ولسمشرغني:دوزارتونو ولایتونو او نوروادارو ترمنځ باید هماهنګي زیاته شي

ولسمشرغني:دوزارتونو ولایتونو او نوروادارو ترمنځ باید هماهنګي زیاته شي دافغانستان د اسلامي جمهوریت جمهوررئیس محمد اشرف غني هرات ولایت ته د خپل سفر په دویمه ورځ له غرمې وړاندې د هرات له ولسوالانو او د سیمه ییزو ادارو رئیسانو سره لیدل کتل وشو.

دغه کتنه کې لومړی د هرات والي ښاغلي قتالي خبرې وکړې او هرات ولایت په ځانګړي ډول د هرات مصلی، جامع جومات او نورو تاریخي او فرهنګي سیمو بیارغاونې ته د جمهوررئیس له پاملرنې مننه وکړه او د هغه ولایت د عمومي وضعیت په اړه یې معلومات ورکړل.وروسته د هرات د ښارجوړولو او ځمکو رئیس محمد فریدون د ښاري انکشاف چوکاټ کې د ښاري مدیریت لیدلوري په اړه د خپلو اهدافو او برنامو د تطبیق معلومات ورکړل وې ویل، دغه کار به د هرات ښار د تحول او منظم کېدو سبب وګرزي.

وروسته د هرات څارنوالۍ رئیس عبدالحق احمدي خبرې وکړې او د یادې ادارې د فعالیتونو د معلوماتو ترڅنګ یې وویل، د قانونیت، عدالت او انساني کرامت رعایت اصل د هغوی لومړیتوب دی، پراخ اصلاحات او له فساد سره یې مبارزه پیل کړې ده.د هرات د ګذرې ولسوال شیر اقا سروري د هرات د نورو ولسوالانو په استازیتوب خبرې وکړې

هغه وویل د افغانستان اسلامي جمهوري نظام د ملاتړ ترڅنګ د ولسوالیو د امنیت تامین، د عام المنفعه پروژو د تطبیق، ملي دسترخوان برنامې او کارموندنې، د برېښنا تمدید، د څښاک اوبو، د روغتیایي خدمتونو ښه والي او په ولسوالیو کې پوهنې ته د لا زیاتې پاملرنې غوښتنه وکړه.

ولسمشرغني:دوزارتونو ولایتونو او نوروادارو ترمنځ باید هماهنګي زیاته شي
ولسمشرغني:دوزارتونو ولایتونو او نوروادارو ترمنځ باید هماهنګي زیاته شي

وروسته ولسمشر غني وویل، د هرات والي عبدالوحید قتالي په هرات کې د جمهوررئیس ځانګړی استازی دی او د دې ولایت ټولې ادارې باید د هغه د اوامرو متابعت وکړي.جمهوررئیس د دې په بیانولو سره چې د نظام د راتلونکي په اړه اندېښنه ستاسو کار نه دی وویل، ستاسو کار خلکو ته د خدمتونو وړاندې کول دي، اساسي خبره په افغانستان پورې اړه لري، واحد، خپلواک او ولسواک هیواد چې د اساسي قانون پر اساس به پر مخ وړل کیږي

ولسمشر غني په یو ورځني سفر هرات ته ورسېد

ولسمشر غني هرات ته یو ورځني سفر ورسېد دافغانستان د اسلامي جمهوریت جمهوررئيس محمداشرف غني د لوړپوړي دولتي پلاوي په مشرۍ د هرات ولایت د عمومي وضعیت د ارزونې په موخه نن سهار هرات ته ورسېد. نوموړی به هلته په هرات کې د دغه ولیت عموي امنیت هم اوګوري. او د دغه ځای چارواکو سره له اوګوري.

د هرات په نړیوال هوايي ډګر کې د هرات ولایت مسوولینو، مشرانو او متنفذینو جمهوررئيس غني او ورسره پلاوي ته ښه راغلاست ووایه.جمهوررئيس غني به په دغه سفر کې د دې ولایت ملکي او نظامي مسوولینو، علمای کرامو، ښځو، ځوانانو، ولایتي شورا غړو، متنفذینو، مدني فعالانو او تاجرانو سره جلا جلا لیدنې ولري.له نوموړي سره په دې سفر کې د هغه لومړی مرستیال امرالله صالح هم ملتیا کوي.

ولسمشر غني هرات ته له رسېدو سره سم دیاد ولایت د هوایي ډګر چې د «خواجه عبدالله انصاري هوايي ډګر» په نوم نومول شوی وو؛ پرانستنه وکړه.نوموړی به یوې عمومي غونډې ته وینا هم وکړي او د دغه ځای خلکو ستونزې به هم واوري.هرات ولایت که څه هم د نورو ولایتونو په پرتله پرمختللی ولایت خو بیا هم په هیواد کې د وروستیو حالاتو په کتو یو عمومي امنیت وضغیت وڅېړل شي او وروسته ورته بیا پلانونه هم جوړ شي.

ولسمشر غني په یو ورځني سفر هرات ته ورسېد
ولسمشر غني په یو ورځني سفر هرات ته ورسېد

هېره دې نه وي چې ولسمشر غني د عمومي وضعیت ارزونې په موخه ولایتونو ته سفرونه پیل کړي دي. هغه د دې نه وړاندې کندهار او ځیني نور ولایاتو ته هم سفرونه کړي دي او هلته د نظامي او ملکي مسولینو سره لیدل کتل شوي دي.نوموړي خپل سفرونه په داسې حال کې پیل کړي چې د هېواد عمومي امنیت وضعیت د باور وړ ندی او هره ورځ پکې هدفي وژنې او نور جنایتي جرمونه تر سره کیږي.

که مونږ اوګورو د ولاایاتو تر څنګ پلازمېنه کابل کې هم هره ورځ په لسګونو کسانو ته مرګ ژوبله اوړي او د عاموخلکو ژوند ترینه متاثره کیږي.بلخوا ډېری هام وګړي او مدني فعالان دې ته مجبور شوي چې افغانستان پرېږدي او نورو هېوادونو ته کډه وکړي. په همدې لړ ډيوه نیازی عصمت قانع او داسې نور فعالان هم مجبور شو چې افغانستان پرېږدي او بهر ته ولاړ شي.

کریم خلیلي عمران خان، جنرل باجوه او قرېشي  سره ليدل کتل شوي دي

کریم خلیلي عمران خان، جنرل باجوه او قرېشي سره ليدل کتل شوي دي د پاکستان ته په سفر کې د افغانستان د حزب وحدت اسلامي مشر کريم خليلي د پاکستان د وزیراعظم عمران خان، د پوځ مشر جنرل قمر جاوېد باجوه او د بهرنيو چارو وزير شاه محمود قرېشي سره ملقاتونه شوي

دپاکستان هېود رسمي رسنیو پر وینا عمران خان د خليلي سره په ليدنه کې ژمنه څرګنده کړې چې د افغانستان سره دوه اړخيزه اړيکې، او د خلکو په کچه به تجارتي او اقتصادي اړيکې سېوا کوي.ويل کیږي عمران خان ټينګار کړی چې پاکستان به د افغان سولې د پروسې په دوامداره توګه ملاتړ کوي او زياته کړې يې ده پکار ده چې د افغانستان د سولې بېن الافغاني خبرې د زغم سره د هواري په لور لاړې شي.ښاغلي خان ويلي چې پرامنه او باثباته افغانستان به د سيمه ييزه تجارت او اړیکو دپاره لارې پرانيزي.

د پاکستان ارمي رسنیوویلي د جنرل قمر جاوېد سره په ليدنه کې هم د کريم خلیلي سره په دوه اړخیزه شريکه ګټو او افغانستان کې د سولې په اړه خبرې اترې شوي دي.د ايي اېس پي ار ترمخه جنرل باجوه ویلي، په افغانستان کې د سولې مطلب په پاکستان کې سوله ده او باثباته او خوشاله افغانستان چې په امن کې وي نه يواځې د خپل ځان بلکې د ګاونډي پاکستان هم په قامي ګټه دی.

هغه هم د افغانستان د سولې په لړ کې د پاکستان د هڅو دوام د ساتلو ويلي او زياته کړې يې ده پاکستان په قطر کې د بېن الافغاني خبرو د دوهم پړاؤ د پېل کېدو او په دغو خبرو کې د شوؤ پرېکړو هرکلی کوي.دواړو خواود افغان سولې مزاکراتو په چټکتیا ټينګار کړی او ویلي ېې دي چې باید ټولې خواوې اوسمهال سولې تخ لومړیتوب ورکړي.

کریم خلیلي عمران خان، جنرل باجوه او قرېشي  سره ليدل کتل شوي دي
کریم خلیلي عمران خان، جنرل باجوه او قرېشي سره ليدل کتل شوي دي

ښاغلي خليلي په داسې وخت کې د پاکستان سفر کړی په قطر کې د افغان حکومتي مذاکراتي ډلې او طالبانو ترمنځ د بېن الافغاني خبرو دوهم پړاؤ خبرې روانې دي.اوسمهال داسې ګونګوسی هم تر غوږونو کیږي.چې ګیني په نږدي راتلونکي کې په اینده نظام باندې خبرې وشي او ډېری رسنی وای چې شاید امریکا او طالبان په یو لنډمهاله حکومت باندې سره رضا شي.

کریم خلیلي نن اسلام اباد ته ځي

کریم خلیلي نن اسلام اباد ته ځي.د خارجه چارو وازت د وياند دفتر د يوې اعلاميې په خپرولو سره ويلي چې د حزب وحدت اسلامي مشر استاذ خليلی به د يو لوړپوړي دولتي پلاوي په مشرۍ نن دوشنبه چې د روان زیږديز کال د جنوری له ۱۱ نيټي سره برابره ده اسلام اباد ته سپه سفر روانیږي.

پاکستان ته د سفر پرمهال به د حزب وحدت مشر استاذ کريم خليلی د پاکستان وزيراعظم عمران خان، د پاکستان د ملي شورا مشر، د پاکستان د بهرنيو چارو وزير او د پاکستان ځينو نورو شخصيتونو سره ليدنه ولري.د استاذ کريم خليلی سفر پاکستان ته د روانو سياسي حالاتو يوه برخه ده ترڅو د افغان سولې لپاره د دواړو هيوادونو ترمنځ په ګډه همکارۍ ټينګار وشي او د دواړو هيوادونو ترمنځ ژورې اړيکي جوړې شوي.

کریم خلیلي نن اسلام اباد ته ځي
کریم خلیلي نن اسلام اباد ته ځي

پاکستان اوافغانستان د کلونو راهيسې ګډي اقتصادي، سياسي، ټولنيزي، دوديزي، کلتوري اړيکې لري او تر ډيره پاکستان دې اړيکو ته هيڅ وخت نه ورکوي او هرخت د خپلو موخو لپاره کار کوي.پاکستان هر وخت په افغانستان کې د جګړي د پای ته رسولو او د ثبات راوستلو لپاره هر اړخيزي ژمني کوي خو د پاکستان ژمنې په افغانستان کې د ثبات راوستلو لپارهنتیجه نده ورکړې او تر ډيره پاکستان اوس هم په افغانستان کې خپلو موخو لپاره کار کوي.

دې هرڅه ته په کتو پاکستان افغان سولې لپاره ريښتينې همکاري نه کوي افغانستان کې د روانو حالاتو اصلي محرک هم پاکستان دي چې د کلونو راهيسې يې د خپلو شمو موخو لپاره بي ګناه افغانان شهيدان کړي دي او هر وخت يې د طالبانو نظامي، سياسي او اقتصادي ملاتړ کړی دی.

افغانستان ته د عمران وروستي سفر پرمهال هم خان ويلو وه چې افغانستان سره به خپلو اړيکو او ګډي همکارۍ ته دوام ورکړي خو، د خان دې څرګندولو ته افغانانو سخت غبرګون وښود چې د افغانستان په ځينو ولايتونو کې هم کابل ته د خان راتګ له امله لاريونونه ترسره شول او افغانان د افغانستان لپاره د پاکستان څخه په ريښتيني همکاري غواړي.

عمران خان وايي،په افغانستان کې د سولې ارمانجن دی

عمران خان وايي،په افغانستان کې د سولې ارمانجن دی، پاکستان تل پاکستان له افغانستان سره د ښو اړیکو وعدې کوي.تازه د پاکستان لومړي وزیر عمران خان د افغانستان د صنعت او سوداګرۍ وزیر نثااحمد غوریاني سره په کتنه کې ویلي چې پاکستان افغانستان کې د سولې او ثبات د راوستلو ارمانجن دی.

افغان سوله د ټولې سیمې د اقتصادي وضعیت لپاره اړینه ده.د عمران خان پر ټویټرپاڼه لیکل شوي چې په دې کتنه کې خان د دواړو هېوادونو ترمنځ د ورورۍ اړیکو یادونه کړې او په افغانستان کې یې د امن او سوکالي لپاره د خپلې مرستې تازه ژمنه کړې ده.هغه ویلي چې په افغانستان کې روانه جګړه نظامي حل نه لري او یوازې د خبرو له لارې د حل وړ ده او ښکېل اړخونه باید تاوتریخوالی کم او اوربند ته غاړه کېږدي.

ښاغلی خان ویلي چې که په افغانستان کې امن وي ټوله سیمې ته یې ګټه رسېږي او د اقتصادي ودې لپاره به ټوله سیمه یو له بله وتړل شي.نوموړي زیاته کړې چې د اقتصاد باید د سیاست قرباني نه شي او هېواد یې له افغانستان سره د سوداګریزو اړیکو د پراختیا او پیاوړتیا په برخه کې هر راز مرستې ته ژمن دی.او غواړي چې په دې برخه کې ډېره همکاري وکړي.

د افغانستان سوداګرۍ وزیر د یو پلاوي په مشرۍ اسلام اباد ته د دې لپاره تللی چې له پاکستاني چارواکو سره د سوداګرۍ پر نوي تړون خبرې وکړي.پاکستان داسې مهال د اقتصاد او امنیت په برخه کې افغانستان ته د همکارۍ ډاډ ورکوي، چې لا هم طالبانو جګړه په شدت روانه کړې ده او د سولې له خبرو د خلکو هیله په کمېدو ده.

عمران خان وايي،په افغانستان کې د سولې ارمانجن دی
عمران خان وايي،په افغانستان کې د سولې ارمانجن دی

هېره دې نه وي چې د پاکستان لومړي وزیر څه موده وړاندې کابل ته په یو ورځني سفر راغلی وو او ژمنه ېې کړې وه چې څومره د د په وس کې وي دی به ېې وکړي. او غواړي چې افغانستان کې دایمی سوله راشي ښاغلی خان ویلی وو چې ارمان ېې دادی چې افغانان په سوله کې ژومد وکړي .

تاجکستان عبدالله عبدالله ته دافغان سولې ملاتړ ډاډ ورکړی

 تاجکستان عبدالله عبدالله ته دافغان سولې ملاتړ ډاډ ورکړی دافغانستان په ګاونډ کې د تاجکستان هیواد چارواکو د مصالحې عالي شورا له رییس «عبدالله عبدالله» سره د لیدنو په مهال  د افغانستان له سولې پروسې ملاتړ اعلان کړی او د نوموړي په مشرۍ یې د سولې د روانې پروسې نتیجې ته د رسېدو هیله هم څرګنده کړې ده.

د دغه هېواد د ولسي جرګې رییس محمد طاهر ذاکرزاده ویلي، چې د تاجکستان ولسي جرګه د افغانستان له سولې ملاتړ کوي او تل یې هڅه دا وي چې د دواړو هیوادونو تر منځ شته نیکې اړیکې لا پراخې شي.ورته مهال د تاجکستان لومړي وزیر «قاهر رسول زاده» او بهرنیو چارو وزیر «سراج الدین مهرالدین هم د افغانستان د سولې له پروسې ملاتړ اعلان کړی۔هیره دې نه وي چې د تاجکستان نه علاوه نورو ملکونو هم د سولې ملاتړ اعلان کړی.

لومړي وزیر همدارازهیله ښودلې چې د عبدالله په مشرۍ به د افغان سولې پروسه بریا ته ورسېږي.تاجکستاني چارواکو د خپل هیواد او سیمې ثبات د افغانستان په سوله کې نغښتی دی او هیله يې ښودلې چې د سولې په تامین سره به سیمه اقتصادي وده وکړي.دويي همداراز ویلي چې باید ټول هېوادونه په سیمه سم زغنده رول ولوبوي.

د مصالحې عالي شورا وایي، عبدالله د تاجکستان له چارواکو سره په لیدنو کې په دوحه کې د طالبانو او کابل د مذاکراتي ټیمونو تر منځ د خبرو وروستی حالت شریک کړی او له افغان سولې پروسې د تاجکستان د ملاتړ له امله یې مننه کړې.

د مصالحې شورا مشر عبدالله عبدالله داسې مهال سیمې ته سفر کوي، چې په دوحه کې د افغان سولې د خبرو بهیر پيل شوی او دواړو لورو د اجنډا د موضوعاتو له تبادله کولو وروسته د راتلونکي پړاو مذاکراتو لپاره د لا ډېرو مشورو په هدف درې اوونۍ وقفه اخیستې.دويي په دې توافق ته سره رسېدلي دي چې د مشورو نه وروسته به یو وار بیا سره مزاکرات پیلوي.

د پاکستان لومړی وزیر عمران خان سبا کابل ته راځي

د پاکستان لومړی وزیر عمران خان سبا کابل ته راځي د نوامبر ۱۳مه یوشمېر پاکستاني رسنیو رپوټ ورکړی چې ښاغلی خان د ولسمشر غني په بلنه کابل ته راځي.دعمران خان د سفر له امله سبا یوازې په کابل کې رسمي رخصت هم اعلان شو.

د عمران خان د سفر د اجنډا په اړه هم تراوسه په رسمي توګه څه نه دي ویل شوي خو خبریال طاهر خان وویل چې ښايي په دې سفر کې د دریو بنسټېزو مسلو په اړه له افغان چارواکو سره بحث وشي. سوله، دوه اړخیزې اړیکې او د دواړو هېوادونو ترمنځ سوداګري به د بحث وړ ټکي وي.طاهر خان په خپلو خبرو کې دویچه ویله ته وویل: «لومړی خو د سولې مسله ده، د پاکستان او افغانستان بدقسمتي داده چې تراوسه یې د سولې په اړه جدي او مستقیمې خبرې نه دي کړي، داسې احتمال شته چې دا ځل به په دې مسله مخامخ خبرې وشي.

د چارو دغه پاکستانی کتونکی پردې اند دی چې افغانستان کې جګړه روانه ده او د سولې بین الافغاني خبرو کې پرمختګ هم نه کیږي نو په دغه سفر کې به پاکستان خپل دریځ واضح کړي.هاخوا د افغانستان د بهرنیو چارو وزارت هم منلې چې عمران خان کابل ته راځي. د دغه وزارت ویاند ګران هېواد رسنیو ته ویلي: «عمران خان به له ولسمشر غني او د ملي مصالحې عالي شورا د مشر عبدالله عبدالله په ګډون له جګپوړو افغان چارواکو سره د سولې خبرو ترڅنګ د دواړو هېوادونو تر منځ د سیاسي، امنیتي، اقتصادي او سوداګریزو همکاریو پر پراختیا خبرې وکړي.

د ښاغلي خان په سفر کې یو مهم بحث دا هم دی چې له افغانستانه د بهرنیو ځواکونو تر وتلو وروسته به د کابل – اسلام اباد اړیکې څه ډول وي؟ ده زیاته کړه: «په دې اړه کار شوی چې کله خارجیان له افغانستانه ووځي، د افغانستان او پاکستان اړیکي به څه رنګ وي؟ په دې کار روان دی، دواړو لورو په دې اړه نظرونه سره تبادله کړي او وړاندیزونه هم شوي.

د پاکستان لومړی وزیر عمران خان سبا کابل ته راځي
د پاکستان لومړی وزیر عمران خان سبا کابل ته راځي

دا په داسې حال کې د ه چې په دې اړه نور جزیات نشته چې د افغانستان او پاکستان ترمنځ د بهرنیو ځواکونو تر وتلو وروسته د اړیکو په تړاؤ کوم نظرونه تبادله شوي او پر کومو وړاندیزونو کار روان دی؟ هاخوا یوشمېر افغان کارپوهان پردې باور دي چې کابل ته د عمران خان سفر به هم لکه د نورو هغو یواځې تشریفاتي او تکراري سفر وي.او یوازې عکسونو اخیستو پورې به محدود وي دويي وايي چې دا سفر به هیڅ ډول ګټه ونلري.

ولشمرغني ټول هېواد کې د جنرال رازق د شهادت دویم تلین لمانځلوحکم وکړ

ولسمشرغني قطراو کویت ته په سفرلاړ جمهور ریس = اشرف غني نن سهار په رسمي سفر کویټ ته روان شو.د ولسمشر یوه ویاند وویل چې له ولسمش غني سره به په دې سفر کې لوړ پوړي دولتي چارواکي او د رسنیو استازي هم سفر کې موجود دي

فغان ولسمشر به له کویټ وروسته قطر ته هم سفر وکړي. د قطر دولتي خبري اژانس بیګا ناوخته په ټویټر پاڼه باندې تایید کړه چې ولسمشر به د دوشنبه په ورځ دوحه ته ورسیږي او تمه کیږي چې د سه شنبې په ورځ د قطر امیر تمیم بن حمد بن خلیفه ال ثاني سره وګوري.ښاغلی غني به هلته د لوړ پوري چارواکو سره د سولې په هکله هم خبرې وکړي.

د یادونې وړ ده چې چې ولسمشر په داسي حال کې کويټ او د قطر دوحي ته سفر کوي چې تر دې يوه ورځ مخکي د سولي په چارو کې د امریکا ځانګړي استازي زلمي خليلزاد او د امريکا د دفاع وزير هم د قطر دوحي ته سفر وکړ.دغه لوړ پوړي چاروکي په داسي حال کې د قطر پلازميني ددوحي ته سفر کوي چې د طالب وياند ډاکټر محمد نعيم ودرګ له خولې وويل شوي وو چې دواړه لوري د اروبند هوګړي ته سره رسيدلي

صرف دوړمره پاتې چې د دواړه لوريو د لوړ پوړو چارواکو له خوا لاسليک اومضا شي.ډاکټر نعيم وردګ ويلي چې له هغه وروسته به نوري خبري او د راتلوونکي جوړښت په اړه بحث کيږي.داسي ويل کيږي چې دواړه غاړي يوه هوګړي ته سره نيږدي شوي نو ځکه د امريکا ځانګړی استازی خليلزاد او د امريکا د دفاع وزير د دقطر دوحي ته سفر وکړ.

ولسمشرغني کویت او قطرته په سفرلاړ
ولسمشرغني کویت او قطرته په سفرلاړ

بلخوا خليلزاد هم تيره وزځ وويلي وو چې طالبان چمتو دي چې د سولي خبري سمې پر مخ ولاړي شي خو هغه د افغان حکومت پر پلاوي تور پوري کړ چې د سولي د خبرو د ګډوډولو هڅه کوي.نوموړی وايياوس باید دواړه لورې په سمه توګه مراکراتو ته کار وکړي. او افغانستان کې جنګ پای ته رسولو لپاره هڅه وکړي ترڅو افغانان په امن او امان کې ژوند تېر کړي.

ډاکټرعبدالله عبدالله اسلام اباد ته د خپل سفر په تر څ کې عمران خان سره لیدل کتل شوي

ډاکټرعبدالله عبدالله اسلام اباد ته د خپل سفر په تر څ کې عمران خان سره لیدل کتل شوي دهېواد د ملي مصالحې عالي شورا مشر ډاکټر عبدالله عبدالله اسلام اباد ته د رسمي سفر پر دویمه ورځ د پاکستان د سنا جرګې له مشر صادق سنجنراني سره ولیدل. او د هغې نه وروسته ېې بیا د لومړي وزیر عمران خان سره هم لیدل کتل وشو.

ښاغلي عبدالله له سنجنراني سره په لیدنه د افغان سولې پر پروسې، ټرانزېټ او سوداګریزو اړیکو په اړه خبرې وکړې.عبدالله د پاکستان سنا جرګې له مشر سره له لیدنې وروسته د پاکستان له وزیر اعظم عمران خان سره ولیدل او په یو لړ موضوعاتو سره خبرې وکړې. د افغانستان د ملي مصالحې عالي شورا رییس ډاکټرعبدالله عبدالله اسلام اباد ته د پاکستان د لومړي وزیر عمران خان په رسمي بلنه سفر وکړ.

ښاغلی عبدالله عبدالله په اولې لیدنې کې د پاکستان د بهرنیو چارو له وزیر شاه محمود قریشي سره د دواړو ملکونو په هر اړخیزو اړیکو او سولې بهیر کې د پاکستان د رول په تړاو خبرې وکړې د پاکستان د بهرنیو چارو وزیر شاه محمود قریشي د افغانستان د ملي مصالحې عالي شورا له مشر ډاکټر عبدالله عبدالله سره لیدنه کې ویلي وو چې افغانستان کې سوله پاکستان کې د سولې په معنا ده. دا یې د وینا هغه ټکی دی چې افغانان یې په زړه کږه او په خوله خوږه ګڼړي.

د بهرنیو چارووزارت زیاته کړې وه، چې د سولې خپلمنځي مذاکرات تاریخي دي او باید له په لاس راغلي فرصت سمه ګټه پورته شي ، نوموړی وایي طالبانو سره یې هم په همدې تالار کې چې له عبدالله عبدالله سره ګوري، لیدلي دي، ورته یې ویلي چې جنګ ګټوونکی نه لري او د افغانستان سوله د خبرو او جوړ جاړي له لارې امکان لري.

ډاکټر عبدالله بیا شاه محمود قریشي ته ویلي وو، چې پاکستان ته دا ځل په بدلې روحیې سره اسلام اباد ته سفر کوي ، عبدالله د پاکستان له لومړي وزیر په افغانستان کې د تاوتریخوالي د کموالي او اوربند په تړاو له هڅو قدردانی وکړو او ویې ویل که په لاس راغلي فرصت نه په سمه توګه ګټنه وانه خیستل شي یو بل لوی بحران ته به لار خلاصه شي.

هغه د پاکستان له دولت مننه وکړه، چې طالبان یې د بین الافغاني خبرو ته وهڅول، خو ویې ویل مذاکراتښه روان دي او له بده مرغه د تاوتریخوالي کچه لا پسې زیاتیږي چې دا به د سولې بهیر ته لوي زیان رسوي عبدالله له پاکستاني چارواکو سره تر لیدنې وروسته د پاکستان بهرنیو چارو وزارت کې یو نیالګی کېناوه.

د ملي مصالحې عالي شورا مشر د لیدنو مهالوېش کې پلان شوې چې نوموړی به د پاکستان پوځ له لوی درستیز قمر جاوېد باجوه سره په راولپنډۍ کې هم ملاقات ولري دې نه مخکې کله چې ولسمشر اشاف غني پاکستان ته د سفر پر مهال جي ایچ کیو ته تللی وو، نو سوشل ميډیا کې سختې نیوکې پرې وشوې،

ولسمشرغني غزني ته سفروکړ

ریس جمهور غني پرون غزني ولايت ته سفر وکړ،او د غرني ولایت د عمومي وضعیت او د امنیت ارزونه هم وکړه، نوموړي د دغه ولایت مشرانو سپینګيرو او ولایتي مسولینو سره وليدل، او دويي سره ېې نوې ژمنې هم وکړې

ښاغلي غني له ځايي خلکو سره هر اړخيزېوعدې هم وکړې د دغه ولایت والي وحیدالله کلیمزي ولسمشر غني او ورسره پلاوي ته د ښه راغلاست پرمهال خپله وینا کې ویل ، د زړه له کومې مننه چې تل مو په سختو شرایطو کې د غزني د ولسونو پوښتنه کړې او د دوی سره مو همکاري مو کړې . نوموړي زیاته کړه، کويډ۱۹ سره د مبارزې په موخه غزني ولایت ته له شپېته میلیونه ځانګړ شویو افغانیو څخه یې اتلس میلیونه په شفاف ډول مصرف شوي .کلیمزي وویل، د شته مشکلاتو د حل او انکشافي پروژو د تطبیق لپاره د ولسونو، امنیتي او دفاعي ځواکونو او ټولو ګډه همکاري لارمي ده او د ولسونو په همکارۍ د کرنې د ودې او نورو برخو کې انکشافي پروژې د پلي کېدو په حال کې دي

دويي زیاته کړه، د غزني قومونه د خپل نظام او امنیتي او دفاعي ځواکونو ملاتړ کوي او د دښمن له لوري د دوه کاله وړاندې وحشت به بیا تداسې ونشي .په همدې لړ کې لومړي مرستیال امرالله صالح له یادو ویناوالو څخه په مننې وویل، د دغې فضا چې خپلې نیوکې او نظریات مو په ازادانه توګه د ملت زعیم سره شریک کړل قدر او باید په لوړ مورال سره د وطن دامنیت ساتنه وکړي

تنوموړي زیاته کړه موږ له ۲۶ ټولنیزو بنسټونو سره د متقابل درناوي فضا او قانون په چوکاټ کې کار کوو.د جمهوررئیس لومړي مرستیال د غونډې له ګډونوالو وغوښتل چې د خپلو امنیتي او دفاعي ځواکونو چې د بشري ټولنې او ارزښتونو لپاره جنګېږي قدرداني وکړي.هغه زیاته کړه، موږ باید خلک بسیج او په بېلابېلو برخو کې شته ستونزې او بې عدالتۍ ختمې کړو. موږ د واحد ټیم او ستاسو د خدمتګارانو په توګه تاسو ته غوږ ګدو.

نوموړي زیاته کړه، خلک د جمهوریت غوښتونکي او ملاتړي دي، ځکه له ملي بحث پرته ملت منځته نشي راتلای او ملت ازاد بحث ته اړتیا لري.جمهوررئیس غني وویل، د امنیتي او دفاعي ځواکونو هر فرد رضاکار دی او د دوی د مبارزو، اتلولیو، زړورتیا او سرښندنو قدرداني وکړئ، ملاتړ یې وکړئ او په محبت ورسره چلند وکړئ، ځکه د دوی قربانۍپه تاریخ کې بېسارې دي او موږ ټول ورباندې ویاړو.د هیواد جمهوررئیس د علماوو متفقې فتوا څخه په مننې وویل، د دوی د فتوا پر اساس مو دوه کاله وړاندې اوربند وکړ او نړۍ ته مو ثابته کړه چې د سولې امکان شتون لري،

خلکو ډوډۍ غوښته او د دې لپاره مو د لومړي ځل لپاره وچه ډوډۍ ووېشله.جمهوررئیس غني وویل، موږ د اسلامي اصولو او اساسي قانون په چوکاټ کې د افغان ښځې درناوی او حقوق غواړو، د هیواد د نورو ښځو په څېر به د غزني ښځې هم د خپلو وړتیاوو په اساس حکومتولۍ ته جذب شي.

په پاۍ کې ولسمشر غني وويل ، د غزني ښار د انکشافي پلان د برابرولو ترڅنګ د اوبو لګولو سیستم هم احیا کېږي، سره له دې چې د کرونا بدو اقتصادي اغېزو زموږ امکانات محدود کړي، مګر امکاناتو ته په کتو به د غزني د خلکو غوښتنو او وړاندیزونو ته رسیدګي وشي،

د یادونې وړ ده چې ولسمشر ولایاتو ته سفرونه پيل کړي دي او لا ېې هم کوي ددې نه وړاندې هم ولسمشر لوګر ته سفر کړۍ وو او دا لړۍ به دوام لري ولسمشر غني به د دې نه بعد هم نورو ولایاتو ته سفر وکړي او ددغو ولایاتو عمومي وضعیت با وارزوي نوموړي د انتخاباتو نه وړاندې دا ژمنه کړې وه چې هر یو ولایت ته به سفر وکړي او دويي سره کړې ژمنې به و ارزوي او عملي به ېې کړي،