د زیتونواستعمال دانسان ګرردوته څومره ګټوردي؟

د زیتونواستعمال دانسان ګرردوته څومره ګټوردي؟لکهڅنګه چې تاسو ته معلومه ده چې د نړۍ لس سلنه خلک د ګردو د تیږو له ستونزې سره مخ دي، چې د ګردو خراب فعالیتونه یې د پیدا کېدو سبب ګرځي. دغه راز کله چې په ګردو تیږي راټولې شي،بدن ته نقصان ورکول شروع کړي.

اوهمدارازد وړو شګو شکل غوره کوي، چې بیا ورو ورو غټېږي. ویل کېږي کله چې د ناروغ کس له بدن څخه ذکر شوې تیږي خارجېږي، ورسره څنګ کې د ناروغ کس د ډېر سخت ځور لامل هم ګرځي، چې علت یې دغه ځورونکې او ډېره ورو کړنه ده چې بیایې ډاکتران د درملنې لپاره عموماً د عملیاتو لارښوونه او سپارښتنه کوي. خو اوسهمال روغتیایې کارپوهان وایي، چې ځینې داسې غذایي توکي هم شتون لري، چې د ګردو له تیږو څخه مو ژغوري. ویل کېږي که چېرته د ګردو له تیږو سره مخ یئ یاهم له دې ستونزې څخه کړېږئ

نو لاندې طریقه یا لار یې په مخنیوي کې مرستندویه تمامېږي.صحي کارپوهان وایي، چې د لېمو اوبه، د زیتونو تېل او له اوربشو څخه تیارې شوې اوبه مو د ګردو تیږي ماتوي او په ډېرو وړو ذرو یې بدلوي، چې بیا زموږ له بدن څخه په ډېره آسانۍ سره خارجېږي.د اړتیا وړ توکي:د زیتونو تېل لس ملي لیتره د اوربشو اوبه لس ملي لیتره لږه اندازه د لېمو اوبه

د زیتونواستعمال دانسان ګرردوته څومره ګټوردي؟
د زیتونواستعمال دانسان ګرردوته څومره ګټوردي؟

څه ډول باید استعمال شي طریقه ېې

ذکر شوي درې واړه توکي ښه سره ګډ کړئ او هره ورځ سهار په نهاره یې تقریباً پنځوس ملي لیتره استعمال کړئ. ویل کېږي که چېرته مو په منظم ډول سره وکارول، نو د څلورو ورځو په شاوخوا کې به مو د تشو میتازو رنګ یو څه ژېړ شي، یعنې مطلب دا چې ستاسې طریقې خپل کار کړی دی، چې بیا د اتو ورځو په شاوخوا کې د ګردو د تیږو ستونزه حلوي.

همدا راز یوه بله طریقه هم شته، چې د ګردو تیږي له منځه وړي. ددې لپاره لس یا پنځلس د خرما زړي راواخلئ، په هاون کې یې میده کړئ او په درې پیالو اوبو کې یې دومره وخوټوئ، چې یوه پیاله یې په بخار بدله شي او پاتې دوه پیالې چاڼ کړئ او سهار یې په نهاره استعمال کړئ.که دا چا هم همداسې استفاده کړ نو ګرنټی سره به مثبتې پایلې ولري.

کوم خواړه مو خېټه اوبه کوي؟

کوم خواړه مو خېټه اوبه کوي؟ دخیټو غټوالی د اوسنۍ نړۍ د تقریباً ټولو انسانانو یوه عامه ستونزه ده.ګڼ شمېر وګړي له دې کبله ځوریږي، چې خیټې یې غټې او پړسیدلې دي، بد شکله یې ښيي او له دې کبله ښه روغتیا، ښه ظاهري جوړښت او ښه احساس هم نه کوي.

لاندې به د هغو خوراک په اړه معلومات درکړو، چې استفادې یې ستاسې د خیټې کمیدو سره مرسته کولای شي.رومیان رومیان د خیټې د غوړوالي په سوزولو کې مهم رول لري. په رومیانو کې کافي اندازه لیکوپن او بتا کاروتن شته، چې په دې برخه کې مرسته درسره کولای شي.څومره چې کولای شئ، په خوړو کې له رومیانو ګټه واخلئ، هم به خواړه خوندور شي او هم به مو وزن ورسره کم شوی وي.دوهم مالټه دا مېوه نورې ښیګڼې هم لري، خو یوه مهمه یې په وزن کمیدو کې مرسته کول دي.

سره مالټه مو اشتها سوزوي، له نور خوراکه مو باسي او د خیټې غوړ مو اوبه کوي.دانېزنجبیل، جیسنګ، تور مرچ، زرد چوبه او نورې داسې دانې هم د وزن کمیدو، اسانه هضم، انرژۍ زیاتیدو او د خیټې د غوړ سوزولو لپاره ګټور دي.دارچیندارچین د وینې غوړ د کمیدو ترڅنګ د خیټې غوړ کمولو لپاره هم ضرور دی.دارچین هم په خوړو کې استعمالولی شئ او هم یې په چایو کې کاروی شئ.مڼه مڼه خوړل هم د وزن کمولو او د خیټې د غوړو د اوبه کولو لپاره ضرور ده.دا مېوه ګڼې نورې ګټې هم لري،

تل یې خورئ، ورسره به ډېر صحتمند اوسئ.ناک د ناک خوړل هم د وزن کمیدو او خیټې اوبه کیدو لپاره ګټور دی. د ناک په موسم کې د ورځې حد اقل یو دانه ناک وخورئ، نورې ګټې هم لري.کیلې د کیلو خوراک هم د وزن کمیدو لپاره ګټور ګڼل شوی.د دې مېوې ښیګڼه دا ده،

کوم خواړه مو خېټه اوبه کوي؟
کوم خواړه مو خېټه اوبه کوي؟

چې د مړښت احساس درکوي او په دې ډول مو د خوراک کچه کمیږي.د کیلو د استعمال لپاره سهار چایو نه وروسته وخت ډېر مناسب ګڼل شوی، خو خوراک کې یې افراط مه کوئ، چې قبضیت درته پيدا کوي.دا پاس خوراکونه نه باید ډېر اوخوړل شي او نه هم کم باید اعتدال سره استعمال شي.

کوم خواړه مو د بندونو له درده ساتي؟

کوم خواړه مو د بندونو له درده ساتي؟ بندونو التهاب او درد نن سبا یو له عامه او ځورونکو ناروغیو څخه شمېرل کیږي. نه تنها عمر خوړلې بلکي زیاتره ځوانان لدې ناروغی ځوریږي.او هره ورځ سلګونه ځوانان او سپینګیري په دې ناروغی نوي اخته کیږي.

د نړی مهم هیواد امریکا کې نژدې ۳۰ میلیونه ځوانان لدې ناروغۍ رنځ وړي او ددوی ژوند یې له کړاوونو ډک کړیدی.له وخت مخکې د بند غضروف تخریبیدل او التهاب یې یو له عمده علتونو څخه دی، څیړونکې پدې باور دي چې یو صحي غذایې رژیم کولی شي چې لدغه حالته مخنیوي وکړي، ځینې خواړه په خپل ځان کې دا وړتیا لري چې د مفصلونو له التهاب سره مبارزه وکړي، هډوکي مو قوي کړي او معافیتي سیستم ته مو وده ورکړي، پخپل غذایې رژیم کې ددې خوړو اضافه کول له تاسې سره د مفصل یا بندونو درد کمولو کې مرسته کوي.

ماهیان د کبانو غوړ د اومیګا ۳ شحمي اسید څخه غني دي، دغه شحمي اسید کولی شي چې په وجود کې د التهاب سره مبارزه وکړي او د بندونو التهاب له منځه یوسي. روغتیایې ماهرین هغه اشخاصو ته چې د بندونو له درده شکایت لري په اونۍ کې دوه ځلې له ۱۰۰ تر ۱۵۰ ګرامه ماهیانو خوراک وړاندیزوي.سالمن، ټونا، میکریل او هیرنګ د کبانو هغه ډولونه دي چې له اومیګا ۳ شحمي اسید څخه غني دي.

دزیتونو غوړې د زړه لپاره تر ټولو زیات مفید او صحي غوړ د زیتون غوړ دي، دغه غوړ د التهاب ضد تاثیر لري او هم په وجود کې د خرابو شحمو اندازه راټیټوي، کوم چې د زړه او مفصلونو لپاره غیر صحي دي.همدارنګه د غوزانو غوړ له ماهي ۱۰ چنده زیات د اومیګا ۳ شحمي اسید لرونکي دی چې د مفصل  درد او التهاب له منځه وړلو کې خورا مفید دي.

دګیلاس (چیري) میوه مطالعاتو ښودلې ده چې د ګیلاس میوه د بندونو درد او ګاوټ ناروغۍ په کمولو کې مرسته کوي.ګیلاس میوه د انټوسیکانین پنوم ماده لري کومه چې د التهاب ضد تاثیر لري او د بندونو التهاب او درد په کمولو کې خورا زیاته مرسته کوي.

لبنیات شېدې، مستې، پنیر او نور لبنیات د کلسیم او ویټامین ډي په لرلو سره کولی شي د بندونو درد مو راکم کړي او هم هډوکي مو تقویه کړي.ویټامین ډي د کلسیم د جذب لپاره یو اړین ویټامین دی، همدارنګه کلسیم کولی شي چې دنورو انتاناتو په مقابل کې د وجود معافیتي سیستم تقویه او لا پیاوړی کړي.که تاسې له لبنیاتو سره حساسیت ولرئ او یا هم ورته لاس رسی ونلرئ نو پرځای یې له هغو خوړو استفاده کولی شئ چې له نوموړي منرال او ویټامین څخه غني وي.

د دې نه علاوه ډاکټران توسعه کوي چې باید د ډېرو غوړو او خوږو خواړو نه ځان وساتل شي تر څو مو د بدن غوړي زیات نشي او د ډېری خطرناکو ناروغیو څخه وژغورل شي. همداراز ډاکټران وايي د یخو پر ځای په ګرمو اوبو باید ځان پریمینزل شي تر څو د هډوکو د درد نه وژغورل شي.

انسان بدن لپاره دويټامين سي ګټې

د انسان بدن هر قسم ويټامنونو ته اړتیا لري. ويټامين سي يو له هغو ويټامينو څخه دی چې تر ټولو ډېر پیژندل کېږي او ترټولو زيات کارول کېږي، په ځانګړي ډول دغه ويټامين د ژمي د موسمي ناروغيو د مخنيوي لپاره ډېر زيات کارول کېږي، مګر په اصل کې ويټامين سي بدن ته ډېرې زياتې ګټې لري، او ښه نتیجه ورکوي.

اوس به مونږ تاسو سره معلومات شریکوو، چې دويټامن سي بدن کې دنده څه ده.ګټې يې کومې دي او په کومو توکو کې موندل کېږي. پوښتنې ځوابوو.ويټامين سي د ډېری خلکو لخوا پيژندل کېږي او په لوړه کچه کارول کېږي، ډېری حيوانات پخپل بدن کې پخپله کولی شي ويټامين سي تولید کړي، مګر انسان نشي کولی دغه ويټامين پخپله بدن کې پخپله تولید کړي له همدې کبله مجبور دی دغه وېټامين له بهر څخه يانې له نورو مېوو او دانو ترلاسه کړي.

دغه ويټامين سي له هغو ويټامينو څخه دی چې تر ټولو ډېر پیژندل کېږي او ترټولو زيات کارول کېږي، په ځانګړي ډول دغه ويټامين د ژمي د موسمي ناروغيو د مخنيوي لپاره ډېر زيات کارول کېږي، مګر په اصل کې ويټامين سي بدن ته ډېرې زياتې ګټې لري، په دې ليکنه کې ويټامين سي څه شی دی، په بدن کې یې دنده څه ده؟ ګټې يې کومې دي او په کومو توکو کې موندل کېږي؟ پوښتنې ځوابوو.

دغه ویټامین د ډېری خلکو لخوا پيژندل کېږي او په لوړه کچه کارول کېږي، ډېری حيوانات پخپل بدن کې پخپله کولی شي ويټامين سي تولید کړي، مګر انسان نشي کولی دغه ويټامين پخپله بدن کې پخپله تولید کړي له همدې کبله مجبور دی دغه وېټامين له بهر څخه يانې له نورو مېوو او دانو ترلاسه کړي.

ويټامين سي ترټولو ډېر په تازه مېوو او سبزيجاتو کې موندل کېږي مالټې، لېمو، ګریپ فروت، کينو، ګلپي، شفتالو، ګشنيز، شلغم، ځمکني توت، انه ناس، تازه فاصليه، پياز، کچالو او کيوي ترټولو زيات ويټامين سي لري.ددې لپاره چې بدن مو منظم خپل کار وکړي پکار ده په منظم ډول ويټامين سي ترلاسه کړي، ځکه د ويټامين سي کم والی ځينو ناروغيو ته دعوت ورکوي.

د انسان بدن کې د ويټامين سي کم والی تر ډېره ناسمې تغذیې، شراب څښلو، زياتو اندېښنو، سېګرېټو او د پښتورګو د ناروغيو له کبله پيدا کېږي.تر ډېره د وېښتانو د تويېدو، د وینې کم والي، د پوزې د وینې کېدو، د غاښونو د ضعيف کېدو، د بدن د بندونو د درد، بې شيمه ګۍ، د پوستکي د وچ والي، د مېتابوليزم د ورو والي او داسې نور مرزون اخته کیدی شي.

په زړه پوری خبر: د مودرنا کمپنی  واکسين ۹۴,۵ سلنه‌ موثر ثابت شوي دي

په زړه پوری خبر: د مودرنا کمپنی واکسين ۹۴,۵ سلنه‌ موثر ثابت شوي دي. داسې حال کې چې نړۍ د نوي کويډ١٩.ناروغی سره لاس او ګریوان ده‌ د ساينس له ډګره بيا ښه خبرونه راروان دي، تراوسه پورې دوه داسې ښه خبرونه خپاره شوي چې علمي ټولنې جدي نيولي دي.او د خبر هرکلی ېې هم کړی.

تازه امريکا کې د مودرنا شرکت د خپل واکسين اعلان کړی دی چې په انسانانو تر موجود بل هر واکسين موثره دی، د مودرنا او د امريکا د حکومت د بنسټ ترمنځ په ګډه جوړ شوی دا واکسين په انسانانو ۹۴,۵ سلنه اغېزناک ثابت شوی دی، په ساده ژبه دا نوی واکسين تقريباً ۹۵ سلنه انسان د نوي کورونا ويروس څخه مخنیوی کې اغیېزناکه ثابت شوي دي.په امريکا کې ددې واکسين ښه خبر په داسې حال کې ورکول کېږي چې ددې هېواد روغتيايي بنسټونه نور د ناروغانو د ځای په ځای کولو او پاللو له وړتيا څخه په لوېدو دي، په امريکا کې په ورځې کې نور د نويو ناروغانو ارقام سلو زرو ته رسېږي.او لا هم امکانلري چې نور هم زیات شي.

د دغې شرکت تر اعلامیې وړاندې يوه جرمني او امریکايي شرکت هم په ګډه د ۹۰ سلنه اغېز لرونکي واکسين خبر ورکړی و، خو دا نوی واکسين نه يوازې چې په تاثير او اغېز کې تر پخواني قوي دی بلکې نورې داسې ځانګړنې هم لري چې د کورونا ويروس سره روانه مبارزه لا اسانه کولی شي.دا واکسين د مقاومت لوړ خواص لري او ژر نه خرابېږي، يانې ژر يې مواد خپل خواص له لاسه نه ورکوي او نور تعاملونه نه رامنځته کوي، د مودرنا د شرکت په وينا چې دا واکسين تر ۳۰ ورځو په يخچالي ډیپوګانو او زېرمو کې ساتل کېدی شي، او بیا هم ترینهداستفاده کیدایشي.

ددې نه علاوه دا واکسین د کوټې يا اطاق په تودوخه کې هم تر ۱۲ ساعتونو نه خرابېږي.سکای نيوز بيا د مودرنا شرکت په حواله ليکلي دي چې دا واکسين په قوي یخچالونو کې چې منفي شل درجې سوړ والی ولري ان تر ۶ مياشتو پورې ساتل کېدی شي.تیره هفته بيوتیک او فيزر کمپنۍ هم خپل واکسين په ګډه‌ اعلان کړ، ددې واکسين په هکله ځينې اندېښنې موجودې وې، ځکه بايد ډېر په ټيټه درجه کې ساتل شوی وی که نه د خرابېدو ستونزه پکې رامنځته کېده، دې کار بيا د واکسين د ساتلو او وېشلو په وړاندې ستونزې راپيدا کولې.

د دواړو شرکتونو واکسينونه داسې ټېکنالوژي کاروي چې د کويډ 19 سره د مبارزې چاره ګړندۍ کوي، دا واکسينونه د‌ انسان حجرو ته دا امر او تعلیمات ورکوي چې په اوتومات ډول د کورونا ويروس انتيجن جوړ‌ کړي، دا انتيجن بيا په بدن کې ددې سبب کېږي چې انتي کور يا انتي باډي جوړ شي، انتي باډي بيا د ويروس سره په مبارزه کې لومړی رول لري او ویروس له منځه وړي.نړیوالو ددې واکسین هرکلی کړی او وايي چې دا ډېر ښه خبر دی چې دې واکسین سره انسانانو ژوند ژغورل کیږي.

د کرونا ویروس څخه د ځان ساتلو طريقه

چین هېواد کې د کرونا ویروس د پیدا کېدلو له امله د مړو شمېر آن تر ۲۳۰۰ سوه پورې ورسېد او له بده مرغه چې دغه ویروس د افغانستان ګاونډي هېواد ایران ته د رارسېدو سره سم د افعانستان هرات ولایت ته هم راورسېد.

د افغانستان د عامې روغتیا وزارت هم خبر ورکړ چې په هرات ولایت کې د کرونا په ویرس درې تنه افغانان هم اخته شوي دي، د دغې ټکان ورکوونکي خبر په خپریدا سره سم ګڼو افغانانو خواشیني ښودلې ده، خو مونږ تاسې ته د احتیاط په خاطر هغه څو ټکي در په ګوته کوو چې په کرونا ویروس د اخته کېدا او د خپریدو مخه نیسي چې تاسې یې باید مراعت کړئ.

۱- که چېرې غواړئ د کرونا په وژونکې ناروغۍ باندې اخته نه شئ، نو تاسې هره ورځ په اوبو او صابون باندې خپل لاسونه بیا بیا پریمنځئ.

۲- دغه راز د ټوخي او پرنجي پر مهال پزه په ماسک، دستمال، څادر او یاهم په لاس وپوښئ.

۳- له هغو کسانو څخه ځان لېرې وساتئ چې په زکام او یاهم ریزش باندې اخته وي، هغوی ته هم مشورې ورکړئ چې د زکام او ریزش ناروغي عادي ونه نیسي .

۴- که چېرې تاسې په تبې، ټوخي، سالنډي او یاهم زکام اخته یاست لومړی ډاکټر ته ولاړ شئ له روغتون نه بېرته د تګ پرمهال د کورنیو غړو څخه بېل په یوې خونه کې تر هغې اوسئ څو پورې چې جوړ شوي نه یاستئ.

۵- تاسې نور د هګیو او غوښې خوړلو څخه لاس واخلئ، که چېرې له کرونا ویروس بچ کېدل غواړئ له دغې دواړو خوړو پر ځای تازه ترکاري وخورئ، څو مو روغتیا ته ګټه ورسوي او بدن مو قوي کړي.

۶- هغوی چې په کورونو کې څاروي لري، یاهم د څاریو پلورلو کاروبار کوي له خپلو څاریو سره د ماسک، موضو، د سکشو بغیر مه کېنئ.

۷- که چېرې سفر پر مهال یاستئ ضرور مو د ناروغۍ نښې نښانې د الوتکې مسولینو ته ووایئ، یاهم که په کومه سیمه کې یاستئ ناروغي مو مه پټوئ نېغ په نېغ روغتون ته ولاړ شئ.

یادونه که چېرې د کرونا ویروس څخه د ځان او کورنۍ د غړو ژوند ژغورل غواړئ نو په دې ترتیب دا پورته لارې چارې په ځان عملي کړئs\s;.

خندا جسمي، ذهني او ټولینزې ګټې لري

خندا د ژوند مالګه ده. په ټولیزه توګه خندا یوه کس ته د زړه سکون او موقتي آرامتیا ور بښلای شي، خو تر هغه ځایه خندېدل ښه وي چې انسان د خدای له یاده ونه باسي او منحرف نه شي. سره له دې خندا هم روح او هم فزیک ته ګټه لري. اړیکې مو سره ټینګوي او د ژورو ملګرتیاوو لامل هم کېدای شي. کله چې موږ یو کس ووینو چې خاندي، همداسې خدایي موږ ته هم خندا راشي، دا یې لومړنی اغېز دی چې پر لیدونکي یې ښندي. د خندا په اړه یو ښکلی پښتو بیت هم درته وایم:

څوک دې ماته ووایي څرنګه شیدا شي څوک

څوک چې چاته وخاندي، ولې په خندا شي څوک

خندا تر بهرنیو اغېزو سربېره د انسان په درون او پر دننه حالت هم تاثیر کوي. خندا ځینې ګټې لري چې په دې لیکنه کې به یې راسره ولولئ.

په ټولیزه توګه خندا د روغتیا لامل کېږي:

د ټول ځان د ارامتیا لامل کېږي. تر خندا وروسته لږ تر لږه (۴۵) دقیقې د وجود ټول عضلات استراحت غوندې وي؛

د بدن دفاعي سیسټم پیاوړی کوي. د مکروب پر وړاندې مو وجود غښتلی کوي. د اضطراب هورمون تولید کموي؛

اندورفین هورمون تولیدوي چې په ټول وجود کې د ارامتیا لامل کېږي؛

 د وینو د رګونو د ښه کار کولو لامل هم کېږي چې د زړه د حملو او ناروغیو مخه ډب کوي؛

غوسه خو بالکل کنټرولوي او کموي یې. هر وخت چې کومې ستونزې سره مخ شوئ او رواني حالت یې درخراب کړ، یوازې همدومره وکړئ چې پر هغه ستونزه ملنډې ووهئ او وخاندئ. سمدستي مو اراموي او ټوله اندېښنه مو راکموي؛

عمر اوږدوي. څېړونکو په ډاګه کړې، هغه کسان چې ډېر خاندي یا هسې شوخ طبعه دي، تر بړوسو او ارامو خلکو ډېر ژوند کوي.

جسمي ګټې یې:

-د وجود دفاعي سیسټم پیاوړی کوي؛

د اضطراب هورمون کموي؛

د وجود د عضلاتو د استراحت یا دمې لامل کېږي؛

د زړه د ناروغیو مخه نیسي.

ذهني ګټې یې:

د ژوند خوند ډېروي؛

د اندېښنو کمښت لامل کېږي؛

پر اضطراب او وېرې د برلاسۍ لامل ګرځي؛

روحي یا اروایي حالت ښه کوي.

ټولنیزې ګټې یې:

له نورو خلکو سره د اړیکو ټینګوولو لاره هواروي؛

د ځان پر لور د نورو راکاږل یې بله ګټه ده؛

د تشویش، ربړو او ځینو ستونزو مخه نیسي؛

په ډلو کې د اوسېدلو ښه لاره ده.

د ذهن د ارامتیا او خندا تر مینځ اړیکه:

کله چې خاندئ نشئ کولی همغه دم غوسه یا اندېښمن هم واوسئ، نو د وېرې او غوسې مخه ډب کوي. پر ستونزو ستاسو د برلاسۍ احساس قوي کوي او داسې فکر نه کوئ چې ګېني دا ستونزې به تاسو پخپل ځان کې ډوب کړي. که هېڅ د خندا چل نه درتله، کومیډي فیلمونه او ویډیوګانې وګورئ. دا هم اړینه نه ده چې یوازې همدا کار وکړئ، د ملګرو په ډله کې اوسېدل او هغوی سره بنډار کول، هرومرو خنداوې لري. له هماغه ماشومتوبه زموږ په وجود کې فطرتاً خندا اغږل شوې. ښایي پام مو کړی وي چې ماشوم د ژوند په لومړنیو اونیو کې نرم نرم خاندي، لږ وخت وروسته یې دا خندا غږ پیدا کوي او ښه کړس کړس خاندي. ورو ورو د خندا چل ښه سم زده کوي. که مو له دیني او مذهبي پلوه په لوړ غږ خندېدل نه وي خوښ، مازې موسکا خو کولی شئ.

موسکا د خندا لپاره یوه ښه مقدمه ده. له دیني پلوه هم کومه ستونزه نه لري. او هره هغه څېره چې موسکه وي، خدایي داسې عجیبه خوږلني پکې وي او انسان ته جذابه ښکاري. هره هغه خبره یا کړنه چې ستاسو او د خندا ترمنځ واټن جوړوي، ایسته یې کړئ او بیخي یې کیسه کې مه کېږئ. ژوند خپلې هسکې ټیټې لري، خو تاسو خپل ژوند ته په هر حالت کېورموسک شئ چې هغه هم دروخاندي.

له ټولو ګټو سره د خندا بله ګټه دا ده چې سړی ځاون ساتي او پوستکی خرابېدو ته نه پرېږدي، ځکه چې له دننه انسان جوړ وي، هورمونونه سم فعالیت کوي، دفاعي سیسټم روغ وي، نو خامخا په ظاهري بڼه هم اغېز ښندي.

وېښتان په څوډوله دي

وېښتان درې ډوله دي

لانګو هغه ویښته دي چې په جنیني پړاو کې پر بدن پیدا کېږي

نازک او ګڼ وېښتان چې په ماشومتوب کې تر زېږون وروسته ټول ځان پوښي.

ترمینال ویښته چې ډبل او تېز رنګ لري. پر سر، ږیره، لاسونو، پښو او پټو ځایونو راخېژي.

بېلابېل فولیکولونه بېلابېل ویښته جوړولای شي. دا هم کېدای شي چې ویښته له یوه فولیکوله جوړ وي، خو د وخت په تېرېدا یې د هورمونونو د اغېز له امله خپله بڼه بدله کړې وي.

په ژویو کې ځینې وېښتان حسي دنده لري، خو انسانانو کې دا ډول نشته. په انسانانو کې د تایلوټریک په نامه ځینې ویښته شته چې د نس یا خېټې پر سر وي او حسي دنده هم لري. د وېښتانو د فولیکولونو شمېر په ټول ځان کې پینځه میلیونه دي. دا شمېر په ټولو انسانانو کې یو ډول وي، آن د ښځینه او نارینه وو فولیکولونه هم کم و ډېر نه دي. تر ځینو ژویو د انسانانو ویښتان ډېر دي، خو دا چې لږ برېښي د دې لپاره چې ډېری وېښته یې اوږدېږي او ډبلېږي نه.

په ټولو انسانانو کې وېښتان د فعالیت او دمې یا استراحت پړاو لري. هغه پړاو چې ویښته وده پکې کوي اناژن نومېږي. استراحت چې پکې کوي، هغې ته تلوژن وایي. د دې دواړو ترمنځ لېږدونکي پړاو ته کاتاژن وایي. اناژن د سر ویښتو کې ډېره وي. دا پړاو په ځینو کې توپیر کوي، ځکه خو د ځینو کسانو ویښته ګڼ او د ځینو رنګړي وي. کاتاژن په سر کې دوې اونۍ او تلوژن درې میاشتې نیسي. تر هغې وروسته بیاځلي اناژن پیلېږي.

په سر کې د فولیکولونو شمېر سل زره دی. یوه سلنه یې د کاتاژن پړاو کې وي، اتیا تر نوي په اناژن او لس تر شلو په تلوژن کې وي. که د اناژن مرحله زر ورځې وګڼو، نو د ورځې سل وېښتان تویېږي او پر ځای یې نور وېښتان شنه کېږي. که تر بلوغ وروسته مو د ورځې تر سلو لږ وېښتان تویېدل، عادي دي. که چېرې تر سلو یا یونیم سلو ډېر وو، ښه به وي چې د همدې برخې متخصص ته ورشئ.

د ویښتو څرنګوالی او اندازه یې تر جنیټیکي لاملونو توپیر کوي. په جاپانیانو کې ویښتان شخ شخ وي. افریقایانو کې ګڼ او توني شکله وي. موږ غوندې خلکو کې لکه افغانیان او ایرانیان بیا، هم ښوی وېښتان شته هم ګڼ او توني.

جالبه دا ده چې د مېرمنو وېښتان تر نارینه وو ډبل او په تندي کې تر هغوی وړاندې د مخ پر لوري راخېژي. تر بلوغ مخکې تر هلکانو د سر ویښته ژر وده کوي او تر بلوغ وروسته د نجونو. که د جنسیت خبره مطرح نه کړو, د وېښتانو د چټکې ودې پړاو تر پنځوسو یا اویا کلنۍ دی.

د وېښتانو پر وده هورمونونه خپل اغېز ښندي. سټروژن د ودې د چټکوالی کموي او ټایرویېد یې وده چټکوي. د ویښتو توږل او د سر ګنجی کول د ودې د تېزوالي لامل نه کېږي. په انسان رنګي دانې میلانین دي چې میلانوسیت یې تولیدوي او دا د ویښتو په بېخ یانې پیاز کې دي. د رنګ څرنګوالی د میلانین په جوړښت پورې اړه لري. میلانین دوه ډوله دی. هغه چې تور او قهوه یي رنګ جوړوي یومیلانین دی او هغه چې د ژېړ یا سره رنګ ترمنځ رنګ جوړوي فیومیلانین نومېږي. که میلانین ونه لري، هغه وېښتان سپین ښکاري. د وجود ټولو ویښتانو کې د بڼو ویښته تېز رنګ لري.

د یوه کس د وښتانو رنګ ټاکل په جنیټیک پورې اړه لري. ځینې هورمونونه هم اغېز لري، لکه استروژن، پروژسټرون او د میلانوسیت تحریکوونکي هورمونونه. د همدې لپاره د باردارۍ پر مهال د ښځو د ویښتو رنګ یو څه پوخ ښکاري.

دخوشاله جوړو لس عادتونه

تاسو هم په خپلې شاوخوا کې نېکمرغه جوړې لرئ، چې تازه یې واده کړی وي او داسې ښکاري، چې له یو بل سره د اوسېدلو له هرې شېبې څخه خوند اخلي؟ څنګه امکان لري، چې له یو بل سره د ډېرې مودې ژوندکولو وروسته او هغه فشار او سټرس، چې ورځنی ژوند او کورني مسایل یې په انسان باندې واردوي، هغوی وکولای شي خپله اړیکه د لومړیو ورځو په څېر ښه وساتي؟ د دې لیکنې په دوام د نېکمرغه جوړو په لسو عادتونو باندې رڼا اچول کېږي.

په هم مهالې توګه او په ګډه خوب ځای ته ځي

په یاد مو دي چې د واده په لومړیو کې هېڅکله وروسته له دې چې د ژوند شریک مو خوب ځای ته تله، تاسو د ټلویزیون نندارې ته نه کېناستئ؟ دا چاره د ګډ ژوند د دوام لپاره ډېر زیات ارزښت لري. کله چې په ګډه خوب ځای ته ځئ، حتا که جنسي اړیکه هم ونه لرئ، نو په دې باندې ډاډمن کېږئ، چې د یو بل ترڅنګ یاست. له یو بل سره ویده کېدل د دې ښکارندویي کوي، چې له یو بل څخه خوښ او راضي یاست.

لېوالتیاوې پیدا کوي

ډېره زیاته مهمه ده، چې په ګډه د یوه کار له ترسره کولو څخه خوند واخلئ. په ډاډ سره ویلی شم، چې تاسو د یو بل له ټولو بوختیاوو څخه خوند نه اخلئ، دا چې د خپل ځان او خپلو بوختیاوو لپاره وخت په پام کې ونیسئ، د اړیکې لپاره کولای شي ډېر ګټور تمام شي، خو باید داسې فعالیتونه پیدا کړئ، چې تاسو دواړه د یوې جوړې په توګه له ترسره کولو څخه یې خوند واخلئ، د رسټورانټونو له ازمویلو څخه نیولې د سریالونو تر ننداره کولو پورې، چې ستاسو دواړو خوښېږي، هرڅه چې ستاسو دواړو لپاره په زړه پورې وي، نو ترسره یې کړئ.

یو بل لمس کوي

کوچني کارونه لکه دا چې د یو بل لاس ونیسئ، یو بل په غېږ کې ونیسئ او د یو بل په اوږو باندې لاس واچوئ، ستاسو ترمنځ د نږدې والي احساس زیاتوي او د بریالي ګډ ژوند یو له مهمو لاملونو څخه ګڼل کېږي. کله چې کلونه د یو بل ترڅنګ واوسئ، په ډېرې آسانۍ سره کېدلای شي، ستاسو ترمنځ صمیمیت او نږدې والی له منځه لاړ شي. کله چې لاس په لاس په سړک باندې قدم وهئ، یو بل او دغه راز نورو ته دا پیغام ورکوئ، چې تاسو نېکمرغه یاست.

په یو بل باندې بېځایه نه غوسه کېږي

نېکمرغه جوړې، کوم مثبت کارونه، چې د ژوند شریک یې ترسره کوي، پرې ټینګار کوي او ستایي یې. هغوی د تل د یو بل له تېروتنو څخه یادونه نه کوي، غوسه کېږي نه او په یو بل باندې نیوکه نه کوي. که کوم څه تاسو ډېر ځوروي، نو په اړه یې د خپل ژوند له شریک سره خبرې وکړئ، خو دا چې وغواړئ تل د هر کوچني څیز لپاره غوسه شئ، اصلاً ښه کار نه دی او ستاسو خواشیني کول، د مقابل لوري لپاره مو خپل ارزښت له لاسه ورکوي.

د خدای پامانۍ پرمهال د یو بل ښکلول او د درسره  مینه لرل ویل نه هېروي

د ځینو کوچنیو او تکراري کارونو ترسره کول، ښایي د ځینو کسانو لپاره بې خوند او بېځایه وي، خو ډېر زیات ضروري دي. سهار مخکې تر دې، چې دندې او کار ته لاړ شئ، یو بل ښکل کړئ او یو بل ته ووایئ، چې درسره مینه لرم او له غرمې وروسته هم له یوې اوږدې کاري ورځې وروسته همدا کار ترسره کړئ؛ دا کار په ډېرې مینې او لېوالتیا سره ترسره کړئ او وبه وینئ، چې د دې کار په ترسره کولو او د احساساتو په شریکولو، له یوبل سره ډېره مینه او لېوالتیا پیدا کوئ. کله چې خپله ورځ په مثبت کار سره پیل کړئ، نو ښه ورځ به په مخکې ولرئ.

یو بل نه هېروي

آیا داسې کېدای شي، چې هغه کس هېر کړئ، کوم چې هره ورځ ورسره ژوند کوئ؟! هو دا پېښه په ډېرې آسانۍ سره رامنځته کېږي، زموږ په لېونۍ نړۍ کې، په ډېرې آسانۍ ورځنۍ بوختیاوې د دې سبب ګرځي، چې یو بل سره هېر کړو. په یاد مو دي، چې د واده په لومړیو ورځو کې د یو بل له لیدلو سره مو څومره مینه او لېوالتیا لرله؟ اوس څه څیز د دې احساس مخه نیولې ده؟ د یو بل لپاره وخت په پام کې ونیسئ او د خپل مقابل لوري د خوشاله کولو لپاره که هرڅومره کوچنی کار هم وي، نو ترسره یې کړئ. د الله (ج) ډېر شکرونه پرځای کړئ، چې له یو چا سره مینه لرئ او هغه هم له تاسو سره مینه لري.

له یوبل سره بهر وځي

له یو بل سره ژمنه کول ډېره اړینه ده، لکه د کوژدې د دوران په څېر له کوره بهر له یو بل سره د لیدلو ژمنه وکړئ او د ټولې شپې لپاره پروګرام جوړ کړئ، دا کار د دې سبب ګرځي، چې د اړیکې د ښې کېدو او د یو بل له ملتیا څخه د خوند اخیستلو لپاره هڅه وکړئ، که له نظره مو دا کار خندونکی راشي، دا چې په ځان باندې پام کوئ او له کوره بهر د خپل ژوند له شریک سره د لیدلو ژمنه وکړئ، ستاسو اړیکه پیاوړې کوي او په تاسو کې د نېکمرغۍ احساس را ژوندی کوي. کله چې د خپلې مینې د اور د ژوندي ساتلو لپاره هڅه وکړئ، نو د نېکمرغۍ په لاره کې ګام پورته کوئ.

هغوی د یو بل له ملتیا څخه خوند اخلي

دا چې له یوبل سره د رښتینو، واقعي او صمیمي دوستانو په څېر واوسئ، ډېرې زیاتې هڅه ته اړتیا لري، کله چې دومره زیات یو د بل ترڅنګ اوسېدلي یاست، چې داسې احساس کوئ ټول عمر مو یو د بل ترڅنګ تېر کړی دی، په ډېرې آسانۍ د یو بل حضور نالیدلی نیسئ. د خپلو لېوالتیاوو، د هغو پېښو په اړه، چې د ورځې په اوږدو کې ورسره مخامخ کېږئ او هغه کسان، چې پېژنئ یا بل هر څیز چې له خپل ښه دوست سره ورباندې بحث کوئ، له یو بل سره پرې خبرې وکړئ.

له تکرار څخه تښتي

ستاسو اړیکه نباید د یوه تنظیم شوي پروګرام په څېر وي. آیا هره ورځ په یوه ټاکلي ساعت له یو بل سره اړیکه نیسئ؟ هره شپه هماغه تکراري کارونه ترسره کوئ؟ که داسې وي، نو په خپل پروګرام کې بدلون رامنځته کړئ. د یوې جوړې په توګه ستاسو ژوند نباید د وړاند وینې وړ وي. انسان هېڅکله، له هېڅ څیز څخه، چې د یوه بدلون نه منونکي پروګرام په څېر وي، خوند نه شي اخیستی، یو بل په حیرانونکو او په زړه پورې کارونو سره خوشاله کړئ.

هغوی خپل ګرځنده ټیلیفون له ځانه لرې کوي

نېکمرغه جوړې، کله چې د یو بل ترڅنګ وي، نو خپل ګرځنده ټیلیفونونه له ځانه لرې کوي او خپل ټول پام په یو بل باندې متمرکز کوي. هغه پیغامونه، چې په وایبر او واټساپ یې ترلاسه کوي اړین نه دي او د اینسټاګرام انځورونه به هم ونه تښتي. کله چې حواس مو د خپل موبایل خواته وي، یوازې بدن مو د یو بل ترڅنګ دی او له یو بل سره د اوسېدو احساس نه کوئ، د دې لپاره، چې له هغه وخت څخه خوند واخلئ، کوم چې له یو بل سره یاست، نو خپل ګرځنده ټیلیفونونه له ځانه لرې کړئ.

ګلپي خوړل شل روغتيايي ګټې لري

ګلپي د ښو غذايي موادو ترڅنګ ښه روغتيايي تاثيرات هم لري، په ګلپي کې موجود ويټامينونه او منرالونه د انسان د روغتيا لپاره په ځانګړي ډول د زړه او پوستکي لپاره د يادولو وړ دي.

یاده سبزي هم په ګران هېواد افغانستان کې پرېمانه پېدا کېږي، هم يې بيه مناسبه وي، پخول یې ډېر وخت او زحمت نه غواړي، په ډېر کم وخت کې پخېږي او په زړه پورې خوند لري.

د ويټامين سي او پوټاشیم څخه غني ګلپي د نورو روغتيايي ګټو سره سره د کولېسټرولو په کنټرول کې هم درنه ونډه لري، د دې ترڅنګ د ويښتانو د روغتيا لپاره هم د ګلپي ګټه يادولو وړ ده.

په سل ګرامه ګلپي کې ۲۵ کالوري انرژي، ۵ ګرامه کاربون هيدارت، ۲ ګرامه فايبر، ۲ ګرامه پروتين، ۴۲.۲ ملي ګرامه ويټامين سي، ۲۹۹ ملي ګرامه پوټاشیم، ۲۲ ملي ګرامه کيلسيم او ۰.۵ ملي ګرامه اوسپنه شتون لري.

د ګلپي خوړل شل روغتيايي ګټې په لاندې ډول دي

د زړه روغتيا په لوړه کچه ساتي

د کولېسټرولو سويه نورمال ساتي

د بدن دفاعي سيسټم قوي کوي

د امېدواره مېرمنو د ماشوم وده چټکوي

د کيلسيم ذخیره ګلپي هډوکي قوي کوي

د سترګو روغتيا ته ګټه لري.

پکې د موجود زينکو په واسطه د زخمونو د زر جوړېدو سبب کېږي

د نويو حجرو په جوړولو کې مرسته کوي

د وزن په کمولو کې مرسته کوي

په ګلپي کې موجود سوډيم په بدن کې د معاياتو نظم برابروي

د سږو، سينې او مثانې د سرطان مخنيوی کوي

د ويښتانو په روغتيا کې مرسته کوي

د پوستکي په روغتيا کې ګټور تمامېږي

په بدن کې د ذخیره شویو زهري موادو په خروج کې مرسته کوي

عصبي سيسټم قوي کوي

د ‌معدې د زخمونو په جوړېدو کې مرسته کوي

حافظه قوي کوي

د قبضیت مخه نيسي

د مفاصلو درد کموي

د ډېر وخت لپاره مو ماړه ساتي

پاملرنه

په زياته اندازه د ګلپي خوړل مو په معده او کولمو کې ګاز زیاتوي، که له حده زياته يې مسلسل وخورئ، د پښتورګو ډبرې هم جوړولی شي، لنډه دا چې هر څه په مناسبه اندازه خوړل او کول پکار دي.