عمران خان وايي،په افغانستان کې د سولې ارمانجن دی

عمران خان وايي،په افغانستان کې د سولې ارمانجن دی، پاکستان تل پاکستان له افغانستان سره د ښو اړیکو وعدې کوي.تازه د پاکستان لومړي وزیر عمران خان د افغانستان د صنعت او سوداګرۍ وزیر نثااحمد غوریاني سره په کتنه کې ویلي چې پاکستان افغانستان کې د سولې او ثبات د راوستلو ارمانجن دی.

افغان سوله د ټولې سیمې د اقتصادي وضعیت لپاره اړینه ده.د عمران خان پر ټویټرپاڼه لیکل شوي چې په دې کتنه کې خان د دواړو هېوادونو ترمنځ د ورورۍ اړیکو یادونه کړې او په افغانستان کې یې د امن او سوکالي لپاره د خپلې مرستې تازه ژمنه کړې ده.هغه ویلي چې په افغانستان کې روانه جګړه نظامي حل نه لري او یوازې د خبرو له لارې د حل وړ ده او ښکېل اړخونه باید تاوتریخوالی کم او اوربند ته غاړه کېږدي.

ښاغلی خان ویلي چې که په افغانستان کې امن وي ټوله سیمې ته یې ګټه رسېږي او د اقتصادي ودې لپاره به ټوله سیمه یو له بله وتړل شي.نوموړي زیاته کړې چې د اقتصاد باید د سیاست قرباني نه شي او هېواد یې له افغانستان سره د سوداګریزو اړیکو د پراختیا او پیاوړتیا په برخه کې هر راز مرستې ته ژمن دی.او غواړي چې په دې برخه کې ډېره همکاري وکړي.

د افغانستان سوداګرۍ وزیر د یو پلاوي په مشرۍ اسلام اباد ته د دې لپاره تللی چې له پاکستاني چارواکو سره د سوداګرۍ پر نوي تړون خبرې وکړي.پاکستان داسې مهال د اقتصاد او امنیت په برخه کې افغانستان ته د همکارۍ ډاډ ورکوي، چې لا هم طالبانو جګړه په شدت روانه کړې ده او د سولې له خبرو د خلکو هیله په کمېدو ده.

عمران خان وايي،په افغانستان کې د سولې ارمانجن دی
عمران خان وايي،په افغانستان کې د سولې ارمانجن دی

هېره دې نه وي چې د پاکستان لومړي وزیر څه موده وړاندې کابل ته په یو ورځني سفر راغلی وو او ژمنه ېې کړې وه چې څومره د د په وس کې وي دی به ېې وکړي. او غواړي چې افغانستان کې دایمی سوله راشي ښاغلی خان ویلی وو چې ارمان ېې دادی چې افغانان په سوله کې ژومد وکړي .

د ولسمشر غني په حضور کې د ولسي تړون او کارموندنې ملي پروګرام د پراختیایي پروژو تړونونه لاسلیک شول

د افغانستان ولسمشر محمداشرف غني په حضور کې د سیمه ییزه ارګانونو خپلواکې ادارې د رئیس شمیم خان کټوازي او د اکټیډ موسسې د رئیس فرانسس هریشر او ANCC موسسې رئیس فرهاد کریمي ترمابین د ولسي تړون او کارموندنې ملي پروګرام د پراختیایي پروژو تړونونه په امضاءورسېدل.

په دغو مراسمو کې چې پرون غرمه په چهار چنار ماڼۍ کې ترسره شول د سیمه ییزه ارګانونو خپلواکې ادارې رئیس شمیم خان کټوازي وویل، له جمهوررئیس څخه مننه چې د دوی په پاملرنه او لارښوونه نن د هیواد لسو نورو ښارونو ته د ولسي تړون ملي پروګرام غځولو او دولسو ښارونو کې د کارموندنې تړونونه له همکارو موسسو سره لاسلیکوو.د سیمه ییزه ارګانونو خپلواکې ادارې لوی رئیس وویل، په جلال اباد، کندهار، هرات او مزارشریف ښارونو کې په درې کالو کې د ولسي تړون ملي پروګرام له لارې د ۱۱۰ میلیون ډالرو په ارزښت ۹۱۴ پروژې تطبیق شوي

چې هلمند، غزني، فراه، پروان، جوزجان، بدخشان، پکتیا، لوګر، نیمروز او بلخ لسو ولایتونو ته د دې پروګرام غځولو سره به د ۴۵ میلیون ډالرو په ارزښت بېلابېلې پروژې عملي شي.ښاغلي کټوازي وویل د کارموندنې پروګرام دویمه برخه کې به په جلال اباد، لغمان، کنړ، نورستان، هرات، غور، تخار، کندز، بغلان، خوست، کندهار او فاریاب دولسو ولایتونوکې د ۱۲۰ میلیون ډالرو په ارزښت په څلورو کالو کې بېلابېلې پروژې د ولس په خوښه تطبیق شي.

نوموړي زیاته کړه، ۱۲۰ زره خلکو ته د کاري زمینو ترڅنګ به کارموندنه باثباته او دوامداره شي. د ولسونو په همکارۍ به په لږ وخت کې په ښه ډول دا پروژې پلې او پر دولت د خلکو باور لا زیات کړو. هغه زیاته کړه، په راتلونکي کې به د پروژو تطبیق کې د ښاروالیو ظرفیت لوړ او د همکارو موسسو رول را کم کړو. په دویم پړاو کې دې لسو هغو ښارونو ته چې لږ انکشاف یې کړی دا پروګرام وغځول شي.

د اقتصاد وزیرې وویل، د کارموندنې بین الوزارتي پروګرام اساسي موخې د اقتصادي فرصتونو لپاره د مناسب محیط رامنځته کول، د سوداګرۍ او پانګونې برخې مقررو اصلاحات، د اقتصادي فرصتونو ایجاد، د کسب او کار اسانتیاوې، د زیربناوو ښه والی، د سوداګریزو مارکېټونو د ظرفیتونو پیاوړتیا، د ښاري پروژو اولویت بندي او د کار بازار پیاوړتیا دي.

د ولسمشر غني په حضور کې د ولسي تړون او کارموندنې ملي پروګرام د پراختیایي پروژو تړونونه لاسلیک شول
د ولسمشر غني په حضور کې د ولسي تړون او کارموندنې ملي پروګرام د پراختیایي پروژو تړونونه لاسلیک شول

د یادو تړونونو له لاسلیک وروسته جمهوررئیس غني وویل، نن ټولو په ځانګړي ډول هغو هیوادوالوته چې د کرونا او دوامدارې بې وزلۍ له امله یې په اړوندو ښارونو کې ژوند زیات زیانمن شوی، د کارموندنې د دې بهیر د پیل مبارکي وایم او له دې سره به یې په ژوند کې ښه والی راشي.جمهوررئیس غني وویل، د ساساکي پراختیایي پلانونو تر برابرولو وړاندې زموږ د دولتي او بین المللي همکارانو د واحد لید د نشتوالي له امله زموږ ښارونه په غیرپلاني ساحو بدل شول.

ولسي جرګې د ١٤٠٠ مالي کال بودیجه رد کړه

ولسي جرګې د ١٤٠٠ مالي کال بودیجه رد کړه د ولسي جرګې غړیو په خپلې عمومي غونډه کې د رایو په اکثریت د ۱۴۰۰ مالي کال بودجه د رایو په اکثریت رد کړه او ویلي یې دي چې دغه بودجه عادلانه نه وه ترتیب شوې.دوي ویلی باید د ولایاتو لپاره مناسب بودیجه ترتیب شي

دپارلمان غړي ویلي چې د ۱۴۰۰ مالي کال بودجه کې د امتیازي معاشونو او اضافي لګښتونو لپاره ملیاردونه افغانۍ ځانګړې شوې دي چې دوی ته د منلو وړ نه دي دوی ویلی دغه بودیجه کې هیڅ عدالت ندی تامین شوی باید بودیجه ملی اووسیږي.دوی ویلي چې حکومت د دې پر ځای چې د ښوونکو او ټیټ پوړو مامورینو معاشات لوړ کړي، د لوړ پوړو چارواکو معاشات یې لوړ کړي او داسې یو سیستم یې جوړ کړی چې د سیاسي اړیکو له مخې د لوړ پوړو چارواکو نږدې کسان لوړ او غیر عادلانه معاشونه اخلي.

د پارلمان غړي ټینګار کوي چې باید د مامورینو په معاشونو کې عدالت رامنځته شي او په ځانګړې توګه د ښوونکو معاشونه باید لوړ کړل شي ځکه په دې سختو شرایطو کې دوی په کمو معاشونو کار کوي.ولسي جرګې په داسې حال کې د نوي مالي کال بودجه رد کړه چې لا هم په دولتي ادارو کې پراخ فساد روان دی او نه یوازې مفسدین محاکمه شوي نه دي، بلکې د فساد کچه ورځ تر بلې په زیاتېدو ده.

د۹۱ کوډ میلیونونه ناقانونه پیسې ایستل، د کرونا پیسو کې میلیوني فساد، د ملي امنیت ادارې میلیونه اوپراتیفي پیسې تالا کېدل، ګمرکونو کې فساد او یو شمېر نور غیرقانوني لګښتونه د مالي فساد عمده بېلګې دي.دوی وای باید بودیجه غیر ضروري سکتورونو ته کمه کړل شي

ولسي جرګې د ١٤٠٠ مالي کال بودیجه رد کړه
ولسي جرګې د ١٤٠٠ مالي کال بودیجه رد کړه

ولسي جرګې د ۱۴۰۰ کال بودجې په رد کېدو ولس ته یو څه ژمنیتا وښوده او هیله دا ده چې د تېرو فسادونو په اړه هم څېړنې وکړي، تر څو په راتلونکي کې چارواکو ته یو سبق شي او د فساد مخه ونیول شي.دوی وای دولت باید خپل ټول لګښتونه راکم کړي تر څو د دغه سکتورونو بودیجه په ملت ولګول شي. او عام وګړو ته کومک وشي

تاج ملوک عالم: هر وګړی بید خپلې مېرمن سره کومک شي د افغانستان ملي ټیم پخوانی ټرینر او د کرکټ بورډ اوسني تخنيکي سمشاور تاج ملک عالم د ډوډۍ پخولو ته هم مخه کړه او د تناره په سر يې تازه اخيستل شوي عکسونه خپاره کړي دي.نوموړی ویلس باید په تیاره ډوډی ونه خورو.

ښاغلی عالم چې په فیسبوک کې ډېر فعال دى او همدا راز ډېرى خلکو ته د هغوى په پوسټونو تبصرې هم کوي، تازه يې خپل نوي عکسونه خپاره کړي دي.په دې عکسونو کې ورکړل شوی ، چې تاج ملک عالم د تناره په سر ناست دى او ډوډۍ چمتو کوي. په يو عکس کې هغه په تناره کې ډوډۍ پورې کوي، په بل عکس کې بيا ډوډۍ راوباسي او په يو عکس کې يې پخه ډوډۍ له تناره راويستې او ورته ګوري.نوموړي له دې عکسونو سره ليکلي دي:کله کله کور مېرمنو سره هم مرسته پکار وي، هر وخت تيار خوري هم خوند نه کوي.

د نوموړي دې عکسونو ډېرې جالبې تبصرې هم شوې دي او دا عکسونه يې څه کم درې زره کسانو تراوسه پورې خوښ کړي هم دي.ځينو کسانو بيا په تناره کې هغه ډوډۍ هم ليدلې ده، چې څڅېدلې ده او خلکو ورته د همدغه ډوډۍ په اړه تبصرې کړې دي.ځينو ویلي چې باید د تاج ملوک څخه باید چل زده کړو او خپلو مېرمنو سره مرسته وکړو تر څو مو میرمنې هم راحته وي. او نور ژوند ته وخت ولري.

هېره دې نه وي چې تاج ملک عالم څو ورځې وړاندې د کوزې پښتونخوا مشهورې سندرغاړې ګل پاڼې ته هم يو کمنټ کړى و او هغه ته يې په کمنټ کې مشوره ورکړې وه، چې نور دې يو شريف سړى وګوري او واده دې ورسره وکړي.په دغه پوسټ باندې هم خلکو مختلف قسمه تبصرې کړې وې.

دښاغلي عالم د ګل پاڼې په عکسونه دغه تبصره په ټولنيزو رسنيو کې هم ډېره لاس په لاس شوې وه.او خلکو کوټ کړې وه ځينو بیا په فیسبوک کې هم دغه پوسټ نشر کړی وو او لیکلي ېې وو چې باید ګل پاڼړه د تاج ملوک په وینا عمل وکړي ځینو خلکو بیا ویلی وو چې باید شخصي ژوند کې څوک کار ونلري او خپل ژوند ته ېې پرېږدي.

د مصالحې عالي شورا کمېټې د اسلامي نظام په اړه خبرې پیل کړي

د مصالحې عالي شورا کمېټې د اسلامي نظام په اړه خبرې پیل کړي دغه شورا چې تمه ده یوه اوونۍ وروسته په دوحه کې د افغان سولې خبري پیل شي؛ د افغان حکومت د ملي مصالحې عالي شورا یوې فني کمېټې ته دنده سپارلې تر څو د اسلامي نظام د څرنګوالي په اړه خبرې تر سره کړي.

د ملي مصالحې عالي شورا سلاکار «اسحاق ګیلاني» وايي، په دې کمېټه کې د پوهنتونونو ښوونکي هم شامل دي او مسئولیت ور سپارل شوی چې د اسلامي نظام د څرنګوالي په اړه لیکلې تشریح چمتو کړي او تر څنګ یې د مرکچي پلاوي لپاره هم کړنلاره وټاکي.دغه کمېټه داسې مهال ګمارل کېږي، چې تمه ده په نږدې وخت کې بیا ځلې مذاکراتي ټیمونه د خبرو مېز ته کښېني او د اجنډا د موضوعاتو په اړه بیا ځلې بحثونه ترسره کړي.

دخپلمنځي مذاکراتو ټیمونو د اجنډا د موضوعاتو تر تبادلې وروسته درې اوونۍ وقفه اخیستې او تمه ده د نوي کال د  جنوري میاشتې  پر پنځمه نېټه بیا ځلې خبرې پیل شي.حکومتي مذاکراتي ټيم ادعا لري چې طالبان د اسلامي نظام واضح تعریف نه ورته وړاندې کوي او دوی نه  پوهېږي، چې هغوی د اسلامي نظام په کومه بڼه باندې قناعت کوي.

د ولسمشر اشرف غني سلاکارنبي مصداق وایي، په نړۍ کې په ۵۴ هیوادونو کې بېلابېل اسلامي نظامونه شته؛ خو نه پوهېږو طالبان یې د کومې بڼې پلویتوب کوي.په دې اړه د عامو خلک هم خپل نظرونه لري. او۔وای چې باید چې د اینده نظام په اړه هر تصمیم نیول کیږي باید د عامو خلکو سره ورباندې بحث وشي.

د مصالحې عالي شورا کمېټې د اسلامي نظام په اړه خبرې پیل کړي
د مصالحې عالي شورا کمېټې د اسلامي نظام په اړه خبرې پیل کړي

په دې اړه طالبان بیا وایي، چې په هیواد کې د اسلامي نظام حاکمیت یې د مبارزې له اهدافو څخه دی او په دې اړه به د مذاکراتو په مېز باندې خبره کېږي.دوی زیاتوي چې باید په دې باندې خلک پوه شی چې مونږ یو خالص اسلامي نظام غواړو. او دا به د سولې مزاکراتو مهمه اجنډا وي.دوي وای چې مونږ به په اینده کې داسې یو نظام ولرو چې د ټولو افغانانو حق پکې خوندي وي.

صالح:کابل کې به د پولیسو شمېر دوه برابره شي.

صالح:کابل کې به د پولیسو شمېر دوه برابره شي.د افغان حکومت دولسمشری ماڼړی لومړی مرستیال «امرالله صالح» وایي، په ښار  کې د پولیسو شمېر کم دی او د امنیتي ناستو د طرحې په اساس به دوه برابره ته وسیږي.

امرالله صالح چې د پلازمېنې کابل امنیتي چارې هم په غاړه لري د شپږ نیمو بجو د امنیتي ناستو په راپور کې ویلي، چې ولسمشر به د یادو ناستو د طرحې او وړاندیز په اساس په کابل کې د پولیسو شمېر دوه چنده کړي.د صالح په خبره، د کابل نفوس ته په کتو که چېرې کابل د ثبات په حالت کې هم وای، د پولیسو شمېر باید دومره کم نه وای.مقایسوي ارزونې ښيي

پلازمېنه کابل حتا د ثبات او ارامۍ په حالت کې هم د نړۍ په ځانګړې توګه د دریمې نړۍ هیوادونو په سطحه، د نفوسو په تناسب کم شمیر پولیس لري.د نوموړي له قوله، د پولیسو په شمېر کې زیاتوالی په دقت سره راځي او هغه کسان چې اړینې وړتیاوې نه لري، د پولیسو لیکو ته به جذب نشي.

صالح:کابل کې به د پولیسو شمېر دوه برابره شي.
صالح:کابل کې به د پولیسو شمېر دوه برابره شي.

د کابل پولیسو د دوه برابره کولو پرېکړه داسې مهال ده، چې په دې وروستیو کې هدفي وژنو زور اخیستی او په تېره یوه میاشت کې لسګونه دولتي منسوبین ددي ډول بریدونو ښکار ګرځېدلي.لنډ ثال ېې په دې نږدې وختونو کې د مدني فعالانو او د رسنیو استارزو د وژل هم دی.

په دې وروستیو کې پر حکومت نیوکې زیاتې شوې او چارواکي تورن شوي، چې نشي کولای د دولتي کارمندانو امنیت خوندي کړي.په دې اړه څو ورځې وړاندې ولسي جرګې هم نیوکې کړی دوی ویلي چې د امنیتي سکتور مسولین د امنیت په تامین کې ناکام دي باید ځانګړې پاملرنه دې سکتور ته وشي او مسلکي خلکو ته دغه سکتور ورکړل شي

دوحه کې د افغانستان سفیر د ورپېښې ناروغی له کبله مړ شو

دوحه کې د افغانستان سفیر د ورپېښې ناروغی له کبله مړ شوه په قطر هېواد کې د افغانستان سفیر عبدالحکیم دلیلي د زړه د حملې له کبله مړ شوی دی.نوموړی د ډېر وخت راهیسې په دغه مرض اخته او پرون راهیسې قطر کې په یو روغتون کې بیستر وو.

د خارجه چارو وزارت یوې باوري سرچینې رسنیو ته ددې خبر د تایید ترڅنګ ویلي، چې پر دلیلي پرون غرمې راهیسې د زړه حمله راغلې د کومې له امله چې نوموړی په روغتون کې تر درملنې لاندې ؤ.د سرچینې په خبره د ډاکټرانو د هڅو سربیره نن د سه شنبې په سهار سفیر عبدالحکیم دلیلي د دوحې په یو روغتون کې ساه ورکړې ده.قطر لومړنی خلیجي هېواد دی چې په ۲۰۱۳م کال کې طالبانو د خپل سیاسي دفتر لپاره خوښ کړی.

د هغه تاریخ راهیسې تر نن پورې طالبانو سره د امریکايي او ګڼو نورو هېوادونو د دیپلوماتیکو ناستو کوربتوب په غاړه لري.ددې ترڅنګ د طالبانو او امریکا متحدو ایالتونو ترمنځ د سولې مذاکراتو ۱۸ پړاوونو کوربتوب سربیره اوس وخت کې د بین الافغاني مذاکراتو تسهیل کوونکي په توګه رول لوبوي.

ښاغلی عبدالحکیم دلیلي د ۲۰۱۹ کال له فبرورۍ میاشتې څخه په قطر هېواد کې د افغانستان د سفیر په توګه ګومارل شوی ؤ، چې له کابو دوه کاله دندې وروسته نن سهار په روغتون کې ومړ.نوموړی یو له تکړه ډېپلوماټانو څخه وو او هر وخت ېې هڅه کوله چې د وطن لپاره د خیر کار وکړي. او خپله وظیفه په سمه توګه سره ته ورسوي.

د نوموړی په مړینه ډېرو سیاسیونو او مشرانو د خواشینی پیغامونه نشر کړي دي.په همدې لړ کې د مصالحې شورا څخه خپره شوې خبر پاڼې کې هم نوموړي په مړینه غمشریکي ښکاره شوې او ویلی ېې دي چې ښالی دلیلي یو له ښه ډېپوماټانو څخه وو همداراز ارګ هم اعلامیه کې ویلي ښاغلی عبدالحکیم دلیلي د هیواد او ولس د رښتیني خواخوږي او خدمتګار په توګه په قطر هیواد کې د افغانستان اسلامي جمهوري دولت ډېر ښه استازیتوب وکړ.

دوحه کې د افغانستان سفیر د ورپېښې ناروغی له کبله مړ شو
دوحه کې د افغانستان سفیر د ورپېښې ناروغی له کبله مړ شو

قطر هیواد ته په وروستي رسمي سفر کې قطري مقاماتو، د افغانستان اسلامي جمهوریت مذاکره کوونکي پلاوي او په یاد هیواد کې مېشتو افغانانو بار بار د نوموړي د ښو کړنو او خدمتونو یادونه او ستاینه راته وکړه، د نوموړي مړینه د افغانستان لپاره لویه ضایعه ده.

جمهور ریس غني: راشد ارمان د نوي افغانستان استازى دى

جمهور ریس غني: راشد ارمان د نوي افغانستان استازى دى ولسمشر محمد اشرف غني هم د افغانستان ملي ټیم مشهور سپېنر بالر راشد خان ته د(ICC) لخوا د شل اوريزو لوبو د لسيزې د غوره لوبغاړي جايزې ګټلو مبارکي ویلې او نوموړی ېې د نوي افغانستان نماینده بللی.

د ولسمشری ماڼړی له طرفه په خپره شوې خبرپاڼه کې ويل شوي دي، چې ولسمشر غني وويل:په ډېر وياړ خبر شوم چې د افغانستان د کرکټ ملي لوبډلې ځوان لوبغاړى او د نړۍ په کچه د کرکټ منل شوى ستورى راشد خان د کرکټ د نړيوالې شورا له خوا د لسيزې غوره لوبغاړى ټاکل شوى دى.او هغه ته دې دا ستر ویاړ مبارک وي. هغه ویلی راشد په څېر دې نور ځوانان هم په اینده کې دا ډول ویاړونو ته هڅې وکړي تر څو د افغانانو سر فخر سره بلند شي. او د لوبو په نړی کې نوز هم ښه وځلیږي.

په خبرپاڼه کې د ولسمشر غني له لوري زياته شوې: ((راشد خان او په بېلابېلو برخو کې ده ته ورته اتلې پېغلې او ځوانان د نوي افغانستان استازي دي. دوی د افغانستان د ځوان نسل سرلاري او د تېرو شلو کلونو د لاس ته راوړنو، نویو ارزښتونو، پرمختګونو او غږ پورته کولو ساتونکي اتلان دي.

جمهور ریس غني: راشد ارمان د نوي افغانستان استازى دى
جمهور ریس غني: راشد ارمان د نوي افغانستان استازى دى

همداراز په خبرپاڼه کې راغلي دا ځوانان پېغلې د اوسني آزاد او پرمختللي افغانستان هغه رسا غږ او واضح تصویر دی چې په بېلابېلو نړیوالو سټېجونو د خپل ملت استازولي کوي او د ولس رښتینی غږ، قوي اراده، لوړ ارزښتونه او لوی ارمانونه له نړۍ سره شریکوي.ولسمشر غني همدا راز وايي:زه باور لرم چې د افغانستان ځوان نسل به د ټولنې په هره برخه کې همداسې په مسوولیت مخ ته ځي او په خپلو لاس ته راوړنو او اتلولیو به د خپل ملت سترګې روښانوي.

خبر پاڼه کې همداراز پای کې ليکي:د افغانستان اسلامي جمهوري دولت په استازیتوب راشد خان ته ددې ستر ویاړ مبارکي وایم او د لا ډېرو بریاوو هیله ورته کوم. تر څنګ يې یو ځل بیا ژمنه کوم چې ځوانان به د افغانستان د اوسنۍ او راتلونکې سترې سرمایې په توګه زموږ په لومړیتوبونو کې ځای ولري

افغان پلازمینه کابل کې د ۵۰ ماډلانو ترمابین یووار بیا د موډلنګ سیالي پیلیږي

افغان پلازمینه کابل کې د ۵۰ ماډلانو ترمابین یووار بیا د موډلنګ سیالي پیلیږي د مدلستان په  نوم ادارې خبر ورکړی، چې د ۵۰ موډلانو ترمنځ د دویم  پړاو د موډلنګ سیالي یو ځل بیا په پلازمېنه کابل کې ترسره کړي.او خاصو خلکو ته به د ورتلو اجازت ورکو کیږي.

پرون په کابل کې د موډلنګ یا ښکلا سیالۍ پیل شوې  وې،  چې ویل کېږي ۴۶ موډلانو پکې برخه اول شل، بیا ۱۰ او په  اخر کې د دوه موډلانو ترمابین سیالي پیل شوه چې نګاه سادات دا سیالي وګټله او د ۲۰۲۰ کال د ښایسته مېرمن لقب يې ورکړ. د موډلنګ د دې سیالیو د عکسونو خپرېدو وروسته په ټولنیزو رسنیو کې پرې د خلکو له لوري سختې نیوکې وشوې او دا کار يې د  افغانیت او اسلامیت خلاف وباله د دوی پر وینا دا ډول شوګانې باید افغانی ټولنه کې نوی شوی.

اوسمهال د مدلستان په نوم ادارې چې دا د موډلنګ یا ښکلا سیالي يې برابره کړې وه، تازه یو ځل بیا اعلان کړی دی چې د ۲۰۲۰ کال د موډلنګ سیالیو دویمه برخه به ترسره کړي.دوی لیکلي دي، چې په دویم پړاو د موډلنګ سیالیو کې به ۵۰ موډلان برخه واخلي،

چې د موډلانو څخه يې د نوملیکنې غوښتنه هم کړې ده.دوی دا نه دي ويلي، چې د موډلنګ دا دویم پړاو سیالي به په کومه نېټه او چېرته ترسره کوي.د یادولو وړ ده چې د مدلستان له لوري ترسره شوې د موډلنګ سیالیو باندې اوس هم په ټولنیزو رسنیو کې نیوکې روانې دي.

او خلکو له دې کار سره مخالفت ښکاره کړی دی.ځکه افغانان یو اسلامي ټولنه لري باید دا ډول کړنو ډډه وشي تر څو اینده کې مو ځوانانو ته بنیاد پرېږندي او ټولنې ته مو د کفارو او یهودو اثر هم رانشي. خینو علماو لیکلی وو چې دا ډول کړنې به اعمال نورهم خراب کړي او هېواد به مو نور هم بدبختیو سره مخ شي.

د مصالحې شورا مشر عبدالله عبدالله ملي لوبغاړی راشد خان ستایلی

د مصالحې شورا مشر عبدالله عبدالله ملي لوبغاړی راشد خان ستایلی دافغانستان د ملي مصالحې عالي شورا مشر ډاکټر عبدالله عبدالله د افغان لوبډلې لوبغاړی راشد خان د (ICC) د لسیزې غوره لوبډله کې په راتلو ستایلی دی.

پرون (ICC) د لسیزې غوره لوبډلې اعلان کړې، چې راشد خان هم د شل اوریزو لوبو د لسیزې غوره لوبډله کې ځای موندلی دی.د ملي مصالحې عالي شورا مشر ډاکټر عبدالله عبدالله د خپلې رسمي فېسبوکپاڼې نه د راشد خان په اړه يو پوسټ کړی دی او د هغه عکس يې هم خپور کړی.نوموړي لیکلي:” د کرکټ ملي لوبغاړي راشد خان بریا دې ټولو ته مبارک بادوي.

د مصالحې شورا مشر عبدالله عبدالله ملي لوبغاړی راشد خان ستایلی
د مصالحې شورا مشر عبدالله عبدالله ملي لوبغاړی راشد خان ستایلی

دافغانستان ملي لوبډلې مشهور لوبغاړي ښاغلی راشد خان د خپلو اتلولیو په لړ کې د کرکټ نړیوالې شورا د شل اوریزو سیالیو د وروستۍ لسیزې د ځانګړې لوبۀلې په نوملړ کې ځای خپل کړی. د کرکټ ملي لوبډلې په ځانګړي راشد خان تل هېوادوالو ته خوښۍ او ویاړونه ډالۍ کړي دي. د سولې دا سفیران دې ژوندۍ او ګړندۍ وي.”

دډاکټر عبدالله عبدالله پرته هېوادوالو او د ملي لوبډلې لوبغاړو هم راشد خان ته د شل اوریزو لوبو د لسیزې په غوره لوبډله کې په راتګ مبارکۍ ورکړي دي.او نوموړی ېې هڅولی چې پا اینده کې همباید راشد همداسې د افغانستان د کرګټ نوم مشهور او بلند کړي.او د هیوادوالو زړونه خوشاله کړي.

د افغان لوبډلې پخواني کپتان او الراونډر لوبغاړي ګلبدین نایب هم د راشد خان په اړه یو ټویټ کړی دی او هغه ته يې مبارکي ورکړې ده. نوموړي راشد خان ته لیکلي دي چې ته د افغانستان رښتینی اتل یې، زه درباندې ویاړم.هغه ویلی دا یوه غټه د فخر خبره ده.چې ستاسو په شان روښانه او پرفامر پلیر لرو.