د امریکا ولسمشرۍ ټاکنې اوافغانستان

ډونلډ ټرمپ ته په افغانستان کې د پوځيانو د شمېر په هکله سم معلومات ندي ورکړبږل شوي د امريکا متحده ایالاتو ولسمشر ډونالډ ټرمپ چې په سپينه ماڼۍ کې خپلې وروستۍ ورځې شپې تېروي د امریکا د موجود سياست او تګلارو خلاف ډېر د عجلې ډک اقدامونه وکړل، د هغه له دې کړنو سره د امریکا د حکومت دننه ګڼ شمېر چارواکي خوښ نه وو.

تازه سرچینی او معاومات ښيي چې د امريکا د ننه د مخالفو چارواکو غبرګون یوازې د مخالفت تر ښوودلو پورې محدود نه و، بلکې په عملي ډګر کې يې هم د ټرامپ په وړاندې ځينې داسې کارونه کړي چې ډونالډ ټرمپ ورڅخه هېڅ خبر نه و.د امريکا د تاريخي سياست سره د ځينو ولسمشرانو ټکر او د هغه څخه د مخ اړول ډېر کله د هغوی د شکست سبب شوي دي، ټرامپ هم یو له همداسې ولسمشرانو څخه دی چې د امريکا د مسلسل سیاست خلاف يې قدمونه پیل کړل د شام لپاره د امريکا ځانګړی استازی جیم جفري وايي چې دوی به ډونالډ ټرمپ ته په سوريه کې د امريکايي عسکرو د شمېر په هکله غلط معلومات ورکول او دروغ به یې ورته ويل،

جفري وايي چې پوځي چارواکو د سوریې څخه د ځواکونو د را ايستلو پلان نه درلود نو له همدې کبله به يې ټرمپ ته د‌خپلو ځواکونو‌ د شمېر په هکله دقیق معلومات نه ورکول.امريکايي پوځي چارواکي وايي چې په سوریه کې یې د امريکايي ځواکونو د شمېر په هکله ډونالډ ټرمپ ته دروغ ويل، همدا چاره په افغانستان کې د امريکايي ځواکونو په هکله څوک رد کولی شي؟ددې پوښتنې ځواب هم مجهول دی، همدا اوس ګڼ شمېر لوړ پوړی پوځي چارواکي وايي چې د افغانستان څخه ‌د پوځيانو وتل خطرناک دي، د امريکا يو لوړ پوړی پوځي چارواکی چې د ډونالډ ټرمپ لخوا اوس برطرف شوی د

په ښکاره په واشنګټن کې وويل چې امريکا د افغانستان د منتخب حکومت په وړاندې د طالبانو سره لاس يو کړی دی.په دې کې هېڅ شک نشته چې د افغانستان په تړاو دې هم پوځي چارواکو ډونالډ ټرمپ ته دروغ ويلي وي، ځکه ډېری چارواکي دې ته په تمه دي چې د ډونالډ ټرمپ سره خدای پاماني وشي او جوبایډن د سپینې ماڼۍ چارې په لاس کې واخلي.

ډونلډ ټرمپ ته په افغانستان کې د پوځيانو د شمېر په هکله سم معلومات ندي ورکړل شوي
ډونلډ ټرمپ ته په افغانستان کې د پوځيانو د شمېر په هکله سم معلومات ندي ورکړل شوي

افغان سیاسیون هم تراوسه په ډاډ سره وايي چې امريکا په ټوله مانا د افغانستان څخه تلونکې نه ده، ځکه ددوی سره امنیتي تړون او ګډه اعلامیه لري، په واشنګټن کې پوځي چارواکي هم د افغان حکومت د دريځ ملاتړ کوي او پدې ټينګار کوي چې یوه کچه امريکايي پوځيان بايد خامخا په افغانستان کې موجود وي ترڅو په حساسو وختونو کې د افغان حکومت کلک ملاتړ وکړي.او هیواد مو پر مخ په سمه توګه بوزي.تر څو نا امني بیا زور ونکړي.

د سولی تړون به د امریکا او طالبانو ترمنځ دایمي اوربند ته لاره هواره کړي، دامریکا سفارت

کابل کې دا مریکا سفارت آفغانستان ته د امریکا د ځانګړي استازي زلمي خلیلزاد وروستی ترسره شوی سفرمهم او ګټور یاد کړی دی.

په کابل کې د امریکا سفارت څرګند ګړی چی زلمي خلیزاد په دې دوه ورځني سفر کې له ولسمشر اشرف غني او اجرائیه رئیس عبدالله عبدالله سره د سولې په تړاومفصل  بحث او خبرې کړي دي.

د سفارتخانې د بيان ترمخه په دې لیدنه کې زلمي خلیلزاد ټینګار وکړ چې له طالبانو سره دې زر تر زره  د بین الافغاني خبرو اترو لپاره هر اړخیزه مرکچي پلاوی جوړ شي او د مذاکراتو لپاره دې چمتوالی ونیول شي.

د امریکا سفارت ویلي زلمي خلیلزاد د سولې په تړاو له وروستیو هڅو چې د امریکا له لخوا پېل شوې افغان مشران یې خبر کړي دي.

په دې بیان کې هیله ښودل شوې چې د امریکا او طالبانو ترمنځ د سولې تړون به بېن الافغاني خبرو، یو هر اړخیزه دایمي ډزبندۍ او د باثباته سولې رامنځته کیدو ته زمینه برابره کړي.

په ورته وخت کېارګ په دې وروستیو کې ویلي ؤ افغان حکومت د سولې لپاره بشپړ چمتوالی لري خو که طالبان په ډزبندۍ موافقه وکړي.

افغان چارواکو ویلی دوی له دی وړاندی همه شموله ۱۵کسیزه  مرکچی پلاوی ټاکلی او د پلاوی ټاکلو چاری یی بشپړی کړی دی

د ۲۰۱۸م کال راهیسې تر اوسه د امریکا او طالبانو ترمنځ په قطر کې د سولې په اړه په بیلابیلو پړاونو کې لس ځله مذاکرات شوي خو د وروستی ځل مذاکرات له دې امله د ځنډېدو راپورونه ترلاسه شوي چې طالبانو له دایمي اوربند سره چې د افغان حکومت او ولس غوښتنه ده رضایت نه دی ښودلی.

د افغانستان صدارتي ماڼۍ د ، شنبې په ورځ ويلي، د افغانستان د سولې دپاره د امریکا ځانګړي استازي زلمي خليلزاد د ولسمشر اشرف غني سره ليدلي او ويلي یې دي، “طالبانو سره په خبرو کې د پام وړ پرمختګ نه دی راغلی او هیله لرم په دې برخه کې یوې پایلې ته ورسېږوتر څو با عزته سولی ته لار هواره شی.

دعربستان او افغانستان د همکاریو ګډ کمیسیون له مشرسره د بهرنیو وزیر لیدل کتل شوي

 دسعودي عربستان او افغانستان د همکاریو ګډ کمیسیون له مشرسره د بهرنیو وزیر لیدل کتل شوي.دافغانستان اسلامي جمهوریت د بهرنیو چارو وزیر ښاغلي محمد حنیف اتمر سعودي عربستان ته د خپل رسمي سفر تللی. او هلتهېې د مختلفو اعلی چارواکو سره په مخلتلفو موضوعاتو خبرې شوي.

ښاغلي اتمر د سفر په دریمه ورځ د سعودي عربستان په پلازمېنه ریاض کې د افغانستان او سعودي عربستان د همکاریو ګډ کمیسیون له رییس او د یاد هېواد د ترانسپورت وزیر ښاغلي مهنډس صالح بن ناصر الجاسر سره په لیدنه کې د اقتصادي، سوداګریزو، ترانزیټي، فرهنګي او ښوونیزو همکاریو پر پراختیا بحث کړی.له افغانستان سره په بیلابیلو برخو کې د سعودي عربستان له سخاوتمندانو همکاریو څخه د قدردانۍ په کولو سره ښاغلي اتمر وویل. افغانستان په څلور ستراتیژیکو محورونو؛ (۱)سوداګري او ترانزیټ، (۲)پانګونه، (۳)د افغان ګارګرانو له پاره اسانتیاوې او لیږد او همدارنګه (۴)د پرمختیايي مرستو په برخه کې د دواړو هېوادونو د همکاریو په تنظیم او متمرکز کولو کې لیوالتیا لري.

ددغه هیوادد ټرانسپورت وزیر د افغانستان د بهرنیو چارو وزیر له وړاندیزونو څخه هرکلی وکړ او له افغان لوري څخه یې وغوښتل چې په لیکلي بڼه د وړاندیزونه طرحه له سعودي عربستان سره شریکه کړي، چې دا وړاندیز له افغان لوري څخه و منل شو. ټاکل شوي دغه طرحه په کابل کې د راتلونکي ګډې ناستې په وروستۍ کاري اجنډا کې شامله شي.

په پرونی ناسته کې دواړو لورو د همکاریو د ګډ کمیسیون د لومړنۍ ناستې د پریکړو پر پلي کیدو په تفصیل سره خبرې وکړې او د نا بشپړو مواردو د تطبیق په اړه یې لازمې پریکړې وکړې.په دې ناسته کې سعودي عربستان ژمنه وکړه چې د طبي زده کړو د یوه پوهنځي په ګډون به یو مسلکي روغتون په افغانستان کې جوړوي او فعالوي.

دعربستان او افغانستان د همکاریو ګډ کمیسیون له مشرسره د بهرنیو وزیر لیدل کتل شوي
دعربستان او افغانستان د همکاریو ګډ کمیسیون له مشرسره د بهرنیو وزیر لیدل کتل شوي

د باندینیو چارو وزیر د سعودي عربستان د ترانسپورت وزیر او د دواړو هېوادونو د همکاریو ګډ کمیسیون رییس مهندس الجاسر په کابل کې د یاد کمیسیون په دویمه ناسته کې د ګډون په موخه کابل ته دعوت کړ چې د سعودي عربستان له لوري یې هرکلي وشو.دویی وویل چې په یو مناسب وخت کې به حتما د افغانستان سفر کوي.

قېس احمد:ما لپاره د خوشالی ځېری دی چې په (PSL) کې واخیستل شوم

قېس احمد:ما لپاره د خوشالی ځېری دی چې په (PSL) کې ولوبېږم د ملي کرکټ ټیم ورو سپېن بالر قېس احمد وايي، چې خوشحاله دى چې د پاکستان سوپر ليګ کې اخيستل شوى دى. هغه وايي، له مخکې باورمند وو، چې په دې ایګ کې به ورته چانس ورکول کیږي. .

ښاغلي قیس احمد چې د رسنیو سره يې خبرو کې وويل، چې هغه په نورو تجارتي ليګونو کې ښه ځلېدلى و او له دې امله ډاډه و چې د (PSL) کې به هم اخيستل کېږي.هغه د بهرنيو ليګونو په اړه وويل، چې په بهرنيو ليګونو کې زموږ کارکردګي ښه ده او ډېرې تجربې مو هم ترلاسه کړي دي. د لوبډلو روزونکي او لوبغاړي راسره خپلې تجربې شريکوي او راته وايي، چې تاسې په کرکټ کې ډېر خواريکښ يئ.قېس احمد د پاکستان سوپر ليګ (PSL) سياليو کې د کوټې ګليډيټرز لوبډلې اخيستى دى،

د هغه پرته راشد خان د لاهور قلندرز، محمد نبي او نور احمد د کراچۍ کنګز او مجيب الرحمان د پېښور زلمي لوبډلو خپل کړی د پاکستان سوپر ليګ کې د لوبېدو په اړه د کرکټ بورډ وياند فريد هوتک له يوې رسنۍ سره په خپلو خبرو کې ويلي و، چې په بهرني تجارتي ليګونو کې د افغان لوبغاړو لوبېدل نه يوازې دا چې د دوى لپاره اقتصادي ګټه ده،

قېس احمد:ما لپاره د خوشالی ځېری دی چې په (PSL) کې ولوبېږم
قېس احمد:ما لپاره د خوشالی ځېری دی چې په (PSL) کې ولوبېږم

بلکې د دوى په لوبېدو سره د افغانستان نوم هم ځلېږي.د پاکستان سوپر ليګ د شپږم پړاو سيالۍ د فبرورۍ مياشتې په ٢٠مه نېټه د کراچۍ په ښار کې پيلېږي. او د نړی مختلفو هېوادونو کلاړیان به پکې ولوبیږي.(PSL) په دې منتفې یو له مشهورو لیګونو څخه دی۔عام وګړي ورته د ډېر وخت نه منتظر دي.

هېره دې نه وې چې (PSL) کې چې کوم افغان لوبغاړي به لوبیږي ډېزږر با استعداده دي او د ډېر وخت راهیسي په مختلقفو لیګونو کې لوبیږي په ځانګړي ډول د راشد خان مورال ډېر اوچت دی او ګولی شي چې خپلژ لوبډلې ته ځانګړي ویاړونه راوړي او افغانانو لپاره د افتخار ځای وګټي.

جو بایډن د متحده ایالاتو د جمهور ریس په توګه لوړه وکړه

جو بایډن د متحده ایالاتو د جمهور ریس په توګه لوړه وکړه جو بایډن د چهارشنبې په ورځ د جنوري میاشتې په ۲۰تاریخ وايټ هاوس کې د امریکا متحده ایالتونو د ۴۶م ولسمشر په توګه لوړه وکړه.نوموړی ۴۶م منتخب ولسمشر شو.

دغه په مراسمو کې د پخواني جمهور ریسانو اوباما، بوش او بل کلنټن په شمول د کانګرس غړو او ګڼو نورو دولتي اعلی چارواکو ګډون کړی و.په یادو مراسمو کې پخواني ولسمشر ډونالډ ټرمپ د تمې خلاف ګډون ونکړ، هغه د امریکا په ۱۵۰ کلن تاریخ کې لومړی ولسمشر شو چې د لوړې په مراسمو کې یې ګډون ونه کړ.ښاغلی جوبایډن ترڅنګ کماله هاریس هم د مرستیالې ولسمشرې په توګه لوړه وکړه، هغه لومړنۍ اسیایي-افریقایي نژاده ده چې د امریکا په تاریخ کې مرستیاله ولسمسره منتخب کیږي.

د ښاغلي بایډن د لوړې له مراسمو وروسته د امریکا ولس ته په خطاب کې وویل، دا د امریکا ورځ ده، د دیموکراسۍ او جمهوریت ورځ ده، نن موږ د یوه کاندید بریا نه لمانځو بلکې یو هدف لمانځو، د دیموکراسۍ هدف.هغه زیاته کړه، «د توکمیز تبعیض پای ته رسولو خوب نور نشي ځنډیدلی، نن ورځ زما روح د ملي یووالي او توکمیز یووالي هدف سره تړلی دی، پوهیږم زموږ د ویشلو قوتونه ژور او یو واقعیت دی خو دا نوې خبره نه ده، مبارزه تلپاتې وي خو د بریا تضمین حتمي نه دیباید تل مبارزه وشي.

بایډن دویناپرمهال په دې زور وکړ چې د اختلافي ستونزو یوازینۍ حل لاره د خبرو لاره ده، ددې لپاره په اتحاد کېدل تر ټولو اړین دي.د جنوري میاشتې په ۶مه نېټه د امریکا پر کانګرس ماڼۍ د ټرمپ پلویانو یرغل کړی و چې له کبله یې د جو بايډن د لوړې مراسم محدود کړل شوي وو، دغه راز د سپينې ماڼۍ شاوخوا ۲۵ زره پوځیان او ملي ګارد د خطر مخنیوي لپاره نیول شوي.

جو بایډن د متحده ایالاتو د جمهور ریس په توګه لوړه وکړه
جو بایډن د متحده ایالاتو د جمهور ریس په توګه لوړه وکړه

د یادولو وړ ده چې ډونالډ ټرمپ د چهارشنبې په ورځ له خپلې میرمنې سره سپينه ماڼۍ پریښوده او فلوریډا ایالت ته ولاړ، هغه په خپله وروستۍ ورځ ۷۳ کسانو ته عفوه اعلان کړه.نوموړی ویلي چې واک پریږدي خو د قضېې چلولو لپاره له کورټ ته زي اږ د جعلي رایو پوښتنه به ضرور کوي.

ولسمشر غني په یو ورځني سفر هرات ته ورسېد

ولسمشر غني هرات ته یو ورځني سفر ورسېد دافغانستان د اسلامي جمهوریت جمهوررئيس محمداشرف غني د لوړپوړي دولتي پلاوي په مشرۍ د هرات ولایت د عمومي وضعیت د ارزونې په موخه نن سهار هرات ته ورسېد. نوموړی به هلته په هرات کې د دغه ولیت عموي امنیت هم اوګوري. او د دغه ځای چارواکو سره له اوګوري.

د هرات په نړیوال هوايي ډګر کې د هرات ولایت مسوولینو، مشرانو او متنفذینو جمهوررئيس غني او ورسره پلاوي ته ښه راغلاست ووایه.جمهوررئيس غني به په دغه سفر کې د دې ولایت ملکي او نظامي مسوولینو، علمای کرامو، ښځو، ځوانانو، ولایتي شورا غړو، متنفذینو، مدني فعالانو او تاجرانو سره جلا جلا لیدنې ولري.له نوموړي سره په دې سفر کې د هغه لومړی مرستیال امرالله صالح هم ملتیا کوي.

ولسمشر غني هرات ته له رسېدو سره سم دیاد ولایت د هوایي ډګر چې د «خواجه عبدالله انصاري هوايي ډګر» په نوم نومول شوی وو؛ پرانستنه وکړه.نوموړی به یوې عمومي غونډې ته وینا هم وکړي او د دغه ځای خلکو ستونزې به هم واوري.هرات ولایت که څه هم د نورو ولایتونو په پرتله پرمختللی ولایت خو بیا هم په هیواد کې د وروستیو حالاتو په کتو یو عمومي امنیت وضغیت وڅېړل شي او وروسته ورته بیا پلانونه هم جوړ شي.

ولسمشر غني په یو ورځني سفر هرات ته ورسېد
ولسمشر غني په یو ورځني سفر هرات ته ورسېد

هېره دې نه وي چې ولسمشر غني د عمومي وضعیت ارزونې په موخه ولایتونو ته سفرونه پیل کړي دي. هغه د دې نه وړاندې کندهار او ځیني نور ولایاتو ته هم سفرونه کړي دي او هلته د نظامي او ملکي مسولینو سره لیدل کتل شوي دي.نوموړي خپل سفرونه په داسې حال کې پیل کړي چې د هېواد عمومي امنیت وضعیت د باور وړ ندی او هره ورځ پکې هدفي وژنې او نور جنایتي جرمونه تر سره کیږي.

که مونږ اوګورو د ولاایاتو تر څنګ پلازمېنه کابل کې هم هره ورځ په لسګونو کسانو ته مرګ ژوبله اوړي او د عاموخلکو ژوند ترینه متاثره کیږي.بلخوا ډېری هام وګړي او مدني فعالان دې ته مجبور شوي چې افغانستان پرېږدي او نورو هېوادونو ته کډه وکړي. په همدې لړ ډيوه نیازی عصمت قانع او داسې نور فعالان هم مجبور شو چې افغانستان پرېږدي او بهر ته ولاړ شي.

د افغانستان په اړه دنوي ولسمشربايډن ممکنه تګلاره به څه وي؟

د افغانستان په اړه دنوي ولسمشربايډن ممکنه تګلاره به څه وي؟ټاکل شوې، چې ۷۸ کاله عمرذلرونکی جو بايډن د امريکا د ۴۶م ولسمشر په توګه لوړه وکړي او په اولو ورځو کې د افغانستان په شمول د يو شمېر مهمو موضوعاتو په اړه خپل پلاونونه اعلان کړي.

ښاغلی بايډن، چې د پخواني ولسمشر بارک اوباما د واکمنۍ پر مهال له ۲۰۰۹ تر ۲۰۱۲ پورې مرستيال ولسمشر وو د افغانستان جګړې مخالفت يې کاو او دلته يې د ځواکونو د زياتېدو په اړه نظر هم همداسې د کمېدو ډېر وو. اوس، چې بایډن په رسمي ډول د امريکا ولسمشر ټاکل شوی او نن يې د لوړې مراسم دي، د نورو قضيو سربېره د افغانستان موضوع د هغه لپاره مهم لومړيتوب دی، چې بايد په اړه يې خپله تګلاره روښانه کړي.

د دوه لسیزو راپدیخوابوش، بارک اوباما او ډونلډ ټرمپ وروسته جو بايډن څلورم ولسمشر دی، چې د افغانستان جګړه په ميراث ور پاتې کيږي.که څه هم جو بايډن د امريکا له تلونکي ولسمشر ډونلډ ټرمپ سره د کورني سياست سربېره په يو شمېر مهمو موضوعاتو سخت اختلافات لري، خو له افغانستانه د خپلو پوځيانو د ويستلو په اړه يې تر اوسه له هغه سره مخالفت نه دی کړی.

ښاغلی ټرمپ د اقليم بدلون په اړه د پاريس له تړونه وتلی، همداراز له ایران سره له شوي اټومي تړونه هم په يو اړخيزه توګه وتلی، د خپلې واکمنۍ په لومړيو ورځو کې يې د يو شمېر مسلمانو هېوادونو پر اتباعو سفري بنديزونه لګولي، خو ويل کيږي، چې جو بايډن به د واک له تر لاسه کولو سمدستي وروسته په دې اړه خپله پرېکړه اعلان کړي او د ټرمپ د دريځ پر خلاف تګلاره به خپله کړي.

بلخواد افغانستان سولې او د امريکايي پوځيانو وتلو په اړه يې تر اوسه د ټرمپ د دريځ مخالفت نه دی کړی او لامل يې هم شايد دا وي، چې جو بايډن په خپله د افغانستان د جګړې مخالف دی.ډېر خلک وايي چې هغه غواړي چې روانه جګړه نوره پای ته ورسیږي او دا سیمه یوذپر امنه سیمې باندې بدله شي.

جو بايډن چې د بارک اوباما د واکمنۍ پر وخت د هغه مرستيال و، په خپلوڅرګندونو کې يې افغانستان ته د اضافي پوځيانو د لېږلو مخالفت کاو او يو ځل يې ويلي و، چې د افغانستان د ښځو د حقونو لپاره دی خپل زوی «عسکر» نه شي قربانولی.هغه ویليوو باید نور جګړه ختمه شي او یوه نوې فضاء رامنځته شي.

د افغانستان په اړه دنوي ولسمشربايډن ممکنه تګلاره به څه وي؟
د افغانستان په اړه دنوي ولسمشربايډن ممکنه تګلاره به څه وي؟

داسې ویل کیږي، چې امريکا لپاره خپلې ګټې مهمې دي او ښايي دافغان حکومت د چارواکو ته اهميت ور نه کړي او د پوځيانو ویستلو او د افغانستان راتلونکي په اړه د دوحې تړون ته ژمن پاتې شي او عملي يې کړي.ځکه د دوحې د تړون په اساس به ټول خارجي امریکايي عسکر به افغانستان ترک کوي.او طالبان او امریکا به سولې ته سره رسیږي.

د پخلاینې شورا:د نړیوالو د باور زیاتولو په موخه طالبان باید اوربند اعلان کړي

دپخلاینې شورا: پر افغان سولې د نړیوالو د باور زیاتولو په موخه طالبان باید اوربند اعلان کړي دملي مصالحې عالي شورا فریدون خوځون وايي، په دې مقصد چې پر سولې پروسه د نړیوالو باور زیات شي، طالبان باید په افغانستان کې اوربند وکړي.

ښاغلي فریدون خوځون چې د حکومت له مذاکراتي ټيم سره په قطر کې دی، په یوه ویډيويي پیغام کې یې ویلي، چې د حکومت ټیم خپل لومړیتوبونه او د اجنډا لپاره له خپل لوري غوره کړي موضوعات طالبانو ته سپارلي او اوس  دې ته په تمه دي، چې طالبان هم د اجنډا موضوعات او خپل لومړیتوبونه وسپاري.د فریدون خوځون په وینا ، کله چې طالبان خپلمنځي بحثونه پای ته ورسوي او د اجنډا موضوعات دوی ته ورکړي.

د پخلاینې شورا:د نړیوالو د باور زیاتولو په موخه طالبان باید اوربند اعلان کړي
د پخلاینې شورا:د نړیوالو د باور زیاتولو په موخه طالبان باید اوربند اعلان کړي

او تر دوه اړخیز توافق وروسته به په اساسي موضوعاتو بحثونه تر سره شي.هغه خوځون د دې تر څنګ په افغانستان کې د جګړې د شدت په زیاتوالي خفګان ښودلې او په وینا یې، د سولې پر پروسه د نړیوالو د باور د زیاتوالي په هدف باید اوربند تامین او جګړه ودرول شي.دې سره به نور هیوادونه وهڅیږي چې افغانستان کې د سولې طزفداري وکړي او منتقوي اجماع به هم رامنځته شي.

طالبانو که څه هم تر دې دمه د پورتنیو څرګندونو په تړاو څه نه دي ویلي؛ خو تر دې وړاندې يې ټینګار کړی وو، چې مذاکرات باید په داسې موضوعاتو پيل شي، چې اسان وي او په تړاو یې دواړه لوري مشترکات ولري، تر څو ددوی له قوله، دواړه لوري یو بل سم درک کړي او مذاکرات په ښه فضاء کې مخته ولاړ شي.

د طالبانو په خبره، افغانستان کې لومړی باید د جګړې د پیلېدو عوامل له منځه یووړل شي او تر هغه وروسته د ډزبندۍ په اړه هوکړه وشي.د هغوی په خبره اول باید هغه موضوعات بحث شي کوم چې اسانه دي او ژر حل کیږي. بیا د هغې نه وروسته نور پیچیده موضوعات حل شي. دې سره به ټول مثایل په تدریجي ډول ختم شي.

اياګلبدين نايب هم دويم واده کوي؟

د ملي کرکټ ټیم کپتان اصغر افغان څه وخت مخکې د دويم ځل لپاره کوژده وکړه، چې د دستمال په راوړلو کې يې ملي نور پلیران هم و او په سوشل میډیا کې هم د هغه مينه والو ورته مبارکي ورکړه.دهغه د واده په ښه ګرم پوسټونه هم کېدل.

خو د ښاغلي افغان له دويمې کوژدنې وروسته د ګلبدين نايب څخه په دې اړه پوښتنه وشوه، چې د کپتان له دويمې کوژدنې وروسته، ايا ته هم داسې کوم پلان لرې او که نه؟نايب په اړه دې اړه لومړى ښه وخندل او بيا يې وويل، چې مشر په کومه لار روان وي، نو کشران هم بايد په هماغه لار لاړ شي.نوموړي چې له ملي سپورټ ټلويزيون سره يې خبرې کولې، په خپلو خبرو کې وويل،

چې، زما د دويم واده پلان نشته، خو که چېرته د اصغر افغان په څېر څوک راباندې مهربانه شو، نو بيا به ګورو.هېره دې نه وي چې اصغر افغان له لومړۍ مېرمنې هم اولادونه لري، خو څه وخت مخکې يې دويمه کوژدن کړې ده او لا يې تراوسه پورې د واده په اړه معلومات نشته، چې کله به دويم واده کوي.

دا هم باید یاده کړو چې افغان لوبډله اوسمهال د اصغر افغان په لوبډلمشرۍ په ابوظهبي کې ده، چېرته چې دوه ورځې وروسته د جنورۍ په ٢١مه نېټه د ايرلېنډ سره د ٣ نړيوالو يو ورځنيو لوبو لړۍ پيلوي.د دوی پر وینا د ماږلي ټیم مورال اوچت دی او هڅه کوي چې افغانستان ته ویاړونه راوړي.

اياګلبدين نايب هم دويم واده کوي؟
اياګلبدين نايب هم دويم واده کوي؟

اصغر افغان چې یو له مشهورو پلیرانو څخه دی کولی شي چې په دغه لوبه کې ښه لوبه وکړي.هېره دې نه وي چې څه وخت وړاندې ښاغلی نایب د ملي ټیم کپتان ووخو بیا وروسته له یو څه وخت هغه د ملي ټیم کپتانی نه اږلرې شو. اوسمهال د یو عادي لوبغاړي او تیز بالر په صفت ملي ټیم کې لوبیږي.

دحکومت مزاکراتي ټیم: تر هر څه مښکې باید د جګړې د مشروعیت په اړه بحث وشي

د حکومت مزاکراتي ټیم: تر هر څه مښکې باید د جګړې د مشروعیت په اړه بحث وشي په قطر کې د بین الافغاني مذاکراتو د دوهم پړاو په جریان کې د حکومت مذاکراتي ټيم غړو ټینګار کړی، چې د خبرو تر وړاندې تګ مخکې باید د روانې جګړې د مشروعیت په اړه بحثونه وشي.او مختلفو طرفونو نه ارزیابي شي.

هغه وای باید د دیني احکاماتو پر بنسټ هم وارزول شی.د حکومت د پلاوي غړيغړی «حفیظ منصور» وايي «د جمهوریت مذاکراتي ټيم غړو پرېکړه کړې، چې د خبرو له پرمختګ وړاندې باید د جګړې د مشروعیت په اړه خبرې وشي او جګړه او سوله د دین په بنسټ و ارزول شي.»د منصور له په خبره، تر څو چې پورته یادې شوې خبرې څرګندې شوې نه وي؛ د سولې خبرې پایله نه ورکوي.او نه هم پایداره او دایمي سولې ته رسېدی شو.

د حکومت مزاکراتي ټیم: تر هر څه مښکې باید د جګړې د مشروعیت په اړه بحث وشي
د حکومت مزاکراتي ټیم: تر هر څه مښکې باید د جګړې د مشروعیت په اړه بحث وشي

د طالب ډلې که څه هم تر دې دمه د حکومت مذاکراتي ټيم د پرېکړې په اړه څه نه دي ویلي؛ خو د حکومت مذاکراتي پلاوی وايي،د خبرو اجنډا او په مذاکراتو کې خپل لومړیتوبونه یې طالبانو ته سپارلي دي او اوس د طالبانو په تمه دي.چې هغوی په دغه خبرو کې څه وایي.او اینده تګلاره به ېې څه وي.

ددوی په خبره، طالبان خپلمنځي بحثونه لري او ښايي د هغوی له لوري د اجنډا د موضوعاتو سپارل به وخت وغواړي.یاده دې وي که څه هم تر دې دمه هغه موضوعات څرګند نه دي، چې په دویم پړاو مذاکراتو کې به ورباندې بحث کېږي؛ خو د کابل مذاکراتي ټيم تر دې وړاندې ټینګار درلود چې تر هر څه وړاندې باید د اوربند په اړه خبرې وشي.

طالبان که څه هم د اوربند په اړه مذاکرات نه ردوي؛ خو ټینګار لري، چې لومړی باید اسان او داسې موضوعات بحث شي، چې مشترکات پکې ډېر وي.ځکه د دويي په خبره چې اول اسان مثایل حل شي نږ د اوربند او اینده نظام او نورو موضوعاتو په اړه به بیا ارام او سکون سره بحث وشي.

محمدنبي، راشد او مجيب الرحمان هم تمرينات شروع کړل

محمدنبي، راشد او مجيب الرحمان هم تمرينات ترسره کړل.د افغانستان کرکټ ملي ټیم مشهور پلیران راشد خان، محمد نبي او مجيب الرحمان هم په دوبی کې له ټیم سره يو ځاى شوي او پرون يې له لوبډلې سره ګډ تمرينات هم شروع کړل.

دادرې واړه پلیران د اسټراليا بيګ باش ليګ کې د بېلا بېلو لوبډلو سره لوبېدل، چې څو ورځې وړاندې له اسټراليا څخه متحده عربي اماراتو ته تللي دي.د کورونا په دې وخت کې، د نړۍ په هېواد کې لوبغاړي د لوبو نه مخکې د څو ورځو لپاره کرنټين کېږي، چې دوى هم د کرنټين پاى ته رسېدو وروسته نن د ملي لوبډلې د نورو لوبغاړو سره تمرينات ترسره کړي دي.او هلته به د څوورځو نورو لپاره هم پاتې شي.تر راروانو لوبو نور هم ښا تیاری ولري.

افغانستان له ايرلېنډ سره د ٣ نړيوالو يو ورځنيو لوبو لړۍ ترسره کوي، چې دا لوبې د افغانستان په کوربه توب په متحده عربي اماراتو کې ترسره کېږي.د افغانستان او ايرلېنډ ترمنځ به لومړۍ لوبه د جنورۍ په ٢١مه، دويمه لوبه د جنورۍ په ٢٤مه او دريمه لوبه د جنورۍ په ٢٦مه نېټه ترسره شي.ویل کیږي چې دغه لوبو ته عام وګړي هم ډېر په تمه دي.

دا مېچونه د ملي سپورټ له لارې په ژوندۍ بڼه ښودل کېږي او د کاردان پوهنتون يې د ټايټل سپانسر دى.افغانستان کې هم خلک ورته ډېر په تمه دي.دوی وای چې څومره ژر کیږي دغه لوبې پیل شي او عام وګړي به ورته د نورو کارونو نه ځان رااوزګار کړي او دا لوبې به اوګوري.

محمدنبي، راشد او مجيب الرحمان هم تمرينات شروع کړل
محمدنبي، راشد او مجيب الرحمان هم تمرينات شروع کړل

هېره دې نه وي چې افغان پلیران هر وار ښه په مورال کې وي او دا وار د کرنتین نه وروسته ډېر وخت لوبه نده کړې نو ښای دا ځل ورته لوبه کول لږ پيچلې وي اوپه اسانی به ورکې بریا تر لاسه نه کړي خو که بیا که ځینې پلیران اوګورې نو لکه راشد اونبي نو ښای دوی ښه پر فامنس شو کړي پکې.

ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې

ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې دافغانستان د اسلامي جمهوریت جمهوررئیس محمد اشرف غني د لومړۍ کرښې سرتېرو سره د ټلیفوني خبرو په لړ کې پرون سهار په تخار کې د جګړې لومړۍ کرښه کې له لومړي بریدمن ضابط جان سره خبرې وکړې.

د خبرو پرمهال د سرتېرو زړورتیا او اتلولي وستایله او د هغوی احوال یې واخیست.لومړي بریدمن ضابط جان د جمهوررئیس پاملرنې او احوال اخیستو څخه په مننې وویل، د وطن دفاع پر موږ فرض ده او په هر ډول شرایطو کې یې د وینې تر وروستي څاڅکي ساتنه کوو. هغه زیاته کړه، زموږ ترمنځ ښې همغږۍ د جګړې په لومړۍ کرښه کې موږ ډېر برلاسي کړي یوو.یاد ټلیفوني تما س کې دویمې څارنې مدینې له جمهوررئیس څخه مننه وکړه او وې ویل، ننګرهار ته ستاسو د وروستي سفر پر مهال د ۷ ښځینه پولیسو د ترفیعاتو، د ښځینه پولیسو لپاره د لارې کرایې او وړکتون پرانېستلو په اړه ستاسو لارښوونې عملي شوي.

هغېې زیاته کړه، ښځینه پولیسو د پولیسو ښارګوټي کې خپلې پیسې تحویل کړي، خو ځمکې ورته نه دي وېشل شوي.جمهوررئیس په ننګرهار ولایت کې د ښځینه پولیسو د زړورتیا او مېړانې ستاینه وکړه وې ویل، ټولو ښځینه پولیسو ته ځانګړې پاملرنه کېږي، ترفیعات مو اجرا شول او د پولیسو ښارګوټي د نومرو ستونزې ته د رسیدګي لپاره یې اړوندو مسوولینو ته لازمې لارښوونې وکړې.

د دې نه وروسته ولسمشرغني په شهید سردار محمد داوود خان روغتون کې د ملي پوځ د ټپي سرتېري صبغت الله د حال پوښتنه وکړه.صبغت الله د جمهوررئیس د احوال اخیستو مننه وکړه وې ویل، پښه مې ټپي، خو مورال مې لوړ دی او له رغېدو وروسته به د هیواد د دفاع سنګر ته ستون شم.

ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې
ولسمشر غني د لومړۍ کرښې یو شمېر سرتېرو سره ټلیفوني له لارې برې وکړې

ولسمشر غني د لومړۍ کرښې سرتېرو د اتلولیو ستاینه وکړه وې ویل، زه په ټولو قول اردوګانو کې مخامخ له بریدملانو، سرتېرو او افسرانو سره غږېدلی یم. ستاسو غوښتنو او وړاندیزونو ته رسیدګي کېږي او د جګړې په لومړۍ کرښه کې د ښې همغږۍ له امله به اړوند مسوولین تقدیر شي.ځکه دوی د وطن سرمایه ده او ستاینه ېې په مونږ حق ده.