خلکو ته پیسو ویزې لګوي. دويي وايي چې باید اول هغه خلک ونیول شي کوم چې پیسې اخلي او د فساد زمینه برابروي.

د پېښې رامنځته کېدول لاملپه افغانستان او پاکستان کې د کرونا له امله د دواړو هېوادونو ترمنځ تګ راتګ او ويزې بندې وې، خو چې څو ورځې مخکې سفارت او قونسلګرۍ پرانيستل شوې، د ننګرهار ولايت چارواکو پرېکړه وکړه، چې د ځايي مدني ټولنو په همکارۍ به شېرزي لوبغالي کې خلکو ته د ويزو ټوکن ورکوي او ورپسې به په ټاکلي وخت ويزو ته راځي.

د بازې مشرانو پر وینا تېره ورځ د ټوکن اخيستو لپاره د ښځو او ماشومانو په شمول لسګونه زره خلک ورغلي وو، چې د سختې ګڼې ګوڼې له امله په کې ۱۲ کسان مړه او ۱۳ نور ټپيان شوي وو.د دې سربېره د ټولنيزو شبکو فعالانو هم په دې اړه ژوره خواشينې ښودلې او حکومت يې په بې کفايتۍ او فساد تورن کړی دی. دويي وايي که چېرې دا ډول واقعې بیا تکرار شي نو عام ولس به د حکومت پر وړاندې په لاریونونو سر شي.

قومي مشران:دولت باید زمونږ امنیت لپاره اقدامات وکړي

قومي مشران:دولت باید زمونږ امنیت لپاره اقدامات وکړي دننګرهار ولایت د غني خیلو ولسوالۍ قومي مشرانو لاریون وکړ او دولت ته یې خبرداری ورکړ چې که په ولسوالۍ کې امنیت ښه نه شو نو دوی به خپله وسلې ته لاس کړي او د ځان د امنيت لپاره ګوټلي اقدامات وکړي.

دغه مشران تور پوري کړ چې د ولسوالۍ امنيتي چارواکي په قاچاق او ورانکارۍ کې لاس لري.دا د ننګرهار د غني خیلو ولسوالۍ قومي مشران او د تورخم – جلال اباد په لویه لاره د مارکو بازار سوداګر دي چې د لاریون لپاره ولایتي شورا ته راغلي دي. دوی وايي هدفي وژنې ، لوټمارۍ او ډيري ځورونې تر سره شوي دي.
په مارکو بازار کې د پیسو د بدلولو( صرافانو) مشر وايي چې په مارکو بازار کې هره ورځ ځينې غله د دولتي یونیفورم او نومونو په کارولو سره طرافان لوټي اونوری غلا هم ترینه کوی.

دويي وايي چې د غني خېلو ولسوالۍ له شپږو میاشتو راپدیخوا د پولیسو امنيه قومندان نه لري او په ولسږالۍ کې د امنيت چاري ټیټ پوړي پوليس افسران فعالیت کوي. دوی وايي په ولسوالۍ کې ځینې خلک په رشوت او بډو کې دخیل دي او ولسوال یې بې کفایته دی. دوی خبرداری ورکړ چې که د حکومت بې پروايي همداسې دوام وکړي ، نو وسلې به پورته کړي.

بلخوا بيا د ننگرهارد والي ویاندعطاالله خوګیاڼړي تایید کړه چې په شینوارو کې ناامني زیاته شوې ده. هغه وویل چې د سولې د خبرو له پیل راهیسې ، طالبان په مختلف ډولونو خپل تاوتریخوالی ته زور ورکړی ترڅو په حکومت فشار راوړي.او د هغويي غوښتنې ومني خو که چېرې د دويي غوښتنې ونه منل شي نو داسې تاوتریخوالی به لا هم دوام وکړي او اوربند ته به هم لارې بندې شي.

د یادونې وړ ده چې د غني خيلو قومي مشران له هغه وروسته لاريون کوي او حکومت ته ګواښ کوي چې د تيرې شنبې په ورځ ددې ولسوالۍ د غني خيلو په ولسوالۍ درنه چاودنه وکړه. چې تر ۵۰ زيات کسان پکې شهيد او ژوبل شول.د شینوارو د قومي مشرانو نه پرته نورو کسانوهم په سوشل ميډیا کې ویلي چې دا ډول کړنې مونږ ته د منلو وړ ندي او دولت په دې اړه سم تصمیم ونیسي.

قومي مشران:دولت باید زمونږ امنیت لپاره اقدامات وکړي
قومي مشران:دولت باید زمونږ امنیت لپاره اقدامات وکړي

ځینو د سوشل ميډیا انفلوینسرانو هم ویلي چې دا واقعه باید په سمه توګه وڅېړل شي تر څو په اینده کې ددا ډول کړنو نه مخنیوی وشي او افغانستان کې په ځانګړي ډول په ننګرهار کې د امن تضمین وشي.اوس باید دولت د دويي غوښتنې اومني او ننګرهار کې د امنیت ټينګښت لپاره ځانګړي اقدامات وکړي. او د ننګرهاریانو ژوند وژغوري.

سږ کال ننګرهار کې د زيتنو حاصلات د تېر کال په پرتله زیات شوي دي

سږ کال ننګرهار کې د زيتنو حاصلات د تېر کال په پرتله زیات شوي دي د ننګرهار کانال څخه سږ کال د اټکل له مخې تر ۵ سوه ټنو پورې د زیتونو حاصلات به ډېر دي. دغه زیتون به د ننګرهار د وادي کرنیز شرکت د څلورګونوفارمونو نه راټول شوي.

چې د تېر کال په پرتله به په کې پنځه سلنه زیاتوالی رامنځته شي، د حاصلاتو د لوړیدو اټکل لامل د زیتونو بڼونو په مسلکي او عصري ډول باندې ورته کتل دي..د زیتونو دغه دولتي باغونه په ۱۳۴۲ کال کې جوړ شوي، ١٧٢٠ هکتاره ځمکه په ځان کې رانغاړي، چې پکې د زیتونو دوه سوه اویا زره حاصل ورکوونکې ونې کوجودي دي .د زیتونو د بڼونو د پراختیا او د فابریکې د تولید لپاره لنډ مهالي او اوږد مهال کاري پلانونه جوړ شوي چې یو له هغوی څخه راتلونکی کال د ٧۰٠٠٠ تازه نیالګيو کرنه ده چې ورته تیاری لري.

د یو سرچینۍ له مخې د زراعت وزارت وايې سږکال کې به نږدې ۲۰۰ زره ټنه انار په هیواد کې حاصلات وشي د سږ کال په لړ کې به د هیواد په لسو ولایتونو کې د انارو حاصلاتو لس سلنه زیاتوالی راشي .د کرنې وزارت وړاندینه ښیې چې افغانستان به په روان کال کې نږدې دوه سوه زره ټنه انار تولید کړي چې یوازې اتیا سلنه یې به د کندهار ولایت څخه ترلاسه شي.خو یو شمیر بڼوال له همدا اوس څخه د حاصلاتو پلور لپاره یې د مناسب بازار نشتون له امله مشکلاتو سره مخ دي.

د یاد وزارت وړاندوینې په بنیاد سږکال به افغانستان له ۱۹۰ زرو ټن څخه زیات انار حاصلات کړي . له تیر کال څخه دولس زره ټنه زیاتد هېواد ۸۰ سلنه انار د کندهار څخه لاس ته راځي او وروسته بلخ او کاپيسا افغانستان کې ډیری انار تولیدوي.پاکستان او هند بیا د افغانستان انارو عمده بازارونه جوړوي. په روان کال کې بیا پاکستان ته د ځمکې لارې او هند ته هوايي لارو په صادراتو بندیزونه لګولی.

د سترو اتو سړو خونو چې حکومت یې د جوړیدو وعده کړې کړې ده تراوسه پورې هیڅ یوه یې هم ګټه اخیستنې ته ندي تیار شوی دافغانستان کورنیو ناخالص تولیدات کې د بزګرۍ برخه پنځه ویشت سلنه دی او ډير د کلیو او بانډو میشت خلک له دې لارې څخه خپل عواید پیدا کوي.

بل خوا بيا د زراعت وزارت وايې چې روان کال به د نورو کلونو په پرتله په هېواد کې د زعفرانو هم عايدات زيات او ددې وزارت د يوې وړاندويني له مخي به سږ کال له ټول هيواد څخه ۲۴ متريک ټنه زعفران راټول شي.او د ا به افغانستان اقتصاد ته خورا زیاته ګټه وکړي،

اوس وخت باید دولت ټولو بزګرانو ته ځانګړې پاملرنه وکړي ترڅو افغانستان کې دغه سکتور کې پراختیا او پرمختګ راشي ځکه دغې سکتور ته پوره کار ندۍ سوۍ. نو باید دويي لپاره خپله بودیجه نوره هم زیاته کړي ترڅو د افغانستان اقتصاد پرمختګ وکړي.او افغانستان یو په ځان بسیا هېواد وګرزي.

د څلور ورځوراهیسې افغان سوداګرو ته په تورخم اووښتواجازه نه ورکوي

د تورخم له لارې هېواد ته د سوداګرۍ کموالی موندل شوۍ د افغانستان او پاکستان دولتونو تر منځ د خرابو سیاسي تعلقاتو له له کبله د تورخم له لارې سوداګرۍ ٨٠ سلنه راکمه شوې ده او پر ځاۍ نورو هېوادونو او لارو باندې سوداګري زیاته شوې ده،

تجاران وايي د دواړه مملکتونه اقتصاد او سیاست سره تړلی چې د پولي دواړو خوا سوداګرو ته يې میلیونونه ډالر زیانرسولۍ دۍ، دوی وایي د ورځې به شاو خوا ۱۵۰۰بار وړونکو موټرو تګ راتګ کولو خو اوس دغه ارقام ۲۰۰ سوه ته راکم شوي دي. د جلال اباد ګمرک رييس وايي د سوداګرو لپاره يي سهولتونه برابر کړي او کوښښ کوي چې یو ځل بیا دغه لار پخواني حالت ته بوزي،

تجاران زیاتوي چې له تېرو لسو کلونو را هیسې له دې لارې سوداګري کمه شوې ده.دوی وايي د پاکستان او افغانستان تر منځ د ترینګلي سیاسي مشکلاتو له امله د تورخم له لارې هېواد ته سوداګري کمه شوې او دغې چارې سوداګرو ته میلیونونو ډالر تاوان رسولۍ دۍ،او که حالات همداسې دوام وکړي نو دا به تجاران د سوداګري ختمولو ته مجبور کړي او نور به دا مسلک بیخي پریږدي،

سوداګر وايي دافغانستان ۹۰ سلنه تجارتي اموال د کراچۍ بندر له لارې هېواد ته راځي خو د دواړه هیوادونو تر منځ د نه همغږۍ له امله د افغان سوداګرو ۱۳۵۰۰ کانټینر د پاکستان په خاوره کې بند پاتې دي.دوی وايي د هېواد دننه نا سم ګمرکي وضعیت او نا انډولۍ هم د تورخم له لارې سوداګري خرابه کړې ده.

دويي شکایت کوي چې دجلالبادګمرک د محصول تعرفه لوړه ده او دوی هڅه کوي چې ننګرهار او کابل ته د کندهار او خوست له لارې تجارتي اموال راوړي چې په قیمت ورته ارزانه تمامیږي.د ننګرهار ګمرک هم مني چې له تېرو لسو کلونو راهیسې له دغې لارې سوداګري کمه شوې ده.چارواکې وايي اوس يي سوداګرو ته ګمرکي سهولتونه برابر کړي خو کوښښ کوي چې له دې لارې یو ځل بیا تجارت پراخه شي.

ښاغلۍ نصرت الله صاحبزاده وايي قانون سل سلنه تطبیق کوي خو وايي د هېواد ګمرکې قوانین یو شان دي او هېڅ کله به اموال په لوړه بیه محصول نه کړي.تورخم لار د کراچۍ بندر له لاري هېواد ته تر ټولو اسانه او مناسبه لاره ده خو سوداګر وايي که زمونږ مشکلات حل شي مونږ له دغه لارې تجارت نور هم زیاتوالۍ راولو کوم چې به اوس وخت کې هېواد ته ډېر کومک وکړي،

د ګاونډي هېواد پاکستان سره کله نا کله د سیاسي اړیکو د خرابوالي له امله د پاکستان او افغانستان سوداګريزې اړیکې زیانمنې شوي دي .د پاکستان دولت هر کله یې چې زړه وغواړي پر افغان سوداګرو ټول سوداګریز بندرونه تړي او د صادراتو او وارداتو مخه نیول کیږي ، چې له امله یې افغان سوداګر او کروندګر له غټو مشکلاتو سره مخ کوي دي

ارين يون:د ننګرهار ولایت لپاره والي په ډېرو پیسو ټاکل کيږي

ارين يون:د ننګرهار ولایت لپاره والي په ډېرو پیسو ټاکل کيږي پارلمان کې د ننګرهار د خلکو استازې ارين يون ویلي، چې د ننګرهار ولايت د والي پوست بولۍ ته ورکړل شوى دى که هر څوک ډېرې پیسې ولري نو هماغه کس به د ننګرهار والي شي،

هغې په خپله فېسبوکپاڼه پوسټ کړۍ او لیکلي ېې دي، چې هر څوک چې بيا د ننګرهار والي شي، نو دا پېسې به د ننګرهار د خلکو د ستوني څخه راوباسي . هغه وايي چې ننګرهار د مافيا په منګولو کې پټ دۍ د دغه ولایت د خلکو استازې ارين يون په خپل فېسبوک کې ليکلي جلال اباد د مافيا په منګولو کې دی . يوه مياشت وشوه چې ننګرهار ولايت والي نه لري، د ننګرهار د ولايت پوست بولي ته ورکړل شوى دى، هر هغه کس چې ډېرې پېسې ورکړي، دا چوکۍ به ګټي او والي صاحب به بيا دا مصرف شوې پېسې بېرته د ننګرهار د خلکو د ستوني نه راوباسي کم ټول ملت لپاره شر ک خبره ده،

يون په هغه خلکو هم نيوکې کړې دي، چې په ننګرهار کې واليانو ته تقدير نامې ورکولې ارین یون همدا رنګه ليکلي دي او يو تعداد ملکان، وکيلان او مدنيان به ورته تقدير نامې ورکوي خو بل خوا ډېر پاک او مخلص خلک شته چې د ننګرهار د ولايت لپاره د والي په صفت راشي خو دوى بيا پېسې نه لري نو ننګرهاريان به څو کوي، امنيت ورځ تر بلې خرابېږي او دا حالت د مافيا د تغذيې لپاره ډېر مساعد حالت دى.

د يادولو وړ ده چې شاوخوا يوه مياشت کېږي چې د ننګرهار مخکېنى والي شاه محمود مياخېل د ولايت له دندې ليرې شوى او هغه په دفاع وزارت کې دنده پيل کړې ده، خو لا هم ننګرهار ولايت ته هېڅ والي نه دى ټاکل شوى.

څه موده کيږي چې ولسمشر غني يو شمېر ولايتونو ته نوي واليان وګمارل ، خو ننګرهار ولايت بيا د دغه ولايت د مرستيال والي له لوري اداره کېږي، چې هغه يې سرپرست ټاکل شوى دى.او لا هم دغه ولایت والي نه لري بازې نومونه ورته خوښ شوي وو خو لا هم ورته کوم نوم ندۍ وروستۍ شوۍ اوښايي دغه ولایت لپاره یو پوه سړۍ ډېر ژر معریفي شي،

د یادونې وړ ده چې پرون د یکشنبې ماښام د ننګرهار پر محبس باندې برید وشو یو شوا روز ېې دوام وکړ او یو څو شېبې وړاندې دغه برید پاۍ ته ورسېده په سوشل ميډیا کې د دغه برید په اړه عام وګړي مختلف پوسټونه کوي او وايي چې یو لامل ېې د ولایت لپاره والي نشتوالۍ هم دۍ او که ولایت کې والي واۍ نو اوس به دغه برید نه وۍ ترسره شوۍ دوي په دولت نیوکي کوي چې ولې ېې تر اوسه پورې ننګرهار لپاره والي ندۍ ټاکلۍ،

بلخوا بیا د ملي دفاع وزارت چارواکي وایي د ننګرهار ولایت پر محبس د ترهګرو برید د پنځو بریدکوونکو په وژل کېدو او د دریو په نیول کېدو پایته رسیدلی دی. دوی زیاتوي د ننګرهار محبس د افغان ځواکونو تر بشپړ کنترول لاندې دی دغه چارواکي زیاتوي په سیمه کې چاڼیز عملیات لا هم دوام لري،

ګمبیري کې د هوايي میدان چارې ودرول شوې

ګمبیري کې د هوايي میدان چارې ودرول شوې د جنجالونو او ناندریو وروسته مرکزي دولت د ننګرهار په ګمبيري دښته کې د هوايي میدان جوړولو چارې ودرولې.ویل کیږي چې دا چارې به نا معلومه وخت پورې ځنډول شوي

په دغه ولایت کې مدني فعالانو، د ولايتي شورا وکیلانو او په ملي شورا کې د دې ولايت ځينو وکیلانو په ګمبيري دښته کې ددولت له خوا دهوايي مېدان جوړېدل د داود خان د پنځه کلن پلان د ناکامولو هڅه بللې ده.همدا رنګه په ننګرهار او بغلان ولايتونو کې بيا د دې هوايي میدان جوړېدو پر ضد لاريونونه هم وکړل او دولت ته يې وويل، چې دوى به د هېڅ داسې پروژې اجازه ور نه کړي، چې هغه د داود خان د پنځه کلن پلان ناکام شي،

دغه خلکو غووښتنه کوله ، چې د ګمبيري دښته د زراعت ځمکه ده او بايد د دولت باید د رزاعت کتار ورنه واخلي ، ایر پورټ دې په بل کوم داسې ځاى کې جوړ کړاى شي، چې هلته ځمکه زراعتي نه وي.د ګمبيري دښتې له هغه ځاى څخه، چېرته چې هوايي ډګر جوړېږي يو شمېر د ودانيزو چارو شنونکو او فعالانو ليدنه کړې ده او دوى له دولت نه غوښتنه کړې ده چې په دغه دښته کې دې د هوايي ډګر د جوړېدو چارېژر تر ژره بندې کړي،

متخصیصین او فعالان وايي، چې په کوم ځاۍ کې چې هوايي میدان جوړېږي، دا د ناکامورا پارک ته نږدې ځاۍ ده او حاصل خېزه خاوره ده، دوى همدا رنګه له حکومت څخه په دې ځاى کې د هوايي ډګر جوړېدو په تړاو د وضاحت غوښتونکي هم دي، دا باید یاده کړو چې د جلال اباد مخکینۍ والي شاه محمود مياخېل له ياد ولايت څخه تر رخصتۍ وړاندې د دې پروژې پرانيسته کړې وه. همدا راز حکومتي چارواکو بيا په دغه ځاى کې د خلکو له نيوکو وروسته ويلي و، چې د ګمبيري دښتې په کومه برخه کې چې هوايي ډګر جوړېږي، دا ځاى د هغه ځاى نه ليرې دى، په کوم ځاى چې د داود خان پنځه کلن پلان جوړ شوى و.

د یادونې وړ ده چې په ټولنيزو رسنيو او لاريونونو کېداخبره کېږي، چې هوايي ډګر بايد په بل ځاى کې جوړ شي او ګمبيري ډاګ چې زراعتي سيمه ده، دلته بايد بند جوړ شي.خو دولت بيا په دې تړاو کوم غبرګون نه دى ښکاره کړى. د دغه پروژې د پرانيستې پر مهال ويل شوي و، چې دا هوايي ډګر به د کابل هوايي ډګر بديل هم وي.

اوس وخت د دې رارسېدلۍ دۍ چې باید ټول اقوام سره همغږه شي ترڅو د هوايي میدان چارې بیا پیل شي ترڅو دغه ولایت نور هم وده وکړي او اهمیت به پیدا کړي نو د دغه خلک بیا راپاڅي او د ایر پورټ چارې بیا پیل شي دا لومړۍ فرصت دۍ چې دغه ولایت خلکو ته ورکړل شوه، باید دا چانس ضایع نه کړي او د میدان چارو د بیرته پیلولو غوښتنه وکړي،

ننګرهارکې دهندوانوحاصلات زیات شوي دي

ننګرهارکې دهندوانوحاصلات زیات شوي دي ننګرهار ولایتي مسولین وايي ننګرهار کې د هندوانې د حاصلاتو له زیاتوالي په اړه خبر ورکړی دی،دويي وايي چې په مراتبو سره ورځ تربله حاصلات زیاتيږي،

دجلال اباد د کرنې او مالدارۍ ریاست مسولین وايي چې روان ال په ننګرهار ولایت کې د تېرو کلونو په پرتله د هندوانې حاصلات زیات ډېرشوي دي. دوی وایي چې سږ کال دغه ولایت څه د پاسه ۱۰۰ ټنه هندوانه بازار ته راویستلي دي چې د پاکستانیو هندوانو تشه یې ډکه کړې ده.سږ کال د کرونا ویروس له امله راکړه ورکړه کمه شوې ده ځکه کرونا له امله دواړه لوورې په ایره کې دي چې د کرونا انتقال یو د یو مملکت نه بل مملکت ته ونشي،

بلخوا د ننګرهار ولایت بزګران هم د هندوانې سږنیو حاصلاتو ته خوشاله دي او له مقامي حکومت څخه غواړي چې په ننګرهار کې چې زراعت ته جوړه ځمکه او اقلیم لري، باید په ځانګړي ډول ورته متوجع شي تر څو په وینا یې په ننګرهار ولایت کې بېلا بېلې مېوې او سبزۍ ترلاسه او د بهرنیو احتیاجاتو نه وژغورل شي،

د دغه ولایت مسولین وايي په ننګرهار ولایت کې په ۲۷۰۰ هکتاره ځمکه باندي هندواڼي کرل شوي ديبزګر هم د سږني حاصل څخه خوشاله دي او وايي په تیرو کلونو کې به د پاکستان او ایران هندواڼو د دوی بازار خراب کړی و.د ننګرهار ولایت اوسیدونکي هم د وطني حاصلاتو څخه خوښ دي او د حکومت څخه غوښتنه کوي چې زراعت او مالدارۍ ته پوره پاملرنه وکړي.

روان کال په جلال اباد کې په ۲۷۰۰هکتاره ځمکه باندي هندواڼي کرل شوي او حاصلات يي هم څه د پاسه سل ټنو ته رسیدلي چې د تېر کال په پرتله ديد زراعت ریاست وايي د بزګرانو سره يي په تخنیکي برخه کې پوره همکاري کړي.بزګران وايي سږکال يي د هندواڼو حاصلات د تیرو کلونو په پرتله ښه دي او حاصلات يي د ننګرهار او لغمان سربیره مر کز کابل ،مزار او ګڼو نورو ولایتونو ته وړل کیږي .

دغه چارواکي وايي د پاکستان لاري او په ننګرهار کې د کالدارو په بندیدو سره يي سږکال حاصلات په ښه او لوړه بیه پولورل کیږي د ننګرهار هندواني د کابل جلال اباد په لویه لاره ښه بازار لريلسګونه کسانو دغلته د هندوانو د پلور ځایونه جوړ کړی او د خپل کار څخه خوښ دي خو دوی وایي حکومت ورته باید دایمي کار پیدا کړي

په ورته وخت هندوانه اخستونکي او پلورونکي له حکومت څخه غوښتنه کوي چې د ننګرهار د ښي اب او هوا ته په کتو حکومت باید دغلته په دولتي په پراخه دولتي ځمکو باندي باغونه جوړ کړيد هندواڼو تر څنګ په ننګرهار کې سږکال د میوه جاتو او سبزي جاتو په حاصلاتو کې هم د پام وړ زیاتوالي راغلي و. دغه ولایت کې روان کال د خرما په حاصلاتو کې د زیاتوالي اټکل هم په نښه شوي،

دا هم باید یاد کړو چې دولت باید دغه بزګرانو ته داسې یو مېکانېزم جوړ کړي ترڅو دغه پزګران هر کال لپاره د ننګرهار خلکوته ښه حاصلات ورکړي ترڅو د ننګرهار خلک دپاکستان د احتیاج نه خلاص شي او افغانان دغه تشه په خپلو مټو او زور پوره کړی که همدغسې هر کال حاصلات زیات شي نو دا به د هېواد عام وګړو ته یو ښه زېری وي،

ډېلي بېسټ:خليلزادغواړي طالبانو ته کابل وسپاري

د امریکا ځانګړی استازی خلیلزاد وايي، د امریکايي حکومت ارزونېنه نه معلوميږي چې کابل کې به روغتون او ننګرهار کې پر جنازه حملې اسلامي دولت یا داعش ډلې کړي دي خلیلزپه ټوېټر کېویلي دي چې داعش د طالبانو او افغان حکومت ترمنځ د سولې تړون مخالفت کوي او د عراق په څېر افغانستان کې هم مذهبي جګړې ته لمن وهي. نو دغه یاد برید داعش کړۍ دۍ.

خلیلزادلیکلي:« د متحدو ایالتونو حکومت ارزونه کړې چې داعش-خراسان دا اونۍ په افغانستان کې پر یوه زیږنتون او د جنازې پر مراسمو وحشتناکه بریدونه وکړل. داعش پر ولسي خلکو دغه راز شریرو بریدونو ته پرلپسې لیوالتیا ښودلې ده، او افغانانو او نړۍ ته یو ګواښ ده.» ښاغلي خلیلزاد وايي، داعش خنډونه ایجادوي او سوله زیانمنوي. هغه ویلي چې نورې پلمې نشته، باید خواوې سره متحدې شي او د سولې لپاره کار وکړي.

نوموړي نور په دۍ اړه داسې لیکلي :« داعش-خراسان همداراز د افغانستان د اسلامي جمهوریت او طالبانو تر منځ د سولې د یوه تړون مخالفت کوي، او هڅه کوي چې د عراق او سوریې په څیر فرقوي جګړه وپاروي، د داعش دام ته د لویدلو او د سولې د ځنډولو یا ورته د خنډونو د جوړولو پر ځای، افغانان باید سره راغونډ شي چې دغه ګواښ ته ماتې ورکړي او د سولې د تاریخي فرصت پسې ورشي. نورې پلمې نشته. افغانان، او نړۍ، تر دې د ښو مستحقه دي.»

U.S. Special Representative Zalmay Khalilzad

✔@US4AfghanPeace

د امریکا د دولت ارزونه کړې چې داعش-خراسان دا اونۍ په افغانستان کې پر یوه زیږنتون او د جنازې پر مراسمو وحشتناکه بریدونه وکړل. داعش پر ولسي خلکو دغه راز شریرو بریدونو ته پرلپسې لیوالتیا ښودلې ده، او افغانانو او نړۍ ته یو ګواښ ده.

له دې وروسته د متحده ایالاتو د بهرنیو چارو وزارت مایک پمپیو له تیر نه په توپير طالبان ملامت نه کړل او غږ یې وکړ چې افغان حکومت او طالبان په ګډه دداسې خلکو ضد مبارزه وکړي.

بل خوا بیا د امریکا ولسمشر ډونالډ ټرمپ تازه د خبریالانو سره په خبرو کې وروستیو بریدونو ته په غبرګون کې ویلي چې دوی پولیس نه دي چې افغانستان به وساتي، نو افغانان باید نور خپله لاس په کار شي. همداراز له افغان ملت هم غوښتنه شوې چې داسې یوه حساس حالت کې منظم او منسجم اوسي، لاس په کار شي او دواړه غاړه مجبوره کړي چې د جګړې پرځای پر سوله تمرکز وکړي او دا ملت بیا له ډوبیدو وژغوري.

مونږ ټولو افغانانو ته پکار ده چې د افغانستان د ارادۍ أباره یو موټۍ شو او خپل هېواد آفغانستان جوړ کړو. ځکه افغانستان یو بې وڅله او غریب ملک دۍ باید ټول سیاسیون سره یو ځاۍ شي او دخپلو شخصي ؛ټو پر ځاۍ د هېواد لپاره کار وکړو که افغانان یو موټۍ شول نو دښمن به هیڅ کله دغه رقم ته هملې او بریدونه ونکړي او افغانان به په ارامه فضاء کې ژوند وکړي.