امیر اسماعیل خان:د موقت حکومت نه پرته سوله نشي  بریالی کیدی

امیر اسماعیل خان:د موقت حکومت نه پرته سوله نشي بریالی کیدی د ملي مصالحې عالي شورا غړی او د هرات ولایت پخوانی جهادي قومندان محمداسماعیل خان وايي، د مؤقت حکومت له جوړېدو پرته طالبانو سره د جوړ جاړي بله حل لاره شتون نه لري.هغه وای د سولې نه وړامدې باید اول موقت حکومت راشي.

امیر اسماعیل خان دا څرګندونې نن ماسپښین په هرات ښار کې د خپل استوګنځي دننه خپلو یو شمېر پلویانو ته کړي او په حکومت یې تور پورې کړی چې د سولې خبرو د بریا لپاره هیڅ راز هلې ځلې نه کوي، بلکې ټولې هڅې یې دادي ترڅو خپله څلور کلنه دوره پوره کړي.د ملي پخلاینې عالي شورا دغه غړی طالبانو سره د جوړ جاړي لپاره د مؤقت حکومت تشکیل د یوازینۍ حل لارې په توګه پيژني او په خبره یې زلمي خلیلزاد افغانستان ته د خپل وروستي سفر جریان کې له سیاسي مشرانو او د کابل حکومت چارواکو سره د غونډو پرمهال درې حل لارې وړاندې کړې دي.

ښاغلی اسماعیل خان طالبانو په یو مخیز ډول د حکومت سپارل، اوسني حکومت سره د طالبانو یوځای کېدل» د  خلیلزاد له درې ګونو طرحو څخه دي، چې په خبره یې دده په شمول یو شمېر نورو سیاسي مشرانو او کابل حکومت طالبانو ته د واک سپارلو سره مخالفت ښودلی او طالبان هم د کابل حکومت سره یوځای کېدل نه غواړي.

نوموړي ټینګار کوي د پورته دوه طرحو د نه منلو په صورت کې مؤقت حکومت یوازینۍ حللاره ده چې د کابل حکومت یې باید ومني.د هغه په خبره د مؤقت حکومت په جوړښت کې به یوازې ولسمشر او دواړه مرستیالان یې بدلیږي، نور بدلون ښايي رانه شي.

امیر اسماعیل خان:د موقت حکومت نه پرته سوله نشي  بریالی کیدی
امیر اسماعیل خان:د موقت حکومت نه پرته سوله نشي بریالی کیدی

د ملي پخلاینې عالي شورا غړی او د هرات پخوانی والي محمداسماعیل خان په داسې مهال هېواد کې د مؤقت حکومت راتګ یوه اشد ضروررت بولي، چې کابل کې د امریکا سفارت هغه آوازې رد کړې چې ګواکې هېواد یې په افغانستان کې له مؤقت حکومت څخه ملاتړ کوي.هغه یو لله تکړوو سیاسي او جهادي رهبرانو څخه دی.

ولسي جرګه: دامنیت سکتور وزیران امنیت لپاره کار نکوي

ولسي جرګه: دامنیت سکتور وزیران امنیت لپاره کار نکوي وروسته له هغه چې د پلازمېنې په ګډون د افغانستان په یو شمېر ولایتونو کې هدفي وژنو بمي چاودنو او جګړې زیاتې شوي له ځانه سره یې یو شمېر غبرګونونه هم لري اوسمهال ولسي جرګه امنیتي ادارې ناکامه بللي.

هغوی وایي امنیتي وزیرانو ته يې له دې امله چې حالت ژر تر ژره کابو کړي رایه ورکړه او هیله يې وه چې امنیت سم سي خو له دوی څخه امنیتي مسایل پاتي او په شخصي ګمارنو  او چارو لګیادي په کابل کې هر سهار په چادونو پیلیږي او د ورځې په اوږدو کې نوري پیښي هم رامنځ ته کیږي چې د خلکو اندېښنې يې راپارولې د افغانستان ولسي جرګې امنیتي ادارې د کابل د امنیت په تامین کې ناکامې بللې ولسي جرګې ویلي په کابل کې وروستي بریدونه او هدفي وژنې د اندېښنې وړ دي.

ولسي جرګه: دامنیت سکتور وزیران امنیت لپاره کار نکوي
ولسي جرګه: دامنیت سکتور وزیران امنیت لپاره کار نکوي

اوس په دې سره د امنیتي ځواکونوکمزوري په ګوته کیږي.هغوی وايي دا ډول پيښي اوس تر بل هر وخت زیاتي شوي چې د اندېښنې وړ دي، پرون او نن سهار هم  د کابل په څلورمه ناحیه کې  د پولیسو پر یو رنجر چاودنه ترسره شوه.او هره ورځ کابل کې یو نه یو چاودنه کیږي او عام وګړي پکې شهیدانیږي. چې دا هیچا ته دا د منلو وړ ندی.

اوس تازه د ولسمشر لومړي مرستیال ویلي چې د کابل پولیسو شمېر دوه برابره کوي ترڅو د کابل امنیت مدیریت کړي خو، پوښتنه داده چې یوازي که کابل امن شي ښايي د نا امنیو او هدفي وژنو دا لړۍ نورو ولایتونو ته وغځيږي نو بیا به دولت هلته څه چاره کوي.ځکه دول دومره امکانات او بودیجه هم نه لري چې ټول ولایاتو امن په سمه توګه وساتل شي.

د افغانستان په ټولو ولایتونو کې نا امنۍ زور اخیستی او تراوسه يې د کابو کولو لپاره کوم اقدام نه دی سوی خو دا حل لاره نسي کیدلای چې په هر ولایت او سیمه کې دي د پولیسو شمېر زیات سي خلک غوښتنه لري چې په امنیتي سکتور کې دي  د اصلاحاتو په راوستلو سره امنیت تامین

ولسي جرګه:حکومت دې د سولې مزاکرات دځي ټاکلو  په بهانو نه ځنډوي

ولسي جرګه:حکومت دې د سولې مزاکرات دځي ټاکلو په بهانو نه ځنډوي افغان پارلمان وايي، سولې ته رسېدل د ټولو هیله ده او افغان حکومت او طالبان دې دلته یا هلته د سولې خبرو د ترسره کولو په بهانه نور دغه پروسه نه ځنډوي.او د سولې مزاکراتو ته دې ادامه ورکړي.

د پارلمان غړوویلي، ښايي د سولې خبرو کې شل ورځنۍ دمه د پاتې پړاوونه لپاره د ځای ټاکلو په بهانه نوره هم وغځېږي، چې یو غیرمعقول کار دی.دوی یو ځل بیا پر اوربند ټینګار کړی او ویلي یې دي، چې د سولې خبرو لومړی پړاو د خلکو د تمې خلاف پای ته ورسېد، خو دوهم پړاو کې باید پر اوربند موافقه وشي.هغوی د لومړي پړاو خبرې هسې د وخت ضایع یاده کړه او وايي، چې په تېرو درېو میاشتو کې د سلګونه افغانانو وینې وبهېدې خو په اوربند سلا نه شول.اوس باید د بل هر څه نه زیات سولې ته لومړیتوب ورکړي.

دجمهوری ریاست لومړي مرستيال امرالله صالح وړمه ورځ کندهار کې په خپلې وينا کې پر طالبانو غږ وکړ چې د بهرنيو هېوادونو پر ځای دې په کور  دننه د سولې خبرې تر سره کړي.له ښاغلي صالح وړاندې د ملي امنيت شورا سلاکار حمد الله محب، په خپله ولسمشر غني او د مصالحې عالي شورا مشر ډاکټر عبدالله عبدالله پر طالبانو غږ کړی وو، چې د سولې خبرو دویم پړاو دې افغانستان کې ترسره شي.

د طالبانو وياند نعيم وردګ بیا ویلي، چې طالبان په افغانستان کې د سولې خبرې نه کوي او په وینا یې، افغان ولس ته سوله سپيڅلي ده او دا چې د دوی مخالف لوری په افغانستان کې د سولې خبرو په تر سره کولو ټېنګار کوي، د سولې پر وړاندې د خنډونو جوړلو او بهانې کول دي.

بلخواامرالله صالح ویلي، دا چې طالبان په افغانستان کې د سولې خبرې نه کوي تر شا یې دوه لاملونه شتون لري؛ يو دا چې د طالبانو لاسونه د افغانستان د خلکو پر وينو ککړ دي او بل یې دا چې که چېرې دوی په افغانستان کې د سولې خبرې پيل کړي بيا نه شي کولی، چې له خپلو بهرنيو ملاتړو سره سلا – مشورې وکړي.

ولسي جرګه:حکومت دې د سولې مزاکرات دځي ټاکلو  په بهانو نه ځنډوي
ولسي جرګه:حکومت دې د سولې مزاکرات دځي ټاکلو په بهانو نه ځنډوي

طالبان بیا وايي، چې په افغانستان کې بهرني ځواکونه شتون لري او دا په دې معنا نه شي کېدلی چې افغانستان کې د سولې خبرې به د بهرنيانو له لاس وهنو خالي وي.هغه وايي هتمن باید خبرې افغانستان کې وشي. تر څو افغانان هم د دغخ خبرو نه په سمه توګه واقف ووي.

دفساد پر زد د حکومت مبارزه

دفساد پر زد د حکومت مبارزه نن د فساد سره د مبارزې نړیواله ورځ ده اداري فساد يو له هغه مصيبتونو څخه دی چې د يوې ټولنې بېخ او بنسټ له منځه بوزي، کله چې يو هیواد په دې کرغېړنه پديده اخته شي بيا هلته عدالت، مساوات، ازاد رقابت او هرڅه له منځه وړل کیږي او یوازې د فساد له لارې خپل کارون مخې ته وړي.

زمونږ هېواد يو له هغه هېوادونو څخه دی چې مشران یې د فساد په ضد د مبارزې ډول ډېر ډنګوي خو اجراعات او عمل یې نه تر سترګو کېږي، ان ولسمشر غني چې ځان یې یو اکاډميک شخص معرفي کاوه او ويل به يې چې کورنۍ او نصب نلري چې فساد ورته وکړي ددې پديدې په له منځه وړلو کې ناکام شو او افغانستان همغسې د مفسدو هېوادونو په سر کې ځای لري.که څه هم حکومتي چارواکي د فساد په وړاندې د مبارزې نارې وهي او هره ورځ یې يو بېل کميسيون جوړ کړی وي، خو حقیقت بیا داسی ندی.

د دولت اعلی چارواکي چې نړۍ يې ليدلې او دیده خلک دي اوس هم په افغانستان کې د سيستم په ځای په اشخاصو پانګونه کوي، مثال د کابل خلک په ځانګړي ډول د تلیفون د غلو څخه پوزو ته راغلي، تراوسه لسګونه او سلګونه کابل مېشتي صرف د یوه ټليفون لپاره د غلو له وري لوټ شوي ځينې ان په پخپل مال باندې په شهادت رسېدلي دي.

تردې دمه دولت په دې هېڅ ډول سيستماتيک کار نه دی کړی، ددې په ځای چې د پرمختللو خو ساده تګلارو کار واخلي، د مثال په ډول د تلیفون سريال نمبر ثبت کړي، سيمي کارت ثبت کړي او د غلا په صورت کې هغه تلیفون په اوتومات ډول غيرې فعال کړي حکومت اشخاص بدلوي.

دفساد پر زد د حکومت مبارزه
دفساد پر زد د حکومت مبارزه

دولت دومره واک او پرواګرام او ي اهم اراده نلري چې د غیرې قانوني سيمي کارتونو د خرڅولو مخه ونيسي، دا خو ښکاره خبره ده چې حکومت د خپل توان څخه د ګټې اخيستنې په صورت کې کولی شی دا هرڅه عملي کړي او ددا ډول غلاوو مخه په لنډ وخت کې ددايم لپاره ونيسي خو برعکس په حکومت کې اراده نشته او همدا غلا او وحشت کې دوی خپله ونډه اخلي.او لا هم افغانستان او اداراتو کې په میلیونو افغانی فساد کیږي.

دولسمشر غني او عبدالله په هدایاتو سلګونه میلیونه افغانۍ له ۹۱ کود څخه اجرا شوي

دولسمشر غني او عبدالله په هدایاتو سلګونه میلیونه افغانۍ له ۹۱ کود څخه اجرا شوي. حکومت د ولسمشر اشرف غني او د پخواني اجرائيه رییس عبدالله عبدالله په امر د ملي بودیجې له ۹۱ کوډ څخه زرګونه میلیونه افغانۍ په غیر اصولي ډول د شخصي مصارفو، مرستو او انعاماتو په نامه اجرا شوي دي.

یوه سرچینی ښيي، چې سلګونه میلیونه افغانۍ د زري موټرونو او اپارتمانونو د پېرلو، د کورونو د کرایو، د سفرونو او میلمستونونو د مصرف، تشویقي انعاماتو، ګوندي غونډو جوړولو، درملنې او  داسې نورو نومونو په غیر اصولي ډول اخیستل شوي دي. .د معلوماتو په اساس، د ۹۱ کوډ یوه ستره برخه د مسجدونو د جوړولو، د لویې جرګې د مراسمو د رابللو، د ملي امنیت د اوپراتیفي کارونو او د قومي شخړو د هوارولو د مصارفو او د خپلواکۍ د ورځې لمانځلو په پلمو اجرا شوي

میلیونونه افغانۍ نورې بیا د «پټو مصارفو» تر نامه لاندې په مبهمو نومونو او ادرسونو له ۹۱ کوډ څخه وړل شوې دي.دغه میلیونونه افغانۍ د اشرف غني د ۱۹۷ او د اجرائيه رییس د ۹۵ حکمونو په اساس د ۲۵ ادارو او بېلابېلو افرادو ته ورکړل شوې دي.د حکومت له یو شمېر مشهورو چارواکو څخه یوازې ۱۵ تنو یې تر ۱۲۳ میلیونه زیاتې افغانۍ د خپلو شخصي مصارفو لپاره له ۹۱ کوډ څخه ایستلې چې له ډلې یې وحید عمر۳۰ میلیونه افغانۍ، عمر داوودزي ۱۳ نیم میلیونه افغانۍ، فضل محمود فضلي ۱۲ میلیونه او ۹۰۰ زره افغانۍ، سرور دانش ۵ میلیونه افغانۍ او همدارنګه حامد کرزي بیا د خپل دفتر په نامه تر ۱۱ میلیونه زیاتې افغانۍ اخیستې دي.

محمدافضل لودین، محمدرسول طالب، عبدالغفور لیوال، احمدیوسف نورستانی، سمیع حامد، شاه‌حسین مرتضوي، شهزادگل آریوبی، صدیق صدیقي، فیض‌الله ذکي او غزال حارس نور هغه چارواکي دي چې میلیونونه افغانۍ ورته له ۹۱ کوډ څخه ورکول شوې دي.

همداراز اشرف غني او عبدالله خپلو نږدې کسانو ته هم میلیونونه افغانۍ د مرستې په نامه ورکړې دي، چې له ډلې يې عبدالله ۱۷ میلیونه او اشرف غني ۴ میلیونه افغانۍ اجرا کړي دي.

دولسمشر غني او عبدالله په هدایاتو سلګونه میلیونه افغانۍ له ۹۱ کود څخه اجرا شوي
دولسمشر غني او عبدالله په هدایاتو سلګونه میلیونه افغانۍ له ۹۱ کود څخه اجرا شوي

حکومت د نړیوالو مرستو د جلب لپاره له فساد سره د مبارزې کمېسیون هم په کار ګمارلی او له نړیوالو سره یې ژمنه کړې، چې له اداري فساد سره به جدي مبارزه کوي.خو په عمل کې اصل کې چارواکي خپله د دولت خزانې نه پیسې په یو او بل نو اجرا کوي او د غریب ولس ته په سترګو کې خاورې اچوي.

جمعیت اسلامي د لنډمهاله حکومت جوړېدلو غوښتنه کړی

جمعیت اسلامي د لنډمهاله حکومت جوړېدلو غوښتنه کړی داسې مهال چې په قطر کې د طالبانو او حکومت مرکچي پلاوو خبرو ته ناست دي او د حکومت پر حکومت د سولې د هڅو د مخنیوي تور پورې کېږي؛ د صلاح الدین رباني په مشرۍ جمعیت اسلامي ګوند وایي، لنډمهاله دولت باید جوړ شي تر څو د مذاکرې اړخونه یو نتیجې ته سره ورسیږي.

د دغه ګوند ویاند «عبدالفتاح احمدزي» په یوه ویډيويي پيغام کې ویلي، چې جمعیت ګوند د سرتاسري او پایداره سولې لپاره له کېدونکو هڅو ملاتړ کوي؛ خو په خبره یې په اوسني حالت کې اجماع نشته، سیاسي جهتونه ناخوښ دي او حتی د حکومت مذاکراتي ټيم په دوو ډلو کې تقسیم دی.هغه وړاندې زیاته کړې، چې همېشه د سولې په درشل کې داسې هڅې کېږي تر څو مخالف اړخونه تر یوه نظام لاندې راشي؛ نو ځکه باید په اوسني حالت کې هم مؤقت حکومت جوړ شي

لنډمهاله دوره د نظام د تغیرول ندي؛ بلکې دا معنا لري چې ولسمشر او څو نور افراد له دندو لیري او په ځای یې نور کسان وګمارل شي تر څو مخالفت اړخونه د یوه نظام تر چتر لاندې شي.د جمعیت ګوند پورتنی خبرې داسې مهال دی، چې په قطر کې له اوږده ځنډ وروسته د حکومت ټیم له طالبانو سره په یوه ۲۱ ماده لرونکي طرزالعمل قانع شو؛ خو کابل ته د معصوم ستانکزي تر سفر وروسته بیرته له کړې هوکړې نه واوړیدل.

ویل کېږي چې په مذاکراتو کې د ارګ د لاسوهنې له امله د حکومت مذاکراتي ټیم په دوو ډلو ویشل شوی، چې یوه ډله توافق کوي او بله یې بیا نه منلو ټینګار کوي.چې دې سره دا پروسه ځنډ سره مخ کیږي.سیاسییون په دې اړه وايي چې حکومت باید نور د بل هر څه نه زیات سولې ته لومړیتوب ورکړي.

د متحده ایالاتو خپرېدونکې ورځپاڼې «نیویارک ټایمز» د سولې روان حالت ته په کتو ویلي، چې ولسمشر غني او په نوموړي راټول کسان د سولې پروسې د هڅو مخه نیسي او نه غواړي هیواد کې سوله تامین شي.بلخوا بیا د ولسمشر سلاکار د دې خبرې په ځواب کې ویلي چې حکومت زیات کوشش دا دی چې د سولې پروسه ځنډ سره مخ نه شي.

دوحه کې دطالبانو او حکومت مزاکراتي ټيمونو په طرزالعملونو توافق شوی

دوحه کې دطالبانو او حکومت مزاکراتي ټيمونو په طرزالعملونو توافق شوی په قطر کې د بین الافغاني مذاکراتو ټیمونه له اوږده ځنډ وروسته د ناستو د طرزالعمل په اړه هوکړې ته رسېدلې.دا خبر د طالبانو سیاسي دفتر ویاند ټويټ کړی دی.

دوحه کې د طالبانو د سیاسي دفتر ویاند «ډاکټر محمد نعیم» په همدې تړاو پر ټویټر لیکلي «د بين الافغاني مذاکراتي ټيمونو تر منځ د بين الافغاني مذاکراتو طرز العمل د 2020د نومبر مياشتې په 15 نېټه په 21 مادو کې تکمیل او نهايي شوی دی.»د نعیم په خبره، په یاده شوې نېټه د طرالعمل متن د دواړو مذاکراتي ټیمونو په حضور کې ولوستل شو او تر تایید وروسته یې یوه نسخه کوربه هیواد ته هم ورکړل شوه.چتر څو شاهدان اووسیږي.

ښاغلي وردک که څه هم د طرزالعمل د مادو په اړه څه نه دي ویلي؛ خو دا توافق داسې مهال دی، چې وړمه ورځ ارګ ادعا وکړه د طالبانو غوښتنې د مشورتي لويې جرګې د پرېکړې او اساسي قانون خلاف دي نو ځکه دوی ورسره هیڅ توافق نه دی کړی.دويي ویلي وو چې طتږالبانو سره په مزاکراتو دې بیا غور وشي تر څو مونږ یو دایمي سولې ته سره ورسېږو.

د دې نه مښکې له قطر څخه سرچینو ویلي و، چې مذاکراتي ټیمونه د ناستو د طرزالعمل په اړه هوکړې ته رسېدلي او د حکومت منلې چې د طالبانو-امریکا توافقنامه به د مذاکراتو بنسټ وي.دږهېره دې نه وي چې د امریکا د بهرنیو چارو وزیر هم څو ورځې وړاندې دوحې ته سفر کړی او د هغې ځای نه ېې په سولې خبرو کې د پرمختګ خبر ورکړی وو.

سوشل میډیا کې هم خلکو په دې اړه لیکنې کړي دي او ویلي ېې دي چې دواړه لورې دې د سولې خبرو ته د بل هر څه نه زیات اهمیت ورکړي.تر څو په هېواد کې دایمه سوله راشي او افغانان نږر په ځان بسیا هېواد ولري. د یادولو وړ ده چې افغان سیایون هم په دې فکر دي چې باید دایمي سولې لپاره قرباني ورکړل شي.تر څو بیا احتیاج نه شو او خپل هیواد کې ژوند وکړو.

حکومت:د سولې خبرو کې پر مختګ ندی شوی

حکومت:د سولې خبرو کې پر مختګ ندی شوی حکومت د امریکا د بهرنیو چارو وزیر مایک پمپیو د خبرو په دوحه کې د افغان سولې خبرو کې پرمختګ شوی، ویلي، چې د سولې خبرو کې هیڅ پرمختګ نشته.او هيڅ ډول تګ لاره لا هم نده معلومه.

د دغه هیواد خارجه وزیر مایک پمپیو دوې ورځې وړاندې په دوحه کې له طالبانو او افغان مذاکراتي ټیم سره سره تر کتنې وروسته وویل، چې د سولې خبرو کې د پام وړ پرمختګ شوی دی.پمپیو زیاته کړه، چې دواړه لوري یې د سولې په برخه کې لا زیات پرمختګ ته هڅولي او د سفر اصلي موخه یې هم همدا وه.بل پلو افغان مذاکراتي پلاوی هم ویلي و چې پمپیو ته یې د طالبانو له تاوتریخوالي شکایت کړی، خو طالبان ویلي وو چې له پمپیو سره په کتنه کې یې د دوحې د هوکړې پر عملي کېدو او له تور لېسته د طالب مشرانو پر ایستلو او د ژمنو پر عملي کېدو بحث او خبرې کړې دي.او لا هم روانې دي.

په دې اړه د ولسمشر ویاند صدیق صدیقي په کابل کې یوې خبري ناستې ته وویل، چې د افغان سولې خبرو کې هیڅ پرمختګ نه دی شوی.ښاغلي صدیقي زیاته کړه، په دوحه کې د بین الافغاني خبرو بندښت لا هم پر خپل ځای دی او په دې برخه کې هیڅ پرمختګ نه دی شوی او د طالبانو غوښتنې د اساسي قانون خلاف دي او دا ملت ته د منلو وړ ندي.

هغه دژنیو کنفرانس ته په اشارې وویل، چې یاده ناسته کې نړیوالې ټولنې په یوه خوله د طالبانو لخوا تاتریخوالی محکوم کړ او هېواد کې یې د جګړې پر پایته رسولو ټینګار کړی دی.صدیقي څرګنده کړې، افغان دولت تل د سولې لپاره چمتو دی، خو طالبانو د جګړې په دوام سره وښوده چې د افغانانو او نړیوالې ټولنې غوښتنې ورته هیڅ ارزښت نه لري.هغه وايي اوس باید دا فرصت نه ګټه پورته شي.

 صدیقي وايي طالبان باید هوښیار شي او د سولې له رامنځته شوي فرصته ګټه پورته کړي.د افغان سولې خبرو په اړه د امریکا او افغان حکومت برعکس څرګندونې ښيي چې ټوله لوبه د بهرنیو په لاس کې ده او هر څه د خارجیانو په فشار او غوښتنو مخته ځي.

کله چې لوبه د بهرنیانو د فشار او غوښتنو پر اساس مخته ولاړه شي، افغاني لوري هم هیڅ مثبت ګام نه اخلي، چې دا چاره ستونزې لا ډېرولی شي او ښايي ژر مطلوبه نتیجه په لاس رانه شي.ځکه خبرې ورځ تر بلې مشکلاتو سره مخ کیږي.

دوحه کې مذاکراتي پلاوي  د طرزالعمل په اړه توافق  ته سره رسېدلي دي

دوحه کې مذاکراتي پلاوي د طرزالعمل په اړه توافق ته سره رسېدلي دي.په قطر کې د خپلمنځي مذاکراتو له بهیره باخبره سرچینې وایي، په پلازمېنه دوحه کې د روانو مذاکراتو دواړه لوري د ناستو د طرزالعمل په اړه هوکړې ته رسېدلي او ژر به په دې اړه رسمي اعلان هم نن ناوخته وشي.

د قطر پلازمینه دوحه کې د دوو میاشتو راپدېخوا د طالبانو او حکومت مذاکراتي ټيمونه د خبرو مېز ته ناست وو؛ خو د حکومت د ټیم له لوري د مذاکراتو د بنسټ په حیث د طالبانو او امریکا د تړون د نه منلو او یو شمېر نورو اختلافي ټکو له امله په مذاکراتو کې پرمختګ په ټپه ودرېد او مذاکراتي ټیمونه ونه توانېدل د ناستو د طرزالعل په اړه هوکړې ته ورسېږي.تازه یو شمېر سرچینې وایي، دواړو لورو د ناستو د طرزالعمل په اړه هوکړې کړې، چې ډېر ژر به یې په اړه رسمي اعلان وشي.

د يو مهم میډیا خبریال «علي حسیني» مذاکراتي بهیر ته د نږدې سرچینو له قوله لیکلي، چې د بین الافغاني مذاکراتو ټیمونه د اختلافي موضوعاتو په اړه توافق ته رسېدلي او داسې تمه وه، چې دا هوکړه نن ورځ «چهارشنبه» اعلان شي؛ خو اعلان یې ځنډېدلی.که څه هم په رسمي ډول تر دې دمه په مذاکراتو کې د هوکړې خبرونه تایید شوي نه دي؛

خود ملي امنیت پخوانی مشر «رحمت الله نبیل» وایي، د دواړو لورو تر منځ د طرزالعمل په ۱۹ مادو باندې هوکړه شوې او یوازې رسمي اعلان یې پاتې دی.دده په خبره، د حکومت مزاکراتي ټیم تر فشار لاندې و او د طالبانو په وړاندې يې مقاومت نشوای کولای هغه وايي ډېر ژر به دويي رسمي اعلان هم وکړي او دا به د سوللې خبرو لپاره یو بنیاد وي چې دا ټول اړخونو ته مهمه خبره ده.

دوحه کې مذاکراتي پلاوي  د طرزالعمل په اړه توافق  ته سره رسېدلي دي
دوحه کې مذاکراتي پلاوي د طرزالعمل په اړه توافق ته سره رسېدلي دي

هیره دې نه وي، چې د حکومت مذاکراتي ټیم داسې مهال د اختلافي موضوعاتو په برخه کې له طالبانو سره هوکړې ته رسېږي، چې د امریکا دفاع  وزارت له افغانستانه د زرګونو عسکرو د ایستلو اعلان کړی او داسې ګمان کېږي، چې ښایي د طالبانو او امریکا تر منځ د شوي تړون په بنسټ د راتلونکي کال په لومړیو پنځو میاشتو کې ټول بهرني عسکر له افغانستانه ووځي.او افغانستان سره به بهرني هېوادونه مرستې جاري وساتي.

ولسمشرغني:حکومت کې به بنیادي بدلونونه رامنځته شي

ولسمشرغني: حکومت کې به بنیادي بدلونونه رامنځته شي جمهور ریس اشرف غني چې پرون یې ولسي جرګې ته د نوماندان وزیرانو معرفي کولو غونډه کې وینا کوله، ژمنه وکړه چې په حکومت کې به بنسټیز بدلونونه راشي

ولسمشر غني ولسي جرګې ته په خطاب کې وویل چې یوې کوچنۍ ډلې او اقلیت حکومت بد نومی کړی دی.اشرف غني همدا راز د وینا پر مهال زیاته کړه، چې له ٣٠ زره ځانګړو ځواکونو سره به د هېواد امنیت تأمین کړو.اشرف غني وویل، افغانستان بېرته شا ته نه ځي او افغان امنیتي ځواکونو ثابته کړې چې اساسي قانون او ټولو اصولو او ارزښتونو ساتونکي دي.او هر سړی باید اساسي قانون ته احترام ولري. باید هيڅوک قانون نه ځان اوچت ونه ګڼړي.

ښاغلي غني همدا راز د خبرو پر مهال بین الافغاني مذاکراتو او سولې پروسې ته هم اشاره وکړه او ویې ویل، چې افغان حکومت مرکچي پلاوي ته باید وخت ورکول شي، چې د ملت او ولس په غوښتنه پرېکړې وکړي، طالبان امریکا سره د شوې هوکړې پر اساس د سولې هوکړه غواړي، خو موږ اسلام؛ اوس ووایاست چې څوک د اسلام استازیتوب کوي!دد هغه پر وینا باید طالبان د ولس غوښتنو ته غوږ کېږدي او د هغويي غوښتنې په ښه انداز سره ومني.

اړونده خبرونه: د افغان عسکرو او نظامي سکتور سره د امریکا ملاتړ دوام کوي

اشرف غني د وینا په یوه څنډه کې پر هلمند او غور ولایت د طالبانو له بریدونو هم یادوونه وکړه او ویې ویل چې طالبان اوس هم د فتحې په کاذب روایت باور لري، په داسې حال کې چې زموږ د هېواد دیني علماؤو نړۍ ته په ډاګه کړه چې د طالبانو جګړه شرعي او اسلامي دلیل نه لري.د هغه پر وینا باید ټول سیاسیون سره یو موټی شو تر څو د ولس د درد دوا شو او د افغانستان امنیت او سولې لپاره یو ځای کار وکړو ځکه دا صرف د یو کس کار ندی او باید ټول خپل مسولیت وپېژنو تر څو مو وطن ابادی په لور روان شي.

ولسمشرغني:حکومت کې به بنیادي بدلونونه رامنځته شي
ولسمشرغني:حکومت کې به بنیادي بدلونونه رامنځته شي

ولسمشر اشرف غني ولسي جرګې ته د باور رایو اخیستلو په موخه نوماند وزیران ور معرفي کړل، خو په ولسمشر په جرګه کې یو لړ نیوکې هم وشوې. چې د عدالانو پر ځای یې قصابان ګومارلي او د ولس پر ستوني یې چاړه اېښې، چې دا خبره بېرته د ولسمشر له غبرګون سره هم مخامخه شوه.او وی ویل چې باید د نیوکو پرځای د ولس خدمت وکړو ځکه دا د ټول ملت وطن دی باید یو کس ګرم نکړو.